المشاركة الأصلية كتبت بواسطة kareem1
بسم الله الرحمن الرحيم
الأخ العزيز STEALTHY
منذ فترة ليست بالبسيطة وانا اتابع موضوعك بصمت مثلي مثل الكثير.
هناك اكثر من منتدى يهتم بالمبتعثين السعوديين ومنهم هذا المنتدى ، عندما كنت ابحث عن معلومة تفيدني في امور بعثتي كنت اتنقل من منتدى لمنتدى ومن موضوع لموضوع . مواضيع عن السكن او البنوك او المعاهد والجامعات حتى الاماكن السياحية ما تركت مواضيعها في كل المنتديات .ولاكن عندما وجدت موضوعك هذا وجدت فيه اشياء كثيرة مختلفة خلتني اتابعه ولابد من ذكرها
1- اسلوبك في الكتابة . ماشاء الله تبارك الرحمن لو قلت مبدع فهي قليلة في مدحك ووصفك . ياخوي عندما اقرا المشاركة اندمج معها قلب وقالب احس اني فعلا موجود معك في قلب الحدث ومثل ما ذكروا الاخوة نحس بفرحك لما تفرح ونزعل لما تزعل ونغضب لما تغضب. خليت كل شخص يعيش كلاماتك واحاسيسك وليس فقط يقراها. الان فقط عرفت معنى كلمتك >محاكاة للعقل< التي كنت تذكرها وانا اشهد لك يا خوي بها.
2- وصفك للأشياء والاحداث كنت اعتقد انها مبالغ فيها ولاكن بعد ان وجدت نفسي اعيش نفس التجربة اكتشفت انك كنت تهون بعض الهوائل وخصوصا مشاكل الملحقية . شكرا استفدت كثيرا من خبرتك بالنسبة للمحقية.
3- روحك المرحة سبورتي = روح رياضية . حبيت ردودك على المشاركين وكانك تعرف كل واحد فيهم من زمان معرفة وطيدة سوا كان في جواب لسؤال او في شرح لجواب او حتى رد على شكر .
4- حبك للخير وللغير . اتعجب من مدى اهتمامك بالغير وكيف تحرص عليهم انهم ما يغلطون مثل ما غلطت انت .لا ابالغ لما اقول انك احد المؤسسين لمفهوم العمل التطوعي لمساعدة المبتعثين الجدد . ولا يهونون الباقين ما احد قصر بشيء لكن انت تكلمت في اشياء ما خطر على بال احد انه يتكلم فيها . انت لم تكتب يوميات عادية رحت وجيت واشتريت ونمت وجلست. لاكن انت تكتب اسباب الغلط والخطأ ومثل ما قلت انت الحدث المؤدي للخطأ قد يكون عادي في وقته ولاكن مع الايام تكتشف انه سبب مشكلة .
5- بساطتك وعفويتك الطبيعية مع الكل . هناك كثير يكتبون في المنتدى لاكن ليس مثل ما تكتب انت احس اني معك مباشرة وليس من ورى شاشة تتكلم لغتي ولهجتي واسلوبي في المزح .شوي تتكلم حجازي بعدها جداوي وتقلب نجدي وتروح شرقاوي وتسافر مصري وتريح سوداني وتكي لبناني. بالله وين ما يستمتع اللي يقرا موضوعك.
