تجمّع طلّاب Turkey - تركيا |~

احمد وصلك القبول ؟

لأ

لكني رسلت لك إيميلي وإيميل صاحبي

الان وصلكم القبول ان شاءالله
وبعد الفيزا اللي تحاول انت وعيسى استخراجها باقرب فرصه ممكنة سيتم التواصل بيننا من اجل السفر وموعده من اجل تحديد تاريخ معين للسفر ...

يعطيك العافية أخوي عصام

قبولاتي وصلت نتمنى منكم تفاصيل استخراج اليزا وماهي الأوراق المطلوبة

تفاصيل الفيزا:
اولا تامن الطلبات للفيزا وهي كالتالي 1-صورة شخصية والخلفية بيضاء وللبنات يجب ان يكون الوجه مكشوف والطرحة على الشعر .
2-صورة الجواز.
3-صورة الهوية.
4-الجواز.
5تعبئة الاستمارة هناك في السفارة او الملحقية.
6-ورقة من ولي الامر بالموافقة بالسفر للرجال والبنات كمان ورقة عادية ويكون فيها توقيع الولي بس.
7-الوصاية للبنات يعني اللي بيطلع معاكي اذا ما كان ابوكي او زوجك لازم يجيب ورقة وصايا من المحكمة .
8-ورقة القبول وورقة الضمان اللي ارسلتها لكم عالايميل. ويفضل ملونة.
2_تسليم الطلبات في السفارة او القنصلية وتتوكل على الله .
3_بعد ما تسلم وتخرج ارسل لي رسالة على جوالي او ايميلي باسم الطالب ورقم الجواز وانا برسلهم للرجال اللي كلفه الملحق هنا ليساعدنا في الحصول عالتاشيرة
4-هناك في السفارة ما يعرفوا انه في برنامج ابتعاث والكلام ده عندهم تعبي زيك زي اللي بيطلع يشتغل عادي استمارة وتعبيها .
5-السبت بالله كلنا نكون مغلقين ومسلمين اورقنا عشان نرسل الاسماء مرة وحده للرجال لانه صعب كل شوية ارسله رقم واحد .
6-الرجال متكرم وبيساعدنا هنا ومو مكلف من الوزارة او شي هو مجرد صديق للملحق حقنا وبيساعدنا فلازم نمشي معاه تمام وما نطفشه .
7-في السفارة يقولكم انه الفيزا تتاخر شهر او 20 يوم مالك بيهم قوله طيب وقوله ارسل اليوم الطلب حق الفيزا وبس .
اي شي انا موجود للاجابة باللي اقدر عليه وبالتوفيق لنا كلنا ...

جميل جداً ..

السبت بإذن الله أنزل جدة وأخلص أموري في القنصلية ^^
... ورقة الموافقة من ولي الأمر كيف ؟ يعني الوالد يكتبها من عندو ولا في نموذج معين ؟ وبأي لغة ؟

ألف شكر يا عصام ...

نسيت .. في رسوم ماليّة للفيزا ولا لأ ؟؟؟

مرحبا ياسر
الورقة يكتبها الوالد بيده ويوقع تحت بالعربي عادي انه لا مانع من سفرك
وحيقولوا لك اكتب عنوانين في اسطنبول اعتقد في الورقة المهم اذا ما لقيت اقدر اساعدك
المبلغ تدفعه لمن تاخذ الفيزا ما اعرف كم بس لمن وقت الاستلام مو الان
خلينا نشوفك لو نزلت جدة نتعرف عليك اكتر ))

اخ مبتعث تركيا , لا تكون ياسر سامي فضل الله نمنكاني ؟!! وولد عمك فضل واخوه محمد ؟!!

<<<<<< معليش ما اقدر ارسلها عالخاص

اخواني اخواتي الله يوفقكم يارب
ويبعد عنكم كل مكروووه
بحكم سفرياتي لتركيا كسياااااحه
احب انبهكم على شي مررررررره مهم
الشعب التركي شعب مرررررره محترم وودود وفي حاله
الاماكن هناااك خيال بتستمتعوووون لآآآآآآآآآخر درجه
عندكم المدن مرماريس غاليه نااااااااااااار بس جونان وعندكم نهر الداليان روووعه تشوفون الماء العذب مع الماء المالح وتشوفون الملح الاجاج
عندكم بودروم وطبعا بورصه والتلفريك والشلالات هناك بس صراحه مو على مستوى ماليزيا
واخيرا اسطنبوووووووول وناسه
من الملاحظ عليهم
انهم في حالهم وانا والله قعدت في نقابي ماحد جا يمي حتى العسكري الي بالجوازات طنشته ومافتشت وقلت له ان لازم يكون في حرمه هنا تطابق صورتي مو ب أنت
ويحترمووون العبايه اذكر واحد بالفندق كان معجب بحجابي ويمدحه قدام الوالد
بس انتبهو من السرقات والغلاء الفاحش
خاصة التكسي
وابعدو عن اماكن الشبهات
بارك الله فيكم ترجعون لنا بالسلامه يارب رافعين الراس