تحديث لاتغلط غلطتي في كندا .. بقلم "Stealthy " ( معلومات هامة ونصائح خبير )

بجد الله ينور عليك وعلى اسلوبك الجميل فى الكتابة
وجزاك الله كل خير
ويلا بقى منتظرين ما بعد البريك.
انت شكلك كده هتريح فى البريك وتمدد وتنام ههههههههههه

يعطيك العافيه أخوي

انتظر التكمل .... بس لا تطول وتسوي زي الوزارة

أسلوب شيق ورائع
بانتظار مزيدك

** وصلت الفيزا زائر متعددة وكان عندي الوقت الكافي قبل السفر ، لكن ما غيرتها لفيزا دارس بما اني استلمت خطاب قبول لمدة سنة ( دراسة اكثر من 6 اشهر تتطلب ستدي بيرمنت ) و قلت لما اوصل هناك اغيرها على راحتي.

الحل عندك الوقت الكافي غير فيزتك ( المرافق ) من زائر الى دارس وانت في السعودية ولا تقول انك بتغيرها وانت في كندا تفاديا لأي مسائلة وتأخير .

============
** في المطار لما تروح على إدارة الهجرة الامرجريشن، اذا عندك خطاب قبول لغة اكثر من ستة اشهر
لا تقول انك بتدرس اذا كانت فيزتك زائر، لانه احتمال يقولون لك ارجع على بلدك (كأني قرأت موضوع عن مثل هذه الحالة هنا او في منتدى اخر) ، هناك احتمال انهم يسئلونك اسئلة ويأخذوا اجابتها من المبتعث ومن المرافق فحاولوا قدر الإمكان تكون اجاباتكم موافقة، بالنسبة لي مجرد سؤال سبب القدوم لكندا وكم المدة اللي بتجلسونها؟ لكن اللي كان قبلي حسيت انهم يستجوبنه هو واهله .
========================
** اذا كان المعهد تجاري غالبا سيكون نمط التدريس فيه غير اكاديمي ، اعتقد انه مفيد لمن هم في المستويات الاولى في لغة الإنجليزي حيث انه بإمكانك تطوير لغتك لمستوى متوسط. اذا لغتك كويسة بامكانك تغير معهدك لمعهد اكاديمي افضل لك اما اذا حاس لغتك ضعيفة خلك على معهد تجاري.
طبعا بأمكانك تغير المعهد ولكن قبل ذلك عليك اخطار الملحقية الثقافية علشان يوقفوا الدفعات المالية للمعهد وهي كل 3 اشهر من تاريخ بداية دراستك في المعهد.
========================
** على الاقل خل موعد سفرك قبل الدراسة بأسبوعين ، ليكون عندك الوقت للبحث عن سكن والتعرف على المدينة.
سيتم حساب الاسبوعين من قبل الملحقية وسيتم صرفها لك لكن اذا اكثر ما ادري بصراحة.
=========================
** حاول ان لا يكون تاريخ قدومك الى كندا في اشهر 7 و 8 لانه في مثل هذا الوقت الصيف ينتعش سوق الايجارات ، فترتفع مبالغ الايجارات نظرا لكثرة الطلب وقلة العرض ولانه الدراسة الجامعية تبدأ في شهر 9 وهذا احلى وقت يصيدوا فيه الطلاب الباحثين عن سكن في وقت ضيق.
اغلب العقود هنا سنوية ، اذا بامكان انك تلقى عقد شهري فهذا افضل بكثير ، لربما اردت تغيير الشقة لآي سبب ليس هناك ما يمنع من انهاء العقد ، لكن سنوي تضطر انك تشوف احد يكمل عقدك باسمك.
==============
** حاول قدر المستطاع ان يكون سكنك قريب من مكان دراستك او قريب من المواصلات العامة ، في الشتاء بتعرف هذه الفائدة .
================
** احجز عن طريق الانترنت في فندق قريب من المعهد سيكون ارخص من انك تجي وتسكن وكل ما كان بدري كل ما كان افضل ، لا تطول في اقامتك في الفندق صرفية ما لها داعي ، بامكانك البحث عن شقق مفروشة باليوم او الأسبوع او حتى بالشهر ، في حالتي جلست 20 يوم في الماريوت وكل يوم ادور على شقة وصرفت مبلغ وقدره .
================
** لازم يكون عندك لابتوب ، لانه بدونه هنا بتضيع في البداية . به راح تبحث عن شقق ، تدل الاماكن اللي ما يعرف يستخدم خرائط جووجل (Google maps) يتعلم عليها من الحين.
===============
** عندما تبحث عن شقة عن طريق سمسار ، انتبه لا توقع معه عقد حصري . ايش يعني الكلام هذا ؟
شوف عيوني علشان الأيجنت يدور لك على شقق يكتب لك عقد بينك وبينه على انه هو الوكيل الحصري من قبلك على انه يبحث لك عن شقة وغالبا يكون مدة العقد 3 اشهر ، واذا لقيت شقة عن طريق ايجنت/سمسار ثاني خلال فترة العقد يحق له انه يرفع عليك قضية ويمرمطك بالمحاكم ، سمعت انه احد المبتعثين حصلت له ربما الكلام صحيح وربما غير صحيح. لذلك لا توقع معاه الا اذا جاب لك الشقة وبتأخذها خلاص ، للأسف اللي يستعملون العقد الحصري هم السماسرة العرب اكثر من الاجانب.
توهقت ووقعت عقد حصري وتبي تتهرب منه ما لك الا حل واحد ، انك تأخذ الشقة عن طريق صاحب الشقة نفسها او صاحب البناية او المكتب الموجود في نفس البناية . وانا انصح انك تتمشى وتتصل او تدخل المكتب تابع البناية او انك تتابع الاعلانات في الانترنت على انك تتعامل مع ايجنت ، لان كل مكاتب العقار هنا ( تورونتو) تجيها قائمة وحدة وهي نفسها عند كل السماسرة اعتقد انها تجي من لجنة العقار أو شيء من هذا القبيل يوميا.
================
** حاول التعرف على زملاء في المعهد اللي مسجل فيه لانهم يعرفون الوضع اكثر منك واكيد راح يساعدونك ، لهذا انصح اول ما توصل انك تروح على معهدك وتقابل المبتعثين وتتعرف عليهم، حط في بالك مقولة ( كل غريب لغريب نسيب ) من وين هذه جات ما ادري بس تنفع هنا ، الا نادراً تلقى بعض الاشخاص ما يتعاونون معك او انهم ما يبون يوجعوا راسهم بمشاكل الغير ، طبعاً فيه مثلهم هنا وفي كل مكان لكن مشي حالك.
================
** الجوال شيء مهم هنا خصوصا في البداية ، وقت البحث عن سكن ،اهلك يتطمنوا عليك، لأي سبب .
بالنسبة لي انا اخذت شريحة فايدو والجهاز من عندي، فاتورة شهرية اضفت لها خاصية مكالمات مستلمة غير محدودة ، وهذه مهمة جدا وتعني انه اذا احد اتصل عليك يحسب عليه اتصال وعليك استقبال ، طبعا اول 3 اشهر ما تقدر تتصل دولي لكن تقدر ترسل مسج دولي.
================
** فيزا / ماستر كارد شيء اساسي هنا وراح تستخدمها كثير خصوصا في بداية وصولك ، تأكد انها معك قبل لا تسافر على كندا ، و اذا كان بالامكان تكون فيزا افضل من الماستركارد لان الفيزا انتشارها هنا اكثر من الماستر كارد
اذا ما خاب ظني البنك الاهلي لديه بطاقة مسبقة الدفع يعني انت تشحن المبلغ اللي تبيه في البطاقة وتنفع اذا تبي اهلك يحطون لك مبلغ في حساب البطاقة بدل انهم يحولون لك الدراهم.
================
** يستحسن ان اول ما توصل انك تروح تطلع لك student ID قبل اي شيء ثاني ، لأنك اذا رحت تفتح حساب في البنك ، تطلع جوال ، تسوي اي شيء راح يطلبون منك اثبات بالصورة + اشياء ثانية ، ومنها تكون اثباتك هنا في كندا. متطلبات اصدار بطاقة طالب : 1- الجواز 2- خطاب القبول في المعهد / الجامعة .
تنبيه بسيط اذا رحت مكتب اصدار بطاقة طالب لا تخلي ورقة الهجرة اللي حطوها المطار في الجواز اذا كانت فيزتك زائر ، بالنسبة لي انا شلتها من جوازي وجواز زوجتي وما احد اتنبه على فيزتي انها زائر وليس طالب ومشى الموضوع.
==================


وصلتني الفيزا زائر متعددة لمدة سنة وزوجتي دارس لمدة سنة ، وأيضاً وصلني قبول اللغة لمدة سنة في نفس المعهد مع زوجتي. الحمدلله كل الإجراءات شبه مكتملة الحين وما عندي الا سالفة الوزارة نفسها وتحديد وقت السفر بما ان وقت السفر الاصلي راح من زمان وما ادري ايش اللي بيكون معهم. من خلال المراسلات ما بين الوزارة والمكتب التنسيقي في كندا والمعهد نفسه أيقنت ان الوزارة ما عندها ما عند جدتي في سالفة تحديد وقت السفر وهو اصلاً مبني على تاريخ بداية دراستك ، اذكر انه في الملتقى قالوا انه على شهر 5 او 6 المفروض ان كل المبتعثين باشروا الدراسة او شيء من هذا القبيل، وبما اني غيرت تاريخ الدراسة الى شهر 8 فانا اهم شيء اني اخلص اوراقي في الوزارة قبل الموعد اللي حددوه. انشغلت للإعداد لزواجي وما يخفى على الكل وش يعني هذا وتركت سالفة البعثة مؤقتاً بعيدة عن راسي.

بعد 50 يوم بالضبط رجعت لسالفة البعثة فقلت خليني انقز للوزارة في الرياض واخلص اموري وافك عمري ، وصلت هناك على الساعة 7 الصبح لقيت العالم متجمعة بالخارج عند البوابة الرئيسية وزحمة بالصالة داخل وهذا غير انه فيه بنات يكسرون الخاطر ماسكين زاوية بالخارج ومتجمعين فيها وياريت انها بالظل ، يا عالم يا هو ايش الهرجة كل هذا ينتظرون دورهم ، بعد ساعة وربع من الانتظار فتحت الابواب للمكاتب وعينك ما تشوف الا النور اللي عنده رقم واللي ما عنده رقم سواسية عند الباب ، عايدي متعودين على النظام الحلو عندنا بالدوائر الحكومية.

حاولت ان ادخل يمين يسار بس ابي اعرف اذا انا في المكان الصحيح ، وصلت لداخل المكتب وريحة الفول والتميس ضاربة المكتب ، ايه مو من خير الزحمة اللي كانت ومع هذا ما كان المكان اللي ابيه ، فرحت الصالة الثانية يكون مدخلها على شارع العليا ، دخلت فاضية الصالة ما فيها الا يا دوب 10 اشخاص رحت الشباب اللي عند الشباك وبصراحة حبوبين عطيتهم الاوراق قالوا لي تعال بعد الساعة 11 علشان يكون الدكتور موجود ويوقع عليهم .
رجعت بعد 11 الظهر قالوا لي النظام هنا ما تقدر تخلص اوراقك قبل 3 اشهر من موعد الدراسة لان اقرار البعثة مدته 3 اشهر اذا انقضت وانت ما درست تروح عليك البعثة ( باقي لنا على موعد الدراسة 4 اشهر) قلت مو مشكلة اجيكم بعد شهر لكن انتم قلتوا لازم انا على شهر 6 الكل مسافر ، قالوا لي لا عادي نهاية شهر 6 اخر موعد لإكمال اجراءاتك للبعثة مو للسفر ، هنا ارتحت لان كل الهم اللي كنت شايله علشان تاجيل البعثة او انها تروح علينا كان ماله داعي ، والسالفة سالفة تاريخ الدراسة وانك تكون مخلص اوراقك قبل نهاية شهر 6 .

بسبب الزواج وانشغالي بأمور السفر والوزارة وظروف العمل نسيت سالفة فيزا الزائر وراحت تماما من بالي، المفروض اني اراسل سفارة كندا بخصوص تغيير الفيزا لفيزا دارس بما انه عندي قبول لمدة سنة وعندي 4 اشهر على بال ما اسافر، وهذه احدى الغلطات اللي غلطها.

رجعت الوزارة بعد شهر واسبوع علشان يكون 3 اشهر على موعد الدراسة ، رحت للشباب اعطيتهم اوراقي قالوا تعال بعد 11 ، اوكي ما عندك مشكلة جينا بعد 11 الا يقولون لي لازم زوجتك تغير التخصص المطلوب ، ليش ان شاء الله ، لان تخصصها محاسبة والمطلوب مالية او تمويل ، والنظام يقول لازم يبتعث الطالب على نفس تخصصه .
آمنا بالله رباً وبمحمد رسولاً ، طيب ليش ما تكلمتوا من قبل وين اللجنة اللي اخذت الاورق من البداية وين اللجنة اللي استلمت الطلب من الانترنت وين اللجنة اللي سلمت القبولات وين اللجنة اللي قبل شهر اخذت اوراقي !!؟
ما فيه رد من قبل الموظف... طيب وسوات الحين ؟ لازم تغير التخصص الى محاسبة او ما فيه بعثة ، امري لله غيروا التخصص الى محاسبة وريحونا، قال لي اوكي بكرة تعال من الصبح بدري علشان يغيرونه لك.
ومن بكرة جيتهم اخذوا اوراقي ورجعها لي في اقل من دقيقتين شخط على التخصص المطلوب القديم بالاحمر وكتب جنبه التخصص الجديد ، ناظرت في الموظف دامها جرة قلم ليش ما سويتها امس ، رد علي وقال الدكتور كان مشغول ، حلو الكلام طيب دام الدكتور نفسه هو اللي اتعب يده بالشخط العظيم ليش ما وقع اوراقي ؟ الرد لآن الدكتور ما يستقبل احد أو اوراق الا على الساعة 11 ظهر !!!؟؟؟ قلت في نفسي صبراً جميل والله المستعان المبتعثين شكلهم بيدخلون الجنه من افعال الوزارة وصبر المبتعثين عليها. واخذ الاوراق مني وقال تعال بعد 11 . جيتهم بعد صلاة الظهر اوراقي خالصة واستلمت قرار الابتعاث.

أوكي علشان تعرفون ايش الهرجة على 11 الظهر ، الدكتور ( الموسى اذا ما خاب ظني) ما يكون فاضي الا بين 11 و 1 ظهراً يستقبل فيها اي احد بخصوص البعثة ويوقع الاوراق ووقت الصلاة بينهم يعني كلها على بعضها ما بتستفيد اذا بتقابل الدكتور لانه قدامك زحمة هذا اذا اضطريت انك تقابله .

