طيب
انا قاص التذكرة على رحلة طيران الاتحاد 10/7
الرياض الى ابوظبي انتظار 3 ساعات - تورنتو طيران حول 14 الى 15 ساعه
سعره التذكرة 5200 فقط
واذا في اي استفسار تفضل ...
تسونامي May 28th, 2009, 06:15 PM
7 " هلا تسونامي ... الله يكفينا شرك خخخخخخ <<اقصد الفياضان ترى مب انت
الموهيم يالغالي والله كنت حاس بيجي واحد ويقول زي ماقلت نسيت اكتب فوق اني العام الماضي رحت
على اتحاد زيك بالضبط ولا بعد رحلتي كانت من الدمام الى ابوظبي ومن ابوي ظبي على تورنتو ومافي ولا انتظار على طول سريع سريع خخخخخخ يعني بصراحة حلوة الحركة بس متعبة شوي لاني حصلت لي ظروف بالجية للدمام وهذي يبي لها قصة
الزبده السعر كان زي ماقلت تقريبا يزيد او ينقص قليلا .... لانه ياغلاي تورنتو بالشرق اقرب من فانكوفر اللي بالغرب يعني لو سويت الحركة هذي ورحت لتورنتو ومن تورنتو على فانكوفر احس انه مكلفة غير انه تعب كثير .... فهمت علي
فياليت انا علشان كذا مادخلت على مواضيع كثيرة هنا بالمنتدى تخص السفر وطريق المسار وحطيت موضوع لحالي ليه ؟
لاني ابي اخص رحلتي من السعودية سواء الرياض او الدمام او جدة على فانكوفر بس مابي ديرة ثانية
وشاكر لك مساهمتك يابعدي وماقصرت....
ملحوظة: على حد علمي اتحاد مالهم رحلات الا على تورنتو مافي على فانكوفر ... المصدر موقعهم وتجربة سابقة ... شكرا
Try Me May 28th, 2009, 06:30 PM
7 " لاحول ولاقوة الا بالله ...
أشكر من شارك وقدم معلومة مفيدة <<من كثرهم كلهم اثنين اصلا خخخخخخخخ
بس ياعالم مع وين تفهمون ؟. معليش جدعت الميانة شوي
قلت لكم اللي بيفيدن وغيري
يكمل خيره ويقول بالتفصيل مثلا وش الخطوط ومن وين لوين يعني بالتحديد من السعودية الى فانكوفر كم محطة توقف والساعات المتوقعة
بليزز يعني والسعر وزي كذا يعني علشان نفهم السالفة تمام
انا شفت موضوع سابق فيه تفاصيل حلوة زي كذا بس ابي ناااس مجربة ...
شكرا للجميع
Try Me May 28th, 2009, 10:12 PM
7 " 
LinkBack URL
About LinkBacks
May 28th, 2009, 05:41 PM
سلخيرررر جميعاكيف الحال طيبين ؟
امم شسمووه ايه ياجماعة الربع
انا قررت ونفذت وتم ارسال اوراقي للسفارة اليوم ويمكن على السبت توصلهم ويتم اجراء القرارات
على العموم انا رحت لمكتب اعرفه يسمى الفهاد والصراحة ماعرف غيره يعني مب احد موصين عليه ولا اوصي به انا يعني كذا ماعرف الا هو ورحت
المووهيم انا سألته نظرا اني العام الماضي رحت لكندا لكن رحلتي كانت لاتاوا في اونتاريو
لكن هالسنة باذن واحد احد انه بتصير لفانكوفر حلمي الابدي <<باللهي
(اللهم لاتجعل الدنيا اكبر همنا)
المراد سالته ورد السؤال بجواب مدري وش يبي !!
يعني عطاني برنت وورقة قال افضل رحلة ومسار لك هو
عبر خطوط bmi
والرحلة ستكون كالتالي تقريبا بيوم 13 جولاي
الساعة 1 وخمس دقايق بالليل من الرياض الى لندن
وتصل لندن الساعة 5 و55 دقيقة فجرا او صباحا مادري وش يصير عندهم
وتنلطع بالمطار لك كم ساعة مادري بالضبط بس اتوقع انه 5 ساعات
والرحلة اللي بعده من الساعة 11 تقريبا واصل لكندا مدري عاد كم بس يقولون الرحلة تااخذ 10 ساعات صحيح الكلام هذا ؟ ياليت تفيدوني
على العموم هذا المسار اللي نصحني فيه المكتب وقالي كمان انه السعر معقول جدا نظرا لتوقيت الرحلة بنص الصيف يعني الموسم نااار
السعر المقترح قال 6000 ريال سعودي ...
فوش رايكم ياحلووين توقعون انه صحيح وومنتاز هالسعر والا في اختيارات اخرى افضل
علما على حد علمي ان اجمالي الرحلة هذي ستستغرق من 20-23 ساعة بس مو بالضبط يعني تقريبا
والله محتار ياجماعة هو قالي حاول تقص التذكرة هاليومين يعني بدري افضل لك
وماودي اقص وانا ماستشرت احد
ياليت ياليت تفيدونني بسرعة واللي يقترح مسار اخر يشرحه بالتفصيل الله لايهينكم
ترى والله مايضركم شي ياهل الخبرة والتجربة ...
ملحوظة : مابي احد سمع كلام ابي احد مجرب لاني والله مليت من وكالة (يقولون)
وبالله التوفيق
وادعوا لي على الفيزا مارسلتها الى هاليومين ذي يارب مايعطلوني زي العام الماضي
وتقبلوووا تحياتي ......