تخصصات المحاسبة في الماجستير

السلام عليكم ورحمة الله وبركاته، كيفك يأخت (طموحة مكة) أولا أحب اشجعك على طموحك في مواصلة الدراسات العليا وأسأل الله يوفقك ويحقق أمانيك (قولي أمين) حب اعرفك بنفسي انا مثلك متخرج من جامعة الملك عبد العزيز وبنفس التخصص (محاسبة) وبصراحة حسيت انك ضايعة ومنتي لقى من ينصحك! ابصراحة انا كنت مثلك بالضبط بس رحت اخذت النصيحة من الدكاتره والبرفسورات في القسم وبصراحة انا علاقتي قوية معاهم بحكم انا من المتميزين بالدفعة، خلاصة الي نصحوني بيه وانا جدا مقتنع بلي قالوه وهو اذا كانت رغبتي في المستقبل اني اكون اكاديمي فلأفضل اني اوصل الدراسة في احد تخصصات المحاسبة مثل / الضريبة او الحكومية او تكاليف واردية او نظم معلومات وغيره كثير من التخصصات الدقيقة الي موجودة في الجامعات الخارجية،
اما بنسبة لو كانت رغبتك هي انك تكون في يوم من الأيام احد القيادات او الكفاءات في سوق العمل وهذي رغبتي فنصحوني اني اغير اتجاة دراستي الي التمويل او التامين او الأستثمار وابصراحة كلامهم صح هذي التخصصات يطلبها سوق العمل بشكل كبير اما عن المحاسبة الي دراسنها فيها اساس لدراسة التمويل والمالية وغيرة من التخصصات والعلوم المالية، المحساسبة بما انك الحمدللة خلصتي فيها البكلوريس انا من واقع تجربة ولااني الحين انا اعمل بمكتب مراجعة يكفي ! واذا انك تبي تتطرين نفسك بالمحاسبة فيعتمد ذلك على الممارسة وتحاولي تأخدي أي زمالات في المستقبل فلو أنك تخصص في الماستر في المالية مثلا حيكون عندك تنوع في التخصصات وقدرة على التميز الوظيفي في المستقبل مع العلم كلهم مكملين لبعض يعني حتكوني قوية بالمحاسبة وايضا في المالية في نفس الوقت، هذي نصيحة الي اكبر مني سنا ومن هم سبقونا بتجاربهم وانا ابصراحة اقتنعت بكلامهم واخترت التخصص تمويل او مالية.
اتمني اني قدرت اساعدك في شي اول على الأقل افتح افاق اما عينيك لتختاري وتستخيري الله، اسف على الأطالة,

انا تخصصي محاسبة برضه ودورت في جامعات كثييييرة على تخصص دقيق في ماستر المحاسبة ومالقيت مافي غير محاسبة مهنية اة ضريبية او ماستر محاسبة عام
ايش الحل؟؟؟؟

كلامك صحيح لا يوجد غير تخصص المحاسبة العام أو المهنية

لكن لو أردت دراسة MBA ي جامعة سدني للتكنولوجيا فابمكانك اختيار عدد من التخصصات الدقيقة مثل:


Accounting and Corporate Governance
Accounting and Enterprise Systems
Accounting and Finance
Accounting Performance Reporting

Accounting Information and Business Modelling

Accounting Systems and Business Solutions

الرابط

http://www.handbook.uts.edu.au/bus/pg/c04018.html

اخوي مجودي جدة...
اشكر لك ردك وبصراحة افدتني كثير وفعلا انا كان في راسي اذا ما اخترت ماجستير محاسبة راح اختار الاستثمار أو التمويل لاني احبهم وقريبين من التخصص وان شاءالله ربي بيكتب اللي فيه الخير..

mam 1980
مشكور اخوي وماجستير ادارة الاعمال فعلا مطلوب والاغلب يختاره بس غريبة يعني مافي تخصصات محاسبة ... شكلي وامري الى الله باسمع كلام ( مجودي جدة) واكمل استثمار او تمويل لانهم مطلب سوق العمل في الايام هذي والجاية ان شاءالله..

اختي موظفة تحلم ببعثة..
الله يوفقك اختي وتكملين الماجستير ان شاءالله

مساء الخير انا سعيد جدا اني قدرت اساعدك ولو بالشي اليسير تمنياتي لكي بالتوفيق

هلا مجودي بالتوفيق لك انت كمان

السلام عليكم طموحة مكة ودي نتكلم شوي عن تخصصنا في المحاسبة ونكلم عن طموحتنا شوي على الأقل نستفيد من خبرات بعض ونتبادل الأراء اتمنئ لو تسمح الفرصة ونكون متصلين في وقت من الاوقات على المنتدى ! بصراحة نادرا اني القى شخص من النفس التخصص وتكون الافكار متقاربة. يليت ولله تقبلي الفكرة؟؟تحياتي ليكي ،،،،

والله يا ليت لان انا بصراحة ما عندي خبرة في تخصصات المحاسبة بالنسبة للماستر بس انا ملاحظة اصلا ان القسم ما فيه تفاعل كثير واغلب الاعضاء مهملينه مع ان العلوم الادارية من اهم العلوم وهي دايم في تتطور مع العلم ان كثير من الاعضاء حاملين هالتخصص..

بالصدفة وجدت تخصص جديد في المحاسبة في جامعة بورتسموث ببريطانيا (ماجستير المحاسبة العدلية)... على الرابط التالي:

http://www.port.ac.uk/courses/course...sicAccounting/