انتبه لا تغلط نفس غلطتي في بعثة كندا !!

صراحه صراحه صراحه وااايد امتعتنا اخووي بطرحك للموضوع وذكرتتني بمأسات اختي اول ماراحت لكندا بس اهي اهون منك لان في قريب لنا وسوا لها اشيئاتهم الله ييسر لك يارب ويبعدكم عن اعيال الحرام ويارب ويحفظ كل المبتعثين ..

أنا أقول أنك شخصية نادرة وأتمنى ما تكون نادرة

وتستاهل كل خير
لأنك وضحت أمور جدا مهمة لأي أخ /أخت رايح لكندا

أتمنى لك الإستمرار بنفس التألق
وكذلك التوفيق والنجاح ...

أخوك البحار

وعليكم السلام ورحمه الله وبركاته ،

اخي ابو عبدالله بصراحة لما كنت اكتب مشاركتي الاخيرة وقبل ردك كنت اشوفك من ضمن الموجودين في الموضوع وهذا يعني انك قرأت الموضوع من بدايته الى نهايته ، ودعوتك هذه هي النابعة من القلب لأنك عرفت قيمة السطور في الموضوع.

شكراً لك اخوي وارجو ان تكون كل كلمات هالموضوع ذو فائدة لك وللجميع.

هلا وغلا اخوي ،

على فكرة ما عاد فيه هنود يفصلون من سنين من على ايام حجازي وكويتي ههههههه.

اي مشرف اللي بيدخل ويشوف الموضوع علشان يثبته !!؟ عموما ما افضل انه يتثبت خلينا كذا حلوين اللي يبي يستفيد راح يدور الشيء حتى لو ما كان مثبت.

تحياتي لك عيوني.

وانا بصراحة اشكرك خيتو وحشتيني ، لأن اول مشاركة لكِ هي تشريف لموضوعي.

ان شاء الله الله يسهل وييسر لأختك ولكل المبتعثين.

أولاً اشكرك لأن اول مشاركة لك هي تشريف لموضوعي هذا .

ثانياً لا خير في كاتم العلم ودامي تعلمت شيء هنا في بلاد الغربة واجب علي ان ابين وأوضح الاشياء للي بعدي وربي يضيق صدري بمجرد اني اسمع احد حصل له شيء مشابه أو مقارب لما حصل لي، ربي يسهل امور كل المبتعثين يا رب.

تحياتي لك خيو البحار.

بعد ما قلت للمسؤلة اني ابي ادرس توفل وأيلتس ووافقت مبدئياً، كملت كلاسي ( هذه ياء المُلكِيَة دام ما فيه الا انا يحني الكلاس حقي ههههه ) مع هالمدرسة اللي مو عارفة كيف تدرسني كل شوي تسئلني ايش الموضوع اللي تبي ندرسة اقول لها ما ادري هذا شيء انت اللي تحدديه مو انا لغاية ما مليت منها.

جاء البريك الاخير وانا قرفان من وضعي في الكلاس وفي المعهد كله على بعضه ، وقفت مع الشباب هاه يا حلويين انصحوني وش السوات ترى الوضع كيت وكيت من اول يوم وطفشت قالوا لي طيب انت انتظر كمل اسبوع كامل واحكم على الوضع مو كذا من اول يوم ترى المدرسين حلويين ، يالله شوركم وهداية الله رجعت على كلاسي وألقى هالمدرسة بخشتي وترجع تسئل شنو تبي يكون موضوع هالكلاس هذا ( اوكي العادة في المعاهد الغير اكاديمية أو التجارية يختارون موضوع لكل كلاس أو لكل يوم وتكون الدراسة عليه) قلت لها ابي موضوع حر ما اتقيد بشيء معين قالت لازم تختار حاجة وحدة قلت له لازم وتختار ما تركب يا لازم ياختار وانا اخترت والحين انت اللي مفروض تتقبلي اختياري ضحكت وقالت كلامك صحيح انا غلطت لما عطيتك المجال للإختيار ،هههههه جنت على نفسها هالمدرسة وقضينا الكلاس سوالف.

خلصنا المعهد وجاء في بالي اني اليوم اروح اقضي للبيت وقلت خليني اسير على وال مارت http://www.walmart.ca/index.jsp نقزت على البيت شيكت على موقعهم ومتى يقفلون وكانت اقرب وحدة لي في بلور مع دافرن ستريت ( Bloor st / Dufferin st ) طبعا علشان تعرف اقرب شيء لموقعك لازم تحط البوستال كود Postal code ومثل ما قلنا هذا لازم تحفظه مثل اسمك لانك تحتاجه في كل شيء ، رحت على محطة دافرن بالسب وي ومن المحطة تمشي جنوب لمدة 3 دقائق فقط وتكون في قلب دافرن مول اللي فيه وال مارت http://www.dufferinmall.ca هذا المول فيه محلات كثيرة واهم ما يميز هذا المول انه فيه وال مارت سوبر ستور / تويز ار اص حق الأطفال Toys 'R' Us / نو فرلز No Frills / دولاراما .

طبعا تويز ار اص ما راح اتكلم عنه لان الكل يعرفه ، ودولاراما تكلمنا عنه بعد ، نو فرلز http://www.shopnofrills.ca/ontario
هذه سوبر ماركت كبيرة وتتميز ان فيها الخضار والفواكة اكثر من اي سوبرماركت ثاني وايضا اسعارها اقل من اماكن كثيرة وهذا شعارهم هو احنا اقل من الباقين ، لكن العالم يرحوا لوال مارت لانه سوبر ستور يعني فيه كل شيء من اثاث الى ادوات صيد الى إلكترونيات الى مقاضي كل شيء ممكن تحتاجه ، ونوفرلز فقط حق مقاضي.

هذه موقع المول على الخريطة http://www.dufferinmall.ca/map.php

المهم وانا اقضي الأشياء جاء في بالي شلون باشيلها معاي للشقة هذه ما خطرت لي على البال بعد ما خميت الاولي والتالي من الأشياء ولقيت بعض من العالم معهم العربة حقت المقاضي اللي تكلمنا عنها سابقاً قلت جات في وقتها ولفيت عليها ولقيتها http://www.walmart.ca/Canada-Feature...=1688&tabId=25 هذه هي علشان تعرفوها وترى هذه مهمة جداً انها تكون معاك في كل مرة تروح على بقالة أو سوبر ماركت أو حتى اذا بتتسوق لشيء ثاني وبتشوفون كيف فائدتها معاي لاحقاً لأني حللتها لين قالت آميين في اماكن كثيرة ، عموما النصيحة مني مقاضي البيت اخذها من وال مارت واذا مالقيت اللي تبيه شوف نو فرلز اللي جنبه في دافرن موال لأنهم اقل اسعار بتلقاها في السوبرماركت ، خصوصاً الموية !!!؟ الموية وما ادراك ما الموية عموما راح اتكلم عن المياه بشكل موسع في مشاركة خاصة.


....يتبع

مشكوووووووووووور اخوي الله يعطيك العافيه ويسهللك باقي امورك انشا الله