افضل طريقة لتحويل فلوسك الى امريكا 2013 بنفس الوقت ومن غير رسوم!

تحديث


للاسف اردت السحب بنفس الطريقة مرة اخرى بمبلغ اعلى لكن المحاولة باءت بالفشل جربت كذا فرع ونفس الشيء يقولون المشكلة من عند الراجحي ، مع ان البطاقة كويسه بالمشتريات من المحلات
وقريبا ان شاءالله بجرب بطاقة الاهلي مسبقة الدفع مطبوعه وليس محفورة

بالتوفيق للجميع

طيب كم كان المبلغ اللي حاولت فيه ؟
ياليت توضح لنا المبالغ اللي اودعتها عن طريق بطاقات مسبقة الدفع ..
وايش اللي منها مشا واللي ما مامشا ..

هذا راح يفيدنا كلنا حتى نعرف اللي المبلغ اللي ماراح يمشي ونودع اقل منه حتى تمشي العمليه ..

وبإنتظار تجربتك في بطاقة الاهلي الجديدة ..

حاولت ب 2000$ و 1300$ و 900$
لكن تم رفضها وانا كنت اودعت 8000ريال في بطاقة الراجحي تسوق ، وللعلم صاروا يطلبون جواز السفر كاثبات شخصية ويرفضون اي بطاقة اخرى كرخصة القيادة او بطاقة المعهد او الجامعة

انا قبل شهرين تقريبا جربت 100$
وضبطت العملية ،

الحين استخدم بطاقة الراجحي تسوق في المشتريات بالمحلات وماشيه معي تمام

واليومين هذي راح اجرب بطاقة الاهلي

دمتم بخير

طيب انا عندي فلوس (مبلغ شوية كبير)ابغى احولها من امريكا لأهلي بالسعودية ... ممكن اذا ماعليكم امر تقولوا لي افضل طريقة بهذي الحاله؟!

ويعطيكم العافية.

طيب ماحاولت بتقريبا مابين 200 و 500 دولار ؟

اذا ماحاولت , حاول تشوف مبلغ اقل من 500$ ..
اذا مشى معناته بنك الراجحي مانع اي عمليه خاصة للبنك لاكثر من 500$ .. !

هو هذي الطريقه لو عرفت فيها البنوك السعوديه راح تقفلها , والسبب انهم مايكسبون شي فيها !
وراح يتجهون الناس عليها ويتركون خدمة الحوالات الدولية المعتادة ..
وهذا اللي ماتبيه البنوك السعودية .. فممكن كثرة استخدام هذي الطريقة في بنك الراجحي من الناس قفلوها ..

انت حاول بمبلغ اقل من 500$ واعلى من 100$ .. في بطاقة الراجحي وبطاقة الاهلي ..
وخبرنا بالنتايج ..

عندك طريقتين ,
اما عن طريق الـ Wire Transfer .. واللي هو تحولين من البنك الامريكي الى البنك السعودي مباشرة ..
وراح تحتاجين معلومات حساب البنك السعودي اللي بتحولين له وتضيفينه عندك في حسابك الامريكي وتحولينه ..

او عن طريق الـ MoneyGram وهذا مثل الويسترن , ويمديك تحولين حتى 10,000$ .. وعليه رسوم تحويل ..
ويستلمها صاحب الحواله من اي فرع MoneyGram في مدينته (على ما اذكر انها متوفره فقط في البنك الاهلي يعني يستلمها من عندهم , لكن ما ادري اذا فتحوا فروع اخرى مؤخراً واصبحت خارج البنك الاهلي او لا ! )..

اذا ماخانتني الذاكره فإن الـ 5000$ رسوم تحويلها بـ 135$ .. وتوصل في 10 دقايق ..

يعطيك العافيه اخوي محمد وماقصرت بالإجابة الوافيه .
بس انا عندي نقطة ابغى اسأل عنها كمان ..
هل ال 135 دولار حياخدوها على كل مبلغ 5000 بكل الطريقتين ولا هذي تشمل الطريقة الثانية فقط ... لأني افضل بصراحه الطريقة الأولى اني اروح البنك واضيف حسابه واحولها ...
طيب هل عندك خبره اذا الطريقة الأولى عليها رسوم او لا ... وكم يوم تستغرق ؟

طولنا عليك بالأسئلة السموحة .. مشكور ويعطيك العافيه

الـ 135$ , هذي خاصه بالـ MoneyGram اللي هي الطريقه الثانيه وليس الاولى ..

الطريقة الأولى تختلف رسومها من بنك لاخر , ولكنها لاتتعدى 30$ للحوالة الواحدة (بغض النظر عن المبلغ المحول اذا كان كثير او لا .. فالرسوم تكون ثابته) ..
والتحويل من البنوك ياخذ فترة مابين 3 الى 5 ايام عمل , حتى يكون في الحساب السعودي ..

اليوم رحت لبنك chase
واعطيتهم بطاقة الراجحي تسوق وطلبت سحب 100$ اخذت الموظفة البطاقة ومررتها ع الجهاز وقالت لايوجد معلومات فيها مشكلة راجع بنك الراجحي

قلت الشكوى لله
ثم اعطيتها بطاقة الاهلي مسبقة الدفع
وطلبت سحب 1000$
وابشركم تمت العملية بنجاح وتم التحويل مباشرة بنفس الوقت
وشيكت ع حسابي بالاهلي وكان الخصم 3750ريال
اي ان الدولار يساوي 3.75 ريال
وبدون اي رسوم حوالة

لذا اشوف بطاقة الاهلي افضل خصوصا ان تطبيق الاهلي الخاص بالاجهزة الذكية ممتاز وفيه برنامج اسمه الاهلي توكن هذا يعطيك الرقم السري بدل الرسالة المرسلة ع الجوال السعودي ، فارتحت من تركيب الشريحه السعودية
وايضا سعر الصرف ممتاز جدا
وللعلم بطاقتي مطبوعة وليس حفر
واذكر موظف البنك الاهلي قالي ان الحد الاعلى المسموح لبطاقة الاهلي مسبقة الدفع 10000 دولار في الشهر
5000$ للمشتريات
و 5000$ للسحب

وكذلك مايميز الاهلي عن الراجحي عند تحويل اي مبلغ من حساب الاهلي الجاري الى مسبقة الدفع مستر كارد تقدر تعكس العملية اي تحول من مسبقة الدفع الى الحساب الجاري بكل سهولة عن طريق التطبيق وبدون رسوم
الراجحي ماتقدر تعكس العملية الا بالمشتريات او السحب مباشرة والسحب راح ياخذ رسوم عليها


انا لا اعلم ماهي مشكلة الراجحي تسوق مع بنك chase ممكن المشكلة خاصة معي او عامة مع الجميع ، مع انها كويسه في المشتريات من اي محل ، لكن سعر الصرف تقريبا 3.8ريال للدولار

احببت نقل تجربتي لتعم الفائدة

مع تمنياتي التوفيق والنجاح للجميع
١٤٣٥/٣/٩

ممتاز , هذا اللي نحتاجه ..

اسأل الله ان يكتبها في ميزان حسناتك ويجعلها فاتحة خير عليك يارب العالمين ..

يارجل والله تستاهل حبة خشم على هالمعلومات ..

الله يعطيك الف عافيه على هذي المعلومات والحمدلله ان امورك مشت في الايداع ..