Question & Answer
هذي بعض الاسئله والاستفسارات اللتي مرت علي بالبريد وغيره :
س/ عزيزي هواجيس كيف نعرف المعهد هل هو ممتاز أو لا ؟
اولا : اسئل عن نظام التدريس بالمعهد كيف منهجهم , طريقة تعليمهم
ثانيا : اسئل عن طريقة المعامله كيف الطلاب وكيف الحي هل هو امن ,
هادئ او مزدحم هل هم يحبون التعارف (أهم شئ راحة البال للدراسه)
ثالثا : اسئل عن نسبة التخرج من المعهد (كل معهد يسوي جدول لطلابه
المتخرجين والجامعات اللي تخرجو منها)
بهاي الاسئله تقدر تقيم المعهد هل هو مناسب لك او لا ..
س/ سلام حجي ابي أرخص معهد وأرخص منطقه وأكثر توفير ؟
تجيني اسئله واجد مثل كذا !! يعني انت تبي تروح تتعلم تعليم ممتاز ولا تبي بس تروح اليابان ؟
مايهم قيمة المعهد في معاهد رخيص وتلقاه وتلقاها تعليم سئ جدا وفي معاهد غاليه وكبيره من
ناحية المبنى لاكن التعليم ايضا سئ فيها مافي تأسيس من الصفر ! انت رايح لليابان لغه يابانية مو
سهله مره هي ممتعه لاكن كل لغه لها صعوبتها ولها ناسها , تبي ياباني مكسّر ولا ياباني صح ؟
س/ لو سمحت أستاذي تخصصي كذا ... ابي افضل جامعه ورخيصه ؟
عزيزي اذا قلت لك جامعه كذا فـ انا كذّاب , انا توني مادرست بالجامعه اصلا وزي ماتشوف
محد يقدر يحكم ع التخصص بالجامعه ابدا الا اذا درس فيه نفس التخصص يعني تجيب واحد يدرس
بالجامعه ادراه واعمال وتقول له حبيبي كيف الهندسه الميكانيكية عندكم بيقلك والله حبيبي ما اعرف
لا مناهجهم ولا اعرف شي بتخصصهم فـ مقدر اعلمك , واللي يتفلسف عليك والله كذا وكذا قله
تكذب , يقدر يعطيك مجمل عن الجامعه شي بسيط جامعه مرموقه جامعه لها اسمها مثلا لكن عن
تخصص معين يبيلك انسان عمره 120 سنه درس بجامعات اليابان كلها وعندها يعطيك افضل
جامعه محد يقدر يحكم فما بالك فيني انا اللي توني عمري 19 يعني بيبي ههههه .. ويالله الناس
بعقولهم مو باعمارهم ... فـ نصيحتي لك عزيزي اسئل الدكاتره بالدوله حقتك عن تخصصك
واعرف كيف تبحث عن افضل مكان هم يقدرون يدلونك يعطونك مفاتيح لمعرفة الأنسب لك
وبـ كذا أنت تبحث عن الجامعات اللي فيها تخصصك وتقيم الدكاتره كل دكتور وله تعريف
تشوف تاريخه وتعرف هل هو مناسب لك أو لا ...
س/ عزيزي هواجيس كيف نبدأ الدراسة وكيف نفهم من دون مانتعب واجد ؟
شوف عزيزي الدراسه اول باول هي الراحه المطلقه لك لكن اهم شي اهم شي الفهم قبل الحفظ انتبه
بالدرس وسجل بورقه او دفتر ملاحظات بطريقة فهمك لاجل تستوبها انت افهم وبعدين احفظ ولا
تسوي العكس وحاول قد ماتقدر تتكلم لو غلط اجبر نفسك محد راح يضحك عليك وسوي مثلي انا
اتكلم معهم بالانجليزي والكلمه اللي اعرفها بالياباني استبدلها بالانجليزي يعني جمله انجليزي
وسطها كلمه ياباني ومع الوقت استبدل شوي شوي خليت كل الكلام ياباني وحاول تكسب صداقات
من الأجانب صينين يابانيين انا كلهم حبوني السكن , المدرسين , البقاله , الجيران ماخليت احد الا
وسواليف وهروج معهم كل الجنسيات فرنسيين امريكان صينين يابانيين كل شي لكن دور الناس
الزينه قبل كل شي.
