انتبه لا تغلط نفس غلطتي في بعثة كندا !!

ان شاء الله راح نطبق بالحرف الواح وما نغلط ان شاء الله

ومنك نستفيد مشكوور أخوي على المجهود الرائع

والله هذا شكله اللي بيصير لي الله يعين

مراحب خيو كلي مشاعر ،

الضمان المالي اللي أتكلم عليه يجي من عند الملحقية بعد إنهاء إجراءات فتح ملف المبتعث والمرافق ، وأنت ما تقدر تسوي شيء بهذا الخصوص قبل فتح الملف وانت في السعودية ، بالنسبة لـ 99% للمعاهد هنا ما عندهم أي مشكلة بالنسبة للضمان المالي اللي يجي من الملحقية والعادة انك تلتحق بالدراسة عادي بدون اي مشاكل ،لكن ربك أراد ان المعهد اللي جيينا فيه يكون فيه مشاكل بينه وبين الملحقية بخصوص الدفعات المالية وقد أكون انا أول ضحية لهذه السالفة وللآن ما قد سمعت أحد صادفته مثل هالسالفة وحتى اللي درسوا بعدي في نفس المعهد ولم يصل الضمان المالي لهم وضعهم عادي ، والظاهر والله أعلم انه تم تسوية الموضوع مع المعهد بعد ما كنت أنا التجربة المرريرة لهذا الموضوع.

فلا تشيل هم الضمان المالي بالنسبة للدراسة أو للبنك أو للسكن ، لآن هذه الضمانات تطلبها من الملحقية بعد فتح الملف في الملحقية . وليس كما فهمت من كلامك أنك تبغى تجيب ضمان من بنك سعودي.

الضمان المالي للبنك / الضمان المالي للسكن : يرسل على إيميل المبتعث ويكون بأسمه مضاف إليه المرافق ، بعد طلبه عن طريق خدمات المبتعث في موقع الملحقية .

الضمان المالي للدراسة : يرسل للمعهد / الجامعة عن طريق الفاكس من الملحقية لمكان الدراسة وانت شخص غير مهم في هذا الجزء وبالأصح ما راح تدري اذا هو انرسل من الاساس أو لا، الآ اذا كنت بتشيك مع معهدك / جامعتك اذا وصل لهم الضمان. ويكون هذا الضمان بأسم شخص واحد فقط وبمعنى آخر إسمك أنت أو إسم المبتعثة فقط.

إختصار للكلام اللي فوق ، اذا المعهد أو الجامعة ما قالوا لك وين الضمان المالي فهذا يعني ان الموضوع ماشي عادي فلا تتعب نفس بطلبه من الملحقية .

وإن شاء الله نفرح فيك ونقول لك يادكتور رسمياً.

لعيونك وعيون الكل يا بونايف .

ابشر ارسل لك على الخاص يا قلبي .

بصراحة خيتو ما فهمت شنو بالضبط اللي تقصديه انه بيصير لكِ ، لكن اذا وان شاء الله ما يصير أي شيء صعب واجهتك صعوبات اخوانك وخواتك موجودين وبالخدمة.

