انتبه لا تغلط نفس غلطتي في بعثة كندا !!

انتِ تغربتي لعيونه وانا اكمل لعيونكم كلكم .

تحياتي لكِ.

أوكي هالمرة بنغير شوي ، قولوا لي شنو تبون اتكلم فيه المرة الجاية ؟

ربما هناك مواضيع أو استفسارات لا تخطر في بالي اني اتكلم عنها ، مع اني احاول اني اشوف مواضيع المنتدى قبل لا اكتب مشاركتي .

عطونا موضوع وراح باذن الله نتوسع في الكلام عنه . وبعدها ان شاء الله راح نتكلم عن المطاعم والاسواق في تورنتو ومسيساقا.

واصل اخوي في أي شيء وهذه رسالة وصلتني على رسائل الزوار أرجو ان تحقق طلبها

تحياتي

مشاء الله عليك يا Stealthy

استرسالك الغريب في طرحك لأفكار وترتيبها يخلي القارئ مايبغى ويقف قراءة

تجارب كلفتك من الثمن الكثير ومن الجهد و العناء الاكثر

وجاي بكل اريحية تسرد لنا المعوقات اللي ممكن على القليل 50% من الطلبة توقع فيها وشايل هم كل مبتعث جديد جاي لكندا

وفي الاخير نلاقي ناس مو عاجبها شي و كمان ردودهم غير لائقة

على العموم الله يوفق ويحقق لك مراد ان شاء الله

وادعيلي واقدم على البعثة في المرحلة السادسة ويجيني القبول ان شاء الله

لو تقدر تعدل المشاركة الاولى او رد جديد فيه السلسة كاملة كروابط للردود ( بعنوان الموضوع )

>>> رابط الرد يكون بجانب هذه العلامات
<script type="text/javascript"> vbrep_register("1707170")</script> <!-- status icon and date -->
رقم عليه رابط لكل رد

مثال

[1] فتح حساب بنكي في بنك CIBC وطلب بطاقة فيزا ( كريدت كارد)

والله يعطيك الف عافيه عالمجهود الجبار

بالمناسبة هل في بنك سعودي اقدر اطلع الفيزا منه بسهولة قبل السفر او افضل الفيزا من كندا ؟

صباح أو مساء الخير للجميع

استاذي الكريم ستلثي لقلما نجد في هذا الزمان من ينصح نصيحه لوجه الله ويالجمالها عندما تكون نابعة من القلب 00 وأي قلب !! لأنه ليست كل القلوب كبعضها في حب الخير للآخرين00
ومادمنا نتنفس هواء هذا الكون فهذا يعني أننا دائما مانحتاج لمن يقف بجانبنا في مواقف عدة حتى لو كان هذا الوقوف مجرد كلمة لا أكثر ولا أقل 00 فلربما هذه الكلمة كانت النور الذي نستدل به على الطريق الصحيح00ولربما كانت هذه الكلمة بارق أمل لنا في طريقنا الذي سنبدأه والذي سبقنا إليه الكثير من الأخوان والأخوات0

لن أقول كم هي رائعة معلوماتك وكم هي قيمة نصائحك00ولكن اسمح لي أن أقول أن الصدق الذي يزين كلماتك وأن تسرد تفاصيل دقيقة ، والصدق في ردودك على كل صغيرة وكبيرة من الأسئلة وبكل رحابة صدر هو مادفعني إلى قراءة كل كلمة في موضوعك لأنه بالفعل موضوع يستحق القراءة 00
لك مني كل الشكر والتقدير والإحترام لشخصك الكريم ولصمودك أمام كل العقبات بهذه الروح الجميلة 00

بما إنك طلبت اقترحات عن موضوع معين تتكلم فيه ، بعد اذنك وفضلا لا أمرا عرفت من خلال كلامك إن لغتك الإنجليزية ماشاءالله تبارك الله جيده جدا إن لم تكن ممتازة بحكم دراستك دبلومات في عدة دول في الخارج كما تفضلت وقلت سابقا في حديثك،،
صحيح إننا بناخذ دورات ودبلومات هنا في السعودية والبعض وليس الكل دراسته الأكاديمية بتكون بالإنجلش لكن بحكم عدم ممارستنا للغة لن نستطيع اتقانها بالشكل المطلوب، وأكيد إن شاءالله إننا في السنة الأولى لازم نبذل قصارى جهدنا حتى نوصل للمستوى المطلوب

ياريت تكلمنا عن بداياتك مع اللغة من زمان يعني مو وإنت في كندا ، وايش أفضل الطرق للتعليم الذاتي إللي نقدر نطور نفسنا فيه؟ أنا لغتي لابأس بها من ناحية الفهم لكن عندي صعوبة في الإنطلاق والكلام يعني ممشية حالي زي مايقولوا، لكن في بعض الأخوان والأخوات لغتهم ضعيفة جدا والبعض حتى لسه مايعرف الحروف0
أتمنى أعرف تجربتك مع اللغة وكيف صرت بيرفكت فيها ماشاءالله بالتفاصيل الممله إذا ماعندك مانع >>> طماعة شوي (:

وإذا بعض الأخوان والأخوات عندهم اقتراح ممكن يفيد الجميع غير اقتراحي كلي ثقه في اختيارك للموضوع إللي حتتكلم فيه وإن شاء الله يكون فيه فائده للجميع حتى لو كان غير موضوعي المقترح 00

الله يوفقك دنيا وآخره ويجعله في ميزان حسناتك يارب ويعطيك على قد نيتك 00
شاكره لك مره اخرى وآسفه على الإطاله

مرحبا الفيروز ،

دامها ارسلت عليك ضع لها عنوان/رابط الموضوع الاصلي لكي تتابعه ، حيث انه من الواضح انها كانت تتابع موضوعك المختصر لا الموضوع الأصلي.

تحياتي لك

مرحبا hanaya ،

في البداية هل كلمة غريب بمعنى انه غير مسبوق !!؟

لولا اختلاف الآذواق لبارت السلع وهنا في المنتدى يا وخيتي استبدلنا الآذواق بالإستيعاب. على الرغم من ان الشيء لهم !!

ربي يوفقك فيما تصبين اليه وان شاء الله نشوفك السنة القادمة مبتعثة عندنا بكندا ، قولي آمين.

ان شاء الله وانا حاط في بالي هذا الشيء ، لكن يبي له تفرغ علشان ارتب الموضوع كامل.

بالنسبة لبنك سعودي ، انصحك بالبنك الأهلي تتطلع منه بطاقة إتمان مسبقة الدفع.

مرحبا اختي جادور ،

كلام القلب ما يفهمه ويقدره ويرد عليه الا قلب مثله . فمن يملك قلب مليء بحب الخير للغير راح يفهم كلامي وكلامك حتى وان اختلفت الحروف.

اتواضع خجلا امام كل من هم مثلك ( وياكثرهم هنا ) لآنهم يقدرون الشيء الذي يصنع لهم.

اوكي حيث ان الموضوع لن يأخذ حيز كبير فلا استطيع تخصيص مشاركة كاملة له ، ولكن نبذة سريعة عن صحبتي مع الانجليزية .

ربما اكون واحد من ضمن الملايين السعوديين اللي ابتدأ دراسته في الإبتدائي في اول الصف امام السبورة ارفع يدي على كل سؤال يسئله الأستاذ الفلسطيني ( الأساتذة السعوديين ينعدون على الأصابع على ايامنا أيام الابيض والأسود هههه ) وانتهيت بأخر كرسي في الصف عند خروجي من الثانوية واذا ما يجي المدرس السعودي ويقول لي يا فلان مالك نفس تجاوب السؤال ما راح تفرق معاي عمري ما جاوبت. اعتقد تعرفون الفرق بين الاستاذ والمدرس ؟

الأنجليزي كان يدرس في اول متوسط ( ما ادري اذا لسه أو صاروا يدرسون في الابتدائية ) ما كان فيه احد متحمس للدراسة خير شر فما بالك الانجليزي! تخرجت من الثانوية وانا اطقطق بالانجليزي يعني لو باقيم نفسي من 100 باقول 20 من 100 ، للأسف ما فيه مجال في المدرسة انك تمارسين اللغة يدوب هوم ورك كتابة وبس وما تقدرين تتكلمين وسط الكلاس ، بعد خلصت الثانوية ما كان لي نفس اني اكمل دراسة فقلت اشتغل ، كنت لما اروح اقدم في الشركات والمؤسسات ، كان اغلب مدراء التوظيف مصريين على شوام على لبنانيين وهاه ها بالغلط سوداني . فعلشان يصرفوني بشكل رسمي كانوا يسئلوني بالانجليزي ، وانا كنت افهم لهم لكن ما اقدر ارد لاني ما كنت امارس الكلام. لين حطيت الرحال اني اقدم في شركة سعودية معروفة فوق اللزوم ولما رحت اقدم على الوظيفة كان احد مدراء الاقسام في الشركة وهو سعودي بالصدفة موجود عند مدير التوظيف ، لما اعطيت اوراقي لمدير التوظيف قال لصاحبنا هاه دوبك تسئل اذا فيه موظفين هذا واحد جديد خذه عندك بالقسم، جالس يناظر باوراقي ويناظرني بعين وعين وقال لي كيف لغتك الانجليزية قلت له يعني بالنسبة لعمري اعتبرها جيدة ، فرد علي بستهزاء وقال اجل لما تكبر تعال قدم عندنا........

