انتبه لا تغلط نفس غلطتي في بعثة كندا !!

ربي يسلم راسك اخوي ستيلثي ، وجميعنا بانتظار المزيد وفقك الله ، وعلى فكرة باي شهر تبدا السنة الدراسية بكندا وكم عدد اجازاتهم ( والا ما هي الا وحدة بس مو مثل عندنا في السنة 6اجازات ماشاء الله )

شاكر لك اخوى على التصحيح بالفعل ما انتبهت وشاكر لك على المعلومات القيمه سؤال هل سمعتعن جامعة رايسون يقولون ماهى قوية او بمعنى اصح جامعة مشى حالك مثل جامعة الملك عبد العزيز بجدة على كلام واحد من الشباب والله اعلى واعلم

موفق ... اخوووي ... متابع ,, بصمت ... نشوف وش اخررر القصه الحلوووه :$ ...

ودي واحترامي

يعطيك الف عافيه اخوي

صراحه استفتدت كثير من تجاربك وان شاء الله نقدر نداركها

كل الشكر لك اخوي

رائع جدا هالتقرير والله يوفقك انت وزوجتك ويسخركم للبعض موضوعك سيفته عندي غير اني عملت له كوبي باوراق عشان نرجع له انا وزوجي اذا رحنا ان شاء الله كندا على شهر 3 بخصوص شهر 3 تتوقع راح يكون تاجير الشقق متاح اكثر ؟؟ شاكرة جدا طرحك وتجربتك الي شاركتنا فيها بارك الله فيك

لا لا لا لا لا لا اخوي الملكي ما هقيتها منك ، كله ولا جامعة الملك عبد العزيز افا عليك وعلى الواحد من الشباب هذا ،،هذي جامعة المؤسس واول جامعة في المملكة وحاصلة على الاعتماد الاكاديمي لغالبية كلياتها لكن اقولكم شي الطلاب هم نفسهم يخلون الجامعة قوية او مشي حالك على قولتهم لانها في جدة وجدة ام الرخا والشدة هم يخلونها رخا وفلة ودشرة في الاسواق والكافيهات اللي جنب الجامعة ويضيعوا الدراسة والا اعضاء هيئة التدريس على مستوى عالي وعندنا افضل الدكاترة متعاقدين معاهم من برى ، لكن مساكين يحاولو يغيروا الطلاب ويطوروهم لكن ابد اللي في راسهم مسوينه مسوينه سواء طلاب او طالبات فما يلقى الاستاذ او الاستاذة المساكين الا انهم ينصاعوا لرغبات الطلاب والا صارت شكاوي ومظاهرات ورسوب جماعي بالعباطة الين يولي ( يروح ) الاستاذ الى غير رجعة ،،، الله المستعان بس
طولت عليك صح<<<< والله اني احب جامعتي وودي اعيد البكالريوس من اوله وكنت اتمنى اصير معيدة او موظفة في الجامعة لكن الله ما كتب

هلا ام نورا وكل عام وانتى بخير

كل واحد من حقة يدافع عن جامعتة وهذا شى طبيعى ولكن انا مجرد سمعت الكلام ولا عمى دخلت اى جامعة ولا اعرف ايش النظام والتدريس فى الجامعة

ولكن ان تبى الحق لدي قريب دكتور فى الجامعة غير من العائلة اقارب لدينا الكل يذم فيها ومانى نبى ندخل فى قضية التحيز ولكن كان مجرد سؤال وان كان سؤالى يضايق الجميع ان اسحبة

اهلين خيتو ام نورة ،

السنة تبدأ في سبتمبر . وبالنسبة للإجازات هم إجازتين الرئيسيتين :

1-إجازة نصف السنة الدراسية ، وهي نهاية السنة وتشمل الكريسماس ونهاية وبداية السنة الميلادية ، وتكون من نهاية الإسبوع الثاني في ديسمبر إلى بداية ثاني إسبوع في يناير.

2- إجازة نهاية السنة الدراسية ، وهي إجازة الصيف وتكون من شهر يونيو إلى شهر سبتمبر .

بالإضافة إلى إيجازات اليوم الواحد مثل يوم الأم يوم العمال يوم الأب يوم وصولي لكندا ههههه ، كثيرة هاللأيام عندهم تقريبا كل شهر لازم يكون يوم منها ، وبالعادة يخلونها نهاية اسبوع طويلة ( لونج ويكيند ) حتى لو صادفت تاريخها وسط الاسبوع يخلونها في الويكند.

العفو حبيبي ،

بصراحة ما اعرف أي احد يدرس أو تكلم عنها ، لكن لله وفي الله ما عجبتني الجامعة من مكانها ، احسها مالها داعي في مكانها كانها امتداد للأسواق جنب ايتن سنتر وشكلها ما يأهل انها تكون جامعة .

وللأمانة ما أحط ولا أعيب في تدريسها ، لآني ما أعرف أي شيء عنها غير شكلها الخارجي .

ويوفقك معنا عيوني .