السلااام عليكم ورحمة الله وبركاااته
اولا احب اهني كل اللي انقبل
والاخوان اللي ما انقبلوا ويريدون الدراسة على حسابهم ثم الانضماام .. اتمنى لهم كل التووفيق
ولكم ايضا ولجميع الطلاب والاعضاااء
الحمدلله لقيت اليوم وقت فاااضي عشاان اكتب هالموووضوع اللي يمكن تستفيدوا منه
اما عن التساؤلات اللي مالقى جواب وانا ما جاوبت عليه يراسلني على الخاص عشان رسائل الخاص تجي على الايميل
وان شاء الله اكون عند حسن ظنكم
وبااارك الله فيكم
نبدا في موضوع الانتظاار الى ان ياتي اتصال الملحقية ثم بداية الدراسة
العام الماضي كنا اكثر منكم وكان التواصل في هالموقع كبير جدا لدرجة ان التجمع كان كل يوم يزيد فوق عشر صفحات
كنا ننتظر الى ان اتت رسااايل من الملحقية تفيد بان نتواجد في الاردن خلال تاريخ معين واعطونا خمس ايام ايام لاكمال الاجراءات في الاردن
المهم حجزنا على عماان البعض منا حجز على ناس والبعض الاخر على السعودية والبعض على الملكية الاردنيه
وانا كنت على الملكية وانا انصح ايضا بالملكية لرخصها اولا وثانيا لخدماتها الجميييله جدا
حضرنا وكان مطلوب مننا الاوراق التاليية
صور من الشهادة الثانوية طبق اصل
صورة لشهادة حسن السيرة والسلوك .. لكن ما اخذوها مني
صورة من شهادة الميلاد والاصل للمطابقة والتصديق من السفارة والتعليم الاردني .. يقولون لكم وش تسوون اذا وصلتم
وصورة من الهوية
وصورة من التحصيلي والقدرات
وايضا صورررة من ثاني ثاانوي تطلبها الجامعة لحساب المعدل التراكمي للمواد العلميه .. تصدقها مع الثانويه العامه
وصور شخصية
...
وجيب معك اكثر من صورة احتيااط
ويوم وصلنا ارض عماان.. انصحكم تستاجرون في مكان قريب من الجبيهه لتواجد الملحقية هناك
..
يوم تروح للملحقية يقولون لك اي جامعة ثم تذهب للجامعة اللي انت عليها ويقولون جيب من عندهم ورقة قبول
ويقولون افتح حساب لك وجيب رقم الحساب
المهم يوم تروح للجامعة هم يكون عندهمم كشف بالاسامي مرسل من الملحقية
يوم تروح يعطوك ورقة قبول وبطاقة جامعية
وافتح حساب انصحكم في بنك الاسكان .. وخصوصا فرع ابو نصير بعمان
لان هذا الفرع يعرف الطلاب المبتعثين
لان بعض الطلاب ما يكمل 18 سنة بالميلادي فيرفضون ان يفتحوا الحساب ..بس يوم تقولهم انا طالب مبتعث من الملحقية السعودية
يفتحون لك حساب رواتب
...
المهم يوم تجمع كل هالاوراق اللي هي القبول الجامعي والحساب البنكي
ترجع الملحقية وتسلمهم كل الاوراق اللي يبونها
اللي ذكرتها فوق الهوية والشهادة والخ مع القبول والحساب
يقولون لك خلاص توكل
ينتهي دور الملحقية هنا
يجي دور الجامعة
الجامعة تطلب اوراق الشهايد مصدقة
اللي هي شهادة ثالث ثانوي وثاني ثانوي
وشهادة الميلاد
وصورة من جواز السفر
مصدقة من كلا من
اول شيء في الملحقية في الدور الارضي مكتب تصديق تروح تصدق عندهم
ثم تروح السفارة السعودية وتصدق من عندهم
ثم تروح التربية والتعليم الاردني وتصدق الشهايد
وتسلمها للجامعة خلال الموعد اللي حددوه لك
المواااااااصلااات
مطار عمان يبعد عن عمان حول 30 كيلو
المواصلات يتواجد في مطار الملكية علياء بعمان تاكسي مخصص للمطار واسعاره محدده وباصات
حيث ان الباصات توصلك الى عمان بدينارين
وتاكسي المطار كل منطقة في عمان لها سعرها
مثلا منطقة الجبيهه سعرها حوالي 23 دينار
...