س/ وش اجيب معي لليابان ؟
لا تجيب اشياء مالها داعي اللي تجيبه (ملابس شتويه – صيفيه , اغراض خاصه مثلا حلاقه
وكريمات و عطور , اجهزة اللابتوب والساعه , ادويتك الخاصه ولازم تكون معها الوصفه الطبيه
اما الادويه العاديه فيفادول و بندول و لصق جروح فقط لا تجيب مضادات ومدري وشو) هاي
هي اللي تكفيك واهم شي اهم شي اكل جيب قد ماتقدر اكل معك (معلبات جبنه قشطه شوربة
ماجي زي كذا)
س/ السلام عليكم آنا بنيه (انثى يعني) ، اخوي ممكن اجي لحالي ادرس عادي
وهل اليابان أمان يعني ؟
اختي الغاليه انت تشرفينا والله وترفعين رؤوسنا بجدكم واجتهادكم ، احنا عارفين اخواتنا بالسعودي
ة بغالب الامر انهم طلعاتهم قليلة لوحدهم يعني بالغالب تكون مع احد من اهلها اختها امها ابوها يعني
احد يساعدها فالبنت اذا هي مع اهلها بتحس بصعوبة في انجاز بعض الامور كيف لحالها غربه
وتحتاج لعدة امور انها تخلصها بنفسها فكان من الضروري انه تجيبين ولو امك او اختك مو شرط
رجال اهم شي واحد يمك لو احتجتي لو تعبتي لو لاسمح الله حصل شيء .. فنصيحتي لك اليابان
آمنه لكن لحالك لاتجين وهذا قرار يعود لكل فتاة وطبيعتها لا ألزم احد وانما هي وجهة نظر
شخصية فقط احببت بها نصيحة اخواتي من باب حب الخير لهن .
س/ آنا بنيه اخوي انا أموت باليابان وابي اتعلم رسم المانغا والأنمي ؟
شوفي اختي وهاي الكلام حتى للشباب .. الانمي والمانغا يبيلها رسامين طبعا وفي ناس خبراء
بالحاسب لكن اسئلي نفسك هل لديك الخبره في الرسم ؟ اذا خلصتي من الدراسه وش راح تسوي
ن بشهادتك ؟ مع العلم الانمي عندنا 0% مافي يعني لازم تفكرين بمشورع خاص فيك انت ، مثلا
كتب اطفال كبداية شوي شوي افلام كرتون شوي شوي مسلسلات وبكذا راح تفتحين مشروع كبير
لكن لازم تدرسينه قبل الذهاب لليابان.
س/ لو سمحت اخوي كم تكلف الدراسه وين أرخص معهد ؟
شوف حبيبي انا بـ مواضيعي فصلت عن كل شي تابعوها كلها 6 مواضيع معروفه لكن اقرأ الردود
وتشوف الاجوبه ولو سمحت اقرا الموضوع مره مرتين مو اول ماتدخل الموضوع نزلت اخر
الصفحه ورميت لنا سؤال !! تحصل جوابك بالموضوع لكن انت اقرا لو سمحت , بالنسبة
للتكاليف تختلف من معهد لآخر من شخص لآخر لكن انا بالموضوع كتبت كم كلفتني و رجاء
اقرأ الرد حق "المعهد".
