العزيمة والاصرار ...لحياة المغتربين في كوريا الجنوبية

الله ياقلبي كلامك بيحسسني اني مهمة ^_^

كل شخص عنده طموح في الحياة واحيانا طموحه بتكون عالية .....بس الظروف والوضع بيكون عكس التيار اللي هو مخطط له وبيضعف ويتعب ويستسلم
وكل شخص بيكون استسلامه حسب ظروفه المحيطة فيه......في اللي يستسلم نهائيا ويرضخ للامر الواقع ويقول هذا نصيبي ويوقف لحد حد معين
وفي ناس بيطمعوا للعلالي واستسلامهم ماهي بسهولة وقد يلجأ للواسطات والرشاوي ومن هاي الاشياء ويوصل للي يبغاه واكثر
وفي ناس بيطمعوا للعلالي بس مايكون عنده احد بيساعده ولا مال تنقذه ....فقط عنده الرب الكريم العالم باموره ....فبيكمل طريقة ببركة من الله تعالى والدعاء

انا اطمع للعلالي ونيتي اولا صافية انه اتعلم اكثر واكثر واستفيد من تجاربي وافيد غيري ....وافيد بلدي....ومثل ما الملك عبد الله وفر لنا هذا الابتعاث حلمي اني ما اخذله واثبت جدارتي رغم التعب اللي بشوفه

واتمنى ان كل بنت تجي للابتعاث ....تراعي وتحافظ على دينها وسمعه نفسها وبلدها.....لأنه ايد وحدة ما تصفق...والخير يخص والشر يعم
واللي اسمعه عن حكاوي اليوم يحسسني اني حابة ارجع بلدي وما اشوف الفساد بنفسي او اسمعه

ههههههههههههه الله يسعدك..

والله ضحكتيني من قلب ..

بس السواقه عني انا مستحيللللللللللللللللللل اسوق .. اخاف مررررررررره
وانا مع زوجي بالسياره كمان .. كل شوي الله يخليك انتبه

يختي اتوتر بالسياره..

بس ماشاءالله عليك.. الله يقويك

السلام عليكم...


بصراحه كل شخص طموح

هو مهم جدا عندي...وكلامك صحيح..

في كثير ناس طموحين بس ما اعطيت لهم الفرصه كثير شباب وبنات ..راحوا
ما حسية ابدا انه لعلم او شي...وهذا بجد يضايقني..المفروض يكونوا افضل صوره لدين والوطن
بالعكس..بس ما نشوف غير الي مع،،،، او الثاني بس ينزل مقاطع
بجد يثبت عكس كلامهم وليش راحوا..من كثر الي فيني ودي اكتب موضوع ..بس من يشوفه ويتعلم؟؟

المهم طولت عليك...

قصه السياره كثير تضحك..


حبيت اقولك شي

صح تعبتي وصح كمان رحتتعبي ..يمكن تتألمي....بس اهم توصلي لهدفك ..طموح...

وح تكون احلى ايام تقضيها في حياتك

وان شاء الله اشوفك..وانتي محققه اهدافك...


وسلامتك ياقمر...والاكيد اني رح اتابع موضوعك...

اريج قلبي جربي السواقة ترا تختلف لما تجلسي بجانب السائق وبين لما تسوقي انت

انا كنت مثلك لما اجلس قدام مع اي احد بقوله انتبه ولا تمشي بسرعة وتبغى شيء اعملك انا ولا تقطع اشارة ومن هذا الكلام

ولحد اليوم اذا احد يسوق وانا اجلس جنبه اتوتر وخاصة السواقة بكوريا خطرة

بس لما اسوق والله الوضع عادي بالعكس تحسي وانت سايقة مجبرة تقطعي اشارة احيانا ومجبرة تعدي من سيارة ثانية

يعني السائق اهم شيء ما يتوتر وانت اللي بجنبه لا توتريه خخخخخخخ بس السواقة حلوة تحس انك ملكتي كل شيء