هههههههه لو اعرف ايبب كان يببت لما استلمت قرار الابتعاث ( أيبب = كللللووووش) شسوي خبلوا فيها الوزارة ما تسوى علينا ، سئلت الموظف خلاص كذا انتهينا ولا فيه شيء بعد نركض وراه ضحك وقال لا كذا خلاص رح واستلم امر الاركاب من الشباك اللي وراك وبعده قص التذاكر حقتك وسلامتك .

علشان اوصف لكم الصالة ، اول ما تدخل بتلقى مكتب الباش مهندس السكيورتي وما شاء الله عليهم دايم يكونوا طيبين وعنده تأخذ رقم انتظار حق تسليم استلام اوراقك ، أمر الاركاب ، مكتب الطيار . وانت عند الباب قدامك على اليسار شباك تسليم الاوراق ومن بعده البوفية وعندهم آلة تصوير الصفحة الوحدة بريال أو بريالين ما اذكر بالضبط لكن الشكوة لله وقتها ، على يمينك كونتر أمر الاركاب ، أمامك مكتب الطيار. طبعا وقت ما كنت هناك كانت فاضية الصالة لكن وقت الزحمة ما لك مكان لرجلك مو انك تجلس مثل ما سمعت .

ما علينا، رحت كونتر اللي اخذ منه أمر الاركاب عبيت استمارة أمر الاركاب واخذ الجوازات ودفتر العائلة يتأكد منها ، وقعها الموظف وقال لي رح على الميزانية يوقعوها ويختموها وبعدها على مكتب الطيار تاخذ التذاكر. طيب يا طويل العمر كيف اوصل الميزانية ؟ يمين الصالة فيه باب للمسجد تدخله وتطلع من الجهة الثانية للمسجد بتلقى نفسك في ممر لدورات المياه اعزكم الله وباب الصالة الرئيسية تروح الصالة الرئيسية على يسارك بتلقى السكيورتي يشيك البلوتوث اللي استلمهم من المراجعين في الصباح ، ما الومه ما عنده شيء يسويه غيره ، اسئله وين إدارة الميزانية وبيوصف لك ، اذا ما خانتني الذاكرة انها في الدور الثاني على يدك اليمين ، بتوصل هناك بتعطي أمر الإركاب للموظفين اللي بالوجه بترقى لهم درجتين راح يقول لك وقع في أمر الإركاب انك استلمت التذاكر ، انا طلعت فيها وقلت له ليش اوقع على شيء وانا ما استلمته اصلاً ، ناظرني بكل آدب وأحترام وقال وقع تراه فيه كثير غيرك مهوب انت لوحدك ، قلت في نفسي انا الغلطان اسئل سؤال وقح لموظف حكومي محترم فاهم النظام اكثر مني ، وقعت وأمري لله، سم طال عمرك ومديت له الأوراق ناظر فيني وكأنه يدري سشالفة ههههههه المهم أخذ الأوراق ودخل على المدير مكتبه على يسارنا ، لله وفي الله حبيت المدير ما أخذ حتى نص دقيقة علشان يوقع اوراقي، وقال لي الموظف عطها لفلان في المكتب اللي جنبنا ، تنزل الدرجتين اللي رقيتهم ( أموت واعرف ليش هالدرجتين من الاساس حاطينهم ) بيكون جنبك على اليمين اول مكتب تدخل وتعطيهم الاوراق بيسجل معلوماتك بالجهاز ولما يخلص بينادي بإسم المبتعث أو المبتعثة. وبكذا يا تكون انت رسمي خلصت مارثون الوزارة وانهيت كل الأوراق والتواقيع ووجع الرأس. ويبقى عليك تأخذ التذاكر من مكتب الطيار وبس.

بالنسبة لي وقبل ما أجي الوزارة جلست ادور في النت شنو احسن طيران لكندا ، لقيت ان طيران الأماراتية والإتحاد هم بس اللي دايركت لكندا بدون ترانزيت على أوروبا أو امريكا ، وهذا شيء مهم بالنسبة لي اني انتظر في دبي أو أبوظبي ولا انتظر في فرانكفورت أو أمستردام أو هيثرو أو واشنطن ونيورك، أخترت طيران الأماراتية وشيكت على جدول السفر الى كندا بما يتناسب مع موعد الدراسة اسبوعين قبل الدراسة .

نرجع لمكاننا في الوزارة وعند مكتب الطيار بالتحديد ، رحت لهم هنا 3 مصريين اللي يشتغلوا هناك بس حبوبين ، سئلت الموظف اقدر اني احجز واخذ التذاكر من أي فرع للطيار بالرياض ،الدمام، جدة ولا لازم هنا عندكم داخل الوزارة قال عادي بس لازم ناخذ اصل أمر الإركاب هنا ونعطيك صورة منه مكتوب عليه رقم الملف، وهذا اللي حصل اخذت صورة وسجل عليه رقم الملف علشان اقدر اروح لأي فرع لهم واكمل سالفة الحجز ، أي شخص يبي يخلص أموره في فرع غير اللي في الوزارة يتأكد من انه مكتوب رقم الملف على صورة أمر الأركاب قبل لا يمشي من عندهم.

اخذت لي استراحة محارب لمدة ثلاث ايام من سالفة البعثة ونقزت على مكتب الطيار بالخبر ، جنب تاج للخياطة ومقابل البنك الهولندي الرئيسي. رحت لهم الصبح من بدري تفادياً لآي زحمة ، انتظرت دوري اعطيت اوراقي للمشرف عليهم اسمه نور ( هندي أو باكستاني بس عسل لا يفوتكم ) واعطيته جدول رحلة الأماراتية ( طبعته من النت) وقلت له ابي هذه الرحلة ، وعمل لي الحجز على نفس الرحلة اللي كنت ابيها ، تفاصيل الرحلة :

دمام - دبي ، مدة الرحلة تقريبا ساعتين - انتظار 8 ساعات في دبي
دبي - مطار بيرسون الدولي تورونتو ، مدة الرحلة تقريبا 13-14 ساعة بدون توقف.

الاتحاد الدولي للنقل الجوي IATA ينص قانونه اذا كان عند 8 ساعات انتظار أو اكثر يحجزون لك شركة الطيران في فندق على حسابهم ، وهذا اللي صار اعطاني الطيار تذاكر للفندق ورحت لمكتب طيران الأماراتية في ابراج الدوسري علشان يأكدون الحجز للفندق ، هناك ما فيه الا موظف واحد سعودي وما شاء الله عليه حبوب وخدوم أشار علي اني اخذ بطاقات سكاي وردز ، زي بطاقة الفرسان حقت السعودية وقال لي هذه تنفعك كثير دامك بتسافر أميال كثيرة ، بصراحة انا ما اخذت اللي عنده وعبيتها لكن دخلت على موقع الأماراتية وسجلت عن طريق النت وطبعت البطاقات.

وبكذا انتهينا من إجراءات البعثة كاملة وباقي لنا على موعد السفر 3 اشهر تقريباً.


بعد الملتقى وتسليم خطابات القبول بأسبوع أو اسبوعين ( ما اذكر بالضبط ) وصلنا أكثر من ايميل من شخص اسمه سامي الشيخ وكان يطلب معلومات البعثة وشغلات كذا ، ما اعطيناه اي اهتمام خصوصا وان الوزارة كانت ترسل على الجوال والايميل لا تتعاملون مع اي شخص من غير الوزارة ، واحنا اخذنا بكلامهم الجميل .
بعد فترة لقيت انه فيه اشخاص في مبتعث يسئلون اذا كانت توصل لهم ايميلات من الشخص نفسه اللي هو سامي الشيخ ، وعرفت من العالم مين هو هذا الشخص .
السالفة ان الوزارة ايدها الله ووفقها وثبت خطاها تتعامل مع مكاتب تبحث عن اماكن للمبتعثين سواء في معاهد او جامعات وتهتم بإجرءاتهم حتى وصولهم لكندا، والشخص اللي كان يرسل لنا مندوب احد المكاتب الخاصة بمعهد PLI مع انه قبولنا مو في نفس معهدهم ، كلام اكثر من رائع وتصرف ذكي من الوزارة طيب عطونا خبر انه في احد بيرسل لنا او يتعامل معنا ، خصوصا وانكم تحذرون من التعامل مع اي شخص خارج نطاق الوزارة.
ارسلنا حق هذا الشخص بالمعلومات اللي طلبها وضلينا لغاية ما خلصت اجراءات البعثة واستلام التذاكر ما وصلنا اي رد منه ، لكن بعدها بكم يوم جانا ايميل من وحدة اسمها شامئيل ماليكو من نفس المكتب حق خوينا ( هذه سلمكم الله وحده يهودية بس عسل تعاملها قمة في الادب والاحترام ليت اللي عندنا يتعلمون من هاليهودية ) تستفسر عن وضعنا وكيف الاجراءات ماشية معانا وووو.. خصوصا وانه مافيه اي معلومات لنا عندهم ، رديت عليها وقلت اننا ارسلنا حق الزول منذ مبطي وما جانا اي رد منه ، ثاني يوم لقيت منها ايميل تتأسف وتعتذر عن اللي حصل بخصوص الشخص ، وقالت انه انتقل لقسم ثاني وانه الحين مسئول عن السكن فقط ، واخذت معلوماتنا وقالت لنا اذا تبون مساعدة في البحث عن سكن ارسل له. وفعلا ارسلت له اننا نبي شقة .
ارسل لي الحلو فورم اعبيه بقائمة الخدمات اللي نبيها يسونها ، منها : البحث عن سكن ، ياخذونا من المطار ، يحجزون لك في فندق على ماتجهز الشقة ، يطلعون لك جوال ، جولة في المدينة تتعرف عليها ، حضانة اطفال ، هوم ستي للي جاي لوحده ، بعضها مجان وبعضها بفلوس .
عبينا الفورم وارسلناه، وكذا حطيت في بالي انهم بيتكفلون بالبحث عن شقة حسب المواصفات اللي قلتها لهم وريحت عمري من هذا الموضوع. وكان هذا اخر تراسل بيني وبين هذا الشخص ، لكن مراسلاتنا مع شامئيل ظلت مستمرة حتى اخر اسبوع قبل سفرنا لكندا وهي تتأكد من اجراءتنا وحجوزاتنا وكل شيء تقريبا ما عدا خدمات سامي حيث انه هو مسئول عنها.

الحين تفرغنا لإعداد للسفر،كل يوم مطيح في منتدى مبتعث اشوف مواضيع الشباب الحلويين ونصايحهم وشنو عملوا تعلمت منهم الكثير ( ربي يجزاهم كل الخير ما قصروا والله ) وفي نفس الوقت اشوف شكاوي الكثير من سالفة القبول في الجامعة قلت مو معقوله ان الكل ما يلقى قبول اكيد انهم ما يوصلون لمتطلبات الجامعات علشان كذا يشتكون من القبول وبيني وبينكم كنت العب على نفسي في كلامي هذا، قلت دامنا الحين امورنا شبه منتهية وسفرنا قرب نتوكل على الله وايش ما صار ما بنقدر اننا نسوي شيء الا لما نوصل هناك على كندا، فصرت ما اناظر مواضيع الجامعات و مشاكل القبول فيها ، بس اشوف كيف العالم تخلص اجراءتها وشنو متتطلبات المعيشة هناك.
وفعلا ما يقصرون العالم تقريبا 90 بالمية من تساؤلاتي لقيت فيه ناس يسئلون عنها ، وما اخفي عليكم اعجبني موضوع فعلا مهم ويمكن الكثير غفل عن المشكلة هذه الا وهي دورات المياه اعزكم الله وسبل الطهارة فيها ، انا اخذت معي شطاف وملحقاته كحل لهذه لكن ما استفدت مثل ما هو المفروض ، راح اتطرق بالتفصيل لاحقاً عن هذا الموضوع.

كثير من المواضيع تتكلم عن تعبئة الاستمارات ، فتح الحساب ، شركة الجوال الأفضل درت عليها موضوع موضوع علشان ارتب واجهز وضعي وما يحصل لي اي ظرف او مشكلة او اي شيء يعكر علينا وصولنا ومعيشتنا في كندا.

اوكي مضطر اوقف لهنا علشان اصلي المغرب وافطر ، تتقبل الله صيامكم وقيامكم جميعاً





في بداية كلامي اليوم انصح كل مبتعث ومبتعثة انه يلف على مواضيع المنتدى علشان يعرف الإجراءات والمتطلبات ، وهنا ولله الحمد الشباب ما قصروا في مواضيعهم ربي يجزاهم كل خير.

ثانياً ، قبل لا ابدأ بإكمال موضوعي قراءت بعض المواضيع الموجودة هنا ، واحب ان انوه على شغلة مهمة. الا وهي:
أن موضوعي هذا خاص بتجربتي انا ومن خلاله احذر من اخطاء ارتكبتها ، واقدم نصائح لمن سيكون في حال مثل حالي.
لكن وبالخط العريض ليس هدفي من موضوعي هذا احباط عزيمة المتقدمين على البعثة في كندا ، أو اني اقول لهم لا تجون على كندا أو أي شيء من هذا القبيل.
اذا انت مقدم على كندا وتخوفت او احبطت أو انسدت نفسك بالعربي بسبب موضوعي أو مواضيع أعضاء غيري، إستخير وإستشير وما خاب من إستخار، وما مواضيعنا هنا الا نابعة عن تجارب شخصية حتى وان توافقت في الشكل والمضمون وهدفنا إظهار ما واجهناه ونواجهه لكي تتفاداه أنت أو أنتِ. ولهذا أتمنى ان يتفهم موضوعي وليس يفهم على هذا الأساس.
============================================

بدأنا في تجهيز أغراض السفر بما يتناسب مع طبيعة البلد وحسب نصائح المبتعثين ومواضيعهم ، أفياش كهربائية اخذتها من بنده تلقاها كبيرة تقدر تتحكم في شكلها تلف الأصبع يمين او يسار علشان يتناسب مع مدخل الكهرباء ، طبعا الكهرباء هنا في كندا 110v وعليه ما اخذت اي شيء تكون الفولتية له 220. اخذت مترجم أطلس من جرير فيه حاجة احب احذر منها بخصوص هذا المترجم ، بعد البحث في المواضيع والمقارنة بينه وبين انواع ثانية غير أطلس استقريت على اطلس دخلت موقع اطلس اشوف الموديلات الموجودة وعجبني موديل SD9100si فيه كرستال وحركات صاير شكله وينفعع بقوة هالشكل انه الواحد يأخذه لزوجته ورحت علشان اشتريه من جرير لقيته بسعر 1550 أو في هذا الحدود اخذت المترجم من علبته جديد لسه ما احد فتح الكيس ، اجربه فيه مميزات كثير تستاهل ان الواحد ياخذه ، وقبل لا اروح ادفع الفاتورة جاء على بالي اني اجرب موديل ثاني اللي هو SD8800ci تقريبا جميع مميزات اللي اعلى منه موجودة فيه ما عدى شغلات بسيطة تكاد لا تذكر لكن الشيء الملفت للنظر ان قوة الصوت والإضاءة في الموديل هذا اقوى بكثير من الموديل الآعلى منه وهذا اللي خلاني اغير رأيي وأخذ SD8800ci وكان بسعر 1250 ريال.
بالنسبة لجهاز اللابتوب ، اختلف فيه العلماء بعضهم يقول يفتشونه وبعضهم يقول ما يفتشونه فقلت من باب الإحتياط أي برنامج ما له داعي وغير أصلي خليني احذفه وافك عمري وهذا اللي حصل عملنا تنظيف للاجهزة مع انه اغلب برامجنا أصلية.
كثير من المبتعثين يشتكون من قلة أو عدم معرفتهم بالمطاعم أو الآماكن العربية، قلنا مو غلط ان الواحد يجيب معه العدة حقت الطبخ ، من بهارات والاشياء اللازم منها.
أجهزة الجولات شيء اساسي طبعا وبكذا اخذت احتياط معي جهازين غير اللي معنا ، ينفعون دامهم فيهم عربي وما اضمن اني القى شيء هناك فيه عربي.
و ضليت اتابع مواضيع المبتعثين واجهز بناء على ما يدور في تلك المواضيع من اسئلة وتساؤلات.