6- اعجبني تفكيرك المستقبلي . فيه اشياء قلتها وحذرت منها من زمان سوا انتبهنا لها وقتها او ما انتبهنا . صارت فعلا وخصوصا الملحقية وتعاملهم مع المبتعثين . وهذه فرصة اني اقول كنت متابع موضوعك الثاني >
http://www.mbt3th.us/vb/forum107/thread142074.html < الذي سبب الخلاف الحاصل بسبب عضو اخر الذي اتهمك واتهم المنتدى بالعنصرية قرات كل الردود قبل حذفها وكيف انك تطلب الاهتمام من الملحقية . اشيد بكلمتك كلمة الحق التي قلتها والتي هي لب وقلب موضوعك " نحن يا سيدي 9000 مبتعث دون المرافقين وهناك 2000 مبتعث قادم مع مرافقيهم من غير اللائق انكم تستهزوا بعقول هذا الجمع , انكم تقولوا اللي تبونه ولا تريدوا ان تسمعوا إلينا ، نحن لا نتكلم بصيغة فردية بمشاكلنا ولكن مشاكلنا هي نفس مشاكل اللي في فانكوفر نفسها في اتاوا نفسها في هاليفاكس ، نحن نبيكم تسمعونا حتى لو ما حليتوا مشاكلنا إلعبوا علينا اسمعوا بآذن وطلعوه من آذن اخرى تظاهروا بانكم تسمعونا واننا لسنا لوحدنا في بلاد غربة .
كنت تقول يالدكتور انكم تعتنون بنا ، ونحن لا ننكر ولا نجحد ذلك بالعكس وربي ما قصرتوا علينا في اشياء كثيرة ولكن اكبر مشاكلنا وهمومنا هي اللامبالاة من قبل المشرفين الدراسيين في الملحقية ، وكل شيء والله العظيم كل شيء بعد ذلك يهون اذا حليتوا مشكلة الملحقية ، يا دكتور فيصل ان كنت لا تعرف ما يدور في اروقة ملحقيتك من مشاكل فهذه مصيبة واذا كنت تعرف فهذه الطامة الكبرى ، عندما رددت على الأخ السائل قلت هذه جوالي اتصلوا عليه وصفحتي في الفيس بوك ارد عليها ، انا ادخل واشيك على صفحتك يا دكتور وين ردودك !! اشوف اسئلة بدون اجوبة ، هل تريدني ان اتصل عليك يا دكتور على جوالك الخاص واقول لك ان 90% من موظفينك يهمشونا ويطنشونا ، اسئلك بالله يا دكتور هل هذه هي المرة الأولى اللي تسمع فيه هذا الكلام ؟ وان سمعته قبل كذا فلماذا لم تحرك ساكن ؟؟؟؟
تقولون انكم تبونا نكون مستقبل السعودية نرفع راسها بين الدول بشهاداتنا ، فكيف اصلا ارفع راسي وموظفينك يتجاهلونا ، الا من رحم ربي هناك البعض القليل واشهد بالله انهم خدومون وما احد كلمهم او ارسل لهم الا وخلصوا موضوعه حتى وان لم يكن يتبع لإشرافهم" .
يا STEALTHY والله ان كلامك ما راح هباء في الهواء هذه الملحقية تغيرت والسبب كلامك وكلام امثالك اللي ما رضوا انهم يجاملون على حساب المبتعثين . قلتم كلمة حق فحاربكم الكثير . هناك من اتهمك انت شخصيا بالعنصرية وهناك موضوع يتهم من قال للموسى والملحق انه يقل ادبه " ومن هول مارأيت!!.. فكيف بطالب يقف باجتماع رسمي ويتكلم بكلام غير لائق لمن يكبره سناً ويكبره منصباً ويكبره علماً !!" الحقيقة لا اعرف بماذا اجاوب عندما يوجه لي او لغيري مثل هذا الكلام ولاكن وانا اقرءه تحز في نفسي تزييف الحقائق واختلاق انواع الكذب والاعذار والسبب مجاملة.احمدوا ربكم ان تصوير اللقاء لم ينشر في أي موقع حتى اليوم والله كان فضايحكم بجلاجل .
STEALTHY قلت قبل ان تكتب موضوعك الثاني >
http://www.mbt3th.us/vb/forum107/thread122293-32.html
ثانيا ، لا أضمن ان تستمر عضويتي بمبتعث لأنه قد توقف عضويتي بسبب موضوع سأكتبه عن زيارة الموسى وابا الخيل لتورنتو وتحديدا لأني سأكتب الحقيقة !! وبذلك قد لا استطيع اكمال موضوعي هذا ، هذه فرصتك انك تطبع الموضوع او انك تنسخه اذا كنت متابع له ومستفيد منه.
