طلاي وطالبات جامعة UKM بليييز ادخلو

هلا اختي
احنا بدأنا دراسة اللغة بس كلنا حطونا في مجموعة واحدة على قولهم احنا حالة خاصة
ما اقدر اقولك شيء على الدراسة لانه لسه بادئيين مالنا 3 ايام
باختلاف مستوياتنا وضعونا في مستوى واحد وقالو اللي بيثبت جدارته ممكن نخليه يبدا الدراسة على الترم الجاي
المهم هم الان في وقت اجازة بس احنا اللي عم يدرسونا
بالنسبة للسكن كلنا سكنا في عمارة واحدة ريبة من الجامعة وارخص شيء وجدناه
وبعضنا سجلو اولادهم في باص ياخدهم لمدرسة السفارة ويرجعهم هذا كل شيء باختصار
اذا حبيتي توضيح اكتر ان شاء الله مانقصر

العضو MOONANA

السلام عليكم

شكراً على المعلومة , لكن لدي استفسار وهو
كيف وضع السكن ومرافقه , وسعره , أبي تفصيل ممل ( الله يعينك عليّ )
كم تبعد المدرسة السعودية عن السكن , والجامعة كذلك كم تبعد عن السكن .
كم سعر السيارة العائلية اللي تتسع لسبع ركاب تقريباً بغض النظر عن الموديل , والنوع أهم شي سيارة واسعة ونظيفة , وكم إيجارها تقريباً ( إذا ماتعرف إسأل وردلي , فاحتمال كبير أكون جاركم بإذن الله )
راح أبلشك بالأسئلة لكن تحملنا إلين نجي عندكم بتيسير الله ,

اخت MooNaNa شكرا على تجاوبك معايا والله اني فرحت لما لقيت احد من نفس جامعتي رد علي الله يسعدك ياشيخه
ابغى اتعبك معايا شويه ياليت تقوليلي كيف اوضاع الجامعه وتعامل المسؤلين فيها وكمان ابغى اعرف اللي يدرسكم اللغة ايش جنسيته وهل دورات اللغة تبدأ كل شهر لأني بجي بعد شهر تقريبا
وكم ساعه تدرسو في اليوم
وبالنسبة للسكن اللي انتم فيه ايش اسمه ؟
على فكرة انت ايش تخصصك ؟
انا انشاء الله بدرس ماستر احياء
:93:

مرحبا
اسفة لتأخري في الرد لانه بس امس دخلت النت في الشقة ولسه ناقله جديد وعم ارتب اوضاعي
اخي man..
بالنسبة للسكن والله احسن مالقينا نظيف عبارة عن 3 غرف والله يكرمك حمامين وصالة ومطبخ وغرفة غسيل وبلكون
الايجار الشهري 550 رنجت غير تأمين الكهرباء والماء
اذا بدك تلفزيون طبعا مركزي ممنوع احد يركب ستالايت راح تدفع تبع عدد القنوات اللي بدك ياها
النت حسب موقع الشقة احنا ركبناها في يوم ودفعنا 80 رنجت مقدم وكل شهر ندفع 125
بالنسبة للتأثيث حسب رغبتك الشقة اللي اخدناها على البلاط بالعربي ونأثيث فيها اللي بنحتاجو الاول
ان شاء الله لما تجي نساعدك في موضوع التأثيث وايش الاماكن الارخص
المدرسة السعودية بعيدة عن الجامعة في العاصمة يعني صحبتي متفقة مع باص ياخد ولدها من اذان الفجر وما يرجع الا الساعة 3
اما السكن يبعد عن الجامعة 20 دقيقة بالتاكسي 10 رنجت
اما بالنسبة للسيارة العائلية والله ما اعرف لسه عم نسأل في موضوع السيارات بس هنا الشراء لازم كاش والتأجير متفاوت من مكان لمكان لازم تروح مع واحد ماليزي واثق فيه عشان مايخدعوك ومدرس اللغة الانجليزية اتبرع يساعدنا في هذا الموضوع ويروح مع اي واحد يحتاج مساعدة في شراء سيارة
احنا سألنا بالنسبة للسيارة الصغيرة ايجارها من 800 -1000 رنجت في الشهر
ان شاء الله ما اكون قصرت واي استفسار اخر في الخدمة

