انتبه لا تغلط نفس غلطتي في بعثة كندا !!

سلالالالالالامة راسك ياقلبو

خلاص ولا يهمك اختصر الموضوع لك انت وبس في المرفق.

بصراحة يا cayso اني خجلان وانا ارد عليك لان اول مشاركة لك بالمنتدى كانت تشريف لموضوعي هذا ، واشكرك جزيل الشكر على دعوتك لنا ولا تبخلوا بها علينا اذا استفدتم من موضوعي هذا.

تحياتي لك.

هلا وغلا عيوني يالغامدي ،

يعافيك يا قلبي ، لا تنصدم اذا قلت لك انه هنا بعض الحضانات يحجزون لها قبل ولادة الطفل اذا ما كانت اغلبها ، ولهذا السبب تكون اسعارها غااالية اذا اردت ادخال طفلك في الحظانة لانه غير محجوز له مكان من زمان ، اللي اعرفه وان شاء الله اسئل لك اكثر عن الموضوع ، ان مخصص الطفل (وما ادري عن تحديد العمر) 400 دولار من الملحقية ، واقل شخص اعرفه دافع للحضانه لطفله البالغ من العمر 10 اشهر 600 دولار وبالموت على مالقى مكان له في الحضانه ، وشخص اخر لديه توأم يدفع 1900 لهم بحضانة اخرى.

راح اسئل وارد لك خبر عن الطريقة والنظام.

والله يفرجها لك وين ما تكون يا رب.

تحياتي لك

مشكوووووووووور وبارك الله فيك

اهلين اختي اميرة قلبها،

تسلمي خيتو لعيونكم هالموضوع.

السؤال الاول :

1- بسبب عدم تحديد الوزارة لموعد اعلان المقبولين ، يعني ما احد يعرف متى تطلع الاسماء بالضبط . يعني لو هم يحددون موعد ويقولون ان النتائج بتطلع بعد كم شهر من نهاية موعد التقديم علشان الكل يرتب اموره.

2- بسبب عدم تعريف الوزارة بأهمية البحث عن قبول جامعي بنفسك قبل سفرك لكندا ، صحيح بيقولن لك في الملتقى انه انت اللي راح تجيب قبول جامعي لنفسك وان الوزارة عليها فقط قبول اللغة ، لكن يتسمعيها بصيغة السهولة منهم وكأنه شيء عادي وسهل انكِ تحصلين قبول من الجامعة للماستر، وهذا الشيء اللي يخلي العالم ما تهتم بالموضوع الا لما توصل كندا ويروح عليها الوقت ويطيح الفأس في الرأس.

2- التوقيت اللي وصلت فيه على كندا وتحديدا فصل الصيف ، هو سبب مشاكل السكن وارتفاع قيمة الايجار.

3- كندا كـبلد ما عليها اي كلام ابداً واسئلي اي شخص هنا ، ولكن الملحقية الثقافية هنا هي سبب مشاكلنا ، ورب البيت وانا اكتب لكِ بداية الرد هذا وصلني ايميل منهم يفيد بانهم انهوا اجراءات المعاملة وان ملفي مكتمل الآن ، وانا اساسا ما رسلت لهم شيء ولا عندي اي معاملة عندهم كل شيء خلصته معهم من اول اسبوع في سبتمبر ، الله يستر ما ادري شنو مسوين


السؤال الثاني :

وهذه النقطة مهم لكل المرافقين ، المرافق يصرف له راتب وقدره 1400 دولار ، ويقدر يدرس لغة أو جامعة بدون ما يدفع من جيبه اي دولار طول فترة ابتعاث الطالبة لانه مضمن في الضمان المالي للمبتعثة ، واذا كمل 30 ساعة في الجامعة يقدر يحول على البعثة ( إلحاق بالبعثة ) ويصير مبتعث هو الاخر وبكذا يستلم راتب مبتعث 2700 دولار ، في هذا الحالة اذا كان عندك اخ ثاني تقدري انك تخليه مرافق لكِ بعد حصول الاول على البعثة ويجي معاكم .

