قصة تحويلي من معهد الى معهد ...

May 17th, 2009, 01:27 AM

السلام عليكم جميعا مساء وصباح ومغرب وعصر الخيرات ههههههههههههههههههههههه

اول شيء احكيكم مع قصة التحويل حقي واشلون صارت

والله احمد ربي واشكره على التياسير اللي صارت لي

فكرت كثير اني اغير المعهد ... مالسبب ... لان المعهد اللي عندي اشبه بترفيهي هو حلو في البداية

ولكن بعد مابديت افهم اللغة قلت خليني اكمل .. في معهد اقوى من معهد اللي انا فيه

فأول شي سألت حقون النادي ايش احسن معهد واعطوني معاهد كثيرة ..

فأحترت ....

قمت استخرت كذه مرة حسيت اني ارتحت المعهد التابع للجامعة ... واخذت معلومة عن دا المعهد وعجبني برامجهم

فقررت احول ... فرحت بنفسي بعد مااخذت الوصف الى الجامعة وبعدين ياحلوين . وصلت عند مكتب الاوفيس

حق المسؤولة ... طبعا اول ماعرفت اني مبتعثة سعودية ... هللت تهاليل <<<لانها نصابة تبي فلوس

وقالت الاوراق اللي اجيبها والكورس راح يبدأ بعد اسبوع وطلبت مني اتصل على السوبرفايزر اللي هي المشرفة

تبعي حق الملحقية .. اتصلت عليهم .. قلت لها ابي انقل .. قالت لي التحويل يبيلها اسبوعين والدراسة تبدأ اسبوع الجاي

امكن نوافق مانوافق ويبغالنا اوراق ووووووو ....سكتها بكلمة ... قلت الله يسهل يا اختي ..

قالت : ان شا الله وطلبت مني اجيب ورقة قبول من المعهد كلمتها وقالت لي ادفعي .. طبعا مبلغ غالي حق الاختبار

والابليكشن كلمت المشرفة ... ادفعي واحنا نعوضك قلت اوك .. فاعطتني الابليكشن وقالت عبيه في البيت وتعالي بكرة

روحت البيت وعبيته يوم الثاني جيت ومعاي المبلغ والابليكشن المعباه وصور من الوثيقة والدرجات ..

رحت وقالت لي اوكي ودفعت المبلغ وتم طباعة ورقة القبول .. حق المعهد

راسلت الملحقية مع الورقة حق التحويل من ينوفيرسيتي او كوليج .. وذكرت السبب

دكرت ان المعهد قوي يساعدني في تحسين مهارات اللغة اكثر + وذكرت عيب في معهد القديم انه يقدم

تعليمي ترفيهي وليست اكاديمي ...

وراسلت وقالت المشرفة تم وصول الطلب وسيتم رفعه .. فأختبرت .. تحديد مستوى ...

روحت المعهد القديم وكلمت المسؤول اني راح اغير طبعا المسؤول ..حق المعهد قال ..WHY YOU ARE LEAVE?

قلت له ان المعهد تساعدني في القبول في الجامعة اكثر ؟؟

اعطاني اوراق اوقعها واعطيت رقم المشرفة تبعي .. وقال لي : WE ARE MISS YOU
TAKE CARE .. AND COMMON TO VISTING NEXT TIME



وبديت الدراسة ماجاني رد انه الملحقية وافقت ولا لا فخفت الا يوم الثاني جاتني على الايميل

تم قبول طلبك وتم تحويل الضمان المالي الى المعهد ....

والحمدلله جلست دا كله من يوم ماحطيت رجلي وابي اسجل للمعهد اللين رسالة الايميل قبول الطلب اسبوع ونص ...

الحمدلله على كل حال ...

• نشر عبر تويتر
• نشر عبر فيسبوك
• نشر عبر جوجل