انتبه لا تغلط نفس غلطتي في بعثة كندا !!

اندمجت وانا اقرى السالفة

المفروض ماتستغرب لأن هذا حال وزاراتنا وجامعاتنا بالسعودية حب التعسيييييييييييييير ..إلا مارحم ربي

دخلت جو <<<< هات باقي الهرجة ..

شوف عيوني هذه اخر مرة ارد عليك هنا لان الكلام ضايع معاك ،

1- الكلام مو لك ، الكل يفهم انك مو موجه الكلام لي انا ، ما عليه مشيناها
2- كثير الناس ، يعني 60-70 بالمية غيري وغيرك دلوخ وقلة سنع ووووو .
3- شاد حيله بالكلام ، تتكلم عني انا بصيغة الشخص الثالث .

بإختصار ، كأنك تبي تقول ان فيه ناس كثيرة دلوخ ما ينتبهون للكلام الكامل وبكذا يضيعون ، وأنا ما اقصدك يا Stealthy انك تكون واحد منهم ، ومع هذا تكلمني على اني شخص ثالث وتسخر من كلماتي واسلوبي.

وبعد هذا وبكل وقاحة ترجع وتقول احسبك فهييم ، وبهذا تأكد انك افهم مني انا ومن اللي رد ومن الناس الدلوخ الكثر.

عموما ، منت جزء من موضوعي هذا

يعافيك حبيب قلبي ، هالنصائح ان شاء الله تفيد الكثير ممكن هم في إنتظار البعثة خاصة مثل ما أشرت في بداية موضوعي لكن .... لا تعليق

ههههه حسيتها اف من قلب ، أوكي بنرجع لأسلوبنا ونكمل مكان ما وقفنا صبرك علينا خيتو

السالفة مو سالفة إستغراب لاننا شبعنا من الإستغراب من الحال ،لكن ان يصدر من أشخاص وصلوا لأعلى المراتب العلمية هذا هو يفقع المرارة ، خليها على ربك بس.

صبرك يا بويه جايك بالهرج اللي يطيرك في الجو

في انتظار باقي الهرجة .... بس لا تطول علشان لا انسي الموضوع

وصلتني الفيزا زائر متعددة لمدة سنة وزوجتي دارس لمدة سنة ، وأيضاً وصلني قبول اللغة لمدة سنة في نفس المعهد مع زوجتي. الحمدلله كل الإجراءات شبه مكتملة الحين وما عندي الا سالفة الوزارة نفسها وتحديد وقت السفر بما ان وقت السفر الاصلي راح من زمان وما ادري ايش اللي بيكون معهم. من خلال المراسلات ما بين الوزارة والمكتب التنسيقي في كندا والمعهد نفسه أيقنت ان الوزارة ما عندها ما عند جدتي في سالفة تحديد وقت السفر وهو اصلاً مبني على تاريخ بداية دراستك ، اذكر انه في الملتقى قالوا انه على شهر 5 او 6 المفروض ان كل المبتعثين باشروا الدراسة او شيء من هذا القبيل، وبما اني غيرت تاريخ الدراسة الى شهر 8 فانا اهم شيء اني اخلص اوراقي في الوزارة قبل الموعد اللي حددوه. انشغلت للإعداد لزواجي وما يخفى على الكل وش يعني هذا وتركت سالفة البعثة مؤقتاً بعيدة عن راسي.

بعد 50 يوم بالضبط رجعت لسالفة البعثة فقلت خليني انقز للوزارة في الرياض واخلص اموري وافك عمري ، وصلت هناك على الساعة 7 الصبح لقيت العالم متجمعة بالخارج عند البوابة الرئيسية وزحمة بالصالة داخل وهذا غير انه فيه بنات يكسرون الخاطر ماسكين زاوية بالخارج ومتجمعين فيها وياريت انها بالظل ، يا عالم يا هو ايش الهرجة كل هذا ينتظرون دورهم ، بعد ساعة وربع من الانتظار فتحت الابواب للمكاتب وعينك ما تشوف الا النور اللي عنده رقم واللي ما عنده رقم سواسية عند الباب ، عايدي متعودين على النظام الحلو عندنا بالدوائر الحكومية.