حزت بقلبي الكلمة ، الا ذبحت قلبي مو بس حزت فيه ان واحد سعودي ويكلمني بهالطريقة ، من يومها رجعت افتح كل الكتب حقين المدرسة وادرس فيها وقررت اني اكمل دبلوم والحمدلله اخذته ، على فكرة دبلومي من معهد الإدارة لأنه ثاني مكان معترف بدراسته بالانجليزي بعد جامعة البترول وهذا سبب اختياري له. كنت دايم اتكلم بالانجليزي حتى ان الشباب في المعهد كانوا يضحكون علي ، خلصت الدبلوم وبعدها بفترة بسيطة توظفت في شركة مالتي ناشونال ، كان المدير حقي واحد امريكي بس رجال عن مليون سعودي كان دايم يقول لي انا ما راح ادوم في مكاني بيجي الوقت اللي انت تكون فيه مكاني ، وعلى هالاساس كان دام يسجلني في اي دورة تتيحها الشركة حتى لو ما كانت في اختصاص عملي اغلب الدورات كانت في امريكا أو بريطانيا فكنت اسافر معه غير المشاريع اللي نسافر علشانها في الشرق والغرب ، ظليت اشتغل معه 10 سنوات وكنت اترقى معه لما هو كمان يترقى من منصب لمنصب وهو يساعدني لغاية ما هو تقاعد واستلمت مكانه وما زلت لغاية اليوم وانا على اتصال معه. قبل كم سنة كان عندنا احد المشاريع الكبيرة مع الدولة وكنا نحتاج عدد من المقاولين بالباطن ، وكانوا يجون يقدمون عقودهم وكان من ضمن اللي جائوا خوينا اللي هزئني لما جيت اتوظف عندهم ، سبحان الله مسير الحي يتلاقى بعد اكثر من 15 سنة واشوفه عندي بمكتبي طبعا ما فيه امل انه عرفني وقتها ولا راح يعرفني اصلا ، وكان يتكلم ويشرح وووو وانا ا بس اناظر فيه ، قاطته وقلت له تعرف يا بو فلان بسببك انت انا الحين في هالمكان ، ما استوعب الكلام وكيف عرفت اسم ولده ، طبعا اتذكر لما كنت عندهم كان الثاني يناديه ابو فلان ولما جاني المكتب عرفني باسمه الشخصي ، قلت له تذكر من زماااااان جيت عندكم بالشركة اقدم على وظيفة وقلت لي لما تكبر تعال ؟ هذا انا كبرت لكن انت اللي جيتني وانت بعدك على ما انت عليه ، وذبيت ملفه عليه وقلت له ان الله اعطانا عمر وياك وتلاقينا مرة ثانية يستحسن انك تكون اكبر مني فرصة سعيدة ما نحتاج خدمات شركتكم.

العبرة من قصتي هذه ، ان كنت ضعيف في شيء لا تسكت وترضى بالواقع بالعكس النقص يولد القوة ومنت خسران شيء ابدا في المحاولة ، انت من الاساس ما عندك شيء لو حاولت بيكون عندك على اقل تقدير شيء اكثر بكثير من اللاشيء، خلي في بالك دايما هدف معين وامشي في طريق تحقيقه وصدقني بتوصل له وان اختلفت الطرق والاساليب ما فيه شيء بالساهل هالأيام ، اذا انت في الثانوي وتقرأ هالكلام اسمع مني وانتبه على دراستك وخصوصا الانجليزي ما عليك من اللي بيضحكون عليك من زملائك بكرة لما توصل للي تبيه صدقني بيكونوا اقل منك بكثير وانت اللي بتضحك عليهم ، امسك كتب او جرايد انجليزية واقرئها لما تسمع اغاني انجليزية وتتنقز عليه فكر في كلماتها وش معناها اول وحاول تفهمها وبعدين انت حر تتنقز عليها او لا حاول لما تشاهد افلام اجنبية انك ما تطالع في الترجمة صدقني بتفهم المعنى من حركات الممثلين لا تعتمد على الترجمة ، ولا تستعمل قاموس او مترجم بشكل واسع خلي استعماله في الضرورة فقط ، لا تستخسر انك تكلم الهندي في البقالة بالانجليزي أو السواق حقكم أو حتى الخدم بالبيت حاول انك تنمي لغة التواصل وتحولها من عربي الى انجليزي ، اتحدى اي احد منكم اذا ما كان يتكلم انجليزي حتى لو كانت لغته صفر على الشمال ، بدل ما تدلع في الجوال وتقول باي سي يو ، قل توك تو يو ليتر والمرة الثانية قول كلمه غيرها وكل يوم حاول تقول شيء مفيد في الجوال بالانجليزي ، عود لسانك على حرية تقبل اللغة الانجليزية لا تخجل اذا كان نص او كل كلامك غلط بالعكس اللي ما يغلط ما يتعلم ، وعلى طاري الغلط هذا انا غلطت هنا وهذا انا تعلمت واعلمكم من غلطي ، شفت وش فايدة الغلط الحين .