هل حقا مررت بنفس الوضع في كوريا؟

تسلمي ياقمر على رأيك في مواضيعي

هذا لأني بكتب الواقع من غير اي خيال او تعبير صعب ....تعبيري بيفهمه كل اللهجات العربية

هي فعلا الثقافة الامريكية انتشرت عندهم ...لدرجة انهم بدأوا ينسوا اهاليهم مثل الغرب ...وكل من يريد يستقل بعيد عن اهله بمجرد ما يبلغ سن المراهقة

وهم يعتبروا العرب لسة شعب متخلف ماوصلنا للتطور الامريكي
والدليل اننا لسة بنلبس حجاب مثل ما كان الشعب الكوري قديما بيلبسوا حجاب
والرجال عندنا لسة بيطولوا الشنب والذقن مثل ما كان شعبهم قبل
فلهذا احنا بالنسبة لهم لسة متخلفين بس عندنا فلوس بسبب البترول وعلى بالهم لسة بنستخدم الجمال على السيارات

رنودة عذرا انا ما عرفتك؟؟
الاسم بنوته والكلام بنوته ....بس مكتوب الجنس ذكر !!!!هل انت اللي في بالي؟؟؟

على العموم ياقمر هذا الشيء كمان يعتمد على الجامعة اللي تدرسي فيها وكمان المرحلة العلمية

مثلا جامعتي جامعة سيؤول الوطنية وهي الجامعة الاولى في كوريا ....والكل اللي من خارج جامعتي يعرفوا اطباع الطلاب اللي في جامعة سيؤول ....وكذا شخص كوري قابلته من جامعة ثانية بيقول لي نفس الكلام عن عدم مساعدة طلاب جامعة سيؤول لبعض
ثانيا المرحلة ....انا مرحلة ماجستير وهي مرحلة تكتب فيها البحث وبنكون احنا مستقلين عن غير الباكلوريوس فهم على قولتهم يبغونا نتعود على دراسة وطريقة الدكتوراة في البحث من مرحلة الماجستير فعشان كدا بيعاملونا كذا

ثالثا جامعة سيؤول شبعت من الاجانب ومن كل البلدان.....اما جامعتك لسة بتحاول الوصول للقمة فتحتاج الى اجانب ....انا لما كنت في جامعة سوكميونج كنت احصل كل المساعدة من الطلاب والاساتذة ....حتى في استاذة كانت تجيني السكن بس عشان تساعدني....رغم اني كنت فقط في مرحلة لغة....والبرفسورة المشرفة علي في الماجستير من اول اسبوع وصلت فيها كوريا حبت تشوفني واعطتني كتاب ابدأ في قرائتها من بدري عشان ما اتعب في الماستر وكانت تسأل عني بين فترة وفترة ....وخلتني احضر كلاسات على نفس تخصصي عشان اتعود على مسمع اللغة الكورية بتخصص الكيمياء ....بس انا رفست النعمة وجيت للتعب بنفسي....والحمدلله على كل حال

عيوش اي انا اللي في بالك بس مادري مين لاعب في الخصائص وغير الجنس

أرهقتني الغربة ولكن سأواصل
أتعبني الاهانة والذل من قبل الكوريين ولكن سأصبر لأنه سمة الاسلام والمسلمين
امرضني الجو المتقلب والبعد عن الاهل..ولكن اسأل الله ان يكون نهايتي في مكة

امور عدة حصلت لي ولأهلي منذ وصولي لكوريا....شعرت ان كوريا اتعست حياتي اكثر من انها اسعدتني
فقدت الكثير منذ ان جئت....فقدت من هم لي معزة في قلبي خلال تواجدي هنا ...فليس لي سوى ان اقول يرحمكم الله
......فقدت الفرح مع الذين اتولدوا للحياة من جديد ....فليس لي الا ان اقول مبارك عليكم ما جاكم
......فقدت مراحل نمو اطفال احبهم من كل قلبي ...فاجد من فيهم الان في المدارس ومن فيهم يتعلم المشي والكلام...وعندما اكلمهم لا يعرفوني فاصاب بخيبة امل.
.....فقدت سيطرتي واسلوبي الفرح المرح ...فلم اعد ذاك الفتاة التي تحنو على احد او تمرح
.....فقدت ابتسامتي الحقيقة....صحيح مازلت ابعثها للجميع بس بداخلي الكثير من تعب الغربة
....فقدت .....وفقدت .....ولكن لن افقد ثقتي بالله تعالى ...وانه سيعوض صبري الخير الكثير
نعم لن افقد حبي لله ...واملي وثقتي به ... بما ان قلبي ينبض بالحياة سيردد كلمة الشهادة والدعاء دوما للجميع
فيا الله يارحمن يارحيم انت اعلم بحالنا ....فالطف بنا فانت ارحم بحالنا يا اكرم الاكرمين

آمين ......
حقيقة كـــلام محزن ولكنه معبر وجميل وما فاتك شي يا اختي مبتعثه
اسأل الله ان يعوضك في الدنيا والآخرة وياجرك على صبرك



اختى مبتعثه انصحك لو تشوفين مشاكل بعض المبتعثين اللي يواجهونها تقولين انا مشاكلي بسيطة مع مشاكلهم والله يا اختي اننهم لا يملكون إلا الدعاء ...
من بعد ما قرأت كلامك جلست افكر وش اسوي بالثلاث السنين ونصف بكوريا
عالعموم الله يعين الجميع

لا تحزن فقد ترى الكثير في الغربة

فقد فقدت الكثير ....وآخرها فقدت خالتي الوحيدة ...بسببها كتبت الكلمات السابقة
فلم اكن اتوقع اني سأفقدها في ظل هذه الظروف...ولكن لله في خلقه شؤون...والحمدلله على كل حال ...انا لله وانا اليه راجعون

اخوي لازم تسأل احد يعرف انجليزي عندك عشان تعبي الابلكيشن

انا في كوريا ساعدوني والحمدلله من هم لهم خبرة ...بس انت لازم تسأل احد قريب ومعاك عشان تعبوا الاستمارة سويا

غير كدا احنا في المنتدى مانقدر نساعدك فيها...ولا راسل الملحقية هم يساعدوك

وبالتوفيق يارب

طيب اختي مبتعثه الي بيدرس ماستر في كوريا تكون اللغه بالكوري او انجليزي لانو انا مره خايفه من اللغه الكوريه بلييييييييييز ساعديني

اشكر اختي مبتعثه كوريا على التواصل الدائم والخدمات المقدمه منها.......

مبتعثة وينك صار لك فترة ما نشوفك
عسى المانع خير ؟

عذرا على غيابي بس مثل ما انتم عارفين بعد عزاء خالتي الله يرحمها رجعت للاختبارات النهائية والحمدلله عديتها بسلام

وان شاء الله احاول اكتب بين فترة وفترة رغم اني راجعة للسعودية فترة راحة شوية

بالنسبة للماستر ...في كل الجامعات بيكون باللغتين الكورية والانجليزية بس انت لك الحرية باختيار المادة

ولما تنزل الجداول ممكن تختاري المادة اللي مكتوب عليها انجليزي ...ومو اي مادة مكتوب عليها بالانجليزي معناه انه انجليزي 100% لا هذا معناه ان الكتاب انجليزي وممكن البرفسور يشرح كوري على حسب البرفسور طبعا وقدراته

بس قبل ما تسجلي اي مادة اسألي ذوي الخبرات واسألي عن برفسور المادة ...كدا ان شاء الله تضمني نجاحك

وبالتوفيق للجميع يارب