هل تنصحوني بنيوزيلندا وماهي مميزاتها + ماهي أفضل الجامعات

انا الآن في نيوزيلاند

روح اميركا ولا تشاور

فليس هناك مجال للمقارنة

ليس انتقاصا من نيوزيلاند الجميلة لكن اميركا تجد نفسك فيها أكثر من هنا حيث أن نيوزيلاند بلد للسياحة





وانت وما تقرر وبلتوفيق

اخوي شف هذا الموضوع
http://www.mbt3th.us/vb/forum89/thread85035.html

راح تحصل فيه ليش الطلاب اختارو نيوزيلندا

اما احسن جامعه بالترتيب العالمي:
اوكلاند
اوتاقو
كانتبيري
فكتوريا
ماسي
جامعة aut و لينكولن

تحياتي

انا عكس المملكة العربية السعودية

لاتفكر بغير نيوزيلندا بكل صراحه

انا بالنسبه لي اللي يميز نيوزيلندا عن كل العالم كله وخاصه امريكا

مافيه عنصريه ومافيه احد يدور وراك اي شي

انت لو رحت لامريكا توقع تصير لك اي مشكله كلنا نعرف سوالف الامريكان مع المبتعثين هناك

وتعقيد وبلاوي فـ يعني بما انك رايح دراسه لغه نيوزيلندا اسهل لك لان امريكا اول حاجه لازم فيزا
وفيزا امريكا صعبه جدا ع حسب كلام خويي لي وتتاخر

اما نيوزيلندا بدون فيزا وبدون اي شي يعني ع قولتهم روح احجز لنيوزيلندا واقرى لك كم موضوع
تعلم وش تسوي هناك ودور لك احد لو تعرفه هناك وربي سهله سهله الامور

انا زيك كنت ابي امريكا بعدين قلت نيوزيلندا لاني عرفت ايش الفرق الكبير

والله هذا كلام من قلبي لك ولا ابي شي بس ابي نصيحه لك من اخوك

وان بغيت تروح هناك احجز على الخطوط السنغافورية افضل شي واحجز بدري لان قبل 25 يوم من سفرتك ماراح تحصل حجز اوك

فـ هذي كم كلمه مني لك وتقبل تحياتي

اخوك عبدالمجيد

مشكورين يا حبايبي على الردود

وحقيقه يا اخ عبد المجيد كنت افكر في نيوزيلاندا وردك زادني قناعه

وانا حاليا اواجه مشكله بسيطه وهي مع صديقي

لاني انا وياه راح نبتعث وهو الصديق المقرب لي

ولكن المشكله انه يبي امريكا وعذره انه يحب النطق الامريكي في اللغه الانجليزيه

ويكره النطق الانجليزي البريطاني لان نيوزيلاندا كبريطانيا في النطق والكلام وهو يواجه صعوبه في فهم اللنطق البريطاني في اللغه الانجليزيه

وعسا الله يهديه ويوافق على روحه معاي

ومشكوين مره ثانيه وان شاء الله اقابلكم وتعرف عليكم شخصيا
تحياتي لكم

انصحه وقله ترى نطق نيوزيلندا يختلف عن امريكا وبريطانيا يعني تحسه مدموج

وقل لصديق العمر نيوزيلندا ولايصير مثل بعض الشباب ع باله امريكا حلم وكل شي فيها

لاني اعرف كم واحد حلم حياتهم امريكا وع بالهم امريكا كل شي

فـ اتمنى مايكون منهم خويك وانصحه ترى النصيحه هذي الايام ماتحصلها ببلاش

لايفكر غير نيوزيلندا ياخي الواحد وش يبي في ناس مايبغونه .؟

يعني هل الامريكان يحبوننا ولاشي والله انهم يكرهوننا كره مابعد كره بالعالم

فـ اتمنى من خويك انه يغير رأيـــــه

ولك مني التحية واي استفسار عن نيوزيلندا انا بالخدمه حبيبي انا

لاتفكر في شى اسمه نيوزلندا لان مليانه سعوديين ماراح تستفيد كثير من ناحية اللغه لاتقولي ماراح احتك مع سعوديين يعني اذا جاء سعودي يسلم عليك ويسولف معك بتقوله انا مااكلم سعوديين مش معقوله
خيارات الدراسة في نيوزلندا قليله جدا لان حاليا فقط 6 جامعات تقبل الطلاب السعوديين والقبول يتاخر من شهر الى شهر ونص
وخيارات المدن الممكن الدراسه فيها قليله لاتوجد الا مدينتيين تفتح النفس اوكلاند وكرس شيرش ومليانه سعوديين
وشهادتك مارح تكون بقوة شهادة امريكا كندا بريطانيا استراليا
اذا بتروح نيوزلندا اقولك من الحين (((راح تندم)))

عسا الله يكتب اللي في خير

والله يا شباب حيرتوني في امري منكم من يقول امريكا ومنكم من يقول نيوزيلندا

السعوديين في نيوزيلاندا وفي امريكا في نضري اذا نا راح اترك نيوزيلندا عشان كثره الطلاب السعوديين

فأمريكا بعد فيها طلاب سعوديين...؟

ولكن النقطه الاساسيه هي الشعب وان ما يكون عندهم عنصريه مثل امريكا

وان شاء الله يكتب اللي فيه خير وحاليا انا اميل الى نيوزيلاندا بنسبه 80%

وابي منكم يا اخواني الدعاء لي وان ييسر لي اموري وان شاء الله اشوفكم قريبا على خير

تحياتي لكم

هلا اخوي

طبعا انا ادرس في نيوزلندا. اعرف اثنين من الشباب كانوا في امريكا وحولوا بعثتهم الى نيوزلندا
الاول رجع اجازه للسعوديه والسفاره رفضوا يجددون له الفيزا وهذي الطامة الكبرى الي يعاني منها المبتعثين هنااك.
والثاني كان في ولاية فلوريدا - اميركا. درس تقربا 8 شهور ما ارتاح وحول بعثته لنيوزلندا. والان مبسوط.يقول كل مكان له سلبياته وايجابياته.لكن يقول عيب امريكا انها متروووووووووسه سعوديين.ويقولي انا ارتحت في نيوزلندا اكثر.

مع اني مارحت امريكا لكن وبصراحه انا من الناس الي احلم اروح امريكا ادرس واعتقد ان امريكا التووووب. لكن بعض الاحيان يكون في بالك شي ولما تروح وتعيش الوضع تنصدم.

الله يوفقك وانصحكم في استراليا

عشان اكون صادق انا ما جربت امركيا لكن نيوزلندا بلد رائع جدا من كل ناحية .

بصراحة ما ارح تشعر بالغربة في تلك البلاد . اذا عندك همة وصدق نية راح تتعلم يعني راح تتعلم .

اخي يكفي انك ما تحتاج فيزا عارف ايش معنى فيزا لامريكا . يعني ممكن تجلس تتعب ستة اشهر او اقل او اكثر ولا يعطوك . غير الخوف والتحذيرات .

الريال الان في عز حالته يعني راح توفر كثير بالنسبة لنيوزلندا .

الله يوفقكم وينور دربكم