هموم مبتعث الى اليابان ..هل من احد يشاركني ..؟؟!!

طيب يا أخي ليه ما ترفع خطاب بتغيير المكان إلى مكان يتحدث أهله اللغة الاتجليزية مثلاً كندا أو الولايات المتحدة
أكيد لو شديت حيلك حتقدر
صحيح إن الدولة لا تضمن التوظيف بعد الابتعاث و هناك الكثير ممن لم يجدوا وظائف
ولكن ربما تستفيد من اليابان من حيث لا تدري
ليه ماتشوف جامعاتهم يمكن عندهم شيئ مميز

أخوي Justice 4 all ياليت تتواصل معاي على الايميل hanoooon_8888 للضروره
على الهوتميل ياغالي

صح اليابان صعبة بالطب لانها بالياباني والطب بالانجليزي ومصطلحات انجليزية الا اذا انت تعيش في اليابان ، او يمكن فيه احتمالات ثانية شوف اللغة تفيدك بايش او تغير التخصص لآخر يكون مقبول عندنا.
طيب انت دبلوم ، هل يوجد عندنا يوظفوا دبلوم وكم حيكون الراتب ، هل عندك امكانية مادية انك تكمل دراسةهنا على حسابك؟
انت شوف واحسبها واذا تقدر تغير البلد احسه افضل.

اعتقد انه تغيير المكان والان بات شبه مستحيــــل لانه بالملتقى رح تتوزع وثائق القبول المبدئي
يعني الدوله دفعت المبالغ الماليه مقدما .. ومن المستحيل ترجع تغير الدول الحين ..
صحيح قد يكون من الممكن ان استفيد من جامعاتهم بل من المؤكد اني رح استفيد وانا اوقن بعد بان اليابان حازت على مراكز متقدمه بالترتيب الجديد بين جامعات العالم في مجال الطب والصيدله (جامعة كيوتو حازت على مركز بالثلاثينات ) بس المشكله انه الامر ما يحتمل كلمة يمكن ..
يعني ذي فيها متاعب وفيها سهر ليالي ااذا ما فيه شي يستاهل ولا من الحين اقول لا ..اقصد بالنسبه للفرص الوظيفيه بعد التخرج اذا الله كتب ..

ايه يوظفو دبلوم للحين ما ادري يمكن بعد شهرين بعد ما اتخرج يمكن يقوول لا ما استبعد والراتب الحين حلووو جدا بعد بالذات اذا اعتمدو الزياده بس الي عنده طموح دبلوم ما ترضيه
واذا جيت ابي اكمل هنا بالسعوديه قالو ما نعترف ولا نعادل لكم المواد بالرغم من ان المواد نفس المواد فالمصيبه انه في بالتعليم العالي بالسعوديه فجوه بين الدبلوم والبكالوريوس الطالب لمن يتخرج على دبلوم يلقى نفسه الطرريق مسدود بوجهه ما يقدر يكمل ويفاجأ بان السنوات الي درسها ما تفيده لمن ييبي يكمل دراسته..
بالنسبه للامكانيه الماديه حاليا للاسف ما عندي استطاعه اكمل على حسابي ..
والبلد مثل ما قلت فووووووق صعب جدن انه يتغير البلد ..

عمووووووما مروركم Sara ،مليكة ، سعودي الدم والدمعه، وتفاعلكم مع مووضوعي ازاح الهم عن عاتقي بعضالشيء
واسال الله العظيم ان يكتب لي ولكم الخير ويزيل همومنا ويجلي غمومنا .. ولجميع المسلمين... امين... يا رب العالمين...

justice 4 all

سلام
والله معاك حق بكل اللي قلته
وأنا نزلت موضوع قبل فترة أتكلم عن نفس الأشياء ولكن البعض هاجمني وقال أني أبي أحطم الشعب المبتعث .

ترا فيه تشابه بيني وبينك أنا تخصصي مختبر من كلية صحية ومعقدني أمر اللغة والدول ذي .

أنا فعلا كلمت ناس (ماخاب من أستشار) كلهم قالوا لي طنش بسبب الدول ذي وتراني سألت ناس فاهمين عميد الكلية ورئيس قسمنا .

المهم أنا وصلت لنتيجة وعقدت سلامي معها
أذا ما سارت معجزة وغيرت الدولة لأمريكا أنا لست مستعد أن أضيع سنتين من عمري بتعلم لغة لن تفيديني
يعني سنتين بتروح من عمرك كأنك نايم العالم يتحرك من حولك وانت قاعد تتعلم لغة من الصفر
وكلمات زي خشم فم اذن ضحك يد شعر ووووو

ياشباب البكلريوس اللي راحوا بعد الثانوية
وياشباب الماستر اللي بتدرسوا بالانقلش
قبل ما تردوا تذكروا أن شباب الدبلوم وضعهم غير لأن أقلنا درس سنتين ونص بالسعودية ..

تعرف ليه أنا أخترت كوريا؟

لأنها كان فيه أحتمال أنها تدرس بالنقليزي .

بس أقلك أش سار معي .

طبعا بالبداية كان ما يهمني إلا إني أدرس بالانقلش .