وصلت على الشقة شغلت اللابتوب علشان اشيك على الايميل لعل وعسى يكون فيه شيء من عند الحبايب الملحقية العزيزة على قلبي ، طق طق طق مو راضي يشبك النت من الجوال وبعدين معاك بتشبك أو كيف ، ترى مو ناقصك انت كمان ما رضى يشبك قلت مو مشكلة نشوف أي شبكة نشبك عليها وهات يا بحث كل الشبكات مشفرة ، صباحك عسل وسكر يا واد شكله اليوم مثل اللي قبله من بدايته قلت مو مهم خليني أتصل على حبايبي الحلوين طوط طوط طوط مو راضي يتصل الجوال وبعدين معاك مش ناقصك يا حلو ،من باب التشييك على ان الجوال يشتغل أو لا جربت اتصل على رقم المبنى مو راضي يتصل . شوية والا الجوال يغرد بإتصال اناظر في اسم المتصل مكتوب روجرز استغربت ورديت الوو الوو مستر فلان الفلاني يس سبيككنج تراك وصلت للحد الإتماني المسموح به في مراقبة جوالك اللي هو مبلغ 600 دولار واحنا متصلين عليك الحين علشان نعرف كيف بتسدد المبلغ كاش أو دبت أو كريدت ، طيب كيف وصلت للحد كذا وانا كل مكالماتي داخل الشبكة !!! قال لي انتظر اشيك في سجل مكالماتك ....... مكالمات مجانية ضمن الباقة ، مكالمات لونج ديستانس لأتاوا ، انترنت داتا . أوكي ممكن تفهني ليش تحسب أتاوا لونج دستانس يعني اكلم أبعد مدينه في المكسيك نفس ما أكلم أتاوا وهي داخل اونتاريو ؟ قال ايوه المكالمات الداخلية تعني داخل المدينة وليست داخل المقاطعة أو داخل البلد ! حلو وإيش كمان عندك قال انترنت هو المبلغ العالي عندك قلت طيب انا ما استخدمته في داونلود كثير اشياء بسيطة قال لي هذا تتأكد منها لما تجيك الفاتورة بالتفصيل ، تذكرت أني وقعت بالمعلومية بخصوص استخدام الانترنت لما طلعت الشريحة وعرفت الحين ليش الموظفة تأكد علي اني فهمت أو لا (طبعا لما ترجعوا لسالفتي لما طلعت الجوال بتعرفوا ) اثاري الموضوع كبير بخصوص عدم انتباه الكثير لسالفة استخدام الانترنت عن طريق الجوال.
عموما قلت له بأدفع عن طريق الكريدت المسجل عندهم علشان اقدر استخدم الجوال في اسرع وقت ممكن ، قال لي مجرد عملية السحب تكون ابروف تقدر تستخدم الجوال من جديد، فقال لي انا راح اسئلك الحين اذا انت تعطينا الآذن نسحب من بطاقتك وجاوب بصوت واضح علشان يكون ركورد ( تسجيل ) في حالة اي منازعات مستقبلية بينك وبين الشركة على هذا الموضوع ، وسئلني هل تقبل الزواج بها يا فتى ؟ أجل أي دو ، ثانكيو هاف ا نايس دي سير.

وانا انتظر يرجعوا الخط علشان اقدر اتصل ، جلست ابحث بين شبكات الانترنت ، لقيت فيه شبكة مفتوحة تجي وتروح وكان الاسم لها high speed zone أو شيء قريب له ، حاولت اشبك عليها بس لان التغطية ما هي كويسة ما تمسك معاي ، حملت الجهاز وجلست الف فيه انحاء الشقة علشان اصيدها ، عالم محسرة على الانترنت ومحتاجة لها ، ما مسكت معاي الا لما طلعت البلكونه واول ما شبكت عليها الا برنامج الحماية في الجهاز صايد فايروس وشوي فايروس ثاني وثالث ورابع ، قفلت الوايرلس من الجهاز وعرفت ان هالشبكة هوتسبوت HotSpot يعني شبكات مجانية ممكن تلقاها تبع الكافيهات او مطاعم أو مجمعات وان هالشبكة وبما انها مجانية شكلة واحد راسل عليها فايروسات وبكذا أي احد بيشبك عليها يجيه الفايروسات ، لذلك ونصيحة للكل ركب بجهازك برامج حماية اصلية ويفضل انها تكون انترنت سكيورتي وليس انتي فايروس فقط ، وش الفرق بينهم :
1- انتي فايروس = مكافح فيروسات فقط ولا يمكنه صد الاختراق لجهازك من قبل الهاكرز.
2- انترنت سكيورتي = مكافح فايروسات + جدار ناري للإختراق + اشياء زيادة تعتمد على نوع البرنامج.

