حقق احلامك !! فانت في كوريا الجنوبية

الله يرحمها ويغفر لها ويسكنها فسيح جناته
ويصبرك ويصبر اهلك
بس هذي هي الدنيا وهذا مصيرنا كلنا
انا عضوه جديده هنا
ومتبعه موضيعك من فتره
واذا ممكن احد يساعدني والله بدعيله من كل قلبي
انا من مواليد 14/2/1410
وبعد ادرس في الصف الثاني ثانوي (ادبي )
ونفسي من جد ادرس في كوريا
فهل لازالت لدي فرصه ان ابتعث للخارج لدراسة مرحلة (البكالوريوس) اذا حققت شروط البعثه
ولا من اصغر مني في السن سيفضلون علي ؟؟
وهل استطيع انا اتخصص في الحاسب الالى علما اني ادرس في قسم الادبي ؟
واذا لا طيب ايش التخصصات الي ممكن ادخلها ؟
وبليززز قلولي اذا بعد في فرصه ولا لا

اللله يوووووفقك ويحرررسك من كل شر ارفعي راس اهلك وروسنا وروووس كل من يعز عليك...

جزاك الله خير حبيبتي على عزائك لي وربي يرحم جميع الاموات ويغفر لهم يارب
واهلا بك بيننا نحن طلاب الابتعاث والحالمين لمستقبل افضل وربي يحقق للجميع الخير يارب

ياقلبي انت شايف نفسك كبيرة يعني؟؟
بما انك ان شاء الله راح تتخرجي من الثانوية السنة الجاية ان شاء الله قدمي للابتعاث وربي يكتب لك
ومهما كان انت تعتبري في سن طلاب الباكلوريوس ان شاء الله بس جيبي نسبة حلوة لأنك في قسم الادبي
لأن اغلبية الطلاب هنا قسم علمي وفي ادبي بس هم بالنهاية اللي بيتعبوا لأنه في مواد ما درسوا من قبل بس اجتهدوا ومشيوا والحمدلله

بس بما انك ادبي افضل انك تدرسي ادارة واقتصاد وادارة اعمال ...لأنه لسة مافي بنات من السعودية بدا التخصص بس حلوا الوحدة تكون فريدة وافضل انك تختاريها بدل الحاسب لأنك ادبي بعيد جدا عن الحاسب

وان شاء الله يكون لك فرصة ....دعواتك اني اتخرج ودفعة من الطلاب يتخرجوا عشان يستقبلوا طلاب جدد

مشكور والله على مرورك الطيب ودعواتك وتشجيعك لي

شيء حلو اشوف لموضوعي متابعين من دول اخرى غير كوريا

وان شاء الله اقدر احقق اللي جيت عشانه لكوريا يارب

السلام عليكم

اختي مبتعثه وجودك الدايم يفيدنا كثيييييييير واكيد يطمنا عليك
لذا اتمنى تواجدك ،،،،

اختي سفرنا قرب الى كوريا والكلام الحين كثر وكل واحد يسال الثاني
ايش جهزت للسفر ؟؟؟ وايش الاغراض الي بتاخذها معك ؟؟؟
ايش جهزت للسفر ؟؟؟ وايش الاغراض الي بتاخذها معك ؟؟؟
ايش جهزت للسفر ؟؟؟ وايش الاغراض الي بتاخذها معك ؟؟؟

علشان كذا ودي تفيدنا بالاشياء المهمه الي خذيتيها معك ؟؟؟
واشياء ممكن ما تكون مهمه اخذتيها وما ندمتي عليها ؟؟
واشياء ندمتي انك ما خذيتيها معك ؟؟
واشياء ندمتي انك خذيتيها معك !!؟؟