باقي 3 أيام على موعد السفر وتقريبا كل شيء جاهز عندنا ، رحت اصرف دولارات كندية كان سعر الصرف وقتها 3.37 ريال للدولار صرفت 2000 دولار حسب ما لقيت من المبتعثين انه المبلغ اللي تحتاجه لغاية ما يتم الصرف عليك من قبل الملحقية ، جاء على بالي اني اطلع لي رخصة قيادة دولية خصوصا واني قرأت موضوع عن هذا فرحت ادور على مكاتب السفريات وين يطلعوها واستغربت من ايجاباتهم اللي قال لي السنة بمبلغ 300 وتاخذ اجراءاتها اسبوع واللي قال لي من يومين لثلاثة بمبلغ 500 ريال ، قلت على كذا ما راح اطلع لي لانه ما فيه وقت كافي.
وانا في طريقي انتبهت لوكيل سفريات صغير قلت خليني انزل اشوف اذا عنده ، نزلت سئلت الموظف قال لي واللهي حتاخد وئت من سعادتك اذا حتنتزر هنا ، ما فهمت الهرجة وقت له كيف يعني انتظر هنا قال عشان فيه عندي شوية معاملات ولازم اخلصها النهارده وبعدها اخلصهالك ، عجبني الكلام طيب كم الوقت وبكم السعر ، قال لي يعني بتجي ساعتين تقريبا والسنة ب 75 ريال ، قلت في نفسي يأنا مضيع يا هو مو فاهم شسالفة متأكد رخصة دولية حق السيارات ، قال ايه طلعت له 100 ريال وقلت له ابيها سنة الباقي لك وخلصني الحين ، حاضر سعادتك اخلصهالك دلوأتي عطيته رخصتي وصورة وبس عبى البيانات وختم على الصورة والقيود للقيادة وأعطاني الرخصة الدولية !!!
ربي يجعل سره في اضعف خلقه ما قلت الا هذه في بالي.

جاء يوم السفر المنشود ، اول شيء سويته في الصباح دخلت على موقع الأماراتية وعلى حجزنا واخترت المقاعد للرحلتين خصوصا وان المقاعد اللي تم اختيارها تلقائيا لنا ما عجبني مكانها خصوصا في رحلة كندا ، فغيرتها لأول مقاعد علشان المساحة .
طلعت على مطار الملك فهد بالدمام قبل الرحلة 3 ساعات بالضبط ولما وصلت لقيت السرى واصل للبوابات ما ظل هندي الا جاب قبيلته من الهند وبيسفرهم معه وريحتهم استغفر الله واصلة لدرجة ان اللي هناك متلطمين، قلت ما بقى الا اني اصف سرى معهم ، ورحت للكونتر حق الأماراتية وعطيته التذاكر ووزنت الشنط وخلصت أموري ودخلنا على صالة الانتظار ، ما طولنا كثير على ما فتحوا البوابة ركبنا الطيارة ساعتين الا احنا في مطار دبي وكانت تقريبا 4 الفجر، رحت على كونتر خدمات الأماراتية علشان يوصلونا للفندق تلقاه عند البوابة رقم واحد ، اخذونا من المطار للفندق قرب اللي هو فندق ملينيوم ، في الاستقبال اعطونا جناح بدون ما يأخذون الفرق لان الغرف كانت فل وبما اننا الخليجيين الوحيدين في الزحمة اللي كانت موجودة. والنعم في الأماراتية ما غلطت لما اخترت طيرانهم ، و أول شيء سويته بعد ما صلينا الفجر طلبت معظم اللي موجود في قائمة الطعام قلت لنفسي يمكن تكون اخر مرة اشوف هالأكل هههههههه استغرب اللي حق خدمة الغرف على باله اني سكران مو صاحي حتى انه كل 5 دقائق يتصل يتأكد من الطلب لغاية ما جاء الأكل، اكلت وأول مرة اكل كذا وبعدها انسدحت على السرير ما فيني اسوي اي شيء، بصراحة ما جاني كابوس ولا اني اذكر اني حلمت من الاساس بسبب زحمة الاكل ، صحيت من النوم وكان باقي على موعد الطائرة ساعة ونص ودش سريع على ترتيب اسرع ونزلنا لقيت الباص ينتظرنا تحت واخذنا على المطار وانا ماشي في المطار لفت نظري الأي فون رحت اشوفه الموديل طبعا الجديد iphone 3GS مفتوح رسمي سعره 2830 ، ترددت اني اخذه ومشيت عنه علشان نلحق الطائرة.

وصلنا عند البوابة الا هم بدأوا في البوردنج وركبنا الطائرة وكانت من النوع ايرباص A380 وجلسنا في مقاعدنا واخذنا نفس عميق وقلنا توكلنا على الله ما فيه شيء الحين نقدر نغيره او نرجع له، وكلها 14 ساعة ونكون في تورونتو بإذن الواحد الأحد.



للأسف كانت الكاميرات في داخل شنط العفش ولا كان صورت داخل الطائرة من الأكل شكل الطائرة من داخل اشكال العالم اللي كانت موجودة من مسافرين او مضيفين ، على طاري المضيفين جايبين من جنسيات مختلفة علشان يتكلمون اغلب اللغات يعني ما بتضيع اذا ما تعرف لغة غير العربية ، تقريبا كانت المدة من وقت الاقلاع لين الهبوط 14 ساعة والله اني ما حسيت بها مع اني لو بأحسب مجموع الدقائق اللي غفت فيها عيني بتكون 30-45 دقيقة يعني شوط واحد بس خخخخ ، اعجبوني الافلام اللي عندهم كلها جديدة لسه تعرض بالسينما في امريكا غير مجموعة كبيرة من الافلام العربية والأجنبية والهندية وغير الراديو والألعاب ووو... الشاشة باللمس وحركات ، ايه الله يخلف على اللي عندنا مع الشعار حقينهم " ذهبية مثل رملنا وازرق مثل بحرنا " ما علينا يا حبايب ما علينا. قبل ما نوصل كندا بكم ساعة عطونا استمارات الدخول نعبيها فيه اكثر من موضوع عن تعبئة هذه الاستمارة في المنتدى انا انصح انك تطلب وحدة ثانية زيادة وخليها عندك مع انك ما بتحتاجها لكن الاحتياط واجب، اذا كان اهلك معك تعبي استمارة وحدة فقط ، مثل ما سويت انا ، انا وزوجتي فقط ومن باب التأكد سئلت المضيفة وقالت وحدة لكم انتم الأثنين.

وصلنا بحمدالله لمطار بيرسون الدولي بتورونتو بصراحة ما توقعته انه بيكون فاضي يمكن لانه كان يوم الجمعة نهاية الاسبوع والناس ما لها خلق تسافر ما ادري . مشينا من الطائرة ورى العالم مع القوم يا ستلثي لين وصلنا لصالة الإجراءات صحيح انها زحمة لكن بسرعة يمشون وصلنا للكونتر طلب الجوازات والاستمارة اللي عبيناها في الطائرة قال لي الموظف اني اشيل جزء الاستمارة اللي على اليسار لانه تعليمات لنا وختم على الاستمارة وقال روحوا على مكتب الهجرة الامرجريشن ، يكون بعد ما تعدي الكونتر خذ يمين في نهاية الممر ، دخلنا الا هناك واحد واهله والعالم الله ان اهله مالهم في اللغة الإنجليزية والموظف يسئله سؤال ويخليه يجاوب ، ويسئل اهله نفس السؤال والمترجمة تترجم بينهم ، اللي فهمته في الموضوع ان اهله في البداية اجاباتهم ما كنت نفس ايجابات الرجال، المهم الموضوع طول قدامي حول 10 دقائق لين الله فكهم من الموظف وختم جوازاتهم ومشوا من الصالة ، قلت في نفسي الحين بيجي دورنا والموظف توه مصخن مع اللي كان هنا يعني انا بيلعب المباراة كاملة معاي وما اكذبكم بالكلام خفت وقلت لزوجتي ، ايش ما سئلوا احنا جايين علشان عندك بعثة وانا مرافق لك وبس لازيادة ولا نقصان ، وسبحان الله جاء على حظي دوري عند نفس الموظف هههههه ، هالوو غود افتر نون والابتسامة شاقة حلقي ابتسم الموظف ورد علي وعطيته الجوازات سئلني وش غرض زيارتك لكندا قلت له دراسة قال لكم انتم الاثنين قلت له لا لزوجتي دراسة وانا مرافق لها فقط ، كم المدة اللي بتجلسون فيها قلت له سنة هز رأسه وكأنه كان يتأكد من معلومات التأشيرة في الجواز ، ناظر بزوجتي وسئلها ليش جاية على كندا ردت عليه وقالت علشان تدرس وهنا سئلها وزوجك بيدرس معك كمان ؟ وقف قلبي وقلت في نفسي اه يا واد توك شحلوك وزينك الحين تقلب 180 درجة نذالة ، ردت زوجتي لا هو بس مرافق معي ما راح يدرس، رجع وسئل دام ما راح يدرس ليش جاي يرافقك يعني بيشتغل او يدرس بعدين ، ردت عليه وقالت احنا عندنا بالاسلام ما فيه مرأة تسافر لوحدها خصوصا اذا كانت لمكان بعيد ومدة طويله لازم يكون معها احد وفي حالتي زوجي هو اقرب شخص يرافقني في سفري، انكتم الموظف وانا اناظر بزوجتي ايه عفية عليكِ يا نظر عيني على هالرد ختم الجوازات وطبع اوراق الدخول لكندا ودبسها في الجوازات وسلمنا الجوازات.

طلعنا من الصالة وصرنا رسمياً داخل كندا ورحنا على صالة استلام الشنط ، طبعا مثل اي مطار في العالم اول ما تدخل بتلقى زحمة بالعربات جايين لك ، اصحى انك تقول له تعال شيل الشنط لي لانه بياخذ عليك 10 أو 15 دولار وانت لو تتقدم شوي بس بتلقى العربات بدولارين فقط وبتلقى فيه واحد أو وحدة عنده فكة واقف عند العربات، اخذت العربة واناظر قدامي الا شنطي كلها منزله من على السير يمكن لاننا تأخرنا عند الأمرجريشن مو مهم اهم شيء موجودين كلهم ، وانا اشيل الشنط اتصل علي ( طبعا جوالي السعودي) الشخص اللي ياخذنا من المطار حسب ما عبيت استمارة الخدمات اللي ابيها من سامي الشيخ ، آآي يا زول حمدلله على السلامة كيف حالك انا انتزرك خارج المطار هههههه عجبني الزول يستخف دمه من اولها مو غلط احنا اللي محتاجينه الحين ، المهم ركبنا السيارة احلى ما في الموضوع ان سيارة مني فان علشان تكفي الشنط كانت معي 6 شنط 3 احجام مختلفة ، ومشينا من المطار صادف الوقت انه وقت نهاية الدوام في اخر يوم في الاسبوع يوم الجمعة ، جلست اسولف معه عن السكن وكيف ترتيبهم بالنسبة لنا قال لي انت شوف اي فندق تبي تسكن فيه وانا اوصلك عليه لغاية ما نلاقي لك شقة، دامه سوداني وشكله خويه سوداني ما حبيت اني اجيب طاري الخدمات اللي ارسلتها وانهم يحجزون وانهم يرتبون ووو ، بالعكس شنو باتوقع من سوداني !! قلت له طيب كيف وضع الشقق هنا من ناحية السعر.<!-- google_ad_section_end -->

سئلت الشخص اللي أخذنا من المطار عن اسعار الشقق هنا في تورونتو رد وقال لي ، واللهي الهناي هنا يكون مختلف حسب المكان والمساحة والخدمات ، طيب كم يعني ؟ يبدأ من 600 دولار لغاية 2000 دولار ولالاكن ( هذه بلهجته وليست خطأ املائي) انتا لاززم انك تبحز كويس وبعدين انتا واصل في الهناي وقت الصيف يعني راح ترتفع الاسعار ، اها كلام جميل طيب احنا ارسلنا حق سامي الفورم وكنا طلبنا شقة بمواصفات معينة ايش صار عليها ، اقولليك بصراحة يا زول هنا ما تقدر انك تبحز على شقة واللي بيسكن فيها مو موجود وبعدين السعر بيختلف كل يوم ، ممكن يغلى وممكن ينزل ، يا سلام درر كلامك يا زول ، فيه شقة اذا بتأخذوها راح تكونوا انتم أول ناس اعرفهم ينزلوا من المطار على الشقة طوالي ، امم من صيغة كلامه عجبني الموضوع ما ورانا شيء يا زول رح نشوفها . وصلنا عند البناية ( ههه هذه البناية لها قصة عجيبة معاي) لسه يكملون فيها بناء والناس ساكنة فيها ، طلعنا للشقة نشوفها دخلنا طليت يمين طليت يسار وين باقي الشقة !!؟ قال لي هذه هي كلها غرفة نوم + صالة + مطبخ + دين + بلكونة + دورة مياه اعزكم الله
يا شيخ غرف بيتي الوحدة اكبر من الشقة كلها على بعضها وبكم هذه ان شاء الله ؟ ضحك علي الزول قال اعرف كل السعوديين اول ما يجوا يقولوا ان الشقق صغيرة هنا وهذا نظام الشقق هنا في كندا ( كاندونينيوم واختصار كوندو) وصدقني يمكن تكون هذه اكبر شقة تلقاها في هالوقت وبعديين سعرها 1900 دولار .

