الكرتون صار احسن مني :D

طيب اوك يابنات خلاص عندي اختراع جديد وللسعوديات وللمبتعثات خاصة العباية السحرية التي تجعلكي غير مرئية عند شعورها بوجود سعودي حولك

ياقلبي الزمن هذا جرحني وانتي ماتدري يخونوني تضيق الدنيا في عيوني ولاتدري واقول ال اه اه اه وتقول البنات الله وماتدري

ياقلبي شوف هالدنيا تعبت من كلام البنات ومابقي حيل اعشم حالي واتصبر وباقي بنات يتكلمون وكل ماله يزيد جرحي زود

درو كل البشر فيني وياقلبي انت ماتدري كأنك عايش لحالك مع انك عايش في قلبي

و الله ضحكتني..حسيت (نفسك كرتون)...طيب أسمع هذه الحكاية حصلت لما كنت في معهد اللغة

في طالب سعودي كان في كلاس اللغة..و المعلمة قالتلهم كل واحد يمر على الموجيدين في الكلاس و يسألهم سؤال...وفي كانت بنت سعودية..لما وصل لغاية هذة البنت سألها أظن إيش تبغي تدرسي..? أول مرة ما ردت ..ثاني مرة قالتلوا أنا ما أبغى أتكلم معاك.. سابها الولد متعجب من موقفها...ثاني يوم جابت البنت زوجها في الكلاس و أشرت على الطالب السعودي و قالتلوا هو دا إلي عاكسني أمس.

good luck

متابعه انا بصمت

بس الي فوووقي قويه بلمرره طب هي البنت ماكان مفروض كمان تمر على الكل يعني فاهمه السالفه

بس الشره مو عليها على الي متابعها وجاي معها

هههههههه
موضوع مضحك بصراحة
انا ماشفت هالشئ شفت اصلا فيه شباب الشباب نفسهم يتجنبون يتكلمون معهم فمابالك بالبنات!
لكن الله يستر على المسلمين ويهديهم اجمعين
لكن الحياة مبدأ واللي عنده مبدأ مايهمه أحد يعني لو سعودية زوجها أو أخوها ماهو فيه ولظروف طارئة احتاجت جيرانها أكيد ماراح تكلم الاالجار السعودي وهذا اللي شفته الحمدلله يعني الناس لسى فيها خير حتى الشباب اللي مو مرة محترمين يحترمون البنات المحترمة
والبنت اللي تلف وتدور معروفة وقصة سيدنا يوسف عليه السلام معروفة ومعروف كيد النساء خلقه الله واستعظمه

والله شكلي بفتح يوميات مع بنات المعهد حقي هو وحده من ثنتين يانهم يعتبروني كرتون فعلا او انهم يعتبروني سعودي ذو نوايا خبيثه ههههههههههههه


ابوخمسه موضوعك عندي <<شفره بيني وبين احزان مدفونه مدري وش اسمك ياشيخ رح غير اسمك يابطل ههههههه



عموما اشكركم جميعا وردودكم كانت جيده جدا لكن عندي سؤال لمعشر الستات <<بينجلد
لو مافهمتي بعض الكلمات هل ترجعين لشاب السعودي المتواجد بنفس الكلاس ولا بتقولين خلني اكتبها واذا طلعت اشوف اي بنت واسئلها <<<ممكن تقولون سؤال غبي لكن مدري حسيت انه سؤال في محله

ودمتم سالمين على قوله ابوخمسه <<< خله يشوفك والله يانك بتنجلد هههههههههههه

السبب واضح وهوة ان البنات غالبيتهم يعرفون ان الشباب السعودي يحب يستعرض عضلاتة ونواياهم غالبا سيئة جدا
بقول لكم موقع صار معي وانتوا احكموا
مرة كنت بالسكاي ترين وبعد محطتين تقريبا دخلوا اربع شباب سعودي وكان المكان زحمة وانا واقفة جنب الباب وبصراااحة كان الموقف بااايخ يعني انا واقفه تماماا في وجه واحد منهم والمكان زحمة وكان معاي السترولر تبع بنتي فغيرت مكان السترولر وصارت بيني وبينهم
يعني اساسا حتى لو ماكان سعودي كان سويت نفس الحركة بس للاسف واحد منهم غبي وحزت هالحركة في نفسة مع انه لو اختة او زوجتة المفروض يتوقع منها نفس الشي
طيب وش تتوقعون كان تصرف الشباب السعودي المؤدب ؟؟
بكل وقااحة قام واحد منهم يقول على فكررة ياشباب شفتوا كيف هنا كيف كل شي يتغير؟؟ مسوين فيها هناك عبايات ومدري وشو وهنا خلاص شفنااااهم ؟ شفت يافلان؟؟لااااااا ومسوين مؤدبات ؟ علينااااااا ؟ وضحك وكلام سخيف بصراحة والله عمري ماتوقعت سعوديين يسوون هالحركات
الموهيم تعليقات بصوت عالي كلها موجهه لي والناس قاموا يطالعوني!! بالله تخيلوا الموقف
يعني كان عندي حلين : الاول اني اتهاوش وياهم بس بصراحة ماتسوى علي لانهم مايستاهلون احد يعطيهم وجة
والحل الثاني اني في اقرب محطة وقف فيها القطار نزلت عشانهم وعشان قلة ادبهم
طيب على الاقل وين شهامه وادب واخلاق العرب ؟؟ قسم بالله دعيت عليهم وعلى اللي رباهم من كل اعماق قلبي
يعني اذا كانت هالنوعية موجودة وبصراحة قلة من السعوديين اللي قابلتهم كانوا فعلا اشخاص مسئوولين ومحترمين
احسن حل في نظري الباب اللي يجيك منه ريح سدة واستريح

والله ياختي ام ايلان ارجع واقول اصابعك مو سوا هذي شريحه من الشباب السعودي وليس الكل
عموما حركه وقحه منهم يعني في احد يشوف ايلان <<صح اسم بنوتتك ايلان ههههههه الله يخليها لك ويخليك لها يارب

عموما اشكرك اختي ام ايلان ع طرح موقفك واتمنى لك ايام حلوه وسعيده مع ايلان<<هاه اخطبها لخوي الصغير هههههه<<يوه حركات شيبان
الله يخليها لكم

مخربها صحيح كلامك بس لمة اشوف ناس من هالنوعية ليش اكلف نفسي حتى ارد على سعودي او اتكلم معاه وانا في النهاية مااضمن ردة فعله او هل من الممكن يكون انسان مسؤؤل او لا

هناك عدد كبير سواء من الشباب او البنات السعوديين لايعرف كيف يتعامل مع الجنس الاخر لانه وبكل بساطة عاش في بيئة لاتعرف معنى هذه العلاقة ولاتعرف كيف هي لغة التواصل بينهم !!!
لاااتحدث عن علاقة السعوديين بالسعوديات فقط , بل عن التواصل مع الجنس الاخر بشكل عام .

اتمنى كما يكون هناك تثقيف من قبل الوزارة لجانب الجامعات والدراسة في الخارج واعطاء دورات في اللغة , يكون هناك تسليط للضوء على كيفية التعامل مع الطرف الاخر بشكل خاص , واساليب الاتصال بشكل عام .