ثالثا ، رجاء خاص لكل من سجل أو صور اللقاء فيديو ان يرفق رابط لمشاهدته لكي يعرف كل شخص في كندا أو في طريقه اليها ما اتكلم عنه في ذلك الموضوع .
رابعا ، سبب كتابتي هذا هنا في هذا الموضوع ، لانه لو حصل وتم ايقاف عضويتي وحذف موضوعي الاخر فأنتم تعرفون السبب .
اخيرا ، اتقوا الله يا مشرفين منتدى مبتعث قبل ان تتخذوا اي شيء مجاملة لشخص أو اشخاص .< وشف كل ما كنت تحذر منه صار من المشرفين.
اخي ستلثيStealthy حبيبي عيوني حبيب قلبي بعد قلبي عزيزي يالغالي يالدب استاذي خيو يالخوي يا عسل . اناديك بكل ماناديت به الاخوان في موضوعك. احنا محتاجين مثلك بيننا يقول ويبين لنا ما يحدث من غير مجاملة وبعدها ننصدم بالواقع لما نعرف الحقيقة محتاجين مثلك يقول لنا وش نسوي لما نتعطل وما نجد حل من الملحقية محتاجين مثلك يوجهنا ويذكر لنا الحل لما نواجه المشكلة. غيرنا كثير صارت لهم وقالوا خل غيرنا يعانون ويتعلمون مثل ما صار لنا ولا حتى فكروا انهم يساعدونا.
شف ياخوي مو بس انا اللي ابيك تكمل ومثلي كثير واشهد انك بيضت الوجه وما قصرت لا بمجهود ولا بوقت بخلت علينا. انا ما اكتفي اني ادعي لك واقول رحم الله والديك بيض الله وجهك دنيا واخرة وربي يجزاك من حسناته على كل حرف وكل كلمة نفعت بها المبتعثين . لاكن وعد مني وعهد علي اذا كان سبب ابتعادك عن الموضوع هو خلافك مع أي احد في المنتدى . لاعطيك موقع كامل جاهز مجهز بمنتدى وكل اللي تبيه يكون فيه واسجله باسمك ومدفوع ثمنه بعدد السنوات اللي تبيها. وهذا ثمن بسيط لاني استفد منك وماحاكون جاحد لشخص نفعني في غربتي وتكلم بلساني ولسان الكثير في وقت الكل سكت فيه. واجمع فيه كل من تبي من اشخاص يحبون الخير للجميع نحتاج مواضيعكم وخبراتكم . وهذه مو دعاية ولا نكران لمنتدى مبتعث الذي خدمني وخدم الكثرين ولاكن هناك اعضاء تم اسكاتهم وابعادهم وتوقيفهم ومضايقتهم وكان همهم هو مساعدة الغير.اجتمعوا في مكان واحد مبني على حب الخير لجميع وليس انسخ من ايميلي واكتبه في المنتدى او كثر مواضيع وتميلح علشان تكون مشهور .
قول تم يا رجال وفي يومك يوصل لك اللي تبي . ارسل لي على الخاص رقمك او ايميلك ولو اقدر ارسل لك كان رسلت لاكن لازم عدد من المشاركات . راح اشوف من يرسل لك على الخاص وامانة يا اعضاء مبتعث أي احد يعرف الاخ STEALTHY انه يرسل له او يكلمه ويبلغه.
LinkBack URL
About LinkBacks
، ومع هذا اشكرك جزيل الشكر لربما تستطيع انت إنشاء الموقع بنفسك وتأكد بأني راح اكون حاضر في اروقته كزائر ومشارك .
بعد قلبي انت يا mghamdi ،
إيميلي موجود فوق في الردود ويسعدني وجود رسالة منك عليه .
تحياتي لك .