بريك مع كت كات من سالفتنا ونتكلم عن البناية ، طبعا اللي في كندا يعرفوها 37 grosvenor لو تبحثوا في مواضيع الشقق في المنتدى راح تلقون طاري هالبناية وباسعار متفاوتة ، السعر المناسب للشقة اللي شفتها هو 1100 دولار وناس استأجروا مثلها بهذا السعر ولقيته في الانترنت ، وناس اخذوها بسعر 1350 او حوله ، وناس 1550 ، لين وصل دوري 1900 دولار. سبحان الله اكثر من بروكر تعاملت معه اول شقة اشوفها معه هي نفسها هذه الشقة 1009 وحاس ان واحد من المبتعثين اخذها ، وكان ارخص سعر لقيه عليها هي نفسها دولار1735 وفوق هذا ماهيب مفروشة.
وعلشان تكونوا في الصورة بالنسبة للشقق في تورونتو وما ادري عن بقية المدن ،الشقة الغير مفروشة يجي معها 4 أو 6 اجهزة وهي : 1- الثلاجة 2- الفرن 3- مايكرويف 4- غسالة صحون / 5- غسالة ملابس 6- نشافة جفافة للملابس. بعض البنايات يكون الغسيل في غرفة للبناية كلها أو ما فيها من الاساس.

نرجع للزول بصراحة ما دخلت مزاجي ولا مزاج زوجتي الشقة ، وقلت له ما فيه شيء غيرها قال هذا اللي لقيته ليك. عاوز اوصلك للفندق قلت يكون احسن خلينا نرتاح من السفر وانام وبعدها يحلها ربك. وصلنا على فندق في دواعيس ( ابي ادله الحين ما أعرف) شكله من برى ماهوب فندق اصلا قلت في نفسي مو غلط بعد ما شفنا ستاندرد شققهم يمكن هذه فنادقهم كذا !! نزلت اشيك الفندق والغرف لقيتها تسد النفس مو غرف الله وكيلكم هههه حتى وصف ماني عارف اوصفها لكم وسعرها 120 دولار، قلت له وديني على احسن فندق هنا تراني متعب وابي انام والنفس راضية، يمين يسار انتبهت للماريوت ( على فكرة فيه اكثر من فندق للماريوت في الداون تاون) قلت له رح عنده ، نزلت واخذت غرفة وكان السعر 195 دولار بالليلة ولا اني اسكن في ذاك الفندق، حاسبت الزول 100 دولار قيمة استقبال المطار وقال بكرة بيكلمني على تلفون الغرفة علشان ندور على شقة.
اخذت لي دش سريع وحطيت رأسي ونمت، جلست على اخر الليل بتوقيت تورونتو وضواحيها والجوع ضارب اناظر المنيو حقهم ما فيه شيء من اكلنا ، ما فيه الا اني انزل في جولة استكشافية يمن ألقى شيء ، اخذت خريطة للداون تاون من الريسبشن وعنوان الفندق علشان لا اضيع مكاني ، حاولت اني اشغل القارمن و الروت66 ما يشتغلون الظاهر ما فيه استقبال GPS في المنطقة ، وانا امشي لقيت سوبر ماركت اسمه RABBA لوحته حمراء دخلت لفيت اشوف شنو عندهم من اكلنا ما لقيت شيء اخذت شبسات وشكولاته وعصيرات واشياء خفايف ورجعت على الفندق لان ما فيه الا انا وكم واحد من الخيلان اشكالهم حقين عصابات قلت ما ابي اطول احط رجلي قبل لا يتحمسون ويسوون فيها مثل الافلام، ما ادري كيف النظام والامن هنا وهذا اول يوم لي فخليه يعدي على خير حتى لو كنت خايف وصلت وتعشيت الشبس والشكولاته هههههه، ما جاني نوم قلت خليني اشيك النت ومنتدى مبتعث تحديدا علشان اشوف شنو اسوي أول اوصل على كندا من تجارب المبتعثين ، الانترنت في الفندق تاخذ اليوم بـ 15 دولار، دخلت على مبتعث اشيك المواضيع ، اللي يقول تجهز اوراقك للملحقية اول واللي يقول افتح حساب اول ووو ، قلت الصباح ننقز على المعهد بدري نشوف وين مكانه بالضبط وبعدها نروح على البنك نفتح حسابات ونرجع نضبط اوراقنا للملحقية.



كان صباح يوم السبت وهذا يوم ويكند هنا طبعا خرجنا من الفندق على المعهد علشان اشوف مكانه وين بالضبط ، ومنه اشوف وين اقرب بنك و سكن واشياء ثانية تكون قريبة منه علشان في اي وقت اذا احتجنا شيء فيكونوا قريبين مننا، وصلنا على خير للمعهد طبعا مقفل ويكند لكن رحنا المبنى اللي هو فيه واخذنا جولة استكشافية في المبنى لقيت فيه بنك CIBC وكانوا فاتحين قلت حلو خلينا نفتح حساب عندهم بالمرة خصوصاً وان كلام المبتعثين انه اول بنك تنزل فيه المكافأة، دخلت البنك تقريبا فاضي ماعدى شخصين أو ثلاث موجودين، بالوجه فيه الاستقبال رحت لهم ومن شافوني جاي عليهم شقت الابتسامة وجيهم ولما وصلت مورننق ليديز ، جود مورننق هاو وي كان هيلب يو ان ذس بيوتفل ديه ( قلت في نفسي يخلف الله علينا في استقبال البنوك حقينا تجيه من الصبح وهو ماله خلق على نفسه فما بالك يكون له نفس عليك) قلت لهن نبي نفتح حسابات جديدة ، ردت علي وحده منهن معك اثباتك ردينا ايوه، قالت ممكن تنتظروا شوية بس اشوف مين من خدمات العملاء يقدر يخدمكم ، واخذتنا على الكنب وراحت تشوف ممثلين خدمات العملاء، دقيقتين بالضبط جاتنا ممثلة خدمة عملاء واخذتنا على مكتبها، قالت شنو نوع الحساب اللي تبون تفتحونه قلت لها نبي حساب طلاب قالت ما عندنا حساب للطلاب ، قلت لها اللي اعرفه ان فيه كثيريين فتحوا حسابات طلاب عندكم !!؟ قالت يمكن انه نوع من الحسابات الجارية مع مميزات بسيطة للطلاب قلت اللي هو جات على التسمية الحين يا ستي ، قالت طيب وين بطاقة الطالب ؟ قلت لها ما عندي قالت كذا ما اقدر افتح لك هذا النوع من الحسابات بدون ما يكون عندك بطاقة طالب قلت طيب ما ينفع خطاب القبول كإثبات اني طالب لغاية ما اطلع البطاقة قالت طيب انا راح افتح لك حساب جاري الحين ولما تجيب البطاقة غير نوع الحساب الى اللي تبيه ، اوكي عيوني نو بروبلم ، اخذت الجواز واخذت خطاب القبول وسجلت البيانات في الجهاز وسئلتني تلفونك وعنوانك ؟ قلت عيوني انا توني البارح واصل على كندا وما عندي لا رقم ولا عنوان قالت ما يصير لازم يكون عندك عنوان وتلفون علشان اجراءات فتح الحساب وبدونهم ما يمشي الموضوع ، طيب شنو الحل الحين ؟ قلت طيب ينفع عنوان الفندق قالت ما ادري لان هذه اول مرة تمر علي مثل كذا اسئذنت وراحت تسئل وبعد تقريبا 5 دقائق رجعت وقالت اوكي يمشي الحال وعطيتها كرت الفندق تأخذ العنوان منه وسجلت رقم الفندق ورقم الغرفة على انه رقم تلفوني ، وكملت الاجراءات وطبعت لنا بيانات الحساب ، المفروض انهم يعطوني 4 شيكات لما يفتحون الحساب علشان امشي حالي على ما يرسلون لي دفتر الشيكات لكن لما سئلتها عن الشيكات قالت انهم ما عاد يعطون شيكات ودفتر الشيكات راح يوصلني على البريد بعد 5-10 ايام عمل . تغاضيت عن هذا وقلت ما عليه نخلص وبعدين نتفاهم وبكذا فتحنا حسابين منفصلين في بنك CIBC وكان نوع الحسابات Unlimited Chequing Account واذا تبي تتعرف على البنك وحساباته بإمكانك الدخول على موقعهم http://www.cibc.com/ca/personal.html

خلصنا من البنك وفتح الحسابات ورحنا نتمشى حول المكان علشان نشوف ايش فيه من الأماكن من مطاعم وخدمات ومحلات ووو ، دقيقتين مشي صرنا جنب بنك TD Canada Trust وبنك BOM قلت في نفسي يبي لنا نفتح حساب في بنك TD دام العالم تمدحه مع CIBC بعد ما نطلع بطاقة طلاب ، صرنا على شارع يونق Yonge (حسب ما فهمت من العالم ومن الشيخ العلامة جووجل وابنته الفاضلة جووجل ماب ان هالشارع يقسم تورنتو إلى شرق وغرب ، يعني اي شيء شرق يونق فهو شرق ونفس الشيء بالنسبة لغرب يونق) فتذكرت بعض مواضيع الشباب بالمنتدى عن مطاعم عربية في هذا الشارع فصرت اتلفت يمين ويسار ادور هالمطاعم وانا ماشي لقيت كم واحد لكن ما هي مطاعم مثل ما كنت حاط في بالي ، اغلبها اماكن صغيرة عرضها اذا زاد 5 امتار وضعها مثل (البوفية عندنا بالسعودية) والشاورما والفلافل هم الشيء الرئيسي في المحل واغلبها نفس الشيء ( راح اتكلم بالتفصيل عن تجربتي مع المطاعم وشنو افضلها) وكذا من مطعم لمطعم ادخل اشيك على الوضع والاكل اللي عندهم واللي ما اشوف كلمة حلال بالبنط العريض ما ادخله من الاساس ، وصلنا لمجمع كبير اسمه ايتون سنتر وقدامه كان فيه استعراضات وفرقة تغني والعالم زحمة ( زحمة يا دنيا زحمة والناس مش لاقية لحمة) وقفنا نتفرج مع الناس دام الحشرة مع الناس عيد نشوف الاستعراضات بعدها دخلنا داخل السنتر ( ايتون سنتر مكانه تقاطع يونق مع دنداس yonge & dundas ان شاء الله راح احط لكم اماكن الاسواق اللي رحتها بالتفصيل ) اخذنا نلف ونطلع طابق واللي بعده بصراحة يستاهل المول انك تلف فيه فيه تقريبا اكثر الاماكن اللي تحتاجها، لقيت محلات الجوالات فايدو وروجرز و بل وكل الشلة الباقية ،حسب نصائح المبتعثين وحسب ما لقيت في مواقعهم رحت فايدو علشان اطلع جوال من عندهم وقفت في السرى انتظر دوري لان الارقام ما تشتغل ، طبعا انا حاط في بالي من يوم انا في السعودية على فايدو وعلى الباقة اللي باخذها وتقدر تشيك على موقعهم http://www.fido.ca الشيء المهم اللي الكل يحذر منه لما تاخذ اي جوال في كندا عموما انك تبتعد عن العقد لمدة 3 سنوات لانه اذا ما حبيت تكمل لأي سبب من الاسباب فأنت مضطر انك تدفع باقي المدة في العقد ولهذا انا احذر ايضاً وانبه على هذا مو بكرة تجي على كندا وبتطق لك جوال وتروح وتشوف iPhone وتتحمس وتاخذه بعقد لمدة 3 سنوات وتتدبس معهم.
جاء دوري قلت لها انا عندي جهاز وابي اطلع شريحة بس وابي باقة 35 دولار ، قالت ممكن بطاقة اثبات بالصورة وبطاقة كريدت ( فيزا أو ماستر كارد) قلت لها ما عندي ينفع الجواز أو الرخصة الدولية قالت هات الجواز وعطيتها الجواز وبطاقة الماستركارد ، عبت البيانات وسئلتني رقمك وعنوانك قلت لها ما عندي رقم علشان كذا جاي عندكم اطلع رقم وعنوان ما عندي توني بقراطيسي عندكم بكندا ، قالت لازم رقم وعنوان ( حسبي الله ونعم الوكيل الحين تذكرت دعاية البريد السعودي واصل وشعارهم لكل انسان عنوان ، حسيت بقيمتهم الحين ) قمت عطيتها رقم وعنوان الفندق ما لنا الا هالعنوان في كندا وكملت البيانات، قلت لها ابي اضيف خدمات على الباقة ، والخدمات هي:

1- مكالمات مستلمة غير محدودة قيمتها 12 دولار بالشهر ، هذه اضافة مهمة لازم تاخذها لان هنا مو مثل عندنا بالسعودية هنا يحسبون عليك المكالمة اللي تستقبلها وهذه الخدمة تستقبل المكالمات من غير ما يحسبون عليك.

2- المكالمات للمسافات البعيدة داخل كندا وامريكا غير محدودة قيمتها 30 دولار بالشهر، هذه مفيدة جدا اذا كان عند اهلك بالسعودية فونج او ماجك جاك وبكذا تقدر انت اللي تتصل عليهم من غيرما يحسبون عليك شيء ، بدونها الدقيقة تكلف 35 سنت.

3- باقة الخدمات اظهار رقم المتصل + اظهار اسم المتصل + البريد الصوتي+ خدمة موجود ( زي اللي في الاتصالات السعودية) قيمتها 10 دولار بالشهر لكن اول شهر من تطلع الجوال مجاناً.

بالإضافة الى مبلغ 35 دولار رسوم اصدار الشريحة وهذا المبلغ ثابت لاي باقة تطلعها، طبعا هذه هي اللي انا اخذتها وكل واحد ياخذ الباقة والخدمات اللي تتناسب مع احتياجه. راح يكون حدك الإتماني في الجوال هو نفسه المبلغ المتوفر في بطاقة الماستر أو الفيزا، يعني اذا كان المبلغ المتوفر في بطاقتك 5000 دولار راح يكون حدك 5000 واذا كان 500 دولار راح يكون دولار ، وهذا الشيء عرفته لما طبعت العقد الشهري لقيت ان الحد الإتماني لي 12000 استفسرت منها شسالفة فشرحت لي ان هذا المبلغ في حالة اني تخلفت عن دفع الفاتورة ينخصم من حساب البطاقة وان المبلغ ما يكون محجوز في البطاقة وانت تقدر تدفع الفاتورة بالطريقة اللي تعجبك من البطاقة نفسها او كاش او عن طريقة حسابك البنكي ، فقلت لها مالك شغل كم اللي متوفر البطاقة حطي الحد 500 دولار بس لا يزيد غيرت المبلغ وسئلتني عندك مشكلة على 600 دولار قلت لها ما فيه مشكلة وخلت الحد 600 دولار.

