خطوط الأتحاد سلبياتها وإيجابياتها..!

اهلين اخي ،،

اذا خط رجعتك للشرقية او الوسطى ،، فاظن انهاا سهلة واريح كثير ،،

اذا للغربية ،، فاعتقد ترانزيتهاا مميت ،، لانه بيكون فانكوفر ،، تورنتو ،، ابو ظبي ،، جدة ،، هذا اذا ما نزلت بالرياض كمان ،،

مدري ،، بس يمدحوا الخطوط مرة ،،

انا رجعت بلوفاتهنزا ،، وكانت جدا مريحة ،،

توصل بالسلامة ،،

اذا كنت على الرياض
الامارتية يوم في دبي
الاتحاد 6 ساعات في ابوظبي

انا والله رايح الرياض يانونا وصراحه جربت اللوفتهانزا مرتين وجربت الكنديه والبريطانيه وصراحه كلهم ماارتحت ماعجبني باللوفتهانزا سوى مطار فرانكفورت بس طيارات انتي وحظك مره فيه شاشات ومره مافيه والكراسي ضيييييقه ..

وانا صراحه سمعت عن الاتحاد وقالو لي ان الكراسي مره وسيعه والخدمه جدآ رائعه فقلت نجرب ونشوف ..

اخوي تسونامي اذا انت مجربه ياليت تذكر لي تجربتك كيف كانت الرحله 15 ساعه والكراسي والشاشات والخدمه ..

مشكوررين

شكرا على معلومات

أخي الكريم ..

أنا جربت اللوفتانزا والكندية والإتحاد وبصراحة مافي مقارنة بينهم ..

الإتحاد أفضل بألف مرة وخصوصا في وسع المقاعد والبرامج العربية في الشاشة والخدمة ...

بالنسبة للترانزيت فراح تجلس بأبوظبي 6 ساعات ومطارها مو قد كذا ..

أنا في الروحة على السعودية كانت فاضية وأعطوني أربع كراسي لي ولزوجتي لأن عندي مولود ..

بس المشكلة في الرجعة كانت الطيارة مليانة والمصيبة أنهم هنود وتخيل شعورك مع ناس أول مرة يركبوا الطيارة ..

لكن عموما الإتحاد من أفضل الشركات ..

بالنسبة للرحلة من تورنتو الى أبو ظبي فمدتها 13 ساعة تقريبا وماراح تحس فيها إن شاء الله ..

أتمنى إذا أحد عنده معلومات أخرى أنه يضيفها ..

أخوك
عمدة أدمنتون

مطار أبو ظبي منتهي الصلاحية والقعدة فيه تغم النفس بشكل مو طبيعي مثل مطار جدة والرياض ... وحتى كراسي مافيه ... ممكن تجلس على الأرض كمان ... وصالات الإنتظار ضيقة وزحمة وكتمة ومشي حالك بقووووة ... تصور كل ركاب الطيارة ينحشرون في غرفة 6*6 !!!!!!!!!!!!!!!

والمقاعد حقت الطيارة تراها ماهي بذاك الزووود ... يعني إذا ماهي مثل باقي الخطوط فيمكن تكون شوي أوسع ... بس فعلا هي نفس الشيء!

وبالتوفيق...

صح لسانك والله انك جبتها
انا راجع على الاتحاد لاني جيت عليها اصلا من السعوديه من جده على ابوظبي على لندن وراجع على نفس المسار
الزبده خطوط بايخه
الكرسي حقي في البزنس كلاس الاجهزة فيه ما تشتغل مكسور يعني
وفي الدرجة السياحية غير مريحه
والمطار يجيب الهم والمرض النفسي وزحمته وخياسه تجيب العله

القطرية افضل منها مليووووووووووووووووون مرة
القطرية = الفخاااااااااااااااامة وبس

والله مشكله الحين عمدة ادمنتون يمدح وباقي الشباب يسبون من ناخذ بكلامه الحين ..؟؟

مطار ابو الحين وقت الترانزيت ماأقدر اطلع برى المطار مثلا اتمشى واروح واجي بحكم انه مايحتاج فيزه وكذا ولا لازم استنى بالصاله الداخليه..؟؟

نفر سأودي ياليت تعطيني معلومات أضافيه عن القطريه لو بغيت ارجع عليها من تورنتو مسار الرحله ومميزات هالخطوط واكون لك شاكر


أنتظر المزيد من الاراء

نصيحتي لك لا تأخذ شيء وإنت غير مقتنع فيه ..

بالنسبة للمطار فقلت لك ماينفع .. لكن يمديك تخرج لأبوظبي مع أني أشوف 6 ساعات غير محمسة لتخرج من المطار ..

أنا المرة الجاية ناوي أجرب الإماراتية أو القطرية إن شاء الله ..

لكثر ما أسمع عنها ..

بالتوفيق أخوي

أخوكم
عمدة أدمنتون