وأخترت كوريا وجلست رمضان كلة وأنا أراسل جامعات كوريا وجتني ردود منهم وإلى الآن موجودة بأيميلي

وسألت عن تخصصي والمعادلة المهم أن وحدة من الجامعات اللي راسلتها هي كوريا يونيفيرسيتي رد علي رجال اسمه كيم وقال لي أن تخصصك موجود وفيه مواد تدرس بالنجليزي "تعرف كم مادة" بس ثنتين وقال كمان عن المصاريف أنها غالية وأن اللغة بتكون عائق أمامك هذا كلام موظف هناك بكوريا

المهم ما وقفت عند الجامعة ذي بس أتصلت على كم جامعة والدراسة كلها بلغة البلد يعني فيك فيك

وأزيدك اتصلت على سفارة كوريا بالرياض وكلمت رجال بنفسي وقال ان الدراسة بالكوري ويمكن في بعض الجامعات تكون بس الكتب أنجليزي والشرح كوري

بعدين لا تنسى خيار البعثة عن طريق جهة عملك بعد سنتين خدمة و للدولة اللي تبيها أن شاء الله التشيك.

الله يوفق الجميع سواء بالصين أو بأمريكا ولكن لازم الواحد يحسبها صح
وأخيرا وليس أخرا
أرجع أقول صلاة الإستخارة

اخوي Malik.1st والله كلامك عيــــــن العقل ...
بس ابنبه على شغله وحطها ببالك من الحين ترا لمن تتوظف مو سهل تبتعث زي لمن تكون منت موظف ... يعني يومك تقول بعد ما تتوظف روح اي مكان تبي .. تراها صعبه جدن ويبي لها واو قوي جدن جدن جدن .. لذلك يبي لك تحط ببالك من الحين انك يمكن تتخاوى انت ودبلومك الى ان يشاء الله ..
الشيء الي براسي وبسويه الحين بروح االملتقى واشوف عن الخبر الاكيد اذا اللغة بلغة اهل البلد واذا مايمديها نحول لدول ثانيه تدرسنا باللغه الانقليزيه فرح يكون الحل الاخير اني رح اقول لهم
(خذو قبولكم وبلووووه وشربو مويته) اجل تدرسونا لغه ما رح نستفيد منها شيء.. وتضيعوا سنين من اعمارنا بالفاضي .. سبع سنوات ذا عمر آدمي وبالاخر بكالوريوس ..

وفعلن مثل ما قلت اخوي مالك فيرست الواحد يحسبها صح
الهدف مو الابتعاااااااث الهدف ما سنجنيه من وراء الابتعاااااااااااااث

وعلى فكره اخوي مالك فيرست ترا سعودي الدم والدمعه معنا بنفس المشكله ورح استخير الله فادعوا وأمنوا معي :-
((( اللَّهُمَّ إنِّا نسْتَخِيرُكَ بِعِلْمِكَ , وَنسْتَقْدِرُكَ بِقُدْرَتِكَ , ونسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا نَقْدِرُ , وَتَعْلَمُ وَلا نعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ بِعثَناَ هذه خَيْرٌ لِنا فِي دِينِنا وَمَعَاشِنا و عَاجِلِ أَمْرِنا وَآجِلِهِ , فَاقْدُرْهُا لِنا وَيَسِّرْهُا لِنا ثُمَّ بَارِكْ لِنا فِيهِا , اللَّهُمَّ وَإِنْ كُنْتَ تَعْلَمُ أَنَّهـــــا شَرٌّ لِنا فِي دِينِنا وَمَعَاشِنا و عَاجِلِ أَمْرِنا وَآجِلِهِ , فَاصْرِفْهُا عَنِّا وَاصْرِفْنِا عَنْهُا وَاقْدُرْ لِنا الْخَيْرَ حَيْثُ كَانَ ثُمَّ ارْضِنِا بِهِ.. امين يا حي يا قيوووووم .. )))

أشكرك على الموضوع لأنه يلامس واقعنا
إخواني أنا مثلكم ونفس التفكير اللي مر عليكم مر علي بس أختلف عنكم في أن تخصصي حاسب آلي
المشكلة مو متركزة على اللغة فقط بل هناك حاجز بالنسبة لي قوي وهو عدد السنين اللي بقضيها هناك
حتى وصفه لي دكتور كان دارس في اليابان ( ضياع وقت ) بمعنى تبي تختصر الوقت أجلس وكمل هنا خاصة لي تكميل بكالوريوس 2.5سنتين ونص وأنتهي إن شاء الله في كلية التقنية بالرياض
ردة فعل المجتمع / فأول ما تقول أني قبلت في الابتعاث فيبدأ يسرد عليك كلمات التشجيع حتى بعضهم لم يترك لي الفرصة بالتحدث أما إذا شرحت الوضع للفاهمين والدارسين في الخارج والمبتعثين الآن على أني سأجلس من خمس إلى ست سنين هناك ( لغة سنتين + أربع سنوات دراسة ) قد يستكثرها البعض لكن هذه الحقيقة قلت أربع سنين دراسة لأني قرأت في صفحات هذا المنتدى كان أحد المبتعثين الشقردي قال من الدفعة السابقة للدبلوم درسوا من جديد ولم يعادل إلا لواحد بعد عدة إختبارات كما لا أنسى السنتين والنصف التي درستها هنا فيكون المجموع 8 سنين
فللأسف هذه الحقيقة المرة فلماذا يا وزارة التعليم العالي تبتعثين وأنتي تعلمين عدم معادلة الجامعات في هذه البلاد بعكس استراليا و (بريطانيا تعادل حتى الثقافة الإسلامية قاله طالب في أحد المنتديات سيدرس هناك )
بمعنى ثلاث سنين وراجع بعكس ست سنوات.........

فكان قراري مع معدلي العالي ولله الحمد أقرب للرفض ....


يشرفني تعليقكم وتعقيبكم ........