وطبعت العقد وجابت لي الشريحة وقالت لي تاكد انها تشتغل على جوالك واذا ما اشتغلت لازم اخذ جهاز جوال من عندهم، شيكت قدامها واشتغلت الشريحة وقعت العقد وقالت لي ان اذا باستخدم اللانترنت عن طريق الجوال في الكيلو بايت يكلف 3 سنت واستخدام الماسنجر يكلف 15 سنت للمسج وخلتني اوقع انها قالت لي هالمعلومة.
ومبروك كذا صار عندي جوال كندي وانتهينا من مشكلة انه لازم يكون عندك رقم اتصال.
المهم بعد ما خلصنا من فايدو حللنا بقية ايتون سنتر ماخلينا مكان ما دخلناه .

...... وللحديث بقية<!-- google_ad_section_end -->
<!-- google_ad_section_end -->

لما قضينا من المول وحنا خارجين لقينا بوابات محطة صب وي (Subway ) مترو الانفاق قطار تحت الارض التسمية اللي تركب معك ، اهم شيء انك تفرق بينه وبين المطعم صب وي اللي نص الخليقة اللي يجون هنا اول ما يسمعون صب وي قال المطعم مثل اللي عندنا خخخخخخخ ، فقلنا خلينا نروح نتتطقس الموضوع كيف شكله ونظامه عندهم رحت عند الكاشيير وسئلته كم سعر التذكرة ناظر فيني من تحت نظارته وعرف اني جديد على البلد من سؤالي الحلو قال لي هنا ما فيه تذاكر هنا تدفع وتركب لآي محطة تبيها مرة وحدة قلت له طيب بكم قال لي 2.75 دولار للشخص الواحد في المرة الوحدة وفيه اذا تبي باليوم أو الاسبوع أو الشهر، عجبني كلامه وابي اسئله كيف وشلون لكن قالي وراك عالم انتظر على جنب ولما يخلصون ارجع فصرت كل ما فضى السرى رحت اتكلم معه وافهم السالفة منه وبصراحة ما قصر معي بالشرح واعطاني خريطة وقال هذه بتنفعك كثير لين ما تتعود على المواصلات العامة هنا ودفعت 5.5 دولار وركبت الصب وي .
هذا موقع مواصلات تورنتو العامة صدقني بتستفيد منه كثير The Toronto Transit Commission - TTC ، وخل معك خريطة المواصلات وين ما رحت لآنك دايم بتحتاجها ، تطلبها من الكاشير مجانا وحط في بالك مو كل واحد أو وحدة من الكاشير بيتعاون معك اذا رحت تسئله مثل ما انا سويت.

طبعا اذا كان لك تجارب في بلدان ثانية بتلقى اختلاف من دولة لثانية في الصب وي ما عدا بعض دول اوروبا معظمهم متشابهين .

وفي خلال 5 دقائق مع التوقف في المحطات قطعنا نفس المسافة اللي مشيناها في ساعة، رجعنا على الفندق ووينك يالكمبيوتر علشان نشوف ايش نقدر نسوي من بقية الاجراءات ، دخلت على منتدى مبتعث واخذت جولة سياحية على المواضيع اللي تتكلم عن اول الاجراءات عند الوصول لكندا ، كانوا الاكثرية يتكلمون عن الحساب البنكي وامور الملحقية ، قلت نضبط اوراقنا حق الملحقية دخلنا على الموقع Saudi Cultural Bureau in Canada-- الملحقية الثقافية السعودية في كندا
راح تحفظه مثل اسمك من كثر ما راح تدخل عليه هههههه ، نشوف ايش المتطلبات والطريقة لفتح الملف للمبتعث والمرافق ، بصراحة الطريقة سهلة وما فيها اي تعقيد تعبئة فورمات ببياناتك وطباعة الاوراق اللي تتطلب توقيع و سكان وارسل ، الشغلة بسيطة بشكل عام وفيه مواضيع تتكلم عن هذه بالتفصيل اذا بحثتوا بالمنتدى. المهم الفورم اللي ما يحتاج طباعة خلصته وحفظته على الجهاز اما اللي يبي طباعة وسكان حفظته في فلاش مموري ونزلت على البزنس سنتر في الفندق علشان اطبعه واعمل له سكان ، دخلت السنتر وكان فاضي ما فيه الا انا وشكله ما احد استخدمه من عهد الفراعنه شغلت الانوار للمكان والكمبيوتر والطابعة ، فتح الكمبيوتر على شاشة معلومات الاستخدام وكانت انه لازم تستخدم بطاقة الكريدت كارد علشان تفتح الجهاز واول ماتستخدمها يبتدي الحساب من 5 دولار وكل 5 دقائق بـ 1.75 دولار ، امرنا لله محتاج الجهاز علشان اطبع الاوراق شخطنا البطاقة وفتح الجهاز ويا عيني على الجهاز اخذ تقريبا 4 دقائق على ما فتح سطح المكتب ويا ريت فيه برامج من الاساس علشان يطول في الستارت اب كل اللي فيه برنامج واحد مايكروسوفت وركس النسخة الفرعونية ويمكن قبلهم كمان ،برنامج ادوب ريدر أول اصدار حجري و برنامج الورد واكسل من سنة حطبة ما قبل الميلاد وبرنامج موزيلا سنة الف وتسع مائة وكحي ، للي ما يعرف موزيلا هو الجد الأول لفايرفوكس.
ما عليه بلعنا الموضوع جينا نشبك المومري بالجهاز قامت تطلع اصوات من الجهاز مثل اصوات المرضى بالمستشفيات ولا اشتغلت في النهاية لاحووول وبعدين معاك اكسر الكمبيوتر انا ولا شلون ، ما لي الا احمل الفورمات من موقع الملحقية من جديد وهذا اللي صار وعبيتها وطبعت الاوراق وانتظر وانتظر وانتظر ما فيه ورقة انطبعت شيكت على الورق فيها ورق ولونه مصوفر من الغبار ما احد استخدمه من عهد قيصر الروماني ، وناظرت على جنب الطابعة الا فيه جهاز مشبوك فيها حق الكرديت كارد ، استغفر الله ربي واتوب إليه يعني مو كفاية الكمبيوتر اللي باكسره كمان الطابعة بفلوس صبراً جميل والله المستعان واشخط البطاقة ، اناظر في الجهاز ابتدأ بـ 3 دولار وطبع الورقة الأولى وحسب دولار والثانية وكمان دولار وعلى كل ورقة يحسب دولار ، اوكي ودي اسوي شيء في الطابعة لكن نزلت علي السكينة من ربي لغاية ما خلصت الطابعة اخذت الآوراق وقعتها وعلشان اسوي لها سكان حطيتها في الطابعة ( طبعا كانت طابعة وسكانر ) ورجعت للجهاز اسوي لها سكان وغني يا ليل ما اطولك ما يعمل سكان
شسالفة هالمرة بعد ، البطاقة وتشرج في الطابعة والكمبيوتر ويشتغلون الاثنين ووصلت معاي ابي اكسر المكان لكن تعوذت من الشيطان واتصلت الريسبشن وقلت لهم ممكن ترسلون لي المسئول عن مركز رجال الأعمال الحين بسرعة ، دقيقتين زمان وجاء المدير المناوب للفندق قلت له اني ابي اسوي سكان ومو راضي يعمل وعندي اوراق مهمة لازم اسويها الحيين ، قام يحوس يمين يسار ومن حوسته ما عنده ما عند جدتي قام اتصل على IT وقال لهم السالفة بعد 5 دقائق وصلوا حقين IT شرح لهم المدير السالفة فقالوا اصلا الفنكشن حق السكان مو مجهز في طابعة واذا تبينا نفعله لازم نأخذ برمشن من الشركة اللي مأجرة علينا الطابعات ،عملت لوج اوف من الكمبيوتر وقمت من مكاني وانهيت سيزن الطابعة وطبعت لي الرسيت اللي اكتشفت فيه ان الطابعة تحسب عليك بالورقة وبوقت الاستخدام بدون طباعة !! وأخذت بعض ومشيت عنهم، طلعت على غرفتي وحسيت ان الدم بيفجر مخي من اللي حصل خسارة فلوس على ولا شيء فسدحت نفسي على السرير علشان اروق وكلها لحظات وما حسيت نفسي الا في سابع نومه.

صحيت على ثاني يوم ، بعد ما اخذت لي دش وصليت جاء على بالي الحل الوحيد والمفيد للحصل البارح الا هو اني اشتري طابعة وسكانر واريح عمري من المشاكل ، ودخلت النت ادور على الأماكن للإلكترونيات في الداون تاون واشوف الانواع اللي عندهم واسعارهم . لقيت ان افضل مكان هو بست باي Best Buy من كل النواحي ، هذا موقعهم Best Buy Canada اذا احتجت انك تبحث عن اي شيء ، اعتقد ان الأكثرية يعرفون هذا المكان واللي ما يعرفه اقول لهم انه مثل أكسترا وإلكترو وشلتهم. ورحت نقزت على المحل وهو موجود في ايتون سنتر واشتريت طابعة الكل في واحد ( طابعة +سكنر+ناسخ+فاكس+ انسر مشين+شبكة سلكية+ لاسلكية+طباعة صور ) احتياط لأي شيء ممكن احتاجها فيه وتكون لي وللزمن، وكان سعرها 260 دولار واخذت معها ضمان لمدة سنتين بمبلغ 25 دولار وعطوني معها شدتين ورق وعلبتين حبر لكل لون. ولا اني اوجع راسي واخسر على كل ورقة اطبعها، رجعت على الفندق وهات ياليل في الطباعة والسكان للفومات وارسلتها للملحقية علشان نفتح ملف مبتعث وملف مرافق.

على الظهر خرجنا نتغذى وقلت دامنا مطولين هنا نبتدي بالمطاعم واحد واحد ، وبتدينا من بيت الفلافل (Falafel House) بصراحة اكله مو لهناك وطعم الفلافل هذا اذا صح تسمية اللي اكلناه فلافل مو مثل السعودية واخذنا صحن شاورما دجاج مع الرز ، من ناحية الجوع اكلنا لكن من ناحية الطعم ما استسغناه ( وش معناته هالكلمة لا احد يسئل هذه اللي طلعت معي في الوصف) وبعدها لفينا في شارع بلور، من باب المعلومية، اذا كنت جديد بالداون تاون اهم شارعين يجب عليك معرفتهم هم يونق وبلور Yonge & Bloor ومنهم تعرف على بقية الشوارع الموازية لهم والاماكن لين تعرف منطقة الداون تاون كويس ، المهم تمشينا في شارع بلوور وكنا متجهين للغرب لان الشرق ما فيه شيء راح تلقون المحلات ذات الماركات في بلوور وكنا اذا دخلنا محل في مبنى اكتشفنا انه في سوق كامل اسفل المبنى نفسه غير المحلات اللي على الشارع ومن مكان لمكان ووصلنا للمتحف ما جاء على بالنا ندخل طولنا في المشي وجانا متحف ثاني بعده شكلهم حالفين الا ندخل المتحف ، وبرضو ما دخلنا وكملنا الجولة الاستكشافية لين تعبنا وأخذنا الصب وي ورجعنا طبعا بمساعدة الخريطة اللي اخذتها من ابو الشباب في دنداس ستيشن.