الاخت senderella...
رد على استفسارك انا تخصصي دكتوراه في الكيمياء باذن الله
بالنسبة للجامعة ما اقدر اقولك عن اوضاعها بس هي كبيرة عشان تروحي من مبنى الكلية لمبنى القبول مثلا تحتاجي سيارة
اما العاملين فيها مالقيت الا كل خير يعني اي استفسار يردو عليكي بس الله يعينك تعبنا عشان نعرف نتفاهم معاهم لانها جامعة وطنية الطلبة اغلبيتهم يتكلمو محلي بس اساتذة اللغة والمسؤولين يتكلمو انجليزي و بعضهم القليل يعرف عربي بس اكيد راح نساعد بعض فما تشيلي هم من هذه الناحية
اللي يدرسونا اللغة ماليزيين وندرس 4 ايام في الاسبوع من 9-4
لما سألناهم ليه مانروح ندرس في معهد وليش اللي يدرسنا مايكون امريكي او بريطاني رد علي الدكتور رد مقنع وهو انه اللي راح يدرسوكم اثناء الدراسة كلهم ماليزيين فالاحسن نتعود على اللكنة وتاني شيء ان في المعهد ما يدرسونا اكاديمي بمعنى ما راح يهتمو من ناحية تثقيفنا اكاديميا
بالنسية للكورسات مافي شيء كورسات تبدأ كل شهر احنا حطونا في مجموعة واحدة باختلاف مستوياتنا لانهم عملولنا اختبار تحديد مستوى
وبدأو معانا مستوى عالي بس اتفهمو لوضع المجموعة وبدأو معانا تاني من مستوى منخفض
وقالو اللي يشوف حاله مستواه أعلى ممكن يكثفو معاه لوحده يعني يروح للدكتور ويعطيه تمارين اكثر
انا ساكنة في مجمع اغلبنا سعوديين اسمه sri dehlia في كاجنج
والامور ميسرة باذن الله وتوصلي بالسلامة

اتذكرت حاجة وانت جايين تحتاجو تجيبو معاكم قاموس واحد عربي انجليزي لانه ما راح تلاقوه هنا والتاني انجليزي انجليزي بس هذا متوفر هنا عشان الوزن بس
وشكرا اخت سندريللا دعوتك تسوى الدنيا الف شكر

ألف شكر لك أختي على هذا التوضيح والمعلومات وماقصرتي .

اخت MooNaNa تسلمي على الرد الحلو ماقصرتي الله يعطيك العافية
اذا ماعندك مانع ابغى ترسليلي ايميلك لأني حابة أتواصل معاك
انا حاولت ارسلك رساله على الخاص بس ماقدرت
ارسليه لي على الخاص او على ايميلي
دعواتي لك بالتوفيق

عذرا sendrella ماعرفت كيف ارسلك...
على العموم هذا ايميلي homnona@yahoo.com
ومشكور على الدعوات الحلوة

السلام عليكم ورحمة الله اختي MOONANA
انا انشاء الله عزوجل اريد دراسة ماجستير في الكمياء على حسابي الخاص على الرغم من عدم معرفتي بكيفية الحصول على القبول من جامعة UKM فإذا كان عندك معلومات بهذا الخصوص زودينا بها بارك الله فيك هذا اولا

ثانيا :ممكن الحصول على العنوان كاملا للمجمع الذي تسكنون فيه لاني انشاء الله احاول الحصول على سكن فيه لفتره حتى تستقر الامور واسافر واجيب زوجتي والابناء

واخيرا وليس اخرا اسأل الله العظيم رب العرش العظيم ان يوفقنا جميعا لما يحب ويرضى