بالنسبة للإجراءات ، بعد ما تستلموا القبول من الملتقى يرسلوا لكم على الايميل اذا المرافق يبي قبول هو الاخر ( هذا ما حصل في البعثة الرابعة ، المفروض انهم يكبرون ويعقلون في البعثة الخامسة ويسلموكم القبول للمبتعثة والمرافق في نفس الوقت ) اذا طلبتوا قبول راح يوصل لكم خلال اسبوع أو 10 ايام بالكثير على الايميل ، في هذه الحالة انصح انه يغير فيزته الى دارس اذا انهيتوا وحصلتم على الفيزا ، اما اذا ما بدأتوا في اجراءات الفيزا قدموا انتم الاثنين على فيزا طلاب وارفقوا صورة من خطابات القبول لكم الاثنين ، ولما توصلوا كندا على خير وسلامة تفتحوا ملف طالبة مبتعثة + ملف مرافق من موقع الملحقية.

هذا المختصر المفيد

وانا اشكرك على ردك ومرورك الكريم

أوكي في هالمشاركة هذه راح اخلي البساط احمدي ، يعني تيكت ايزي يا عزيزي اعتبرها استراحة بسيطة من الموضوع علشان اذا احد بيرد على هالمشاركة هذه ما تكون داخلة من ضمن الموضوع الاساس .
====================================

بصراحة انا استغرب ردود البعض ليس في موضوعي انا فقط ولكن في اغلب مواضيع المنتدى ـ للأمانة لم ادخل غير قسم كندا أو بالاصح لم اتمعن بالقراءة ، لانه لما ابحث عن اشياء ممكن تاخذني على مواضيع في اقسام ثانية لدول غير كندا ، فيعني انا مبلط في قسم كندا العام واحيان اشيك سريع سريع على قسم اونتاريو وغير هذولا الاثنين ما ادخل واقرأ المواضيع فيها.

يعني الحين تشوف موضوع من مليون رد كلها تنصب في فكرة واحدة بتطلع انت فيها لوحدك وتقول ان هالموضوع فاشل او غبي او لمجرد الشهرة في المنتدى ، ليش يا قلبي ؟ او انك تقلل من قيمة الكاتب او قيمة الاشخاص اللي يردون أو ردودهم ، ليش يا عيوني؟ او انك تبي تدخل موضوع وتلقى اجابة على سؤالك فوراً من غير ما تقرأ وتفهم اللي صاير من الاساس والبداية واذا ما لقيت اجابة حطيت في الموضوع وصاحب الموضوع والعالم اللي تتابع الموضوع.

اذا هالمواضيع ما تتناسب مع مقدرتك العقلية والنفسية وبالمعنى الصيني استيعابك وصبرك ترى فيه مواضيع سهلة وسريعة تبدأ صغيرة وتنتهي كبيرة في هالمنتدى .

اوكي مع خالص احترامي للموضوع وصاحبه ، وهذا ليس بتقيللي منهم ولكن فقط للمثال:

1- شهرياً والله العظيم شهرياً لازم فيه موضوع بالمنتدى على الاقل موضوع اذا ما كان اكثر صاحبه يسئل يا شباب نزلت المكافأة او لا؟؟ وغالبا قبل يوم من نزول المكافأة اذا ما كان في نفس اليوم ، طيب يا قلبي يا حبيبي يا عيوني دام انك عندك انترنت وفاضي وتحتري المكافأة ، ادخل على موقع البنك وشيك اونلاين وتعرف اذا نزلت أو لا وين الصعوبة في هذا ما هي اختراع ذرة ولا علم فضاء وفوق كل هذا اسهل واسرع من كتابة موضوع في المنتدى ، بتقول طفران ما عندك فلوس طيب معقولة ما تتعلم من الشهر اللي قبله واللي قبله انك تقتصد في مصاريفك علشان تمشي امورك لغاية ما تنزل المكافاة ؟؟؟ وتلقى اجابات حماسية وكثيرة لهذا الموضوع ، عموما انا قبل ما اجي على كندا وانا اعرف ان المكافأة تكون في الأيام الهجرية ( 19-20-21)