اما المواصلات داخل المدن
يوجد تاكسي لونه اصفر ويوجد لون لولي
التاكسي وانت في عمان خليه يشغل العداد
تصير عليك الحسبة اذا مثلا مشوار ربع ساعه بدينارين او دينار وخمس وسبعين قرش
وتوصل لثلاثه ولخمسة ايضا في عمان
اما اربد يا عيني عليها متواضعه
ابعد مكان فيها بديناررر
واذا تبي تروح من مدينة الى اخرى
عندك في كل مدينة مجمع للتكاسي والباصات
بس احذر تروح مع تاكسي اصفر خارج المدينه لانه غااالي جدا
فيه تاكسي يسمى سرفيس لونه ابيض
يوصلك من عمان الى اربد بحوالي من 10 الى 15 على حسب اسلوبك انت يالخليجي
بس المعروف انه ب12 دينار
اما الباصات توصلك بدينارين
اما المواصلات من اربد الى جامعة العلوم والتكنولوجيا
من اربد الى الجامعة 20 كيلو
فيه باصات وفيه التاكسي الاصفر
الباص يوصل بخمس وثلاثين قرش وفيه باص بخمس وخمسين قرش
الباص اللي بخمس وثلاثين قرش يوصلك للجامعة
اما اللي بخمس وخمسين قرش يوصل للمستشفى الجامعي اللي عنده محاضرات في الكليات الطبيه
وتتواجد هذه الباصات في مجمعين ..
مجمع عمان فيه باصات الكليات الطبيه والباص العادي
ولون باص الكليات الطبيه ازرق
اما الباقي لها الوان ثانيه
ويوجد مجمع الشيخ خليل
هذا يوصلك بخمس وثلاثين قرش للجامعة بس ما يوصل الكليات الطبيه
لكن يوجد داخل الجامعة باص يوصل الطلاب من الكليات الهندسية الى الطبيه مجااانا
يعني لو جيت على الباص اللي ابو خمس وثلاثين قرش راح تنزل على الكليات الهندسية واطلع الباص اللي داخل الجامعة مجانا يوصلك للطبيه
اما التاااكسي التاكسي حلو ومزاياه حلوه ايضا
وسعره باربع دنانير
بتقولون اكيد غاالي بس انا اقولكم ليش حلو
يعني انت لو معاك اخوياك بحكم ان التحضيري كل محاضراتهم مع بعض
كل اربع يطلعون في التاكسي وكل واحد دينار
..
السككككن والمعيشة
السكن يوجد في الجامعة سكن للطالبات
وفيه باص يوصل الطالبات في المساء الى اربد ويرجع لهم في ساعة معينه
واسعارها متواجده للجامعة وطريقة الددفع بالفصل الدرااسي
اما الطلاب لا يوجد لهم سكن في الجامعة
والان السكن في اربد يوجد مجمعات سكنية للطالبات لها مشرفات على السكن ومواعيد يقفل فيها السكن
يعني بعد الساعة 11 البنت ممنوع تدخل السكن ويتصلون على اهلها في السعودية
وهذا الشيء جدااا حلووو
واغلب هالسكنات طريقة دفعها بالترم ايضاا
يعني حوالي 750 دينار للترم
اما الشقق العاديه نفس الطلاب واللي راح اذكرها تحت بعد مجمع الطلاب
اما الطلاب ايضا يوجد لهم مجمعات سكنية
حيث تترواح من 70 الى 100 في الشهر الواحد
اما الشقق العاديه
تشمل الطلاب والطالبات
اذا تبي تسكن انت واشخاص مثلا ثلاث طلاب او بنت ومرافقها
انا راح اتكلم عن شقق ثلاث غررف
اذا كانت الشقة مفرووشه راح يكون سعرها من 250 الى 350 دينار
اما اذا كانت فارغة من 150 الى 250 دينار
الاماكن اللي انصح انكم تستأجرون فيها مبدئيا الى ان تفهموا اربد ووتتأقلموا
وهي منطقة شارع الجاامعة
ويوم تجي اربد وتبي تسكن بفندق الى ان تحصل سكن
في فندق اسمه فندق الجود بشارع الجامعة وايضا يوجد شقق اخرى
وهذا الفندق اليوم حوالي 25 دينار
وهذاااااا وصلى الله على محمد
واي استفسااار اخر انا تحت امررركم
ولكن يمكن ما ارد بسرعة .. فارسلوا لي رسالة خاصة
وبالتوووووفيق للجميييييع
كيك وحلاوه August 7th, 2011, 04:47 PM
LinkBack URL
About LinkBacks
لكن ..أرجو المعذرهـ
أعتذر عن الدخول في قرووب على المسن
انا أشوف هالموضوع أحسن قرووب وحتى بعد بين فترة وفترة يشاركنا فيه طلاب من الاعوام السابقه
هم يجيبوون على الأسئله جزآهم الله خير ..بالنسبه لي هالموضوع أحسن قرووووب .
وأكـ رر أعتذآري =)