س/ أبو علي ليش رحت اليابان يعني بالله كندا وأمريكا ماملت عينك !؟
ياهلا ومرحبا ابو حميد ... شوف حبيبي أنا إنسان أحب التكنولوجيا أحب الاختراعات مجنون حتى
سياراتي شنقحتها من ورى (رفعتها) ولعبت بحسبتها كلها بشغل يدي , اليابان ام التكنولوجيا كل
شي ممتاز فيها حتى المستعمل احسن من الجديد عندنا (مبالغة !!) . ومستحيل اوصفلك رغبتي
لليابان بصفحه وحده , جباره من ناحيه التعليم الاختراعات واكييد ابحقق مرادي فيها .. طبعا يجيك
واحد ابي ادرس طب فيها طيب حياك الله حبيبي لكن سؤالي هل تجد في نفسك القدرة لدراسة الطب
بالياباني وخاصة الطب مصطلحات صعبة سواء بالياباني او بالاتينيه او بغيرها وانا انسان احب
الطب والاحياء يعني اعلمك فيه مو سهله الدراسه طب هنا وانا ما اقول هذا الكلام لتحبيط عزيمتك
ابدا ابدا ولكن حتى الفت نظرك للتفكير بالامر واليابان حقيقة لها باعها الطويل في الطب مثلها مثل
غيرها وكلنا يعرف الانجازات المتقدمة لليابان و تطويعها للتقنية في مجالات الطب المتعددة فلذلك
فكر بالامر و شوف كندا ام الطب او المانيا فلكل دوله تخصصات تشتهر فيها ولاتفرض حبك ع
مستقبلك تعال اليابان سياحه اسبوعين وشوف واستشير ... فكر بالفايده والاهم لك ولا تفكر
بالانمي مثل حال بعض الناس!! واليابان اهلها طيبين خلوقين وكمان يحبون العرب والمسلمين
حسب ماعرفت من ناس بـ طوكيو وسيتاما واعرف يابانيين مسلمين 3 يعني من جد شيء رهيب.
س/ هل الشعب الياباني ودود ؟
أنا بعلمكم قصة صارت لي يوم رحت للملحقية الثقافيه بـ طوكيو وصلت لمحطة
وكان لازم اخذ المتور فيها وانا جديد مااعرف شئ والمحطه كانت كبيره جدا ما
اعرف المترو وين فكان فيه ياباني ينظر فيني وشافني متحيّر فجاني وقالي اقدر اساعدك
(بالانجليزي طبعا) انا ماصدقت واحد يهرج انجليزي قلت ابي اروح للمحطه ذي
قال تعال والله وداني للمحطه ومشوار كانت ونزلني للمترو ودفع حق التذكره
وقال اركب هاي القطار وانزل عند محطه اسمها كذا ورجع يعني ماقصر معي.
قصه ثانية بالمدرسة انا من الطلاب الممتازين باللغه بالمعهد ومحبوب عند الكل
وعاد انا احب القراية واجد وكان المدرس او المدير او الطلاب يجون السكن حقي
فشاف المدير الكتب فوق بعض فوق 25 كتاب ملخبطه وماعندي مكتبه
والله بنفس اليوم راح اشترى لي دولاب كتب وقال هذي هدية وطبعا لا كلفت ومدري
وش لاكن بالاخير حلف علي بالطلاق (فيه عرق سعودي) قصة اخرى
دايم انا اسحب فلوسي من سوبر ماركت (Family mart) واللي شغاله في
عجوز حبّبوبه ودايم سواليف معها المهم جاتني قالت لا تسحب في ايام العطله لانهم
ياخذون عليك فايده اكبر ولا تسحب بالوقت هاي لانهم يخذون فايده
فشفتم كيف اليابانيين حبوبين جدا جدا وكثير من الناس حولي سكان او عمال
يعني خدومين ويحبون الاختلاط هاي من وجه نظري انا شخصيا.
