مساعدة الابتعاث الى الفلبين

والله حاب اكمل في الفلبين وفي نفس التخصص رعايه تنفسيه
بس ياليت احد يقدر يقيدني بلموضوع تكفووووووووووون
بس ياليت على الخاص لني ماخش المنتدى كثير ,, وشكرأ

اولا ياصاحبي انا لاأنصحك في الدراسة في الفلبين زي ماقال الاخوان مافي جامعات معترفه ولا في ابتعاث لها ولا في اصلا ملحقية ثقافيه
هم تاعبين للملحقيه الثقافيه في سنقافوره بعدين انا دوبي راجع من الفلبين قبل رمضان بيومين وكنت هناك تقريبا 7 اشهر لدراسة اللغة فقط وكنت اسأل دائما في السفاره عن الجامعات المعترفه قالوا مافي جامعات معترفه حاليا لكن في دراسة عشان يضموا بعض الجامعات قالوا راجعنا بعد اربع شهور لاحظ هذا الكلام اول ماوصلت في اول شهر طبعا بين فتره وفتره اروح يقولوا لي مافي شي جانا لكن ان شاء الله قريب ننتظر لجنه تقيم الجامعات قلت طيب ايش تستنو قالوا لازم يوافق الملحق الثقافي في البدايه طيب قلت نستنى انتظرت لحد شهر 8 كان في زياره للملحق الثقافي في الفلبين واجتمع مع اعضاء السفاره في الفلبين وبعض الطلاب الدارسين وكان من نتائج الاجتماع انو مافي جامعات معترفه ولا في ابتعاث على الفلبين والطلاب اللي يدرسوا يحاولوا يروحوا لأي دولة ثانيه سواء ماليزيا او اي دوله بها جامعات معترفه بعد هذا الكلام انا غسلت يدي من الموضوع وقلت انسى ان يعترفوا في الجامعات الموجوده مع العلم ان هناك جامعات عالمية وقويهـ جدا جدا بس الله المستعان
بصراحه كنت ناوي اكمل هناك بعد ماعشت في البلد وتعودت عليها لكن مابغى اضيع وقت وجهد ومال وفي الاخير الشهاده تتعلق في الدولاب انا انصحك تغير الفلبين لانها مارح تنفعك بل ممكن انها تضرك
وثانيا هناك مارح تحصل سكن الا 1000 ريال غرفه وحده طبعا غرفه تمشي الحال صغيره هذا اقل شي ثانيا الكهرباء يعلم الله اني كنت مع صاحبي ساكنين في شقه غرفتين تجينا الفاتوره على 500 ريال
من غير الاكل الله يعينك عليه صعب بصراحه رح تطفش لدرجه انك ماتعرف ايش تاكل وراح ينقص وزنك اقل شي 10 كيلو في 3 شهور هههههه انا عن نفسي نقصت 15 كيلو تقريبا في 7 شهور مافي الا ماكدونالز وكنتاكي ومطاعم اخرى طفشنا منها
والمطاعم العربيه موجوده لكن انها غاليه
لاحظ انا اتكلم عن مدينة مانيلا هذا هي طبيعة الحياه هناك
طبعا اغلب الطلاب السعوديين هناك في الفلبين يدرسوا طيران والطيران كمان مو معترف لكن اذا اجتاز الاختبارات في السعوديه رح يمشي هذا على قول البعض لكن مافي مدرسه معترفه بها ايضا هذا ماورد في الاجتماع والله الموفق واي خدمه انا حاضر