كندا(اكذوبه العالم)

وما هي صدمتك أفدنا لو تكرمت

يمكن لأنك من تورنتو فممكن الوضع يختلف

هنا بفانكوفر الناس قمة بالادب والاخلاق

لو تشوف عيوب الدول الثانيه

أمريكا: متعصبين وشايفين نفسهم .. هذا غير العنصريه

بريطانيا: أسوأ الشعوب وأكثرها حقد على المسلمين العرب
وأسلوبهم جاف
شوف نسبة الجرايم العنصريه في امريكا وبريطانيا ودول اوروبا


كندا غيييييييييير

في النهاية هذا رايك

انا اقول كندا وامريكا تتفوق بالراحة على بريطانيا

لكن انا افضل كندا على امريكا لاسباب كثيرة

منها انهم شعب طيب جدا وحبيبيين

والحياة حلوة هنا

والله الموفق

اشكر الجميع على الردود ولكن؟
1-هل تقارن الخدمات الصحيه في كندا عنها في السعوديه,دعوني انقل لكم تجربتي حيث انني كنت وما زلت اعاني من ارتفاع في درجه الحراره وكحه, وعندما ذهبت الي العياده قال لي الطبيب انك لا تحتاج اي دواء وسوف تزول طبيعيا مع الوقت ويلزمك اخذ راحه في البيت والي الان وانا في البيت طريح الفراش. واما عن مراجعه الحمل فا احتاج ان اؤلف مذكره لها تدرس لدي الملحقيه الثقافيه في كندا.
2- الاتصالات, تردني الفواتير بمبالغ غير متوقعه للجوال متمثله في مكالمات الي امريكا وانا لم اجرها كذالك بعض الشركات لديها اتفاقيه مع فايدو بحيث انه ترسل لك كل يوم رساله على جوال فبعضها قيمتها خمس دولارات وبعضها دولار واحد,الانترنت السعوديه اسرع بعشرين مره.
3-البنوك ,لابد ان تسحب من نفس البنك,لاتتعدي العمليات المحدده لك شهريا والايحسب علي كل عمليه مبلغ.كشف الحسب بمبلغ,شيك مصدق بمبلغ. لابد من اخذ موعد ويكون بعد يومين او اكثر اذا اردت خدمه العملاء.
4- معاهد الغه الانجليزيه,هل تعلم اخي الفاضل ان اي شخص يملك تخصص مثل علم النفس او الاجتماع او اي شخص لم يحصل علي وظيفه با امكانه ان يلتحق بدوره لمده ثلاثه اشهر وبعدها يصبح مدرس لغه انجليزيه, حيث اصبحت معاهد الغه الانجليزيه تجاره بحته.
وللحديث بقيه.........

عزيز حنا موب رايحين رحله سياحيه لكندا لأجل نقارن الفرق بينها وبين السعوديه إنت رايح دراسه وإنت أخترت دولتك بنفسك بينما هي الأفضل من غيرها إجا عشت في بريطانيا أو أمريكا راح تعرف إن كندا جنه بينهم صدقني لو بتقارن الخدمات في في كندا بالسعوديه
راح تجعل من كندا جحيم يا أخي هذي قواعدهم وهذي قوانينهم سواء في البنوك أو غيرها ولا أعتقد أن حقط راح يهضم هناك وعلى كل حال إنت رايح مده دراسه وراجع يعني جملها لين تخلص قول الحمدلله إنها ما وصلت لحد العنصريه والتعدي عليك وتقعد في شقتك تنتظر الصباح يطلع على شان تروح الجامعه وتشتري أغراضك على السريع وقبل الغروب وإنت في شقتك وقول الحمدلله إنك ما تدرس في منطقه لو طاحت ساعتك في الأرض رفعو عليك قضيه إزعاج وسفروك قول الحمدلله إنك لو كنت تسبح في مسبح وعرفو إنك سعودي مو عربي لا سعودي وكلهم طلعو من المسبح هذيك الساعه راح تعرف قيمة كندا وأحب أبلغك وهذا شي راجعلك هذا الموضوع ممكن يأثر على طلاب كثير يا أخي إذا إنت عانيت من مشاكل بسيطه لا تجعلها كبيره لغيرك هناك الاف الطلاب بجون كندا إنت تجعل منها صوره سيئه أخي لكل داء دواء في ناس راحو كندا ولا رجعو وفي ناس راحو ورجعو دكاتره وما أشتكو من أي شي ليش لأنه راح يأدي مهمه وراجع مو رايح يشتكي ما خلقت الشكوى لرجل إلا إذا ضلمت مثل الطالب السعودي حميدان التركي وحكم عليك بي 28 سنه في سجن كلورادو هذا تعريف أمريكا
الملحقيه تحذرنا من سكان البلد في بريطانيا في أيام الإحتفالات لأج السكارى حين يخرجون من البارات ما يصدقون يحصلون عربي أو سعودي بالأحرى يحطون حرتهم فيه ياخي أنظر حولك كم أنت في أمان كندا دوله ونعم الدوله مقارنه بغيرها أو الطالب القطري إلي عمره لم يتجاوز ال 18 وطعن عند محل بيع الأغذيه في بريطانيه اللهم بلغت اللهم فأشهد

حياك الله ياخ فايدو,
ما ادري هل انت قي كندا او في بريطنا؟
احمد الله انني هنا في كندا لمرحله الغه فقط واتمني انني احصل علي درجه التوفل لى اغادر الي احدي الدول الاوربيه لاكمال دراستي العليا غير ماسوفا عليها.

