تقرير تحذير من مكتب مبتعثون لجلب القبولات ( للتحذير فقط )

قبـــل سنتين ..؟!
متــــى قبل سنتين وإنت توكـ مسجــل قـــبل شهرين تقريبآ !!
دخلت على ملفكـ بشـــوف موآضيعكـ آلسآبقة لجــل أعرف مين أللي حذف موضوعكـ مآلقيت لكـ إلآ موضوع ..
لأنكـ توكـ مسجل بآلمنتدى ..

آلمنتدى .. فيه مشرفين يتغيــرون بإستمرآر ..
لو تتذكــر موضوعكـ هآت إسمه ..
أو معرفكـ آلسآبق ..

وتــرى آلمنتدى فيكـ أو بغيــركـ .. إحنآ ولآ إنت أوغيرنآ ..
بإذن آلله آلطيـــبين موجــودين ..
آلطيب مو حصـــر لأحــــد وأنآ أخوكـ !
إذآ إنت تعرف آلمنتدى من سنتيـــن .. أنآ فيه من 6 سنوآت وللــه آلحمد ..
مآعمرهـ كآن حصــر على شخص أو مجموعة معينة .. آلنآس تجــي وتروح ..
وكل مين ولــــه وقته ..
وإلـــى آلآن أستفيد من آلنآس آلطيبــــة بآلمنتدى ..

السلام عليكم ورحمة الله وبركاته ،،،، وبعد

أنا عندي مشكلة وهي : أن زوجتي ولله الحمد مبتعثه من جامعة الملك فيصل و حصلت على قبول مشروط في جامعة A&M في ولاية تاكساس وأخذت الـ I-20 ، وأنا كمان حصلت قبول في نفس الجامعة ، ولكن الجامعة طلبت مني ضمان مالي معتمد ( حسب قولهم لازم يكون من جامعة الملك فيصل أو من الملحقية السعودية في أمريكا ) أو إني أدفع مبلغ الدراسة لفصل كامل وقيمته 25 ألف ريال ، للأسف المبلغ مو متوفر عندي حالياً لأني جالس أجمع المبلغ إللي راح أستخدمه هناك من شراء السيارة وإيجار السكن وغيره ، راسلت أكثر من معهد في تاكساس والجميع يطلب قيمة الدراسة هناك.

ممكن أحد يساعدني علشان أحصل الـ I-20 حتى أقدر أقدم على الفيزا وأجيب الضمان المالي من الملحقية وأعطيه جامعة A&M وأخلص أموري ؟

راسلت مكتب مستقبلي وقال لي أجيب لك I-20 بـ 1500 ريال ( المبلغ مقدور عليه ) لكن الخوف إنه يورطني لأني بحثت في المواقع وحصلت ناس تمدح وناس تذم؟

الله يجزاكم خير ساعدوني ولكم مني دعوه خالصة في ظهر الغيب

محبكم : عبدالرحيم

السلام عليكم اخوي انا معي ايلتس ٤.٥ تكفى اخوي تقدر تساعدني في قبول كلج ولا جامعه تخصص هندسه كيميائيه ولا هندسه تكفى اخوي بعثتي والله بتنتهي


( تمت المشاركة باستخدام تطبيق مبتعث )

http://www.mbt3th.us/vb/forum8/thread444753.html

للرفع للفائده
وحسبي الله ونعم الوكيل

الله يعينكم
والله اغلب المكاتب لعب فلعب بالناس
اهم شي الماده عندهم وطز بالطالب

مساوئ التعامل مع المكاتب

- امريكا فيها ما لا يقل عن 1000 معهد لغة ,, والمكاتب ما عندهم الا ثلاث معاهد سيئة متعاقدين معاهم ,, ويجبروك تختار احدهم.
- الطالب يبحث عن المعهد الاقوى في المكان الجيد ,, بينما المكتب يجبرك على المعهد اللي يعطيه نسبة ربح حتى لوم مكانه خايس ,, طزز في الطالب اهم شيء الربح
- مدة احضار قبول اللغة عادة تستغرق ما بين ساعتين الي يومين بالكثير بالايميل ,, اما المكاتب من شهر الي سنة
- والمشكلة مع هذا في الاسعار ,, قبول المعهد يكلف من30 الي 100 دولار ,, لكن المكتب يجيب لك قبول ب700 ريال الي 3000 ريال للشخص, تناقض

- المكتب يفتيلك من راسه كأنه يمتلك كل جامعات امريكا (يقول انت معدلك مقبول ,, لا خلاص مستحيل تحصل قبول ,, مع ان نص المبتعثين معدلاتهم مقبول)

اجراءات قبول اللغة جدا سهههههههله
المتطلبات عادة ترسل ايميل مرفق معه صورة جوازك وشهادتك والنموذج حقهم وعاده يحتوي (اسمك ومؤهلك وتاريخ ميلادك ..وحاجات بسيطه) وتدفع الرسوم سواء تعبي بيانات الفيزا في نفس النموذج او ترسلهم شيك او كاش


بس في مبتعثين اتكاليين ,, لا يزعلوا الطلاب من كلمتي .بس لأنو يكون عنده لغة ومع كذا متكسل يفتح مواقع الجامعات ويقدم بنفسه.
مع ان الحصول على قبول مو صعب مره ,, بس هم مصعبينها (باستثناء شرط الجي مات قصة ثانيه ما يمشي معها غير الاجتهاد والحصول عليه)

قبول الجامعات .. كل ما عليك هو
1- تجهيز الاوراق (شهادات + سجلات + توصيات + ورقة الغرض من الدراسة + توفل + ممكن في اشياء قليلة غيرها )
2- تصفح مواقع الجامعات
3- عبي الابليكيشن
4- ارسل اوراقك

عن طريق المكتب ما راح تقدر تقدم على اكثر من جامعتين بالست اشهر او بالسنة بقيمة لا تقل عن 4000 ريال او 3000 وقد تصل 6000
بينما بنفسك تقدر تقدم في خلال اسبوع على عشر جامعات بقيمة لا تتجاوز 1000 ريال

والله حرام تضيع مستقبلك على اتكالية واعتماد على مكاتب استغلالية