انتبه لا تغلط نفس غلطتي في بعثة كندا !!

ماقول غير ماشاء الله
الله يزيدك من فضله

متاااااااابعه من اول صفحه وانقطعت لظروف وأول مارجعت لقسم كندا قلت باشوف ايش اخر المعلومات عشان اكمل طباعه جزيت الفردوس الاعلى ووفقك الله من جد جهـــــــــــــــــــــــــــــد متعووووووووووووب عليه ويستاهل التثبيت

في البداية أبارك لك القبول في البعثة وعقبال ما نبارك لك في التخرج .

هل تعرف ما هي العادة الأصلية عند الرجال لما ترفع لهم القبعة ؟؟؟ ههههه عموما هذه العادة شبه منقرضة الا في بريطانيا ممكن ما زالوا مستمرين عليها في الطبقات العليا والملكية ، وهي بمسك طرف القبعة الأمامي وهي على الرأس وتنزيله قليلا للآسفل مع انحناء بسيط للرأس دلالة على احترام وتقبل الشخص الذي رفع قبعته .

هذه تنزل إحترام لك ياخوي .

شكرا لكِ انتِ يا smart nurse ، لآنك شرفتي موضوعي بأول مشاركة لكِ.

ولكم باك اختي saas2002 ،

هاه عسى الطابعة حبرها يكفي ترى لسه ما خلصنا ، ان شاء الله يارب تستفيدي من كل حرف مطبوع في الأوراق ويكون ذو فائدة لكِ .

تحياتي

يسلموا خيتو بحر صافي ،

تحياتي لكِ

ههههههه حسبي الله على ابليسك يا mmm1998 ،

في البداية ، أحب ان أهنئ جميع المقبولين في النسخة الخامسة من برنامج الإبتعاث ، أما الذين لم يتم ظهور ارقامهم ضمن القائمة فأقول لهم ترى البعثة ما راحت عليكم ، بيكون هناك قائمة الإنتظار ويتم النظر فيها بعد فترة ، وايضا هناك قائمة الاحتياط وهم الذين يتم قبولهم في اخر لحظة بسبب اعتذار اي مبتعث أو مبتعثة أو لأي سبب يتعذر على المبتعثين السفر.

ثانياً ، توصلني رسائل على الخاص أو على إيميلي مع ان إيميلي تم اعطاؤه لأشخاص محدودين ولكن بقدرة قادر تصلني ايميلات كثيرة من اشخاص غير الذين تم اعطائهم الإيميل وهذه برضو مو مشكلة و الكل يسئل عن قبولات وتخصصات و مدارس وحضانات للأطفال ومثل اللي قبلها مو مشكلة عيوني لكم . لكن ترسل لي اليوم وتبي رد على اسئلتك ثاني يوم أو اني لازم اجيب لك الشيء اللي تبيه واذا ما جبته لك او طولت عليك بالرد انك ترسل وتقول كلام بزارين !! فهذه اشياء لازم اني اوضحها للكل هنا .

يا خواني ويا خواتي ، انا شخص موجود في مدينة تورنتو في دولة كندا وعندي دراسة ومشاغلي الخاصة وعندما كتبت موضوعي هذا فهو مساعدة لأخواني وأخواتي المبتعثين ، يمكن لاني كنت قبل في نفس وضعكم عندي تساؤلات كثيرة من غير اجابات ولا احد من المبتعثين حتى فكر يتطرق لها ، لغاية اليوم اللي فكرت اكتب فيه موضوعي هذا لاني عرفت الاجابات بعد ما تبهدلت وعانيت الامرين والسبب ما فيه احد كان ينبه عليها وانا ما ابي يصير لكم مثل ما صار معاي.
كل الأسئلة اللي تطرح في الموضوع اذا كانت اجاباتها لدي راح اجاوبكم وازيد على الاجابة نفسها ، اذا ما كان لدي اجابة سئلت لكم من اللي اعرفهم وفيه بعضهم يرد علي بالكلام الأكيد وبعضهم ما يعطيني اجابة خير شر.

لكن يجي احد يسئلني ابي قبول في معهد أو جامعة راح اقول له ترى في ناس فاتحين لهم بزنس هنا من ورى هالشيء واذا ما تبي تدفع فلوس لهم ليش جاي عندي انا ، اوكي اساعدك على عيني وعلى راسي لكن اجيب لك قبول مجان وغيري ياخذ عليه الالاف الريالات ، اسمح لي اخوي طلبك مو عندي تبي افيدك بمواقع معاهد وجامعات مو مشكلة لكن وبما انك ما تبي تتعب نفسك وتدور الشيء تحمل واصبر لين افضى من اشغالي ، لآن وبكل صراحة ما راح اعطل نفسي علشان احد وبكرة لما يخلص اموره يجحدني ، وهذه حصلت لي وسيأتي ذكرها في الموضوع وتعرفون السبب.

لكل الاخوان والأخوات اللي سئلوا عن المدارس والحضانات ، اعتذر منكم لاني شديت الظهر بناس وللحظة كتابة هذا الرد ما جاني اي رد منهم وانا واحد من الناس ما اتمنن الخلق على شيء يكفي اني كلمتهم مرة واثنتين ولا اخذت منهم رد ، بامكانكم البحث في المنتديات الآخرى لعلكم تلقون اجابة لاني راح اكون مثلكم ابحث في النت واجاوبكم الا اذا تكرم علينا احد بالإجابة.


للأشخاص الذين يبحثون عن اي معلومات عن مدينة ثانية غير تورنتو أو بلد ثانية غير كندا وبالذات أمريكا ، ترى فيه مواضيع ثانية واقسام ثانية ممكن تلقى اجابات هناك .

تحسباً لآي حاجة مستقبلية ، ارجو الا يتم سؤالي عن المعهد أو الجامعة التي ادرس بها وتقييمها وكيفية الدراسة فيها ، كل مكان يختلف عن الاخر وهذا شيء يعتمد على الشخص نفسه ، انا ممكن امدح في مكان وعشرة يذمونه ويمكن اذمه ومليون يمدحونه .

عندما اتكلم عن الملحقية او السفارة فأنا اتكلم عن تجربة شخصية ويمكن كثيييير صار لهم نفس الشيء ، فلا تجي انت وتقول حرام عليك تشوهه سمعة الملحقية بسبب شيء صار لك لوحدك مع شخص واحد هناك !!! ردي عليك الحين شوف ايش العالم تكتب وتقول في الجرايد والمنتديات وانت جاي تحاسبني انا لوحدي .

اخيراً والمهم جداً ، يا عالم والله الواحد وده يسوي خير للكل ويكسب ثواب وأجر لكن فيه ناس من جد تسد نفس الواحد حتى انه يفكر يكمل موضوعه ، احيان اقول لنفسي اسوي الخير وارميه بحر ماني منتظر شيء من احد منكم واحيان اقول ليتني مثل البحر اسمع الشكاوي ولا أشتكي.