تحسي انك فنانة على قولتهم ومميزة عن الكوريين لأنه اذا اخذتي رخصة من كوريا يعني انك اجتزتي اختبار كوري اللي هم الكوريين نفسهم ما قدروا يجتازوا

ولما تسوقي بشوارعهم وتحافظي على هدوءك بتحسي بثقة بنفسك اكثر واكثر

تعالي عندي بديكو اعلمك شويتين لأنه بسيؤول زحمة خخخخخخخ

موضوعك مرا جميييل
حمستيني اني اجي كوريا ادرس فيها ..
مع اني متردده خايفه اضيع السنتين اللي درستهم هنا و اضيع نفسي هناك
ومرات اقول انا ابي ابدا من جديد ابي احس اني جد اتعلم ,,
لان هنا بجامعتي التعليم زيرو جدا لي سنتين درست فيها بس ماستفدت ولا شي
وحابه اسألك ,, انتي معك محرم والا بدون .؟
لان ابوي بيجيبني شهر و بيتركني وبيرجع وبين فتره وفتره بيجيني .. وخايفه اني بجلس بروحي هذا اللي مرددني .

تشوكا هي يو على السيارة والله يعطيك خيرها ويكفيك شرها
عاد انتبهي اذا بيمر من جنبك باص ولا وايت لا تزحفين ع جنب من هواه وانا انصحك اذا صار الجو فيه هوا ولا امطار خليها واقفه محلها
واخيرا ولا ليس اخير ... جوشيم هاشبشيو

أنا افضل فعلا انك تجين تدرسين من البداية يعني الافضل انك تبدأي الباكلوريوس بكوريا اذا انت حابة كوريا من البداية

لأنه اذا درستي واتخرجتي من السعودية وبعدين تجين ماستر هنا بتحوسي مثلي ...بتحسي نفسك فعلا مثل الكرسي ولا الماصة اللي بالصف وكأنه كل شيء جديد

أما اذا بديتي من هنا الصعب ومشيتي فيه تقدري تكملي في الماستر والدكتوراة لأنه بيكون عندك اساسيات التعليم اللي عندهم

أنا جيت هنا وماعندي اساسيات التعليم اللي عندهم وكاني بديت من الصفر وشوفي اربعة سنين ولسة ما اتخرجت ماستر.....وكانه ادرس بكالوريوس وماستر مع بعض

الله يعين والله......بس بالنسبة للمحرم ما اقدر اقولك كيف الوضع وكل وحدة حسب حالتها ....انا عمي موجود هنا ومعاه عائلته وساكن بسيؤول عشان كدا وضعي تمام مع المرافق رغم انه هو بسيؤول وانا بديكو.....بس انه المسؤول عني هنا.....بس من الوزارة ما اعتقد يسمحوا لك تجلسي من غير مرافق ...وانا انصحك لا تجين من غير مرافق ترا الوحدة والغربة ماهي سهلة للبنت

موفقة يارب

كامساهمنيدا ^_^
ايه اعرف سواقتهم المتهورة ....اصلا اشوف باص وراي بوخر عنه كانه الملك واخليه يعدي مني خخخخخخخخ
اصلا فين وفين اطلع خليها على الله

تاشي كامساهمنيدا

ربي يوفقك عيوش

بصراحة انا احب كوريا كنت افكر اقدم عليها لكن تراجعة بسبب خوفي من اللغة وقدمت على امريكا لان في المملكة مطلووب انجليزي

بصراح انا من متابعين كتاباتك واحس نفسي مرررة متحمسه لما اقراها يدخلني اوقات الندم لتراجعي عن هذا القرار لكن الحمدلله
ان شاالله مسافره في ابريل وراح ابقى متابعة لك

واذا ربي يسرلي ووفقني احد طموحاتي هو تعلم اللغه الكورية وزيارتها

حبية تفاؤلك و طريقة تفكيرك ربي يوفقك وييسرلك كل خير