ابعد عن برنامج كاسبر سكاي ، لأنه بيكون ثقيل جدا على اللابتوب وبيكون سلحفة جهازك في اداءه وايضا لانه مخصص للأدفانس يوزر ، لانه ولقوته يفحص تركيب الملف الواحد وليس كبقية البرامج يفحص الملف كملف واحد.

ماعلينا ، عملت سكان للفايروسات وما تركت الجهاز الا لما تأكدت ما فيه فيروسات فيه . اتصلت على الملحقية بعد ما رجعوا لي الخط وياليل ما اطولك ما احد يرد كالعادة، يعني كل يوم هذه سالفتنا قلق ووجع راس مع الملحقية. قلت خليهم شوي وارجع اتصل مرة ثانية وناظرت في جهازي وجاء في بالي اني اركب انترنت في الشقة وبلا دوخة راس على الجوال والشبكات حقت الجيران، نزلت للسكيورتي في اللوبي حقنا وسألته عن طريقة الانترنت ، قال لي بص بقى يا سيدي العمارة دي متعاقدة مع شركة روجرز بالكامل يعني تلفون البيت / انترنت / كيبل تلفزيون كلوا من عند روجرز ، وجلس يقلب عنده في اوراق وطلع لي ورقة راح طبعها واعطاني صورة منها وقال لي اذا انت تبي تشترك اتصل على هذا الشخص هو المندوب للبناية حقتنا وعطه رقم الشقة لك وهو يرتب لك موعد للتركيب، اتصلت على الرجال انا فلان ساكن في البناية رقم كيت وكيت في الشارع الفلاني وابي اركب انترنت قال لي اي باقة تبي تركب قلت له ايش الباقات الموجودة وكم اسعارها قال لي عطني ايميلك وارسل لك الباقات عليه ، قلت له لو اقدر استخدم الانترنت الحين كنت باتصل عليك من الاساس ، فهمها وبلعها قال فيه فاكس عندك قلت له ايه قال ارسل لك بالفاكس اخذت رقم الفاكس من السكيورتي وارسل لي العروض وقال شوف اللي يناسبك وكلمني علشان احدد معك موعد التركيب، اوكي وقفلت منه.

فيه شركتين كبار في كندا للإتصالات وهم شركة روجرز وشركة بيل ( هذه نفسها شركة بيل اللي الي اخترع التليفون امريكية اساسا وهذا فرعها الكندي) ويتنافسون في كل شيء يخطر في بالك ، تلفون ثابت / جوال / كيبل تلفزيون / انترنت. وعلى فكرة شركة فايدو للجوال هي اساسا شركة فرعية لروجرز وشركة تل اس هي فرعية لبيل ، ومعظم البنايات تكون متعاقدة مع واحدة من هالشركتين وما تقدر تأخد من الشركة الثانية اي خدمة لان البناية متعاقدة معها ، فيه شركات ثانية للثابت وانترنت وحتى كيبل التلفزيون وارخص من هالشركتيبن لكن تعاقد البناية هو اللي يحكم في هذا.

هذا موقع روجرز : http://www.rogers.com
وهذا موقع بيل : http://www.bell.ca

في العرض اللي ارسله لي المندوب عدة اختيارات اذا كنت تبي خدمة وحدة فقط أو باقة تشمل اكثر من خدمة ، يعني باقة تلفون ثابت + انترنت + كيبل تلفزيون أو اي اثنتين فقط . وبالباقة توفر في السعر اكثر من خدمة لوحدها ، فكرت قلت حاليا ما استفيد من التلفزيون لاني ما عندي تلفزيون من الاساس لما اشتري يحلها ربك وبالنسبة للثابت ايش اسوي فيه وانا معظم اليوم ما راح اكون موجود في البيت وعندي جوالي !! يعني ما لي الا انترنت بس حالياً واتصلت على خوينا وحدد معاي الموعد بعد اسبوع قلت له يا قلبي ما فيه قبل الاسبوع انا محتاجه أز سون أز باسيبل قل لي نقدر نركبه لك اليوم لكن تدفع مبلغ 50 او 70 دولار مش فاكر بالضبط ، قلت له لك 100 دولار بس ركبوه اليوم. قال لي خلاص اخذ معلوماتي ورقمي وقال لي من الحين لغاية الساعة 3 العصر بيجي لك الفني يركب الانترنت لك وعطاني فكرة سريعة عن الاشتراك ، اذا كنت تبي تاخذ كل شيء من عندهم فهناك مودم للكيبل وراوتر تستأجرهم الشهر 3 دولار للواحد بالإضافة لسعر الباقة + التاكس .

