شرح للشباب الي حايسين بالمطبخ

شكرا ياغاليه سجليني اول ممتابع لك

وهووون احححلى ثاني متابع ....

وباليت مع الايام تزودين الجرعه ههههههه للكبسآت ومافي مانع يعني بخلق وصفات جديده

الله يكتب لك الأجر ..
عزالله أنك بتكسبين حسنااااااااااااااااااااات بهالعزابية إلى ما لا نهاية إن شاء الله .. وخصوصا رمضان على الأبواب ،،

السمبوسه والبشاميل

خلاص اجل دامكم متحمسين. بعطيكم طريقة كبسة خطيره يحبها قلبكم بس بشرط ابيكم تطبقون الوصفات موبس تسلكون لي طبقوها وعلموني عاد ظبطت ولا لا طيب الحين بنصلح كبسه دجاج المقادير التالي صدر دجاج واحد بس عشان مانكثر وينكب بالزباله حرررررام. بصله مقطعه علا كيفكم قطعوها شرايح. صغار كبار. بدعوا. عاد. حبتين طماط+فصين ثوم بالخلاط مع شويه مويه يعني بياله يمكن وملعقة صلصه اذا فيه. اذا مافيه عادي موب لازم حبتين هيل وعويدي او مسمار. عود قرفه ولا عودين فلفل اسود حبات كمون اذا تبون ايه وبصله ثانيه للكشنه عشان تصير الكبسه خطيره. الحين يالله جيبو القدر. وسوو الي اقولكم عليه. نحط شوي زيت ونحمس البصل الي قطعناه ونحط معه الهيل والقرفه والفلفل الحب وهذي الاشياء. اذا صار لونه ذهبي شوي. حطو عليه الدجاج المقطع لمكعبات او قطعوه زي ماتبون. وقلقلوه معه. لين يتحمر اطرافه. عاد مو تخلونه يحترق. لا. بس علا خفيف كذا بعدين كبو عليه الي بالخلاط الي هو الطماط المطحون مع الصلصه والثوم وحط له طبعا ملعقة ملح او على حسب عاد وبهارات وكمون وغطووه شوي. يعني عشر دقايق ربع ساعه عشان يتسبك. مايصير بربسه. اون ذي اذر هاند. نقعو الرز. كاس رز يكفي اتوقع لشخص او شخصين نقعوه لمده عشر دقايق كذا يعني قبل لا تحضر اي شي نقع الرز بالمويه طبعا بعد ماتغسله زيين. بعدين رح شف الدجاج استوا ولا يبيله بعد. اذا حسيت انه توه. زود له مويه بس بشرط تكون من الغلايه يعني كاس عاد انت شوف واحكم. طيب بعد مايستوي الدجاج وبعد مايخمر الرز نحط الرز علا النار ونحط معه كاس تقريبا مويه. اهم شي ماتزيد المويه عن الرز كثير عشان مايصير عجينه ولا ملبد لا تكثر مويه وحط عاد ملعقة ملح. وشوي زيت. نقطه مو كثير وخذ شوي من مرقه الدجاج عشان الطعم وبس عاد شف اذا حسيت انه حب توه. زود من مرقه الدجاج واذا تبون فوق كشنه وان صراحه انصح فيها مره تخلي الطعم احلا. قطع البصله شرايح. وجب صينيه فيه زيت تقريبا نص كاس زيت وخلها لين يحتمي الزيت ويحتر بعدين اقل البصل فيها. واضف له رشه فلفل ورشه ملح خله لين يصير ذهبي. كذا مقرمش يعني. واذا غرفت الرز حط الدجاج بالنص والكشنه او الحشوه فيه ناس يسمونها حشونه حطها علا الاطراف. فيه ناس تفضل الدجاج يتحمر بالفرن زياده وفيه ناس تخليه لين يعني مايحطونه بالفرن علا طول ياخذون من القدر ويحطونه فوق الرز. وبس دعواتكم. واذا طبقتوه. علموني *

ياربييييييييييه ترا مااتحمل احط يطلب مني شي واطنش انا قايله كل يومين كذا باعطيكم وصفه بس عشان الي طلبو قلت حرام طيب هذي طريقه سمبوسه شيييي صراحه. لانه طريقه عجينه السمبوسه الصدقيه صعبه شوي وتاخذ وقت قلت احط لكم هذي اسهل واسرع 3كاسات طحين ابيض ولو تاخذون الدقيق ال معه خميره ازين وازين بعد مكتوب عليه. سيلف ريزينق اتوقع )
يخلط معه رشة ملح ( رشة الملح ضروري لانجاح اي عجينة )
بعدها نضيف عليها 8 ملاعق زيت تدريجيا .. كلما صبيت ملعقة افركها جيدا بالطحين وباطراف اصابعك ليتخللها الهواء .. ثم صب الملعقة الثانية افركهاايضا بالطحين بنفس الطريقة السابقة .. وهكذا الى ان ينتهي مقدار الزيت .
اما الماء فليسله مقدار فقط للعجن .. وطريقته :
صب في راحة يدك قليلا من الماء الدافئ واعجنيه بالطحين وزيدو الكمية تدريجيا الى ان تتماسك معك العجينة .
اخلوها لترتاح من 20 الى 30 دقيقة .. ثم ابدأبفردها وتقطيعها ..عاد الشكل الي تبي بس اسهل جب كاس دائري واقلبه عشان يقطع لك شكل دائره وبس
اذا كانت الحشوة لحم أودجاج .. يفضل ان تفرد العجينة الى آحر حد لها .. اما ان كانت الحشوة جبن يفضل ان تكون اسمك لكي لايخرج الجبن من العجين اثناء القلي .حاولو ماتحطون جبل سايل ابدا لانه بيفرقع ويطشش بكل مكان حطو جبن حلوم ولا جبن حامض
كما لابد من ترك مسافة بسيطة بين حافة السمبوسة والحشوة لنترك لها الفرصة لتنتفخ .

