ما افضل خط سير رحله وافضل خطوط

Dammam To Dubai
Dubai To Toronto

على الاماراتية ..

وموفق يالغالي ..,

http://www.emirates.com/sa

اشكرك اخي محمد على الاقتراح

وحاب استفسر عن عدد الحقائب ؟ والوزن المسموح للشخص الواحد ؟

طبعا يعتمدون على نظام القطع وليس الوزن ..
عدد القطع : 2 ووزن القطعه الوحده مايتعدى 23 كيلو ..
اي قطعه زياده ياخذون عليها : 175 دولار كندي (تقريبا 610 ريال)
حجم القطعه (الطول+العرض+الارتفاع) لازم مايتعدى 160 سم ..
الشنطه اللي بتاخذها معك جوا الطياره لازم مايتعدى وزنها 7 كيلو وابعادها (55×38×20) ..
يعني يبغالك تاخذ معك دفتر مربعات وكتاب الرياضيات وتحل معادلاتهم على الكونتر ..!
عموما .. اتوقع الموضوع فيه مرونه .. ولا على كذا لازم تشوف لك شنطه تفصيل ..
موفق يالغالي ..ولو اني احس انك تقول ليتني ماسألته ..!

يعطيك العافيه اخوي محمد

ولكن فيه احد جرب خطوط الاتحاد ؟؟ علشان نسوي المقارنه

انا جرّبت السنغافورية وجلست والله اعلم يمكن ٣ اسابيع على اساس اوصل لكندا من طول الرحلة << مبالغة لا يجي احد يقول اوه ٣ اسابيع معقولة!
لأن خط سيري كان .. الرياض - دبي - سنغافورة - سيؤول - فانكوفر << ورا ما مريت الجزائر بعد .. ما بقى الا هي!
لكن بحكم اني كنت مروّق وماخذ الموضوع بسعة صدر .. انبسطت وفلييتها لأني احب الطيران ..

المرة الثانية .. رجعت من كندا على الإتحاد .. وبدا ادماني على هالخطوط الرائعة .. ورجعت مرة ثانية من الرياض لأبو ظبي .. ابو ظبي تورونتو .. وصراحة من اروع ما يكون الخطوط من جميع النواحي .. ومن اهم الأشياء ان طياراتهم جديييدة ومطار ابو ظبي الجديد والخاص بطيران الإتحاد جداً رائع .. واذا مرة اضطريت انك تشتري تذكرة على حسابك .. يجيهم اوقات يكون عليهم عروض حلوة مرة واسعار رااائعة ..

فيه كذا عيب بالنسبة لي في الإتحاد .. واعتبرهم كلهم غير مهمات .. لكن حبيت اقولهم عشان تكون في الصورة ..

اولاً .. رحلة الرياض ابو ظبي (ما ادري عن الدمام لأبو ظبي هل هي نفس الوضع ولا لا) .. متأخرة مرة .. اقلاعها الساعة ٤،٣٠ الفجر!! وتوصل وتنتظر ٣ ساعات عشان اقلاع ابو ظبي تورونتو الساعة ١٠ الصباح .. فهذي بتحوسك مع النوم مرة .. لكن انا انبسط على الرحلات المتأخرة ..

ثانياً .. بحكم ان وقت الرحلة صباح .. وبحكم ان خط سيرك مع الشمس .. طووووول ال ١٢ ساعة طيران من ابو ظبي لتورونتو بتكون نهار .. وممكن هالشيء يضايقك اذا كنت تبي تنام .. خصوصاً اذا جا جنبك بثر وقرّر فجأة وانتم على ارتفاع ٤٠ الف قدم يفتح الشبّاك!

ثالثاً .. اذا كانت وجهتك غرب كندا .. بريتيش كولمبيا والبرتا بشكل خاص .. الرحلة الداخلية بين تورونتو وديرتك تبي تكون طويلة .. ما تقل عن ٤ ساعات .. و ممكن تكون متعبة خصوصاً بعد انتظار ابو ظبي .. والطيران الطويل .. لكن انا وش سويت .. اخذت ليلة في فندق الشيراتون الموجود داخل مطار تورونتو وهو فندق رائع وحجزته عن طريق موقع اكسبيديا .. وخليت رحلتي لديرتي من بكرا عشان اكون مروق وما اصير زي الأهبل ما ادري وش السالفة من التعب!

اتمنى اكون افدّتك اخوي ..

يعطيك العافيه ThE PrOGraMmEr

معلومات بالمره مفيده ورائعه ... وخاصه فكرت الانتظار ليله في تورنتو بفندق الشيراتون