البدوي سيحلق لمكم<<< البدوي زعلانن عليكم بالحيــــــ:(ـــــــــل

و هذا من المنتدى بعض الاراء تلقاها بالردود

http://www.mbt3th.us/vb/forum90/thread77507.html

http://www.mbt3th.us/vb/forum108/thread66675.html

http://www.mbt3th.us/vb/forum108/thread39584.html

هذي تجربة لاحد الاخوة
منقول من منتدى العرب المسافرون



░░▒▓████◄تجربتي مع مدرسة Ef ، تاريخية لن أنساهاًً►████▓▒░░ <hr style="color: rgb(209, 209, 225); background-color: rgb(209, 209, 225);" size="1"> <!-- / icon and title --> <!-- message -->
<!-- 13/8/2009 by ZiNc --> <!-- --> <script type="text/javascript"> var tmp; tmp = document.getElementById('NewsBoxflag'); if(tmp) { if(tmp.value == 0) { tmp.value = 1; document.write('<' + 'inp' + 'ut id="NewsBoxArab2" style="border-style:none; height:0; width:0;" />'); document.write('<' + 'di' + 'v id="NewsBoxarab" style="margin: 0pt 0pt 5px 5px;float:left; clear:none;">'); document.getElementById('NewsBoxarab').innerHTML = document.getElementById('arabybox').innerHTML; var km_referer=''; jsFile="http://www.arabysyndication.com/script/adRequest.js?adSpaceAuth=AQoz6tZJGBjyGkuJE70tRo%24 wsnYM6wWpkTLr7ypPSTZw&category="+OAS_sitepage+"&re ferer="+km_referer+"&tc=853A5B&dc=000000&lc=FFFFFF &bgc=B1CADB&brc=D5D5D5&brz=0"; document.write('<' + 'scr' + 'ipt type="text/java' + 'scr' + 'ipt" src="' + jsFile + '"></' + 'scr' + 'ipt>'); document.write('<' + '/' + 'di' + 'v>'); } } </script><input id="NewsBoxArab2" style="border-style: none; height: 0pt; width: 0pt;">
السلام عليكم و رحمة الله و بركاتة

في البدايه ... ودي ابين لكم ان الموضوع يتكلم عن معهد EF في كندا، تورنتو .. وأن سبب طرحي لهذا الموضوع .. والذي يعلم الله اني ماحطيته لتعصّـبي لمعهد ثاني .. أو عنصريه او غير هذا .. ولكن الله يعلم ان السبب الوحيد هو الموقف او بالأصح المواقف اللي واجهتها من هذا المعهد والمدير الطلابي حقهم .. وبعض المدرسين .. ومبناه .. وعوائلهم .. ومن خلال ذكري لبعض المواقف راح تعرفون ليش انا كتبت هالموضوع ..




اول شي احب اقولكم ان ممكن وجهة نظري هذي يختلف معي

فيها بعض الاعضاء او كلهم .. ولكن الحق يقال .. إن المعهد هذا احسن مافيه مديرتهم " تيريس " فقط !! بأخلاقها وابتسامتها بس .. والباقين فاشلين ..


وبتكلم عن الموضوع على شكل نقاط ..


أولاً: من ناحية الاداره:

الادارة سيئه للغايه ، خصوصاً المرشد الطلابي الخبيث ابو شعر الشايب "ريتشارد" << اذا ماني ناسي اسمه ..
ومدرّسينه اللي كل اسبوع يتغيرون .. ونفوس المدرسين وتشددهم .. و قطّـات (بعض) المدرسين على المسلمين ، واذكر انهم حتى عرضوا مادّه مسجّـله بالفيديو تتكلم عن المسلمين بشكل غلط .. ولكن للأسف ماقدرت ارد على الاستاذ وقتها لأن الحصّـه انتهت وقت العرض وبعد كذا اجتمعوا عليه الطلاب وقلت بكلمه بعدين ، ونسيت << والله مهب خوف ياجماعه بس نسيت



ثانياً: من ناحية العوائل:

المدرسه من هالناحيه اقولكم اياها على بلاطه "نصّـابين" بشكل ماتتخيلونه .. ويتلاعبون مع الطلاب وكأنهم يلعبون مع بزران ... لدرجة اني والله العظيم ماأواجه طالب الا وعنده مشكله في البيت .. أما انه ساكن مع 12 الى 18 طالب في نفس البيت وحمام واحد فقط في البيت!! .. أو ان العائله تبعد مدة ساعتين عن المعهد .. او ان البيت مافيه مكيّـف وتخيس في الحر .. أو ان العائله شديده مره .. يعني لاتروح لاتجي .. لاتسوي .. أو ان الأكل الله يعزّ النعمه ماينوكل .. ويطبخون على كيفهم العائله مهب على كيفك .. أو ان العائله من جنسيه هنديه او بنقلاديشيه او مكسيكيه أو فلبينيه بحت ( وانا جربت عائلتين وكلهم فلبّـن .. والله وبدون فخر اني اتكلم انجليزي اطلق منهم يلعن ابو شنباتهم "اذا فيه شنبات" ) ... ولمّـا كلمتهم قلت انا قلت لكم ابي عائله كنديه .. قالوا هذولا كنديين بس اصولهم فلبينيه .. وانت ماقلت ابي اصول كنديه !!!!!!!!!!!!!!!!!!!!!!!!!!!!!!!!!!!!!!!!!! << يعني نصب عيني عينك .. زين بعد ماطلبتهم بالأسامي !!