عند القلي : لابد ان يكون الزيت غزيرا نوعا ما وان يكون ساخنا جدا .. وتكون النار هادئة لكي لا تحترق السمبوسة .. كما يراعى اثناء القلي ان يصب الزيت الحار على الوجه الاعلى للسبموسة مقابل الوجه الاسفل المغمور في الزيت لكي تنتفخ السمبوسة جيدا .. ثم يُقلّب الى يصبح لونه ذهبيا .. وصحة وعافية


بالنسبة لحشوة الجبن .. افضل ما جربت .. جبن حلوم مفروم + نعناع مفروم ... جربوها وادعوا لي
* ترا هالطريقه ماخذتها من وحده باحد المنتديات للامانه وجربتها انا وطلعت شي وبالنسبه للي طلب. بشاميل. عندي لك بشمل سهل وسريع ولذيييذ. شف. اسلق مكرونه الشكل الي تبي بس يفضل البانيي احلا. بعدين لاستوت حطها علا جنب بصينيه ثانيه. قطع بصل صغار واحمسه بشوي زيت لين يذبل ويصير لونه ذهبي شوي. بعدين حط اللحم المفروم عليه. وقلقله معه ليييييين يتغير لونه ويصير بني يستوي يعني. حط عاد ملح وبهارات وكمون ولو عندك روزميري حط معه بعد واذا استو.حط معه ملعقة صلصه جاهزه حقت الباستا بتلقاها في الوولمارت اختار النكهه الي تبيها جب صينيه حقت الفرن وحط المكرونه بعدين اللحم المفروم بعدين
وحط فوقهم رشة جبن موزاريلا ولا برميزان بعدين عاد سوو الباشميل. مررررره سهل ويمي وخفيف. حط قدر صغير على النا علا نار هاااااااديه مررره. وجب كاس ونص حليب. وثلاث ملاعق دقيق ونص حبه ماجي مع اني ماحبه بس اطعم صراحه ورشه فلفل اسود ورشه ملح شوووووي. اذا بتحط ماجي قلل الملح مررررررره وحركهم بحقت البيض بسررررررعه واذا ماعندك بشوكه عادي عشان لا يحترق الحليب وينشب بالقدر ويتكتل اما اذا تكتل معك وتورطت. حطهم بالخلاط عشان مايتكتل بعدين واذا تحب التشيز مرررره حط ملعقه جبن سايل اذاعندك. بعدين كبه علا الصينيه. يعني اول شي المكرونه بعدين اللحم وحركه شوي مع المكرونه بعدين الجبن المبشور اي جبن تحبه بس يفضل موزاريلا بعدين الباشميل. ودخل الصينيه بالفرن تتحمر من فوق بسس. يعني ذهبي كذا وبس دعواتكم يالله روحو طبقو قبل رمضان وعلموني وشصار *

عاد لو تسوون هالصينيه. السهله والخطيره بتدمنونها. جيبو كوسه وقطعوها دوائر مو مره سميكه ولا مره رقيقه وسط واقلوها بالزيت وبعدين ما تنشف من الزيت حطوها بصينيه. وجيبو فلفل اخضر بارد نصه تقريبا وقطعوه مربعات صغااااار وحطوه فوق الكوسه بدون ما ينقلا ولا شي زي ماهو ني. وسووو الباشميل مثل طريقة الي فوق هو نفسه الباشميل واحد وقلقلو اللحم المفروم مع البصل. بس بدون ماتحطون صلصه ولا شي واذا استوا. حطوه مع الكوسه المقليه والفلفل وحوسوهم مع بعض بعدين كبو فوقهم الباشميل ودخلوها الفرن. وادعوووووولي

تسلمين على الرد السريع رايح الحين على المطبخ اطبق البشاميل نفسي فييييه

اذا احتجت مساعده شي اماشيات انا متواجده داييييما او احد يبي يسال عن اي شي وانصحك تسوي الكوسه بالباشميل والله ان تنجن عليها مرررره يمي