وصلنا على الفندق من الجولة السياحية في شارع بلور ملخص الأماكن هناك انها ماركات عالمية واسعارها غالية.
بعد المغرب على الساعة 9 رن تلفون الغرفة هالوو آيوه كيف حالك استازي العزيز ايش اخبارك ان شاء كلو تمام ، اهلا اهلا يا زول كيف حالك انت وينك صار لك يومين انتظرك حق سالفة الشقق ، واللهي بعتزر منك شديد الإعتزار اليومين اللي فاتوا كنت مشغول باخذ جماعة سعوديين وعرب من الهناي كل يوم ( الهناي المقصود منها هالمرة المطار) وانشغلت بتوصيلهم ، طيب اتصل وقل لي انك مشغول ولا انك تلطعني يومين ، معليش واللهي متأسف وخجلان منك ، طيب طيب حصل خير ، بشر وش صار على الشقق ؟ اليوم ما راح نلحق عليهم لكيين بوكرة من الصبح دغري امرك الفندق ونروح نشوف الشقق اللي لقيتها انتزرني على الساعة 9 صباحاً ، اوكي على خير يا زول.
ومن بكرة جالس ومتجهز من الساعة 8 الصبح ومضبط اموري وانتظر الزول يجي وانتظر وانتظر وكمان انتظر وعلى الساعة 1 الظهر رن تلفون الغرفة ، آيوة انا تحت انتزرك يالله سلام وقفل في وجهي !! ما ادري انزل اذبحه ولا ابكس له ولا اربطه بسيارته ووينك يالضلع اللي ما يعور وهات عليه ، تعوذت من الشيطان وقلت سوداني ما يشره عليه ماعليه نتحمله لعل وعسى يطلع منه شيء في الشقق .
نزلنا وركبنا معه ولا جبت له طاري التأخير ولا شيء ، ورحنا نلف على الشقق طبعا الزول طابع اوراق من النت اعلانات حق ناس يأجرون شققهم أو يبحثون عن شقق ( بصراحة الموقع مفيد جدا وانا استفدت منه في اشياء كثيرة مو بس سالفة سكن ) وهذه هو الموقع :
http://toronto.kijiji.ca
مخصص لمدينه تورنتو وتقدر تستفيد منه لمدن آخرى غير تورنتو بعد اذا حبيت.
المهم ، رحنا لأكثر من شقة وكلهم مثل وجهه ما ادري شنو المعيار اللي استند عليه في بحثه عن الشقق وضيعنا الوقت على الفاضي ، قلت له يا زول شفت الشقة اللي فرجيتنياها اول ما جينا ابي شيء كذا جديدة نقدر نسميها شقة مو حديقة حيوانات مصغرة أو غرفة سجن ( تخيلوا دخلنا شقة مساحتها حول 600 متر ما فيها الا نافذة صغيرة لو باحسبها ما تطلع نص متر في نص متر ) ابي شيء اسكن فيه وانام وهذا فائدة المكان اللي يسمونه شقة يا زول ، قال لي آآي انا عارف تمام لاكييين ما فيه شقق وانتم في موسم الزحمة وبعدين الشقق اللي شفتهم ما راح تلقاهم تاني بوكرة ، قالت له على كذا رجعنا الفندق وبلاش وجع راس.
وصلنا الفندق ودخلت على النت وعلى الموقع اللي شفته في اوراق الزول تحديدا وجالس ادور في الأعلانات، اذا عجبني شيء دخلت على التفاصيل اشيك على السعر وعلى صور الشقة من الداخل وعلى المكان ومدى قربه من موقع دراستنا وكنت استخدم جووجل ماب في تحديد الموقع للشقق واذا كان اوكي ارسلت لصاحب أو صاحبة الشقة بأني حاب اشوف الشقة علشان اذا ناسبتني اخذها واذا ما عندهم مانع يتصلون علي علشان نرتب للموضوع، وبالفعل كل شخص ارسلت له رد علي أما انه يعتذر لآن الشقة تأجرت أو انه يحدد معاي وقت اني اشوف شقته. هنا لازم ترتب موعد علشان تشوف الشقة على الاقل قبل 24 ساعة .
وقضيت كم يوم على هالحال، بس يومي يضيع في البحث عن الشقق لين حللت موقع كجيجي وما خليت مكان في الداون تاون ما رحته علشان الشقق من الهاربور والليك شور لين روزديل ومن شوربرون لين سبداينا (من الجنوب للشمال ومن الشرق للغرب) ما لقيت شيء يستاهل اني اخذه وغاليين بحجة ان فيه اشخاص ثانيين مقدمين عروض غيرك اذا تبي زيد على عرضهم واخذها ، راح عن بالي اني ادخل منتدى مبتعث واشوف العالم اللي قبلي شلون عملوا في سالفة الشقق ، ولما بحثت لقيت الشباب يمدحون في كم شخص بروكر ( سمسار ) وحاطين ارقامهم في اكثر من موضوع ، اتصلت على هالأشخاص اللي صيني واللي كندي واللي لبناني ، وقلت لهم المواصفات اللي ابيها وقالوا تقريبا نفس الكلام عطنا ايميلك واحنا نرسل لك اللي يتناسب مع طلباتك ، واكتشفت انهم يرسلون نفس القائمة والظاهر ان جمعية المؤجرين تعد قائمة بالبيوت والشقق والمحلات وترسلها على المكاتب كلها، المهم القائمة تحتوي على تفاصيل الشقة والسعر وشنو يجي معها من اثاث او خدمات او موقف سيارات ووو ، قلت دامهم كلهم نفس الشيء خلينا على اللبناني على الأقل عم بيحكي عربي ويفهم الوضع اكثر من الخواجات.
تقابلت مع اللبناني علشان نشوف الشقق اللي اخترتها ، اول شيء عطاني عقد مفاده انه يكون وكيل حصري لي في البحث عن شقق في مدينه تورنتو ولمدة 3 اشهر واني ما اتعامل مع اي مكتب أو وكيل ثاني خلال هذه المدة.
قلت في بالي انه دامهم كلهم نفس القائمة واللي عنده عند غيرها ما راح تفرق ووقعت العقد، بعدها عطاني عقد ثاني وهو عقد مبدئي للإجار ( offer) اعبي بياناتي واوقعه علشان اذا عجبتني اي شقة يقدم الأوفر على طول علشان لا تروح علينا ، عجبني حماسه ونقزنا على الشقق نشوفهم، بصراحة احلى من الشقق اللي شفتهم بنفسي وعلى مستوى لكن أم السعر يختلف عن السعر في القائمة والسبب ان فيه ناس مقدمين أوفر عليها أما اني ازيد في سعر الأوفر اللي لي أو اني ادفع المدة كاملة، أو انها ما تحتوي على غسالة ملابس وجفافة وهذه مهمة بالنسبة لي انها تكون بالشقة.
وضلينا ندور على الشقق اسبوع كامل مع الوكيل اللبناني محنا لاقين شقة لازم يطلع لنا فيها شيء يخرب الموضوع. صاير يومنا كله اتصالات ودوارة على شقة من جد شيء يوجع الراس وفوق كل هذا انا موجود في فندق من اول ما وصلت كندا وانا ساكن فيه وهذه غلطتي اني ما كنت ابي اوجع راسي في اللفلفة على فنادق اخترت واحد من اغلى الفنادق علشان اشتري راحتي وما حسبت حسابي اني باطول في جلستي فيه !!

وصار هذا الموضوع يشغل بالي خصوصا واني كل يوم اصبح على فاتورة الفندق مع الجريدة واشوف المبلغ يزيد يوم عن يوم ، تذكرت شيء مهم جدا وما ادري كيف راح عن بالي وتفكيري تماماً بسبب انشغالي في البحث الشقة ، وهو اني انقز المعهد حقنا اشوف الشباب السعوديين هناك اذا كان فيه احد اتعرف عليه واسئله لعل وعسى القى المساعدة خصوصا وان 3 ايام وتبدأ الدراسة عندنا وحنا ما لقينا سكن ، رحت المعهد لوحدي دخلت لقيت طاقم الادارة للمعهد عرفتهم على نفسي واني بادرس عندهم بالمعهد بعد كم يوم وجاي اشيك على المعهد ، بصراحة روحهم حلوة اخذوني ولفوا فيني بالمعهد علشان اتعرف على قاعات الدراسة ولاب الكمبيوتر والمطبخ وووو، صدف ان يكون بريك وانا موجود هناك بين الكلاسات وسبحان ربك ولد بلدك تفرقه ويفرقك من بين مليون بلد ، اقبل علي واحد وسلم وشوي جاء الثاني والثالث بعدنا عن الكلاسات وجلسنا نتكلم وسئلوني هاه عساك قضيت امورك قلت لهم لا والله للحين ولا شيء انقضى ، وقلت لهم سالفتي على الطاير شاروا علي اني انسى سالفة مكاتب العقار واني اروح بنفسي للبنايات واذا كان فيها مكتب اسئل واستفسر عن ايجاراتهم قلت لهم لكني موقع عقد مع الوكيل فكيف اتصرف الحين قالوا ما عندك مشكله لو انت قرأت العقد اللي وقعته كان عرفت انك تقدر تتعاقد مع صاحب الحلال مباشرة بدون اي وسيط وهذا الشيء المسموح لك في العقد ، والمكتب في البناية يعتبر صاحب حلال.
طيب شيروا علي وين ألقى هالبنايات قالوا في كل مكان بس انت لما تشوف لوحات أو يافطات على البناية وفيه ارقام التلفون دق عليهم ولو انت ما وقعت عقد الوكيل كان اخذناك على اماكن كثيرة ووصفوا لي على كم شارع اللي القى فيه.
الله يجزاهم خير صدق المثل اللي يقول " مايحك جلدك مثل ظفرك" يعني توني اقابلهم ويخدموني، طلعت من المعهد ووينك يالبنايات اللي فيها ارقام كبيرة ، تبون الحق ياكثرها لكن لما كنت ادور مع الزول أو وكيل العقارات ما كانوا يجيبونا من ناحيتها علشان لا ننتبه لها ويضيع شغلهم بلاش ، مع ان النظام هنا يقول ان اتعابهم اصلا يأخذونها من صاحب العقار وليس المستأجر.
ولفيت على البنايات ولقيت كثير من الشقق مثل ما نبي لكن اغلبها غير مفروش والمفروش ما راح تفضى الا بعد 2-3 اشهر على الافل واسعار مقارنة باللي كنا نشوفها تعتبر مكويس مع الأخذ بالإعتبار الموسم وغلاء الإيجارات ، وصار الشيء الوحيد اللي يحدد الشقة اللي بناخذها هو مدى قربها من محطة سب وي والخدمات من سوبر ماركت ومطاعم وبقية الشلة، اتكلنا على رب العالمين واخترنا شقة طبعا غير مفروشة لكن كل شيء متوفر فيها ما عدى كيبل التلفزيون والانترنت وموقف السيارة وهذا ما احتاجه في الوقت الحالي البناية جديدة ما صار لها سنتين وفيه كل الخدمات من امن ومسبح وجيم وصالة تلفزيون وقاعة مناسبات ووووو. لما جيت اتفق معهم قالوا لي بما انه ما عند Credit history في كندا نحتاج ضمانات مالية انك تقدر تدفع الايجار قلت لهم طيب وايش كمان بعد قالوا شيكات بعدد الأشهر للإيجار كاملة ، قلت خير ان شاء الله اهم شيء لا تروح علي الشقة تبون اعطيكم كاش او تأخذون من بطاقة الماستر مو مشكلة قالوا لا نحتاج الشيكات الشهر الأول والأخير يكونوا مصدقين وضمان مالي ، آمنت بالله ربي ومحمد صلوات ربي عليه نبيي واستلم الملحقية اتصالات على اخر الدوام صار لي اسبوعين وانا ما وصلني شيء منهم ولا انفتح الملف عندهم والحين انا محتاجهم ، ردت علي وحدة وشكلها بالغلط رافعة السماعة بتتصل وانا اتصلت على تحويلتها في نفس اللحظة ومن صوتها انها انفجعت فقلت خليني اكمل عليها وهات من الكلام اللي يحبه قلبك كل ما قالت انا مش مسئولة ملفك قلت لها مو شغلي اللي اعرفه اني محتاج ضمان مالي وابيه الحين وما خليتها كملت ملفنا فيي الملحقية وقالت لي ادخل على النظام الحين واطلب ضمان مالي وبكرة يجهزوه . ايه الملحقية اذا ما تنشب لهم ما يسوون لك شيء بتقول ليش يسوون كذا بأقول لك انه ما فيه ولا سعودي يشتغل في الملحقية غير اثنين ( اذا احد يعرف غيرهم يفيدنا ) الملحق الثقافي والشخص المسئول عن حالات الطوارئ ، اما معاملاتك كلها عند لبنانيات ومصريات ودامهم بيستلمون رواتبهم كاملة نهاية الشهر فبحريقة تحرقكم يالمبتعثين يصرفونكم اذا ردوا على التلفون أو الايميلات ويلطعوكم لين تقولوا آمين.
ما علينا ومن الصبح اتصل على الملحقية لين ارسلوا لي الضمان المالي وطبعته بالطابعة اللي اشتريتها ايه بدأت فايدها تطلع ههههههه ، هذا وخلصنا منه باقي الشيكات نقزت للبنك CIBC قلت لهم ابي شيكات قالوا ارسلنا لك اول ما فتحت الحساب على عنوانك قلت لهم ما وصلني شيء قالوا اجل ما لك الا تطلبهم عن طريق الفرع وبتاخذ لها 5-10 ايام عمل قلت طيب انا احتاجها اليوم وش السوات قالوا 25 دولار وتاخذها من الفرع بعد 5-10 ايام عمل . خرجت من عندهم بدون ما اطلب شيكات ورحت على بنك TD Canada Trust قلت لهم ابي افتح حساب وابي شيكات الحين قالوا اصلا مع كل حساب جديد نعطيك 4 شيكات ونرسل لك دفترين شيكات على البريد قلت حلو عجلوا على فتح الحساب 10 دقائق وفتحوا الحساب أودعت مبالغ في الحساب علشان اصدق شيكات الشهر الأول والأخير مثل ما طلبوا مني حق الشقة ( للي ما يعرف سالفة تصديق الشيك تصديق الشيك يعني يكون مبلغ الشيك موجود في الحساب وعند تصديق الشيك يكون بمثابة كاش ) اودعت وصدقت الشيكات ، ونقزت لحقين الشقة وعطيتهم اللي يبونه وقلت لهم باقي الشيكات راح يرسلونها بعد 5 ايام عمل ، قالوا ما عندك مشكلة وقعت العقد وسلموني مفاتيح الشقة وخدمات المبنى والبريد.<!-- google_ad_section_end -->

....أممممممم أيش تتوقعوا كان الإكتشاف الخطير بالنسبة للشطاف ......

أوكي ادري ان ما أحد راح يجي في باله ان الماء باااااااااااااااارد ثلج لدرجة انك تحس ببرودته من بعيد واحنا في عز الصيف أجل في وقت الثلج شنو بيكون وضعه ، انا ما قد انتبهت لهذا الشيء لكن لما نظرت لكرسي الحمام الله يكرمكم وتحديداً لمكان تخزين الماء لقيت انه من برودة الماء ان الطبقة الخارجية له عليها قطرات الماء. طيب والحين شنو الحل لهذا حتى الشيء السهل مو راضي يضبط معاي اصرخ ولا ابكي ولا شلون.

ناظرت فيه لمدة وانا فاتح الموية مو راضي تقل برودته ، قلت لنفسي أوكي أمرك انت هين أهم شيء فيه موية الواحد يستعملها مؤقتا على بال ما آلقى حل ثاني له ، عرفت وقتها ليش كان فيه شباب في مواضيعهم كانوا يستخدمون اشياء بدائية وفعالة اثاري علشان برودة المياه أو على الاقل هذا اللي جاء في بالي، عموماً لقيت له حل خطير بعد شهر ونص من البحث وراح اقول لكم مع سرد الأحداث لاحقاً.

طيب أيش اسوي الحين ، ما فيه الا اني أطلع أغير جو وطبعاً معي قمرنا المصون تمشينا على شارعنا الأوحد يونق وتوقفنا عند مطعم أسمه درويش رستوان ، هذا الله يسلمكم مطعم إيراني (عندما تتكلم عن إيرانيين هنا في كندا فهم في الغالب إيرانيين اللي طلعوا من ايران قبل اللي يسمونه الثورة على الشاه ، معظمهم مسيح أو مسلمين بالأسم فقط وحتى العلم اللي يحطونه في مطاعمهم هو على ايران القديم) شكله من الخارج ما يأهل لكن من داخل يمشي الحال انا قرأت من أحد الشباب في مبتعث انه ذهب له وكان كويس وعلشان كذا قلت نجربه مثل ما جربنا مطاعم قبله، المهم دخلنا المطعم وطلبنا شيلو كباب وشيلو سلطاني وجاء الطلب بعد 15 دقيقة تقريباً بصراحة الطعم لذيذ وما اقول انه اقل من المطاعم الإيرانية في السعودية لكن في بعض مسوى بعضها وحجم الكباب كبير مقارنه باللي في السعودية وانا أكل اللي جنبنا خلصوا أكلها وقاموا انتبهت لزجاجة الواين حقهم !! في البداية طنشت الموضوع لكن وانا اناظر في المطعم فوق تحت لقيت ان صور المحل كلها واين وهنا انسدت نفسي عن الأكل واستعجلنا في خروجنا من المطعم، هنا تنبهت انه مو كل مكان يحط لوحة HALAL يعني كل شيء فيه حلال وانه اسلامي 100%، كملنا على يونق الى الجنوب مررنا بجانب سينمات صغيرة لدرجة انها ما تأهل ان الواحد يدخلها بسبب مكانها مررنا بجانب سينما خاصة بـ 18+ وكانوا حاطين بوستر للفلم الرئيسي واوقات العرض يعني الكل يعرف شنو الفلم قبل ما يدخل وتصادف مرورنا بجانب الباب بخروج 3 شباب سعوديين من السينما وهم يتكلمون عن الفلم ، واحد منهم لما انتبه لنا خجل وسكت والآخر جلس يناظر فينا بكل وقاحة وهو يقول بصوت مسموع لنا " وش عليك لا يكون حنا بالسعودية وهذولا بقية اهلنا " بصراحة حزت في نفسي كلمته وكان فيني ارجع له وارد عليه ويمكن بيدي قبل لساني لكن زوجتي سحبتني وهي تقول ما عليك منهم بعدهم بزارين ، طنشتهم وكملنا طريقنا وصلنا لكولج بارك هنا تذكرت اني نسيت اني اقول لمكان الاثاث ايش صار معي على التوصيل ودخلت لهم وحددت معهم موعد بعد 3 اسابيع ومن عندهم دخلت على داخل المجمع ندور بين المحلات لقيت هناك مكان خطير أسمه دولاراما Dollarama
www.dollarama.com

هذا محل كل اللي فيه بدولار أو دولارين ، مثل محلات أبو ريال أو ريالين عندنا بالسعودية ، وصدقني بتحتاجون هذا المكان كثير ولأشياء كثيرة فحطه في بالك ، اشترينا منه اشياء كثيرة وضرورية ما كلفتنا حتى 50 دولار يا بلاش ، ولما حاسبنا وطلعنا واحنا حاملين الأكياس لاحظت شيء في زبائن المكان ، اغلبهم ساحب معه عربة زي الشنطة ولما يحاسب يحط كل اغراضه فيها ويجرها وهو ماشيء وكنا احنا الوحيديين اللي حاملين اكياس كثيرة بين العالم ، عجبتني الفكرة وقلت لازم ناخذ لنا هالعربة لها فوائد ومأرب آخرى.