ثالثاً: من ناحية المبنى:

اما المبنى فحدّث ولا حرج .. تقريباً 7 او 8 فصول .. مساحة الفصل يمكن 4 في 4 << مبالغ في المساحه ترى عشان ماأظلمهم .. وبالصيف كان فيه تقريباً حوالي فوق ال 1000 طالب من انحاء العالم !! .. وصارت مشاكل في العوائل بعد واللي مالقوا له عائله .. واللي مسكين انلطع ليله او اسبوع في فندق او موتيل على ماحصلوا له عائله .. واستأجروا مبنى ثاني .. وهذا ان دل انّـما يدل على سوء الترتيب وحرصهم على الفلوس أكثر من مصلحة الطلاب ..


رابعاً: من ناحية المدرسين:

المدرسين فاشلين بمعنى الكلمه .. كل اسبوع المدرس متغيّـر .. خصوصاً في الصيف .. والله اني اذكر اني كل اسبوع اشوف وجه جديد .. وهذا يضر بالطالب ومستواه .. يعني يكون المدرس او المدرّسه عارف مستواك .. بعدين يتغيّـر ويجيك واحد جديد ويقدّر مستواك من جديد .. وكذا تنقع في المستوى الواحد شهر وزياده .. ولا يهتمون بالطالب أبد .. أذكر معي وحده يابانيه جلست في المستوى السادس 4 شهور !!!!!!!!!!!!!!!!!!!!!!!!!! اربع شهور معقوله؟؟؟؟؟؟؟؟؟؟؟؟؟؟؟؟ والله لو انها ايش كان فهمت .. ولمّـا جيت اتكلم مع المدرّسه اني ابي اسوي اختبار انتقل للمستوى السابع .. قالت لي اوكي بنقلك انت وفلانه .. مع اني اشوف فلانه ( اليابانيه ) مهب مؤهّـله للمستوى السابع اللي هو تقريباً خلاص اخر مستوى .. لأن السابع والثامن مدموجه مع بعض وهي المستوى الاخير .. قالت مهب مؤهّـله .. بس لازم ننقلها لأن لها 4 شهور في السابع وهذا مسبب احراج لي ولزملائي اللي درّسوها من قبل !! .. يعني بس خذوه فغلّـوه !!.. المفروض يكون فيه كورس تكثيفي لها .. معرفة نقاط الضعف عندها اذا في القرامر او الرايتنق .. وتكثيف الدروس عليها .. عشان تتجاوز نقطة الضعف هذي .. وقبل لا أرجع السعوديّـه .. قابلت اليابانيه في مكان .. وسألتها وينك فيه مانشوفك لأني فاقدها بالكلاس .. قالت جلست اسبوع في المستوى السابع وحسيّـت اني ماراح امشي .. وغيرت المعهد لأنه معهد فاشل وانواع السب والخربطه فيه ..


خامساً: من ناحية مدير الطلاب الخبيث ريتشارد!:

يمكن بعضكم يقول في نفسه ليه خبيث مره وحده .. انا اقولكم ليه .. أول شي لازم تعرفون ان فيه نسبة غياب في المدرسه اذا غبت اكثر من 20 بالميه من مجموع الحصص .. ماتاخذ شهادة وترجع حافي القدمين واليدين والركبتين << وش دخلها هذي؟


في مره من المرات .. كان عندي محاضره وقت صلاة الجمعه .. وجيت اكلمه فيها عشان يكنسلها او يغير وقتها لي .. ومستعد انه يخليها في اي يوم حتى لو يكون اليوم هذا ظغط علي .. بس اهم شي اروح اصلي .. ولا يحسب علي غياب .. وشرحت له ان صلاة الجمعه غير عن باقي الصلوات .. وانه لازم نجيها بدري على الاقل ربع ساعه قبل دخول الامام للخطبه .. وقال لي بما في معناه: اعرف ان الصلاه مهمه عندكم .. لكن هذي مهب مشكلتي .. تبي تروح تصلي روح صل .. لكن انت محسوب غياب !! .. قلت ليه غياب ياخي انا معي عذر ومن حقي اني اغيب .. ولو على موتي لازم اروح اصلي .. "وشرحت له عن اهمّـية الصلاه علّـه يقتنع" .. الرجال رافض الفكره .. والسبب ايش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يقول لي: قد سمحنا للطلاب المسلمين يروحون يصلون .. وبالاخير نتفاجأ انهم جالسين بالصاله حقت المدرسه "مساحتها 10 في 4" << مبالغ في المساحه بعد .. المهم .. يقول يوم عرفنا انهم مايصلون صرنا نحسبهم غياب ولانسمح لهم يغيبون "طبعاً أكيد ان الطلاب هذولا على خطأ، لكن مايعاملني مثلهم ولا لي دخل فيهم" .. قلت له ان سويت زيهم لاتحسبني غياب بس .. اطردني من المدرسه ان بغيت .. قال لا !! ..

