هل من فزعه

وش التخصص اللي تبيه وكم معدلك .. شرعي ولا علمي~

علوم حاسب معدلي 89% علمي . .

عندك جامعات كثيره عندك فريزر فالي .<صح موقفه ترى
وعندك جامعة فانكوفر أيلاند ~ أخوياي اثنين جايبين قبول منها خلال اسبوعين واحد أدارة واحد حاسب~
بس ترى معهدهم يقولون معقد ~
بس ما تعمقت مع اخوياي في سالفة التعقيد لان ما تهمني ولا قبولي عليها بس تعطي قبول مشروط ~

وعندك ريجينا ~
وسسكاتشوان~
ونيو برانزويك ~
وعندك دالهاوسي
عندك سيمون فريزر < موقفه
وعندك جامعة كوالتن ~
جامعة اكاديا
فكتوريا <~ ماني متأكد من فكتوريا لأن يقولون وانا اخوك عليها ضغط غيررررر طبيعي ~
\\
//
تخيل من قوة الضغط صارو يقولون اللي عندهم قبول من الجامعه ادرسوو في المعهد الفلاني ولا جا وقت دراسة التخصص تعالوو ~
زي ما حصل لخويي عنده قبول هندسة من فكتوريا بس قالو له ادرس في جامعة كوالتن اللغه واذا خلصت تعال وادرس تخصصك..لان معهدنا فل سعوديين ~
.....
ووعندك جامعة نورث بريتش كولومبيا unbc <~ بس بارده المدينة وصغيره بس لـ ادراة الاعمال والحاسب كويسه .. بس للأسف هندسه ما فيها .. ولا هي كويسه بس قلت انا ابي ادرس هندسة واظطريت أغيرها ~
وكان قبولي عليها جبته خلال شهر ونص~
"بس ما اكذب عليك استعنت بمكتب لأن كنت وقتها كنت غشيم <~ لووول مكتب في كندا طبعاً"
وجامعة كوالتن ~
وعليهم معهد ماشالله قوووووووووي . على كلام الشباب دراسي بحت ~

بس...
والطقه اللي في الشرق ما اعرف إلا قليل منها ..وذكرته ..
ما عندي خبره فيها ..
وياليت واحد يكتب لك الجامعات اللي في الشرق يساعدك ~

بس هـ الجامعات انا متأكد منها ~

وإن شالله الكل يستفيد ~

يالله الحين افتح ويب سايت الجامعه وخاطب معهدهم وقسم التخصص اللي تبيه ~
ويجيك القبول بأسرع وقت . لحد يعتمد على مكاتب ~ نصيحه <~
واذا ضاقت تبي تلجأ لهم ... خذ معك اسماء الجامعت والتخصص اللي تبيه والدرجه العلمية . لا تروح تقول ابي قبول من كندا وعلى عماها <~

ودعواتك بالتوفيق مو بس لي لجميع المبتعثين ^_^

واي سؤال ثاني حاضرين ~

والله ياخوك انك ماقصرت يعطيك الف الف عافيه على الشرح هذا

انا الحين رحت للمكتب وقالي 2500 ؟؟؟؟؟! قلت قدام والله اني ماعرف اراسل ولا اعرف شي واجد وش اسوي مافيه باليد حيله الا ذي

2500 مره كثير على شان قبول والله حرام أنا قبولي أخذ علي 1250 ريال ورسوم القبول حقت الجامعة 30 دولار

وبعد ماجبت القبول حولت للمعهد رسوم القبول أيضا 180 دولار بس

اخي صاحب الموضوع لازم تحدد انت وين تبي تدرس وش التخصص
اي جامعه ومعهد له موقع الكتروني كل شي واضح هناك
والقبول ممكن اي احد يجيبه لك بلاش مجرد تسديد رسوم

صعب جدا تقول ابي قبول كذا لازم تحدد انت ولايلعب عليك احد
وقبل كل هذا تاكد ان الجامعه معتمدة ولم يتم ايقاف قبولها من قبل التعليم العالى
وبالتوفيق