فزعتك يالربع

وانا أخوك مابي أحطمك لكن شف هالموضوع وشف الردود عليه ولعلك تاخذ فكرة أكبر ..
تعميم هام وعاجل للطلبة من الملحقية الثقافية في جمهورية الصين
علما أنني من طلاب اليابان ..
الله يكتب لك ما فيه الخير والصلاح ..

جزاك الله خير انا ينطبق علي هذآ




الطلبة الحاصلين على نسبة من 80% فما فوق بالنسبة لحاملي الثانوية العامة و 3من 5 لحاملي الدبلوم والشهادات الجامعية, يتم الرفع بأوراقهم للإلحاق بالبعثة بعد لانتظام بالدراسة في الجامعة والحصول على تقرير دراسي متميز في منتصف الفصل الدراسي وتكون نسبة حضوره مرتفعة.



بس انا ابي احد يفيدني اكثر ويشجعني اكثر على شان الدافع يكون اكثر

هلا والله

حياك الله .. واختيار الصين أفضل خيار من ناحية الالحاق بالبعثة إن شاء الله

لكن عندك نقطة مهمة وهي أن الدراسة تكون لك باللغة الصينية تحتاج كورس لغة صينية ومن ثم تخصص

وأفضل ميزة في الصين أن الالحاق في فترة اللغة ممكن ..

للمعلومية معادلة الدبلوم صعب شوي هنا .. ويعتمد القبول على الثانوي .. ويكون الالحاق بالبعثة على الثانوي
كم معدل الثانوي .. بعد ما شفت التعميم في الرد السابق أنت تقرر تقريبا فترة الالحاق بناء على التعميم .

فإذا كان القبول بشهادة الثانوي شوف لك تخصص له مستقبل أفضل حسب احتياج سوق العمل في السعودية .

بخصوص مبلغ الـ 50 ألف مبلغ ممتاز ويمشي معك لمدة سنة تقريبا قد تزيد أو تنقص حسب صرفيتك الشهرية
خرج منها 10- 16 آلف ريال رسوم المعهد السنوية تقريبا .. قد تزيد من جامعة لآخرى
ورسوم السكن السنوية تقريبا 10- 14 آلف قد تزيد أيضا حسب المدينة
المصروف الشهري تقريبا 1500 ريال شهريا قد تزيد أو تنقص حسب مصروفك أنت

وللمعلومية الانضمام هنا أسرع من أي دولة غيرها .. والقبول الجامعي أسهل من أي مكان والحمدلله .


بخصوص الجواز .. ترى ما أحد يفتش جوازك هنا هم فقط يطلبون صورة للتأشيرة والصفحة الأولى للجواز وختم الدخول والفيزا .. إللي يخص الصين

وكلها ترسلها لهم صور عن طريق الايميل

تحياتي وبالتوفيق لك
ومستقبل مشرق ينتظرك إن شاء الله

يابعدي والله 50 الف كثير مررره لو انا معي هذا المبلغ كان رحت لامريكا ...انا حدي 20 الف وغير كذا اقصاد يعني كل شهر حواله 1000 ريال بس الواحد يصبر ويحتسب ....يابعدي روووح والقلب داعيلك يابعد عرزي والله ...انا حالتي اردى منك حالتي الماديه طبعا ...وعندي طموووح كبير بالمررره بس وش اسوي ....رووح وراح تنقبل بالبعثه ...وادري ان طموحك اوروبا بس عشان الغلا اخترت الصين سيم سيم انا ...دعواتك لي يابعدي حيي ياراعي القصيم ......وتراني انا من وسط القصيم ...بس اعجبني مانشستر القصيم

بالتوفيق لك اخوووي

يالبى قلوبكم بعد والله انكم رجــــآل ومآقصرتــوآ

لآكـــن آذآ تقــول كذآ ان معادلة الدبلـوم صعبـه

طيب انا نسبتي للشهآدة آلثــآنويـه 71 هآه كيف وضعــه من نآحيـة آلملحقيـــه ؟؟؟؟

طيب واللغه الصينه لازم تتقنها ؟؟ سهـــله ؟؟

هل تآخذ اللغه الانجليزيه بعد الصينيه

وش الاقسسسسآم آلحلــــوه ..؟

وش آلجآمعــــآت آلمتوفره للملحقيـه ؟؟


انا رجال خلاص جازم 80 بالميه هل فيه احد يفزع لي بقبولات ويدير باله علي لين اخلص من كل اوراقي واكون داعي له من كل قلبي ؟؟؟؟

فيدوني يآرجـــآل

استخير وتوكل على الله .. وإن شاء الله تحصل لك من يعينك ويساعدك في هذه الأمور كلها

بالتوفيق

حبيبي انت ياتشاكيل

ماقصرت والله كفيت ووفيت

طيب وش المطلوب مني يعني كتحضير للدراسه بالصين يعني من اوراق من كل شي انا رجال اجهل كل الامور هذي

معليش بتعبكم معي بس العذر والسموحه والله انا جاهل بالاشياء هذي والله يجزاكم خير ان شاء الله

ابي المطلوب مني كتحضير اوراق مهمه او ايش اللي اسويه

رايكم اني اسوي اوراقي بالوقت هذا والا بعد الكريسميس بما انه فيه اجازه 20 يوم للكريسميس

وابي المطلوب بعد وصولي للصين ان شاء الله ايش اسوي ؟؟؟

يا أخوي إن شاء الله تتم أمورك بالصين
إن شاء الله ربي ييسرها لك

بالأول ترجم شهادة الكلية والشهادة الثانوية والجواز يكون جاهز
وشوف لك مدينة وشوف الجامعات المعترف فيها وابحث لك عن قبول

اللغة الانجليزية يبي لك مراجعة وتضبط أمورك فيها شوي

خلص أمورك من الحين ولا تتأخر ولو تحصل لك قبول في شهر 3 تبدأ دراستك يكون أفضل تلحق اللغة


أهم الأوراق هي
صورة من الجواز
صورة من الشهادات المترجمة
صور شخصية بخلفية بيضاء

وبعد القبول ترسل لك ورقة إصدار فيزا طالب وورقة القبول
تأخذها مع الصور والكشف الطبي للقنصلية الصينية وتصدر فيزا طالب

وتحجز لك تذكرة وتجي على هنا .. والله ييسر لك الباقي


وما يحتاج شيء وقت وصولك للصين تخلص أمور القبول في الجامعة والفيزا
ثم ترسل أوراقك للملحقية حتى تفتح لك بوابة الابتعاث

بالتوفيق

الله يجزاك خير يالله يارب ياكريم ان الله يوفقك ويسهل دربك وترجع لااهلك سالم ومعك شهادتك الي ترفع راسك وراس والديك به

الله يوفق الجميع ان شاء الله