س/ السحب الآلي , الجوال , الأكل الحلال ؟
اولا: السحب يكون بإستخدام بطاقة يابانية وهاي تستخرجها اول ماتوصل اليابان او عن طريق
الفيزا او الماستر كارد اذا كنت قد حصلت على واحدة منها (تستخرجها من السعودية) طبعا تاخذ
لك فيزا مسبقة الدفع من الراجحي او ماستر كارد مسبقة الدفع من الأهلي ... الفروقات ان الاهلي
ماستر كارد وتحتاج اسبوع او اكثر حتى يتم اصدارها وبرسم اصدار 100 ريال .. وانا افضل
الراجحي لانه بنفس اليوم وارخص. طبعا يقوم البنك تلقائيا بربط حساب الفيزا او الماستر كارد
بحسابك الجاري وبالتالي تستطيع انك تحول او تشحن من الحساب الجاري الى حساب الفيزا او
الماستر كارد عن طريق الانترنت طبعا شريطة وجود مبلغ في حسابك الجاري طبعا.. اما اذ
ا خلصت الفلوس بالماستر كارد او الفيزا وكذلك ما باقي عندك شي بالحساب الجاري .. خلي اهلك
بالسعودية يودعون لك بالحساب الجاري .. وانت عاد تدخل على حسابك من خلال موقع البنك على
الانترنت وتحول من الحساب الجاري الى الفيزا او الماستر كارد حسب البطاقة الي عندك والبنك
وطبعا تحويل الفلوس من الحساب الجاري الى الماستر او الفيزا بيكون لحظي . وللمعلومية :
البنوك الان لما تجي تدخل على حسابك البنكي على الانترنت فالبنك راح يرسل رمز تفعيل وهذا
لازم يرسل على جوالك المسجل لدى البنك ..بالتالي حاول تنسق مع الاهل بانك تخلي شريحت
ك المسجلة بالبنك لديهم ولما تجي تسجل دخول لحسابك على النت تخليهم يرسلو لك رمز التفعيل ..
طبعا هذا مؤقتا .. وقبل لا تطلع من السعودية استفسر من البنك عن امكانية ارسال رمز التفعيل
لهاتفك الجوال باليابان بعد ان تحصل على جوال هناك وكذلك استفسر عن رسوم الصرف التي
يتم احتسابها عليك عند السحب النقدي من البطاقة يعني كم تكون نسبتها من المبلغ المسحوب .
ثانيا: الجوال لاتجيب معك جوال ابدا اليابان المكالمات مجانية 24 ساعه الى ما بين الساعه 9 مساء
و 1 الفجر وهاي ماتهم والرسايل والنت مجانا اللهم تدفع شهريا 150 – 200 ريال فقط وهاي
كل المميزات لك حسب نوع جوالك انا شريت iPhone 4 32GB بـ 2400 ريال وادفع
المبلغ كقسط شهريا 200 ريال فقط وهاي كل المميزات موجودة. اما اذا تبي تكلم الأهل بالسعوديه
فالمكالمه بـ 16 ريال سعودي للدقيقه وهاي غااليه والرساله الواحده بـ 100 ين تقريبا
4.5 ريال سعودي وبعد غالية ,, فيه بطاقات تشتريهامن المحلات تتصل دولي وقيمتها مابين
3000 – 5000 ين تقريبا من 137 ريال الى 229 ريال - وهذه جدا رخيصة مقارنة مع سعر
شركات الاتصالات 16 ريال للدقيقة - وتقريبا فيها ساعتين و ربع مكالمه لك .. لكن انا شفت
افضل طريقه انكم تستخدمون برنامج Skype بـ بطاقة 5000 ين تقريبا 229 ريال و معك
فيها مكالمات لمدة 3 ساعات او 400 رساله يعني رااااحه وتوفير بقوه الرساله بالجوال اليابني
بـ 100 ين قرابة 4.5 ريال بالـ Skype 12 ين قرابة نصف ريال ، شفت كيف الفرق جبار
والمحادثه صافيه وواضحه وايضا لو معك ايفون تقدر تركب البرنامج فيه وتتصل من البرنامج
عن طريق الجوال وهو افضل حل وانا انصح به (تراه صك فاتوره 3000 ريال ههه)
ثالثا: الاكل الحلال .. فيه محلات حلال منتشره في اليابان وسط اليابان مثل طوكيو و سيتاما
والمناطق المحيطه وتحتوي كل شي ولهم موقع وايضا تلفون يوصلون الطلبات للسكن .,. وانا
افضل انك مبدئيا تجيب معك ما تحتاجه من معلبات و اغراض اخرى يصعب وجودها هنا جيبها
معاك من السعوديه والاهل ايضا بعد ذلك بامكانهم ان يرسلوا لك ما تحتاج ايضا .
