تجمع طلاب Thompson River University ( * تم دمج موضوع mon2020 هنا )

اثاث و سيارة للبيع و شقة للتنازل(تنفع للعائلة)غرفتين نوم
في مدينة كاملوبس قريب جدا من الجامعة

السلام عليكم ورحمة الله وبركاته ،،،

أحبتي تقبل الله منا ومنكم صالح الاعمال

عندي سؤال بسيط وأريد إجابة الله لا يهينكم وافية وكافية ،،

أنا عندي اختبار للغة في الجامعة يوم 24 اغسطس وسمعت إن الاختبار عن طريق الكمبيوتر صحيح؟؟ طيب إذا كان عن طريق الكمبيوتر كيف طريقة الاختبار ؟؟ يعني فيه سبيكنق ولسنيق ورايتنق وقرامر ؟ أو كله اختيارات ؟؟؟

سامحوني سؤال على الطاير ،،، كيف سكن الجامعة مفيد للغة ؟؟

الله يوفقكم لخير الدنيا والاخرة ،، في إنتظار الردود ،،،،

مرحبا اخوي ...

الاختبار نعم عن طريق الكومبيوتر وفيه رايتنق وقرامر ، التحدث والاستماع راح يكونون في اختبار ثاني شفوي مع احد المدرسين ، يعني زي ماتقول مقابلة شخصية يحددون فيها مستواك في التحدث والاستماع.

سكن الجامعه ماعندي اي خلفية عنه والله .

بالتوفيق أخي الكريم .

يا أخوان انا وزوجتي عندنا قبول في الجامعة وراح نروح لكاملوبس يوم ٣ سبتمبر ,, كيف نعرف متى اوقات اختبار تحديد المستوى ؟

مشكورين

اختبار القبول عادة يكون في أول يوم حضور للجامعه . لو تقرا القبول راح تشوف انهم كاتبين لك متى لازم تحضر. التاريخ هذا هو راح يكون تاريخ الاختبار في الغالب.

موفق اخي العزيز .

أخوي دورت في القبول مالقيت شي فيه تاريخ الاختبار بس اطلعت على البروشور في الموقع ومكتوب ان الاختبار راح يكون يوم ٣٠ والمتاخرين راح يختبرون يوم ٢

طيب سؤالي ان احنا في السعودية وراجعين كندا يوم ٢ وماراح يمدينا نسوي الاختبار , كيف الطريقة وشلون راح يختبرونا ؟

حبيب قلبي . انا قلت لك ان الاختبار يكون في اول يوم حضور ، واول يوم حضور في الغالب يكون مكتوب في القبول. إذا كانوا كاتبين لك (( مثلا )) انك لازم تحضر للجامعه في يوم ١٥ أغسطس معناته ان الاختبار راح يكون في ١٥ أغسطس. وش كاتبين لك بالقبول وانا اخوك ؟

أخوي مكتوب في القبول فوق المدة الي راح اكون معاهم فيها والي هي من ٦ سبمتبر ٢٠١١ الى غاية ٣١ اوغست ٢٠١٥ وفوق هدا السطر مكتوب فترة اورينتيشن من ٣٠ اوغست الى ٢ سبتمبر

وبين الكلام تحت كاتبين اني لازم ااكد عليهم اني اوصل كاملوبس في تاريخ ٢٦ او ٢٧ اوغست

انا وصولي كاملوبس راح يكون يوم ٣ سبمتبر مالقيت حجز غير هاليوم وجيت بغير التدكرة قالوا لي ضريبة التغيير ١٤٠٠ دولار !! لان الاسعار ارتفعت

اوكي .. لا تأجل رحلتك ولاشي . اول ماتجي إن شاء الله راح تسوي الاختبار لأنك ماراح تكون الوحيد اللي متاخر. ويفضل إنك ترسل لهم إيميل تشرح لهم الوضع عشان يكونون بالصورة . واذا تبي اخدمك بشي انا حاضر.

صدقني اني شفت ناس كثير زيك ، وناس يجون بعد ماتبدا الدراسة بأسبوع ، يصلحون لهم اختبار ويدخلونهم في الكلاسات.

بس شف ، فيه ملاحظة مهمه ، تراني من اليوم وانا افترض انك راح تدرس لغه بس. اذا كانت لغتك قوية وراح تدرس مواد اكاديمية ، هذي فيها كلام مختلف.

أنا درجتي في التوفل ٧٥ يعني راح ادخل لفل ٤ حسب كلامهم بس اتوقع أني راح اجرب اختبر اختبارهم يمكن ادخل مستوا اعلي