حاولت ان ادخل يمين يسار بس ابي اعرف اذا انا في المكان الصحيح ، وصلت لداخل المكتب وريحة الفول والتميس ضاربة المكتب ، ايه مو من خير الزحمة اللي كانت ومع هذا ما كان المكان اللي ابيه ، فرحت الصالة الثانية يكون مدخلها على شارع العليا ، دخلت فاضية الصالة ما فيها الا يا دوب 10 اشخاص رحت الشباب اللي عند الشباك وبصراحة حبوبين عطيتهم الاوراق قالوا لي تعال بعد الساعة 11 علشان يكون الدكتور موجود ويوقع عليهم .
رجعت بعد 11 الظهر قالوا لي النظام هنا ما تقدر تخلص اوراقك قبل 3 اشهر من موعد الدراسة لان اقرار البعثة مدته 3 اشهر اذا انقضت وانت ما درست تروح عليك البعثة ( باقي لنا على موعد الدراسة 4 اشهر) قلت مو مشكلة اجيكم بعد شهر لكن انتم قلتوا لازم انا على شهر 6 الكل مسافر ، قالوا لي لا عادي نهاية شهر 6 اخر موعد لإكمال اجراءاتك للبعثة مو للسفر ، هنا ارتحت لان كل الهم اللي كنت شايله علشان تاجيل البعثة او انها تروح علينا كان ماله داعي ، والسالفة سالفة تاريخ الدراسة وانك تكون مخلص اوراقك قبل نهاية شهر 6 .

بسبب الزواج وانشغالي بأمور السفر والوزارة وظروف العمل نسيت سالفة فيزا الزائر وراحت تماما من بالي، المفروض اني اراسل سفارة كندا بخصوص تغيير الفيزا لفيزا دارس بما انه عندي قبول لمدة سنة وعندي 4 اشهر على بال ما اسافر، وهذه احدى الغلطات اللي غلطها.

رجعت الوزارة بعد شهر واسبوع علشان يكون 3 اشهر على موعد الدراسة ، رحت للشباب اعطيتهم اوراقي قالوا تعال بعد 11 ، اوكي ما عندك مشكلة جينا بعد 11 الا يقولون لي لازم زوجتك تغير التخصص المطلوب ، ليش ان شاء الله ، لان تخصصها محاسبة والمطلوب مالية او تمويل ، والنظام يقول لازم يبتعث الطالب على نفس تخصصه .
آمنا بالله رباً وبمحمد رسولاً ، طيب ليش ما تكلمتوا من قبل وين اللجنة اللي اخذت الاورق من البداية وين اللجنة اللي استلمت الطلب من الانترنت وين اللجنة اللي سلمت القبولات وين اللجنة اللي قبل شهر اخذت اوراقي !!؟
ما فيه رد من قبل الموظف... طيب وسوات الحين ؟ لازم تغير التخصص الى محاسبة او ما فيه بعثة ، امري لله غيروا التخصص الى محاسبة وريحونا، قال لي اوكي بكرة تعال من الصبح بدري علشان يغيرونه لك.
ومن بكرة جيتهم اخذوا اوراقي ورجعها لي في اقل من دقيقتين شخط على التخصص المطلوب القديم بالاحمر وكتب جنبه التخصص الجديد ، ناظرت في الموظف دامها جرة قلم ليش ما سويتها امس ، رد علي وقال الدكتور كان مشغول ، حلو الكلام طيب دام الدكتور نفسه هو اللي اتعب يده بالشخط العظيم ليش ما وقع اوراقي ؟ الرد لآن الدكتور ما يستقبل احد أو اوراق الا على الساعة 11 ظهر !!!؟؟؟ قلت في نفسي صبراً جميل والله المستعان المبتعثين شكلهم بيدخلون الجنه من افعال الوزارة وصبر المبتعثين عليها. واخذ الاوراق مني وقال تعال بعد 11 . جيتهم بعد صلاة الظهر اوراقي خالصة واستلمت قرار الابتعاث.

أوكي علشان تعرفون ايش الهرجة على 11 الظهر ، الدكتور ( الموسى اذا ما خاب ظني) ما يكون فاضي الا بين 11 و 1 ظهراً يستقبل فيها اي احد بخصوص البعثة ويوقع الاوراق ووقت الصلاة بينهم يعني كلها على بعضها ما بتستفيد اذا بتقابل الدكتور لانه قدامك زحمة هذا اذا اضطريت انك تقابله .

نوقف هنا واكمل بعدين.

والله كلااامك خوفني انا احسب ان بنحصل ناس يهتمون فينا وهم اللي يحجزون لنا ويوصلونا

من كلامك انا بسوي كل شي والوهقة العايلة معي يعني اذا ما حصلت شقة بنام في الشاااارع
وبعدين ماراح يكون عندنا ناس زينا نخاويهم ولا ؟تكفى رد على اسألتي