واتمنى تردي علينا سريع يعني مو معناتها انك بالسعوديه تنسينا ،،،،

واخيرا اشكرك على تجاوبك معنا واتمنى لك التوفيق

تسلمي والله ....ان شاء الله اقدر افيدكم بالقدر اللي افيد فيه نفسي

وتوصلي انت وباقي الطلاب لكوريا على خير يارب وان شاء الله ما تندمي على اختيارك

ياستي من ناحية التجهيز كل واحد هو ايش يحب ياخذ معاه عشان ما يحس بالنقص لأنك مسافرة مدة طويلة والشيء اللي تحبيه من اكل او ملابس او كتب خذيه معاك ....بس عشان تذكري الاشياء المهمة احب اذكرها لك بنقاط...كونك جديدة لسة
1-بما اننا مسلمين وبندور رضى رب العالمين اولا اكيد بمجرد ما نوصل هناك نبغى نعرف اتجاه القبلة عشان نصلي وطبعا لا تنسي البوصلة والسجادة وشرشف الصلاة ...واذا قدرتي تاخذي معاك ابريق للوضوء وقد تحتاجي الابريق لأغراض ثانية لأنه زي ما تعرفي كوريا بلد غير مسلم والحمامات الله يكرمك بالمناديل فتحتاجي لأستخدام الماء من دي الناحية.
2- من ناحية البرد ...خذي ملابس ثقيلة تحميك من البرد القارس في كوريا وخذي معاك على الاقل بطانية تساعدك في البداية ...لأنه بمجرد ما توصلي هناك السكن اللي راح تاخذيه ماراح يكون معاه بيت مخدة ولا شيء ...سرير فاضي فقط وانت تفرشيها وكل شيء بس طبعا لا تجيبي معاك مفرش كامل وتقل عليك اهم شيء بطانية تغطي فيها نفسك باول يومين لحد ما تشتري من هناك اللي يناسب غرفتك...والجزم لا تجيبيها بكعب عالي لأنه هناك كله جبال وصعب تتنقلي بين مكان لمكان...يعني حاولي تجيبي اي شيء يخليك دافية

3- من ناحية الاكلات خذي المعلبات اللي تحبيها وخذي معاك تمر يعطيك طاقة مع البرد المتعب ....يعني من معلبات جبن قشطة تونا زيتون .....ولا تنسي بهارات الطبخ راح تحتاجيه ..وممكن مكعبات ماجي سهل وسريع واكياس الشوربة واشياء من هذه السريعة ....واذا جبتي معلبات تفتح عن طريق مفكات لازم تجيبي معاك المفك نفسه ...صعب تحصلي مفك هناك......واذا تحبي القهوة العربية خذي معاك البن والهيل والدلة لأنه ماراح تحصلي دلة قهوة ابدا هناك يعني ولوازمها اذا تحبيها مثلي ^_^.

4-من ناحية الكتب خذي القواميس العربية للانجليزية والعكس صحيح ....اذا تقدري تجيبي قاموس الكتروني بيفيد معاك كمان في الكلاس الكوري ......والكتب اللي تحب تقرأيها من قصص او اي شيء تسلي فيها نفسك في اوقات فراغك ...والقرآن طبعا لا تنسيه.

5- من ناحية الاكسسوارات ....اذا تحبي العطور فجيبي معاك لأنه في كوريا عطوراتهم خفيفة جدا تحسي انه حق الاطفال....ونظارات شمسية ...يعني دلعي نفسك اذا تحبي الاكسسوارات ...اللي بالسعودية احلى بكثير من كوريا وحتى الملابس عندنا احلى وارخص وعلى مقاسنا وذوقنا.

راح تلاحظي نفسك مع الايام انه انت توفري لنفسك كل الاشياء ان شاء الله ....وعادي اذا نقص عليك اشياء كلميني هناك وانا ان شاء الله في الخدمة تقريبا صار عندي خبرة وعندي كل شيء وراح ادلك على اماكن فيها كل شيء وباسعار مناسبة.

وان شاء الله اذا انا ما نسيت شيء

على فكرة بطاقتك البنكية من بنك الراجحي او اي بنك جدديها وخذي النوعية اللي فيها الفيزا عشان تقدري تسحبي هناك وفي اي مكان بالعالم على الاقل تمشي بيها امورك لحد ما تخلصي امور البنك هناك وينزل لك الراتب.

وربي يوفق الجميع يارب ...واي شيء تحتاجونه انا في الخدمة

يعطيك العافيه اختي ما قصرتي

بس بالنسبة لافياش الكهربه نفس الي عندنا مدوره وعاديه
او تختلف

الحمد الله على عودتك