للمعلومية فقط ، هنا في تورنتو علة جميع مشترياتك يحسب عليك تاكس أو ضريبتان ، 1- ضريبة المقاطعة +2- ضريبة السلعة ومجموعهما تقريباً 15% من أجمالي مشترياتك ، يعني تشتري أو تأكل أي شيء قيمته 100 دولار راح يكون عليه تاكس 15 دولار ، وايضاً الكيس البلاستيك اللي تشيل فيه الأغراض ليس مجاني لكن سعره 5 سنت للكيس الواحد.

المهم وإحنا نكمل لفتنا إلتقينا بشخص وزوجته بمواجهتنا تشجعت وسلمت عليه وكلمة ورى كلمة وبدأ التعارف بيننا هما كانوا ساكنين في مبنى قريب من مجمع كولج بارك وفيه عدد من السعوديين موجودين معهم بنفس المبنى وصار لهم أكثر من 6 أشهر في كندا ، وطبعا اخذت رقمه واخذ رقمي وكالعادة راح تسمع كلمة " اذا احتجت أي حاجة أخوك موجود " لما تسمعها وهي صادرة من قلب قبل اللسان تعرف قيمة الأخوة في الغربة.

رجعنا على الشقة حطينا الأغراض إلا صاحبنا اللي تعرفت عليه متصل علي يعزمني ثاني يوم عنده بالبيت وقال لي انه كلم جيرانه في العمارة علشان اتعرف عليهم بعد ، ما قدرت اني أرفض عزومته مع انه خجلني بها.

حسيت ان نفسيتي بدأت تتغير كل ما جاء على بالي شيء يضايق قلت بكرة ربك يفرجها وماني لوحدي هنا، وقضينا ليلتنا ( أو بالأصح نهارنا بما ان الشمس لسه ما غابت وكان الوقت في حدود 10 مساء ) على خير علشان دوام بكرة.

صحينا الصباح بدري وخلصنا امورنا ونزلنا قلت اليوم خلينا نجرب تيم هورتن نشوف ايش حكاية الزحمة http://www.timhortons.com
راح تلقى تيم هورتن في كل مكان وين ما تروح في الداون تاون يعني ما بتتعب نفسك وانت تدور عليه ههههه ، دخلنا الكافيه وانا واقف في الزحمة ناظرت الأسعار اللي له فكانت خيالية مقارنة بستاربكس فرق 4 دولار بين الكافي العادي وكل ما كبر الحجم كل ما زاد الفرق هنا وهناك ، يمكن احنا ما نهتم بهذا الفرق لكن بالنسبة للعالم هنا 4 دولار مسألة حياة أو موت عندهم ههههههه وبكذا يجون تيم هورتن لأنه ارخص في كل شيء يبيعه ، طلبنا كافي وكوكيز ورحنا على المعهد ، دخلت على المسؤلة وسئلتها اذا جاها شيء من الملحقية قالت للحين ما جاء أي شيء قلت لها طيب وعلى ما يجي شيء انا شنو بأسوي قلت لي انا فاهمة ومقدرة وضعك لكن هذا قرار إدارة المعهد في في فانكوفر وتورنتو واحنا تقيدنا بهذا ، قلت لها طيب اذا وصل لك شيء ممكن انك تبلغيني على طول وعطيتها رقمي قالت ياه شور آي ول .

طلعت من عندها رجعت على الشقة علشان اشيك على الايميل قبل لا أبدأ معاناة الإتصال مع الملحقية.

.......تو بي كنتينيو<!-- google_ad_section_end -->

وصلت على الشقة شغلت اللابتوب علشان اشيك على الايميل لعل وعسى يكون فيه شيء من عند الحبايب الملحقية العزيزة على قلبي ، طق طق طق مو راضي يشبك النت من الجوال وبعدين معاك بتشبك أو كيف ، ترى مو ناقصك انت كمان ما رضى يشبك قلت مو مشكلة نشوف أي شبكة نشبك عليها وهات يا بحث كل الشبكات مشفرة ، صباحك عسل وسكر يا واد شكله اليوم مثل اللي قبله من بدايته قلت مو مهم خليني أتصل على حبايبي الحلوين طوط طوط طوط مو راضي يتصل الجوال وبعدين معاك مش ناقصك يا حلو ،من باب التشييك على ان الجوال يشتغل أو لا جربت اتصل على رقم المبنى مو راضي يتصل . شوية والا الجوال يغرد بإتصال اناظر في اسم المتصل مكتوب روجرز استغربت ورديت الوو الوو مستر فلان الفلاني يس سبيككنج تراك وصلت للحد الإتماني المسموح به في مراقبة جوالك اللي هو مبلغ 600 دولار واحنا متصلين عليك الحين علشان نعرف كيف بتسدد المبلغ كاش أو دبت أو كريدت ، طيب كيف وصلت للحد كذا وانا كل مكالماتي داخل الشبكة !!! قال لي انتظر اشيك في سجل مكالماتك ....... مكالمات مجانية ضمن الباقة ، مكالمات لونج ديستانس لأتاوا ، انترنت داتا . أوكي ممكن تفهني ليش تحسب أتاوا لونج دستانس يعني اكلم أبعد مدينه في المكسيك نفس ما أكلم أتاوا وهي داخل اونتاريو ؟ قال ايوه المكالمات الداخلية تعني داخل المدينة وليست داخل المقاطعة أو داخل البلد ! حلو وإيش كمان عندك قال انترنت هو المبلغ العالي عندك قلت طيب انا ما استخدمته في داونلود كثير اشياء بسيطة قال لي هذا تتأكد منها لما تجيك الفاتورة بالتفصيل ، تذكرت أني وقعت بالمعلومية بخصوص استخدام الانترنت لما طلعت الشريحة وعرفت الحين ليش الموظفة تأكد علي اني فهمت أو لا (طبعا لما ترجعوا لسالفتي لما طلعت الجوال بتعرفوا ) اثاري الموضوع كبير بخصوص عدم انتباه الكثير لسالفة استخدام الانترنت عن طريق الجوال.
عموما قلت له بأدفع عن طريق الكريدت المسجل عندهم علشان اقدر استخدم الجوال في اسرع وقت ممكن ، قال لي مجرد عملية السحب تكون ابروف تقدر تستخدم الجوال من جديد، فقال لي انا راح اسئلك الحين اذا انت تعطينا الآذن نسحب من بطاقتك وجاوب بصوت واضح علشان يكون ركورد ( تسجيل ) في حالة اي منازعات مستقبلية بينك وبين الشركة على هذا الموضوع ، وسئلني هل تقبل الزواج بها يا فتى ؟ أجل أي دو ، ثانكيو هاف ا نايس دي سير.

وانا انتظر يرجعوا الخط علشان اقدر اتصل ، جلست ابحث بين شبكات الانترنت ، لقيت فيه شبكة مفتوحة تجي وتروح وكان الاسم لها high speed zone أو شيء قريب له ، حاولت اشبك عليها بس لان التغطية ما هي كويسة ما تمسك معاي ، حملت الجهاز وجلست الف فيه انحاء الشقة علشان اصيدها ، عالم محسرة على الانترنت ومحتاجة لها ، ما مسكت معاي الا لما طلعت البلكونه واول ما شبكت عليها الا برنامج الحماية في الجهاز صايد فايروس وشوي فايروس ثاني وثالث ورابع ، قفلت الوايرلس من الجهاز وعرفت ان هالشبكة هوتسبوت HotSpot يعني شبكات مجانية ممكن تلقاها تبع الكافيهات او مطاعم أو مجمعات وان هالشبكة وبما انها مجانية شكلة واحد راسل عليها فايروسات وبكذا أي احد بيشبك عليها يجيه الفايروسات ، لذلك ونصيحة للكل ركب بجهازك برامج حماية اصلية ويفضل انها تكون انترنت سكيورتي وليس انتي فايروس فقط ، وش الفرق بينهم :
1- انتي فايروس = مكافح فيروسات فقط ولا يمكنه صد الاختراق لجهازك من قبل الهاكرز.
2- انترنت سكيورتي = مكافح فايروسات + جدار ناري للإختراق + اشياء زيادة تعتمد على نوع البرنامج.

ابعد عن برنامج كاسبر سكاي ، لأنه بيكون ثقيل جدا على اللابتوب وبيكون سلحفة جهازك في اداءه وايضا لانه مخصص للأدفانس يوزر ، لانه ولقوته يفحص تركيب الملف الواحد وليس كبقية البرامج يفحص الملف كملف واحد.

ماعلينا ، عملت سكان للفايروسات وما تركت الجهاز الا لما تأكدت ما فيه فيروسات فيه . اتصلت على الملحقية بعد ما رجعوا لي الخط وياليل ما اطولك ما احد يرد كالعادة، يعني كل يوم هذه سالفتنا قلق ووجع راس مع الملحقية. قلت خليهم شوي وارجع اتصل مرة ثانية وناظرت في جهازي وجاء في بالي اني اركب انترنت في الشقة وبلا دوخة راس على الجوال والشبكات حقت الجيران، نزلت للسكيورتي في اللوبي حقنا وسألته عن طريقة الانترنت ، قال لي بص بقى يا سيدي العمارة دي متعاقدة مع شركة روجرز بالكامل يعني تلفون البيت / انترنت / كيبل تلفزيون كلوا من عند روجرز ، وجلس يقلب عنده في اوراق وطلع لي ورقة راح طبعها واعطاني صورة منها وقال لي اذا انت تبي تشترك اتصل على هذا الشخص هو المندوب للبناية حقتنا وعطه رقم الشقة لك وهو يرتب لك موعد للتركيب، اتصلت على الرجال انا فلان ساكن في البناية رقم كيت وكيت في الشارع الفلاني وابي اركب انترنت قال لي اي باقة تبي تركب قلت له ايش الباقات الموجودة وكم اسعارها قال لي عطني ايميلك وارسل لك الباقات عليه ، قلت له لو اقدر استخدم الانترنت الحين كنت باتصل عليك من الاساس ، فهمها وبلعها قال فيه فاكس عندك قلت له ايه قال ارسل لك بالفاكس اخذت رقم الفاكس من السكيورتي وارسل لي العروض وقال شوف اللي يناسبك وكلمني علشان احدد معك موعد التركيب، اوكي وقفلت منه.

فيه شركتين كبار في كندا للإتصالات وهم شركة روجرز وشركة بيل ( هذه نفسها شركة بيل اللي الي اخترع التليفون امريكية اساسا وهذا فرعها الكندي) ويتنافسون في كل شيء يخطر في بالك ، تلفون ثابت / جوال / كيبل تلفزيون / انترنت. وعلى فكرة شركة فايدو للجوال هي اساسا شركة فرعية لروجرز وشركة تل اس هي فرعية لبيل ، ومعظم البنايات تكون متعاقدة مع واحدة من هالشركتين وما تقدر تأخد من الشركة الثانية اي خدمة لان البناية متعاقدة معها ، فيه شركات ثانية للثابت وانترنت وحتى كيبل التلفزيون وارخص من هالشركتيبن لكن تعاقد البناية هو اللي يحكم في هذا.

هذا موقع روجرز : http://www.rogers.com
وهذا موقع بيل : http://www.bell.ca

في العرض اللي ارسله لي المندوب عدة اختيارات اذا كنت تبي خدمة وحدة فقط أو باقة تشمل اكثر من خدمة ، يعني باقة تلفون ثابت + انترنت + كيبل تلفزيون أو اي اثنتين فقط . وبالباقة توفر في السعر اكثر من خدمة لوحدها ، فكرت قلت حاليا ما استفيد من التلفزيون لاني ما عندي تلفزيون من الاساس لما اشتري يحلها ربك وبالنسبة للثابت ايش اسوي فيه وانا معظم اليوم ما راح اكون موجود في البيت وعندي جوالي !! يعني ما لي الا انترنت بس حالياً واتصلت على خوينا وحدد معاي الموعد بعد اسبوع قلت له يا قلبي ما فيه قبل الاسبوع انا محتاجه أز سون أز باسيبل قل لي نقدر نركبه لك اليوم لكن تدفع مبلغ 50 او 70 دولار مش فاكر بالضبط ، قلت له لك 100 دولار بس ركبوه اليوم. قال لي خلاص اخذ معلوماتي ورقمي وقال لي من الحين لغاية الساعة 3 العصر بيجي لك الفني يركب الانترنت لك وعطاني فكرة سريعة عن الاشتراك ، اذا كنت تبي تاخذ كل شيء من عندهم فهناك مودم للكيبل وراوتر تستأجرهم الشهر 3 دولار للواحد بالإضافة لسعر الباقة + التاكس .

أوكي مقارنة سريعة بين بيل وروجرز ،

بيل : الانترنت عندهم DSL مثل اللي في السعودية واعلى سرعة 16 ميجا واعلى استخدام شهري للبيانات هو 75 جيجا ويعطونك راوتر لاسلكي مجانا بإضافة الى 10 ساعات اتصال دايل اب مجانا .

روجرز : الانترنت عندهم كيبل واعلى سرعة عندهم 50 ميجا واعلى استخدام شهري للبيانات هو 175 جيجا وتستأجر من عندهم مودم الخاص بالكيبل ، ولك الخيار استأجار أو شراء راوتر سلكي / لا سلكي من عندهم أو من اي مكان مثل بست باي او فيوتشر شوب .