وتقبل مروري

الله يعينكم انشاءالله

اخي
انا زيك ترى ,, يعني حسيت بان الشباب مرفعين بها شوي ,, بس لو تفكر شوي بتشوف كل الدول كذا .. واصبر انت ويلين وضعك
اول شي اللي جاي على حسابه الخاص طبيعي بيكرهه ابو كندا ,, (طبعا الطبقه الوسطى )
,, وبعلق ,, المستشفى ,, على حسب المستشفى تبيهم يعطونك ادويه علشان تحس بانك تتطيب !! ,, فيه واحد يقول لي ان الدكتوره قالت له بتطيب يوم الاثنين في الصباح وعطته ادويه ودع ربه حسب كلامه وقام زي الحصان يوم الاثنين < طبعا هذا توقع والشفاء من عند الله ,,
حتى انه رايح لها يوم الجمعه وكتبت له اجازه قبل يوم الجمعه < لانه فعلا هو مريض قبل الجمعه وهي تتدري من حالته ,, !!
,, المبلغ كلفه 300 دولار !! < طبعا عنده ضمان صحي !! , فالمبلغ كبير كحسبه بالريال السعودي !!

نجي للجوال < مالي فيه للحين وسبب ان مالي فيه المواقف اللي طايحين فيها الناس !! وطبعا في نت في اي مكان في هالبلد !! فتقدر تخلي محمولك معك وتكلم ( هذا حالتي حاليا ) والان ابحث ,, بس اللي اخبره من كلام الطلبه .. ( شركه نصابين ويحتاج الواحد ياخذ الحذر يعني اللي عارف لهم بيعرف وشلون يخلي المبلغ رخيص ) ,

نجي للنت ,,في البدايه انصدمت انا مدمن انترنت ومدمن شغل بالكمبيوتر , , لقيت ان سرعه النت 1 ميقا ,, !! في موقع قياس السرعه سبيد نت وحملت برنامج المتصفح لا يتعدى 150 كيلو بايت < معي اني استغربت في العاده ي السعوديه لو سرعتك 4 ميقا واستخدمت برنامج المتصفح في التحميل يجي 40 الى 50 حسب السيرفر طبعا وكرهت حياتي ( بمجرد اني عرفت النت بطئ ), , بس يوم حملت ( ببرنامج انترنت منجر !! استغربت !! صار موقع القياس اكذوبه !! ,, لانه يحمل داون لود 1 ميقا في الثانيه وهذا يتتطلب سرعه 8 ميقا (في الهوم استى )


اما الشبكه المفتوح لنكسس . .في الداون تاون فانكوفر , ,سرعته 17 ميقا يعني تحمل داون لود بسرعه 2 ميقا في الثانيه ( وهذا كله بلاش ,, !!! الكفيات تدخلها يجي شبكاتهم الخاصه سرعتها 11 ميقا !! يعني تحمل تقريبا 1ونصف ميقا في الثانيه ؟

هو صح ان بعضهم يحسبه اسرع من السعوديه !! وهذا الكلام لا .. هذا تقدر توفره بالسعوديه 20 ميقا بسعر 555 ريال في الشهر ,,
و4 ميقا بسعر 222 ريال الظاهر ,, . فترى فيه جهل للبعض يحسب ان نتهم غير لانه يستخدم في يتهم في السعوديه 512 ,, وبس دام النت متوفر في اي مكان تجلس فيه ,,فهذا جيد في هالبلد ,,

موضوع البنوك ,, صح فيه فرق ,, وياخي ترى البلد هذي واوربا وكل البلاد زي كذا !! يعني انت دخلت في الغرب مع السعوديه للمعلوميه
موب كندا فقط !! , ,
فالسعوديه لاتقارنها ابد ببلد اجني !! < مدلعيننا ترى في هالجوانب !!
يعني سؤالي هينا لاتحمق على كندا كل البلدان كذا واذا رحت لاوربا ( اضرب كلش هيناك في اثنين على الكندي يعني اغلا واغلا )
دائما اللي جاين على حسابهم يحسون بقيمه اللي يصرفونه وخاصه الطبقه الوسطى , ,,, بس اللي ملتحق او مبتعث عنده مكافاءه 2700 = 9000 سعودي !! فيحس ان الدولار زي الريال ,, وهذي نعمه من ربي الحمدلله منعمها على الكثير من اهلنا ,,

بس تهجمك على كندا عليها استفهام ؟ ,, تهجم على نظام الغرب < فانا معك (يمشون بالدراهم !! )

عكستي المقارنه .. بريطانيا هيا الي شعبها متكبر وشايف نفسه لأبعد درجة بشهادة كل الدارسين هناك !

امريكا : في بعض الولايات فيها شعب مثل ما ذكرتي عنصري مع جميع الاديان المخالفة لهم والاجانب مو بس المسلمين ,, لكن في ولايات بالعكس شعبها في قمة الطيبه والذوق والاخلاق مثل كاليفورنيا ..

اما كنـدا اصحابي هناك ويمدحوهـاا كثير ويفضلوها على امريكا وبريطانيا للأمان الي فيها واشياء كثير .. لكن كل واحد ينام على الجمب الي يريحه ..