استفسار طلاب ماليزيا / كوالالمبور

وعليكم السلام والرحمه


شنو رأيكم فيه ؟ ( لو حبيت أدخل المعهد في برنامج مكثف لمدة 6 شهور قابلة للتمديد )

معهد ممتاز .. خذ لك 6 شهور فيه بعدين شهرين ببرتش كانسل تصير لبلب وفنان بالانجليزي


السؤال الثاني :

كم التكلفه للسكن ( شقه ) تتوفر فيها حمايه ( أمن ) للشخصين ؟ خلال مدة الدراسة ( 6 شهور ) .

انصحك بمنطقة سوبنق جايا وتلقى سكن كثير حول المعهد وانا سكنت هناك فتره ومريحه مره وفيه مطعم عربي جديد وبقالة عربيه ومقاهي وتكيات حلوة مره والجو روعه هناك
سعر الشقه بالشهر غالي
بس بما انكم شخصين انصحك تاخذ غرفة ماستر كبيرة مع حمام يطلع سعرها تقريبا من 750 الى 900
والشقق من 1900 وفوق ..


السؤال الثالث :

بالتقريب كم تكلفه المعيشة لشخصين في الشهر الواحد ؟

كثير طلاب مصروفهم 1500 ويكفيهم ويزيد وبعضهم مايكفيهم .. بس الانسب 1500 ريال سعودي

السؤال الرابع :

أفضل وأنسب شركة طيران من المملكه العربية السعودية الى كوالالمبور ؟

جربت الخطوط السعودية والاماراتية
السعودية فيها ميزة انها تمسك خط واحد مافي ترانزيت والوزن مايستقعدو عليه
الاماراتيه فيه ترانزيت بس فله مطارهم ورووووووعه ومريحه اريح من السعودية بكثير وكل واحد قدامه شاشه ووصلة كهرب يشحن جواله او لابتوبه .. والشاشات فيها افلام وفللللله وخدمة ذوق وكراسي مريحه




بالنسبة للبعثة وانا اخوك صعبه بماليزيا مره
وماتدخلها الا بحال تحقق الشروط وهي تخلص 30 ساعه من التخصص وتحصل معدل فوق 2.5 ومدري وش بعد لول

بالتوفيق لك ..
اخوك احمد

حياك الله ياخوي ..
الله يوفقك وياها ..
وانا اخوك لا ماظنيت فيه بس المنطقه حلوة مره وفيها طلاب عرب كثير اي شي تحتاجه ماراح يقصرو معك بس برضو لازم تكون حريص لان اصابعك مهي سوا ..
امم تبي نصيحتي .. ادرس انجليزي وبس تخلص فكر بالجامعه خلي تفكيرك كله بالانجليزي ..
ولو تزودني بالتخصصات دليتك على جامعه تمام ويمكن يكون معهدها ماشي حاله وتدرس فيه اوفر لك واريح لك
دمت بخير .. ولاتحرمني دعواتك ..

نسيت اقولك بما انك جاي مع زوجتك لازم تجهز نفسك لتجديد شهر العسل بماليزيا وتاخذ لك جولات سياحية بس تستقر وتظبط وضعك ..
دمت كما تحب

اممم تصدق احسن طريقه انك تيجي انت بعدين هي تلحقك ظبط لها الوضع عشان ماتتعب معك كثير وتتبهدل ..
المهم انصحك بالجامعه الاسلامية بس تخلص لان تخصصاتكم موجوده هناك + متزوجين ماراح تحسون بالوحده ان شالله والطفش وربي يهنيكم ويسعدكم .

هههههههههه شكلك كذا بتسحب على الدراسه هههههههه بس ترى السياحه تقوي اللغه لانك بتمارس اللغه وانت تتمشى وتسأل وكذا ..
امين ربي يسمع منك ولك بالمثل .. وربي يعافيك
حياك الله ودمت بخير