قلت يمين يسار؟؟؟؟؟؟؟؟؟؟ قال لي بكل خبث .. لو انك مريض .. او عندك مشكله .. هذا عذر ويمكن نسمح لك تغيب.. دريت ان مافيه فايده .. قلت ماينفع معكم .. انا قبل لا أجي هنا سمعت انكم تسمحون لنا نصلي .. اشوف الدعوه غير .. وانا اعرف اكثر من 20 معهد يفضّـون يوم الجمعه للمسلمين .. مهب بس يعذرونهم .. الا يفضّـونه .. والحين انا ماأبي تعذرني ولا شي .. هات فلوسي وخلني اروح اشوف لي معهد اصرف لي منكم .. قال انا ماعندي شي كلم مديرة المدرسه .. قلت اكلم مدير EF نفسه مهب مديرة المدرسه عادي .. قام راح يناديها وتأخر يمكن ربع ساعه .. وبعد ربع ساعه جات المديره وهي تبتسم ومدري وش .. وايش المشكله يابو سبله عسى ماشر؟؟؟؟؟؟؟؟؟؟؟؟؟؟؟؟ قلت الظاهر ان ريتشارد قال لك السالفه .. قالت ايوه قال لي .. ليش معصّـب انت .... وتعيد الكلام اللي قاله الخبيث ريتشارد بخصوص الطلاب السعوديين اللي مايصلون .. قلت انا غير مالي دخل فيهم اللي مهب مصلي مشكلته .. لكن انا ابي اروح اصلي .. والحين خلاص ماأبي شي .. ابي فلوسي وبس .. قالت لا يابوسبله مهب هذا الحلّ .. انا اظبطك ماعليك .. وان شاء الله مايصير خاطرك الا طيب .. وتسوي نفسها انها تشيك على غيابي .. واني اذا غبت جميع محاضرات يوم الجمعه خلال مدة دراستي باخذ شهادة ولا لأ .. وبالاخير قالت .. بيرفكت!! يعني بلهجتنا .. مظبوط .. لو غبت كل ايام الجمعه الباقيه .. يصير غيابك 96% .. وهذي نسبة ممتازه وتاخذ شهاده .. وتقدر تغيب كل ايام الجمعه .. عاد انا حسيت بطعم الانتصار .. قلت انا ماأبي يوم جمعه ولا شي .. ابي فلوسي .. قالت طيب لقينا لك حل ثاني .. وتهرج على راسي ( والمديره طيّـبه مرّه .. تحرجك بكلامها) << مهب حلوه ترى عجوز

قلت في نفسي خلاص ياولد لاتكثّـر الهرج وتجيب العيد ويطردونك وتوهّـق .. قلت خلاص اوكي بس ريتشارد هذا مابيه يتدخل فيني .. قالت خلاص اللي تبيه تعال وقولّـي وانا ارتّـبك .. قلت خلاص تمّ .. وعزمتني على العشاء وحلفت انها ماتسوي شي << مهب بسيط في بر النعيريه ابو الشباب

وهذي السالفه كلها ........................ انتهت


وفي الأخير .. أحب أقووووووووووووووووووووول لكم .. ان اللي يشوف ان كلامي خطأ .. أرجو انه يعلّـق عليه .. والله هذا اللي انا شفته من مدرسة EF في تورنتو، كندا .. ولو بروح ثاني مره بدرس في معهد تبع جامعه .. او مهب لازم اروح !!!!!!!!!!!!!!!!


اخوكم كريم سبله ..

جزاكـ الله خير
أنا كمان بنفس المعهد وافدتينا بصراحة أخت فيزيائية
بس اغلب التجارب لفانكوفر..مافيه تورنتو؟
موفقة..وموفق ياأخ طفشان

جزاك الله الجنة غاليتي

تجربة الاخ كريم سبلة كانت في فرع تورنتو
بس واضح انة متضايق منه كثير
و تجربتة كانت من 2006
و الحين احتمال تغيرة هيئة التدريس و الادارة


ان شاء الله تكون تجربتكم مع ها المعهد ممتازة
و الطالب/ة لهم دور رئيسي في التعلم
ادرسوا اول بالول و خلو لكم دور فعال كطلاب بالمعهد

و بالتوفيق لكم

هااه طفشااان الى الان سالفه البدو ولا خلصت هههههههههههههههههههههههه
الله يوفق الجميع وحبيت اجي اسلم عليكم <<بيجلده طفشان هههههههههههههههه<<<يقول كني رجعت السالفه