س/ متى يضموني للبعثة وعلى ايش يعوضوني ؟
انا بحمدلله ضموني للبعثة امس الليل .. انا قدمت طلب للملحقية شهر 7 والمفروض برمضان اكون
خلاص انضميت اي بعد شهر من ارسال الطلب لكن الملحقية لم يرسلوا طلبي وماانتبهوا ان طلبي
بالملحقيه وما راح للوزاره .. فرفعت الطلب من الملحقية يوم 3/9 سبتمبر وجاني القبول امس
بيوم 25/10 اكتوبر يعني استغرق الانضمام والقبول (شهر و 21 يوم) .
اما عن اللي يعوضونك عنه ، يعوضون عن المبلغ الي دفعته للمدرسه والرحلة !!
الا اذا انت واصل راح يعوضونك حتى على علبة الببسي ام نص ريال اكيد .
المكافأه تكون 230 الف ين وتساوي حوالي 2,800 دولار او اكثر بقليل وتساوي حوالي
10,500 ريال او اكثر بقليل لان الين في ارتفاع وانخفاض متواصل
وهذا حسب سعر الصرف الحالي.
................................................
وبهذا اقول لكم اخواني الكرام الاعزاء هاي آخر موضوع لي
بالمنتديات وانا كتبت لكم جميع ما لدي من المعلومات عن اليابان بالتفصيل
معلومات خفت عليكم ومعلومات صعب الواحد يوصل لها لكني احب افيدكم
واتمنى ان يحقق جميعكم ما يتمناه ويصبو اليه في هالدنيا
كثير من الناس مافحاله يبحث يبي كل شي جاهز له وهاي شي غلط جدا
لازم تتحركون لازم تجتهدون مو لاجل غيركم لاجل انفسكم هاي مستقبلك وانت اولى به
وارجو منكم اخواني و اخواتي الدعاء لي و للجميع بالتوفيق والسداد
.................................................. ...
Sami Ali
Zain Al3aBDeen
قايد الريم October 26th, 2010, 10:49 PM
LinkBack URL
About LinkBacks
... لانو انا خايف ندرس ياباني ثم في الجـامعة نتفاجأ أن الكتب بالانجليزي واحنا (يابانيين) بغض النظر عن لغة شرح الدكتور .. 
October 26th, 2010, 09:04 PM
أعزائي الطلاب والزوار وغيرهم احب اولا
ان اقول لكم من العايدن << ياولد العيد له شهر فات
ايه عارف لاكن بكيفي ابي اعيد اللحين << ترا ضموه للبعثه لاجل كذا معيّد
كما عودناكم بالمفيد والنافع عن اليابان وها انا اليوم
أطرح إليكم موضوع متواضع وسوف يحل جميع مشكلاتكم
سواء (معهد - جامعه - ماستر ... او معيشه او استفسارات)
بهاي الموضوع جامع لكل شي تقريبا عن اليابان وطرق ستغني
عن الاخرين وتفتح لك المجال للبحث بنفسك ومعرفة المفيد لك ..
لذا أرجو من الجميع الموضوع طويل جدا ومقسم لاكن اريد
منكم التركيز والإنتباه جيدا وعاودو قراءة الموضوع مره و أثنين وعشر طعش
نبدأ و بسم الله
الموضـــــوع مقسم الى خمسة أقسام :-
1 - شرح التعليم باليابان و إختبار الـ EJU والتقديم للجامعات
2 - طريقة البحث والتقديم بواسطة (Jpss) عن
4 - سكن الـ (J&F House plaza)
5 - أسئله واستفسارات ونصائح للطلاب
First Section
بهذا القسم راح نتكلم عن التعليم العالي بـ اليابان
وكيف هي الاقسام والكليات وأيضا سوف نتحدث عن
إختبار الـ EJU وهو إختبار القبول في الجامعات وايضا
سوف نعطي أمثله عن بعض الجامعات مفصله مثل
(الملحيه - الخاصة - كليات التخرج)
تابعو معي شرح الـ Power Point ورفعته ع الرابط التالي
<الرابط>
ملاحظة / بعض الجامعات بالأعلى غير معترف بها وإنما
وضعت كـ مثال فقط لتعرف كيف نظام الجامعة والتكاليف
وكيفية التقديم ويجيب عليك البحث انت عنها وسوف أشرح
لكم بالقسم التالي تابعوني ...