أوكي مقارنة سريعة بين بيل وروجرز ،

بيل : الانترنت عندهم DSL مثل اللي في السعودية واعلى سرعة 16 ميجا واعلى استخدام شهري للبيانات هو 75 جيجا ويعطونك راوتر لاسلكي مجانا بإضافة الى 10 ساعات اتصال دايل اب مجانا .

روجرز : الانترنت عندهم كيبل واعلى سرعة عندهم 50 ميجا واعلى استخدام شهري للبيانات هو 175 جيجا وتستأجر من عندهم مودم الخاص بالكيبل ، ولك الخيار استأجار أو شراء راوتر سلكي / لا سلكي من عندهم أو من اي مكان مثل بست باي او فيوتشر شوب .

لتوضيح الصورة اكثر ، استخدام الانترنت هنا يعتمد على الداتا ترافيك داونلود وابلود ( ارسال واستقبال البيانات) وهذا المقصود به الاستخدام الشهري للبيانات اذا تجاوزت الحد المسموح به في باقتك يشرجون عليك بالميجا بايت ووممكن تدفع اكثر من المبلغ الشهري بسبب الزيادة . الكيبل افضل من الدي اس ال حتى وان كانوا نفس السرعة.
اذا بتشترك عند روجرز لا تاخذ الراوتر من عندهم اشتريه من بست باي ( Best Buy) افضل لك لانك بتلقى انواع كثيره وباسعار مختلفة ، بالنسبة لي انا رجعت عليهم الراوتر لاني ادفع عليه 3 دولار شهريا واشتريت راوتر لاسلكي 59 دولار (Linksys) لاني اشوف كل الجيران يستخدونه وايضا نصحوني به بعض الشباب اللي مجربينه
فيه انواع طبعا G ، N وهذه تفرق في التغطية وسرعة ارسال واستقبال البيانات اللاسلكية برأيي ما تحتاجوا N الا اذا كان جهازك الوايرلس فيه N وغير كذا اخذ G.

المهم، ساعتين زمان الا متصل علي الفني حق روجرز سئلني انت فلان وطالب تركيب انترنت قلت له ايوة قال لي انت عمرك فوق 18 قلت يستهبل ذا قلت ايوة قال اوكي انا في يجي خمسة دقيقة ، 4 دقائق الا هو يطق باب الشقة دخل وصل الكيبل من الأوتلت للمودم وكيبل LAN من المودم للروتر وقال لي اشبك بكمبيوترك بكيبل LAN للراوتر شبكته قال فيه انترنت قلت له ايه قال تعال عبي البيانات ووقع ، عبيت اسمي وعنواني ووقعت قال فممان الله ومشى ما اخذ حتى 10 دقايق!!!!! آه وآآآآه يا شركة الاتصالات في السعودية ، شبكت الطابعة على الراوتر وضبط الوضع وجلست اشيك على الايميل ما لقيت شيء من الملحقية قمت ورسلت ايميل لهم لعل وعسى يجيني رد وانا انتظر كنت احترس ( يعني ابحث بعنف واستكشف ههههه) في الجوال ودخلت على الاعدادات حقت الشبكة واننتبهت لشيء خطير خطير جداً اكثر خطورة من انفلونزا الخنازير المنتشرة في العالم.......

فلم النت اهم فلم في الوجود
هههههههههههههههههههه
انتظر الباقي ييا عسل
ولك رساله علي الخاص