أبي اعرف ارخص طيران من الرياض الى مقاطعة نوفا .....

اخي الكريم اتوقع سعره مناسب لكن رحلتك على اي خطوط فحاول انك تشتري التذكرة قبل لايجي موسم عيد الميلاد لانك راح تشوف اسعار خيالية بالتذكرة تخيل توصل التذكرة الى 7000ذهاب فقط وحاول تشوف لك تذكرة على البريطانية bmi بعض الاوقات يحطون عروض زميلي راح يبي يشتري تذكرة على كندا لقى اللي 6000و5000 لقى عرض على bmiذهاب وعودة ب3800ريال.

هذا كل عندي والله يوفقك ان شاء الله

أخوي الطالب الطموح بيض الله وجهك ماقصرت على الرد السريع ومشكور

ولكن ابيك تزودني بمعلومه عن التذكره البريطانيه bmi ويش هي بالضبط يعني ويش اقول لخطوط اقول ابي على هالتذكره ولا لهم مكاتب مخصصه يعني وضح لي واكون شاكر لك

هذا واجبنا اننا نساعد البعض
اخوي شوف تروح وكالات وش كثرها عندك زي وكالة كانو بالرياض اسئل وين موقعها بالرياض اذا رحت للوكالة تحصل وكالة الخطوط الكندية وعده وكالات دوليه اخرى او تروح للمكاتب السياحية بالرياض زي مكتب الطيار اللي على طريق التخصصي
واحد من الشباب راح الى فانكوفر مباشرة من الرياض ذهاب فقط ب4000ريال لما تروح للوكالة او مكتب سفر وسياحه اسئل وش ارخص خطوط جوية تروح لكندا وعلمه بوجهتك او اسئل عن العروض المقدمة من الخطوط زي الخطوط البريطانية bmi
ونصيحه اخرى قبل لاتشتري التذكرة وتتورط فيها اذا نويت انك تجي لكندا واخترت الخطوط وكل امورك تمام توكل على الله او اذا حصل شي لاقدر الله ظرف انك تستدعي تاجيل رحلتك تروح للمكتب اللي شريت منه التذكرة وتاجل رحلتك قبل الرحلة 24 ساعه او 48
او اذا بغيت تسترجع قيمه التذكرة راح يخصم علي قيمه الضريبة الدولية تبع الخطوط .

ان شاء الله توصل بالسلامة .
وشكرا

مشكووووور اخوي على الافاده وكثر الله من امثالك ماااااااااااااااااااااااااقصرت