2- ناس فاضية تدخل المواضيع تقرأ وتتابع لنهاية ، وبعدين يرد على الموضوع لكن الموضوع في الشرق والرد في الغرب ، واحد يتكلم في موضوع عن شقة واثاث أو سيارة للبيع يجي البطل يسئله ليش القبولات صعبة في كندا ؟؟؟
بالله عليك هذا رد في مثل هالمواضيع !!!؟

3- في موضوعي هذا الي ما عنده شيء يقوله على الاقل كتب كلمة شكر من باب التحفيز والشكر والإمتنان ، لآنه يعرف معنى الجهد والوقت في كتابة موضوعي ، ومع هذا يجون اشخاص واحد يقول قلعتك انت وامثالك اللي ما يفهمون في سوالف الابتعاث واحد يقول انتم يالسعوديين شايفين نفسكم على العالم وانكم شعب الله المختار وواحد يقول كلام على فاضي اللي جالس تقوله ، بالله وش تبوني اسوي في البداية احترمنا نفسنا قبل لا نحترم الغير وردينا بدبلماسية ، الثانية احترمنا نفسنا وبلعنا الرد ومشينا الموضوع عادي معليش انا الغلطان مو فاضي ارد ، الثالثة تبي كلام حلو ومختصر مفيد ويعجبك علشان ترد عليه فيه موضوع اذكره هنا بالمنتدى واحد يسئل عن لصقات منع حمل لزوجته ويبي مساعدة ليش امثالك ما يردو ويقولون كلام فاضي وفاشل !!؟ وربي لو اعرف شيء عن هالصقات كان ساعدته صاحب الموضوع لانه ما كتبه الا انه محتاج للجواب وانا احترمه لكتابته هالموضوع ، لانه يعرف انه ما له غير اخوانه يساعدونه لكن الشكوى لله في البعض.

4- انا مو احسن من احد هنا ولكن لما اكتب شيء ويجي واحد ويرسل لي رسالة او يرد في الموضوع ، اتمنى انه يتكلم بأسلوب شخص فاهم وذو عقل كبير ، لان اسلوب الإبتدائية ما عدت اتذكر منه شيء ابدا . تحس ان الكلام اللي اكتبه في موضوعي اكبر من ان عقلك يفهمه او يستوعبه أو يحاكيه ( simulation ) ، ابسط شيء تسويه انك تقفل موضوعي هذا لا تتعب نفسك وتلعب على نفسك وتقول انك بتفهم القصد منه.

5- اقسم بالله ان في موضوعي أو ردودي أو مواضيع غيري اشياء وحلول مجانية أو بأقل التكاليف ، غيرك يدفع عليها مالا يقل عن 30 ألف ريال ، احنا قدمها لكم على طبق من ألماس مو بس ذهب ، لكن ومع هذا اللي ما يفهم يروح ويدفع مبالغ وبعدين يكتشف ان كلامنا اسهل واسرع ولا يكلف، ما نطلب شيء منكم ولا احنا مجبورين نكتب لكم لكن ما يهون علينا نشوف احد منكم متعطل او متوهق واحنا بيدنا نساعد حتى لو ما كان الحل الأكيد فعلى الاقل نحسسك باننا جنبك ومنت لوحدك بغربتك، تقريبا الكل يسافر ويرجع لبلده لكن اقامتك في بلد لمدة طويلة الوضع مختلف ، هنا المبتعثين هم اهلك واخوانك واخواتك اذا بتستصغرهم أو تستخف بهم صدقني بتكون لوحدك لما تحتاجهم.

ههههههه تذكرت اغنية قديمة (لما كنت صغيرون دايم اسمعها ) وانا اكتب وجبتها لكم بتعرفون قيمتها لما تتغربون



دامي روقت على هالاغنية ، كل اللي ابي اقوله عامل الناس بمثل ما تحب الناس تعاملك .

ولنا وقفة اخرى بإذن الله.....

اخوي الملكي ،

تأكد من اعدادات استقبال الرسائل الخاصة

أنت رهيييييييييييييييب
الله يوفقك أخوي
والله أستمتعت بالقراءه جداً
يا ليت أخوي لو تسوي لنا تقرير بالصور