لتوضيح الصورة اكثر ، استخدام الانترنت هنا يعتمد على الداتا ترافيك داونلود وابلود ( ارسال واستقبال البيانات) وهذا المقصود به الاستخدام الشهري للبيانات اذا تجاوزت الحد المسموح به في باقتك يشرجون عليك بالميجا بايت ووممكن تدفع اكثر من المبلغ الشهري بسبب الزيادة . الكيبل افضل من الدي اس ال حتى وان كانوا نفس السرعة.
اذا بتشترك عند روجرز لا تاخذ الراوتر من عندهم اشتريه من بست باي ( Best Buy) افضل لك لانك بتلقى انواع كثيره وباسعار مختلفة ، بالنسبة لي انا رجعت عليهم الراوتر لاني ادفع عليه 3 دولار شهريا واشتريت راوتر لاسلكي 59 دولار (Linksys) لاني اشوف كل الجيران يستخدونه وايضا نصحوني به بعض الشباب اللي مجربينه
فيه انواع طبعا G ، N وهذه تفرق في التغطية وسرعة ارسال واستقبال البيانات اللاسلكية برأيي ما تحتاجوا N الا اذا كان جهازك الوايرلس فيه N وغير كذا اخذ G.

المهم، ساعتين زمان الا متصل علي الفني حق روجرز سئلني انت فلان وطالب تركيب انترنت قلت له ايوة قال لي انت عمرك فوق 18 قلت يستهبل ذا قلت ايوة قال اوكي انا في يجي خمسة دقيقة ، 4 دقائق الا هو يطق باب الشقة دخل وصل الكيبل من الأوتلت للمودم وكيبل LAN من المودم للروتر وقال لي اشبك بكمبيوترك بكيبل LAN للراوتر شبكته قال فيه انترنت قلت له ايه قال تعال عبي البيانات ووقع ، عبيت اسمي وعنواني ووقعت قال فممان الله ومشى ما اخذ حتى 10 دقايق!!!!! آه وآآآآه يا شركة الاتصالات في السعودية ، شبكت الطابعة على الراوتر وضبط الوضع وجلست اشيك على الايميل ما لقيت شيء من الملحقية قمت ورسلت ايميل لهم لعل وعسى يجيني رد وانا انتظر كنت احترس ( يعني ابحث بعنف واستكشف ههههه) في الجوال ودخلت على الاعدادات حقت الشبكة واننتبهت لشيء خطير خطير جداً اكثر خطورة من انفلونزا الخنازير المنتشرة في العالم.......<!-- google_ad_section_end -->




امممم مليتوا من موضوعي والكلام اللي فيه !!؟

كل ما بين فترة راح احاول اني اطلعكم من جو القراءة الى الوناسة وليس بالتخيل فقط ولكن بالمباشر عبر الاقمار الصناعية ، علشان تعرفون الاماكن اللي اتكلم عنها على الطبيعة .

طيب شرايكم الحين أخذ بكم جولة سياحية في شوارع تورنتو الداون تاون

اليوم راح نتمشى في شارع يونق ( yonge ) ابتداء من تقاطع يونق مع بلور ( Bloor ) ونازلين على الجنوب الى بحيرة اونتاريو . هاه عندكم لياقة تتمشون ؟؟ اوكي لا، لا اوكي بسرعة قبل لا نمشي ؟ خلاص نمشي وامرنا لله .

اولاً ادخل على الجووجل ماب من هناhttp://maps.google.ca/maps?hl=en&q=&...160.86,,0,2.03

تعليمات الجولة :

انت الحين في قلب التقاطع امامك الجنوب يسارك الشرق يمينك الغرب وخلفك الشمال .

1- علشان تتمشي خلي الدائرة على الشارع ودبل كليك علشان تروح لمكان الدائرة

2- اذا كنت تبي تشوف المحلات على جانب الشارع ضع المواس عليها ولما يطلع لك المربع دبل كلك

3- في الزاوية فوق اليسار بتلقى ادوات الزوم تقريب/تبعيد وايضا لدوران 360 درجة للصورة بختيارك للأسهم

4- اذا قلنا يمين فهو يمين وانت متجه للجنوب ونفس الشيء لليسار وانت متجه للجنوب. هاه تذكر مضبوط لا تضيع وتوهقنا

خلاص فهمنا التعليمات ، يالله اربط خيوط الجزمة ( الله يكرمكم) واتمشي معاي :


اذا اخذت لك لفة دائرة وانت في التقاطع راح تشوف خلفك على يمينك مبنى بنك CIBC وهذا اكثر بنك يمدحونه تفتح فيه حساب لانه اول من ينزل المكافأة ومقابله بنك RBC للأمانة ماقد دخلت عندهم ولا اعرف شيء عنه .

ما علينا من البنوك نمشي باتجاه عكسي للبنوك يعني خليها خلفك وامشي لقدام، محلات ملابس على يمينك ابتداء من اللي عليه مظلة خضراء هذا محل حق بدل رسمية وقمصان ونك تاي اخذت لي منه كم نك تاي لاني نسيت ما جبت من السعودية للبدل اللي عندي ، اسعاره معقولة لكن وقت التخفيضات وعرضه الدائم طول الوقت اللي مكتوب على الواجهة له بدلتين بقيمة وحدة مش بطال.

نمشي شوي قدام نعدي سيارة التاكسي ونطول عند سيارة التاكسي الثاني تلقى محل( ليه شاتو) محل رجالي نسائي محل حلو واعتقد ان فيه في السعوديه وبضاعتة حلو لكن في التخفيضات .

نمشي قدام شايفين المحل اللي لوحته صفراء ( food court ) ما عليك منه اللي جنبه هو فلافل هاوس اول مكان اكلت فيه شيء عربي في كندا غيروا لوحتهم من احمر للي تشوفونها الحين ، كبر الصورة على المحل شايف اليابانية كيف تطالع في اعلان الشوربة اللي بـ99 سنت ، هنا يموتون ويشوفوا شيء اقل من دولار هههه، دقق خلف الأثنين بتشوف حاطين صور للوجبات اللي في المطعم في حال انك ما تعرف اساميهم ومكتوب عليهم اسعارهم فوقهم مكتوب ان اللحم عندهم حلال انتبهت لها ؟ اما اللي مكتوب في الجهة الثانية فهو اعلان يطلبون معلم شاورما عربي اذا لك نفس تشتغل عندهم

نمشي شوية قدام على يسارك محل بيتزا االاخضر ، المحل اللي جنبه محل حق ادوات المطبخ من الى لكن اسعاره احس انها مبالغ فيها مع ان الكواليتي كويسة بس برضوا مبالغ فيها ، عموما فيه كم شغلة قضيتها من هنا لاني ما لقيتها في اماكن ثانية . المحل اللي جنبه عيب تطالعون فيه ولا تركز الصورة عليه سامع يا واد . ويالله امشي قدامي

على اليمين تلقى كنتاكي بصراحة اكله غير شكل مختلف تماما عن اللي في السعودية في طعمه وما اعتقد انه راح يعجب الكثييرين منكم ، وعلى فكرة المطاعم هذه تختلف من فرع لفرع ممكن تلقى اثنين او ثلاثة جنب بعض ويكون طعم الاكل فيها مختلف تماما لانه كل فرع يكون بادارة مختلفة. جنبه بنك Canada Trust TD

نطول ونوقف في وسط التقاطع وناخذ لنا برمة 360 درجة علشان تشوف شنو حواليك ، على يمينك نفس المبنى حق البنك تشوف على البوابة لوحة محل دولاراما بالأخضر والأصفر وقلنا هالمحل تحتاجه كثير بسبب ان الاشياء اللي فيه لاتتعدى قيمتها دولارين احفظ مكانه زين لأنه فيه غيره قدام ، في الجهة المقابلة على اليسار فيه ماكدونالدز وجنبه ستاربكس. هذا التقاطع هو يونق/شارلست ( yonge/ charles ) في الزاوية المحل اللي لوحته حمراء هذه الصيدلية ( Shoppers Drug Mart ) اكبر من السوبرماكت عندنا وهذه بتلقاها في كل مكان واكبر من كذا كمان زي صيدليات النهدي في كل شارع .

نطول قدام ، تلقى على يسارك سينما ما قد دخلتها ، بس من شكلها انها بوطقة وما اشوف احد يدخلها .نطول لين التقاطع على اليسار هذا حلاق هاوس اوف لوردز ( house of lords ) كل ما امر عليه اقول نفسي احلق عنده لكن حلاقته توصل الى 50 دولار فأهون ههههههه خلينا متفرجين فقط ، وعلى العموم هو من اغلى الحلاقين في الداون تاون لكن حلاقته على اصول.

نطول لين نوصل تقاطع يونق / اروين على اليمين ( yonge / irwin ) المطعم اللي في الزاوية يامييز هذا مطعم تركي شكله خطير لكن مثل ما تلاحظون ما فيه اي كلمة حلال في المحل ولما سئلته قال ايه حلال لكن ما تطمنت له ولا اكلت عنده .

نطول على اليمين بيجي لك محل صغيرون لوحته الحمر والاصفر اسمه zam zam هذا محل واحد باكستاني ، هذا يبيع شنط وانا اشتريت من عنده اكثر من شنطة ، شنطة ظهر وشنطة ماسنجر وكم شغلة يعني لزوم التمشية تحتاج شنط على ظهرك مثل ما تشوف العالم في الشارع ، المهم هذا الباكستاني خوينا من دخلت وشاف حجاب زوجتي قام فز على حيله مع انه كبير في السن اسلام عليكوم انتا من فين صديق قلت له السعودية شق حلجه قال هذا شركة مال انا اسم زمزم علشان انا في حوب ساعودية كتير والله هههههه ، المهم لقيت فيه شنطة كنت باخذا من اينت سنتر بقيمة 89 دولار اخذتها من عنده وكان عليها تخفيض 49 دولار .

نطول للتقاطع على اليمين يونق/ساينت جوزف (yonge / st joseph ) على فكرة اذا كانت (st) قبل الاسم فهي ساينت يعني القديس او القديسة ، واما اذا كانت بعد الاسم فهي تعني ستريت شارع ، هذا مطعم بايتا كيو اللبناني اللي تكلمنا عنه اللي صاحبه اسمه نزيه ، وهذا المكان اللي بتلقى فيه شيشة على شارع يونق .

نكمل قدام لين نوصل لتقاطع يونق / ويزلي ( yonge / wellesley) مثل ما تشوف ستاربكس على اليسار ، واذا دخلت يسار بيجي لك محل روجرز بلس ( اشتراكات ومبيعات + تاجير افلام والعاب + اشياء ثانية) وبعده تجي محطة سب وي ويزلي.


اوكي احنا ابتدينا مشينا من محطة بلور/ يونق تقريبا الى محطة ويزلي مدة المشي تقريبا من 5-7 دقائق وبالسب وي تقريبا دقيقة ، وشفنا فيها بعض المحلات اللي ذكرتها سابقا في كلامي على الطبيعة.

ان شاء الله بين الوقت والثاني راح نتمشى من محطة لمحطة وتتعرفون على الشوارع .

في الاخير اذا ما كانت فاهم اي شيء من اللي صاير فوق فاعرف انه جووجل ماب بالصور ما اشتغل عندك ، كيف تشغله ؟ ادخل على جووجل ماب وفعل خاصية street view علشان تفهم الطبخة اللي اتكلم عنها<!-- google_ad_section_end -->

















الجواب .....


مرحبا أختي ندى الورود،

لا تضحكِ ولا تستغربي اذا قلت لكِ انه صار لي في كندا بس شهر واحد فقط !!!

واعتقد ان هذه المدة ما تخليني خبير في سالفة القبولات في الجامعات الكندية ، لكن انا اقول اللي اشوفه أو شفته أو أو اسمعه أو حصل لي هنا خلال هذه المدة القصيرة.

قبول البكالريوس اسهل من قبول الماستر ، ولما تسمعي او تشوفي احد يقول قبول صعب فـ90 % انه يقصد ماستر مالية أو إدارة وما إلى ذلك من تخصصات فرعية والسبب متطلبات هذه التخصصات من نتيجة التوفل أو الأيلتس أو الجيمات ، الجيمات خاص بالتخصصات المذكورة طبعاً وهذا لوحده عائق عند الكثييرين وما ادري عن بقية التخصصات شنو متطلباتهم ، وايضاً قلة الأماكن المخصصة لكل تقسيم في الدول ، يعني جنوب امريكا شرق اسيا الشرق الاوسط شرق اوروبا غرب اوروبا وهكذا، ويمكن الشباب اللي دارسين في الجامعات يفيدونا عن هذه النقطة اذا كانت صحيحة.

ومع هذا كله الموضوع تسهيل وتوفيق من ربي قبل اي شيء ثاني ، اليوم كنت اسئل عن المتطلبات وطرق اجتيازها مع بعض الشباب المبتعثين ، قال لي واحد من الشباب ان خويه قُبل في جامعة تتطلب نتيجة 600 توفل على الاقل وجيمات ما اذكر كم بالضبط لكن نسبة عالية ، قُبل في الجامعة بدون ما يطلبون منه اختبار جيمات أو توفل حتى المقابلة الشخصية كانت على التلفون!!! وهذا على ذمة اللي سمعت الكلام منه دامه حلف لي. وايضا سمعت انه فيه عدد من المبتعثين صار لهم نفس الشيء لكن بمقابلة شخصية أو شيء من هذا القبيل.

أيضاً اذا كنتِ موظفة ولكِ سنوات خبرة في العمل هذه نقطة تحسب في صالحك في القبول للماستر.

بشكل عام خيتو ، مشكلة كندا ليست نابعة من صعوبة القبول فقط وليست من صعوبة الدراسة وليس من المعيشة والتأقلم ولكن من عدم اهتمام الملحقية الثقافية اللي ما تدري عن حال العالم المبتعثين وخصوصا الجدد ، الكل يشتكي منهم قبل ما يشتكي من القبولات. وجاي دور الملحقية في قصتي.

من ناحيتي انا بينت لكِ اختي ندى الورود بعض الأشياء من وجهة نظر وأنصحك انك تشوفي بقية المواضيع أو الردود لكي تلقين اجابات كافية ووافية ، هذا مستقبلك وما راح ينبني على مشورة شخص او اثنين أو يتغير بسبب سالفة حصلت لواحد أو اثنين، و بكرة تتحسبي على ستلثي ومنتدى مبتعث .

اسئلي البنات اللي معاك بالبعثة ليش اختاروا أيرلندا ، يمكن اسبابهم اكثر اقناع انك تحولي لها من كندا، وفي النهاية استخيري الله واللي مكتوب لكِ راح يصير.<!-- google_ad_section_end --><!-- google_ad_section_end -->