خداع المبتعثين من قبل الملحقية السعودية

والله اني افكر بهالموضوع اليوم ولاني فاهمة
لان مدة بعثتي 3 سنوات بس
طيب هم يقولون لك فرصة باللغه سنة وست شهور
طيب راح يبقى سنة وست شهور معقول ادرس فيها الماستر؟؟

ياريت اللي جرب يعلمنا

فيه اختيآر ثآلث وهو انك تسوي خطة لمستقبلك وتستغل هالست شهور الممدة والي اعتبرها انذآر **__**


عالعموم بالتوفيق *_*

اولا اخوي الغلط مو من الملحقيه اذا تبي الحق الغلط من الشباب اللي ماهو متعود يعرف حقوقه وواجباته يعني كل شخص لازم يكون عارف وش له ووش عليه لاكن للاسف الثقافه هذي ضعيفه عندنا ونادر ماتلقاها واغلب الشباب اللي صارت لهم اشكاليات بسبب هالموضوع

ثانيا كيف تقول انك من مبتعثين المرحله الاولى وانت تقول انك جاي في نصف ٢٠٠٨ !!! هذولا مبتعثين المرحلة الرابعه اذا منب واهم الله يحفظك

ثالثا البعثه تقسم الى قسمين مرحلة لغه ومرحلة اكاديمية مرحلة اللغه مدتها سنه وبعد التخفيضات زودوها للمبتعثين الى سنه ونص لاكن يبقى النصف الزائد (((( استثناء ))) يعني لازم تقدم طلب تمديد ومسؤلية الطالب انه ينهي مرحلة اللغة في هذي المده اذا لاسمح الله ما انتهى تقطع المكافئة ويدرس على حسابه الخاص الى ان ينهيها ويبدا بالدراسه الاكاديمية والحق يقال اللي مايخلص بسنة ونصف يا انه مهمل يا صارت له ظروف ومع الاخذ بالاعتبار ان كندا دراستهم اصعب من غيرهم يكون التساهل اكبر مع الطلاب عل وعسى يفلحون

رابعا القبول الاكاديمي مسؤلية مشتركه بين الطالب والمحلقية يعني الاساس الطالب هو اللي يسعى بموضوعه لاكن اذا تعثر يطلب مساعده المحلقية بما ان عندها خبره اكثر منه في امور مثل هذي فالغلط اساسا من الطالب اللي ماسعى بالقبول من بدري وانتظر وطول انتظاره وجاء باخر الوقت وقال للمحلقيه يله دبروني المفروض يكون مرتب نفسه وعارف وضعه خاصه وانت طالب ماستر يعني طلاب البكالوريوس مانلومهم اجل

ان شاء الله انك عرفت وتوضحت الصوره ان الموضوع ماهو خداع اكثر من انها ثقافة حقوق وانا اخوك وادع لي ربك ييسرلي البعثة وتجي تراها طولت بالحيل موفقين كل ابوكم