فيزا الولايات المتحدة التقديم عليها من داخل كندا

والله شوف عزيزي انا قدمت عليهم ورحت للقنصليه الأمريكيه في تورنتو وأنا ماكلمت ثلاث شهور في كندا
رفضو يعطوني أياها لأني طالب لغه رغم اني جايب له خطاب قبول التخصص وجايب له الضمان المالي وكشف الحساب
وقلتلهم اني رايح ازور أختي وزوجها هناك عشان يوم العيد ورغم أني حاط لهم عنوانها وأرقام التيلفونات
قالي أبدا ماراح أعطيك أياها لازم يكون لك أكثر من سنه في كندا ومتخصص
قالي لو تبغى طلعها من السعوديه قلتله مافي فرق هنا او هناك نفس الفيزا
راحت علي 294 دولار كندي لي وللمدام الله لايوفقهم
رغم انهم ماذكرو الشي هذا في موقعهم يبون يلهفون فلوس الناس وبس
نصيحتي لا تقدم إذا كنت طالب لغه وإذا تبغى لا رجعت السعوديه قدم عليها وبس

مشكور على هل معلومات هل حين عرفت وش سبب رفضي لعدة مرات!!!!

أسير الكلمة الله يجزاك الخير والجنّة ويوفقك
وشاكر معلومات تهمني كثير وموفق يالغالي

المسأله فيها حظ وانا اخوك البعض يقدم عليها وتطلع له بسهولة والبعض الاخر ينرفض.
يمكن تعتمد بالدرجه الاولى على الموظف اللي راح يقابلك في القنصليه .

طيب ممكن نقدم على فيزا سياحية و احنا ما سوينا حجوزات فنادق او تذاكر و لا لازم نحجز ونرفقها مع الطلب لان في الموقع كاتبين لازم اثبات انك رايح سائح فكيف ممكن اجيبه اذا ما حجزت فنادق

اخوي هنا يقصدون اسم الفندق الي يمكن راح تسكن فيه
يعني ذي الخيارات تقديريه من عندك
هم الي يبغونه منك حاجات انك تثبت ما راح تجلس في امريكا
مثلا كشف حسابك في السعوديه و كندا
عقد ايجار
ورقه من المعهد تثبت انك طالب منتظم عندهم
وهكذا

ان شاء الله بالتوفيق للجميع

أهلين أخوي ...

انا لي بكندا اربع شهور تقريبا ..
وقدمت على الفيزا الأمريكية .. وحصلت عليها أنا وزوجتي وبنتي ..
وهذا واحنا قلنا انه ماعندنا أحد نزوره هناك .. وأننا مجرد سياح .. اعطونا 5 سنوات ..

لما قارنت بيني وبين اللي رفضوهم .. ومن خلال تصوري أتوقع اسباب الرفض :
1- انهم بمعاهد لغة مو تابعة لجامعة .. مثل معهد يورك أو يو أف تي أو بريتش كلومبيا ..
2- بعضهم كان مقدم على جامعات بأمريكا .. وكاتبين سياحة .. فخافوا انهم يروحون يدرسون فرفضوا فيزهم ..
فإذا رحت ابدا لاتجيب طاري فكرة انه ممكن تدرس

أنا هنا لأفيدك .. واي استفسار انا على استعداد ..

واتمنى لك التوفيق ..

الله يجزاكم خير وبالفعل افدتونا جميعا بذى المعلومات
وعطيتونا اشوية امل على انه ممكن نقدّم من كندا
لكن سؤالي للاخ CLICK52
انا بعد فترة قريبة جدا بكون بفكتوريا
وقالوا لنا الشباب ان فيه مكاتب بداون تاون فانكوفر
تابعة للسفارة الامريكية وهم يتولون تخليص الاوراق
فهل هذا صحيح ؟؟
يعطيك العافية