اسف مقدما..استحى اني اشوفه ولا استحى من رب العبااد

والله استغرب منكم يا جماعه فعلاً
يعني إللى يقول حثاله .. وإللى يقول زباله ..
وإللى يقول سفهاء !
ولا احد فيكم قال الله يصلحهم ويهديهم ..
هذول اخواننا .. مهما صار !
يعني مشاء الله كلكم مثاليين !!
محد كامل يا جماعه إلا وجه الله عز وجل !
هذول ما صارو كذا إلا نقص في الوعي والتثقيف
اختلاف تام ما بين الحضارات اكيد الواحد بيتوه
وتختلف العقول من شخص لأخر !
يعني لا ننصحهم ممكن محد يتقبل ! لا نكلمهم ! ولا شي لكن ممكن نحتويهم
ما قدرنا ندعيلهم ! يمكن الشخص صحيح يحمل شهادات ومتعلم اكاديمياً لكن جاهل بالامور هاذي
المفروض نحتويهم وان ما قدرنا .. ندعيلهم بالهدايه ! بدل ما نصف ونشتم !

بالنسبة لكلامك يا اخوي جميل والله يبارك فيك
بس حاب اعلق على نقطة الملحقيه دفعت عشان نتعلم !
صحيح الكلام هذا لكن ما يمنع تكون صداقات مع الناس وتطور لغتك وتقدر تمشي صح
وتصد الغلط ! فالملحقيه ما دفعت لك عشان تتفرج تلفزيون وتقعد على النت !
يعني احس انه اجحاف ! نحن اوادم .. مو اجهزه ولا روبوت ارسلوه لكندا
كل واشرب وادرس وارجع بشهاده .. !
يعني المضمون إللى بوصله
الصح في راسك .. والغلط تعرف تصده .. عيش وقتك وحياتك واستفيد !

واسأل الله عز وجل يصلحهم ان شاء الله وينور بصيرتهم ..
وان غلطو فمافي احد ما غلط والانسان مو معصوم من الغلط
الله يهديهم يارب ...

وأنا مثل ماقلت ..لو ماارتدعوا وزودوها..مايفيد فيهم غير الابعاد..بارسال اسماءهم للملحقية حتى يشوفون لهم حل!

انا ما قلت .. اجلس على الكمبيوتر واجلس على الـ TV ولا تطلع
لا لا .. انا قلت هذا طبعي وهذه حياتي .. يعني مو بس هنا بكندا .. حتى بالسعودية هذه حياتي
وبالعكس لازم الواحد يطلع ويحرك رجوله ويكون صداقات وعلاقات ويتكلم إنجليزي
لكن مو بالغلط ..
يعني واحد يروح لبنت بالشارع توزع اوراق واعلانات .. وباين عليها قليلا من الفقر
ويعرض عليها (300) دولار !!!!!!!!!!!!!!!!!!!
وقداااااااااام عيوني .. يعني صدقة !! او إحسان بمعروف !!!!
واسمعه يقول .. وير وير يو لاست نايت .. اوك تو نايت !!! انا كنت واقف انتظر الإشارة لكي امشي
وهذا الي سمعته

انا ما أبي ادخل واكتب تفاصيل ,,
انا قصدي واضح من الموضوع ,,
الملحقية ما دفعت ملايين علشان *****************

وانا ما قصدي .. لازم يرجعون السعودية .. او ما شابه
لا لا .. بالعكس أتمنى لهم التوفيق والنجاح
لـكــن إنك تسيء على اسم المملكة العربية السعودية وعلى سمعة الإسلام .. لا .. هذا ما نرضاه جميعا
هنا ما أحد يناظر ولد مين أنت ,, هنا الكل يناظر من وين انت وايش دينك

وبالأخير .. ما زلنا نحن آوادم مسلمين سعوديين .. نظهر بأخلاقنا وقيمنا وتعاملنا الشعب السعودي

واتمنى تقرأ رد صدى الغربة

كل التوفيق لكم جميعا

 المشاركة الأصلية كتبت بواسطة الغـ صدى ـربة

وبالنسبه للاشكال الي تكلمت عنها انا وحده رايي مفروض ماينسكت من سنين انسكت

لاحول ولا قوة إلا بالله

الله يهديهم ويصلحهمـ

من جد غيرهمـ ـأولى والله

لكن عـآد ..!!

لا وفوق هذـآ يقولوـآ لاتبتعثوـآ بنـآت سعوديـآت ومتري ـأيش

شوفوـآ عيـآلكمـ ـأول .....!!


:
تحيــتي

اخوي انا مثلك لسه مابتعثت بس سافرت كندا لغه كمان وشفت

وترا يتهيا لك ذول الدشير الي بواسطه في مبتعثين كثير

الي بواسطه بيكون معك بالمعهد واحد اثنين واسطات جايبتهم

بس يجيك نص السعوديين هنا في غلط

الوازع الديني انا معك في بلدنا كثير من العوائل تربي على العيب وواستحي ياولد لا يتكلمون علينا الناس لاتفضحنا

قليل الي يربوا على مخافه الله وعلى المراقبه الذاتيه

بس انا شخصيا ماعندي مشكله حسيبك ربك بالاخير وكلنا بالاخر بنوقف عند رب العالمين ومحاسبين

بس ان رايح تمثل المملكه وتعكس صوره عن المملكه وعن الاسلام

فهنا وقف انت تشوه سمعتي ونظره الناس لي انا رايحه وبيعاملوني على الخلفيه الي عندهم فما اسمح لك انك تعطيهم صوره غلط

اسمح لي انا مسافره اعكس صوره حلوه عن بلدي مابيك تجي تخرب هالصوره بعملك

مثل الاخ الي قايل اخبرهم عن رمضان وان احنا بنصوم فيه وبعد مايقتنعوا ويصدقوا وان يشوفوا شي حلو

يقوم واحد وسطهم سعودي مطلع اكله وياكل

ماتبي تصوم بكيفك بس كل في بيتك

فكلامي الي انت اقتبسته ايه ان يكون الكل يقوم يشتكي

واحد عنده واسطه وبيطنشوه الملحقيه مامشكله بصبر اذا بس واحد الي لاهي بس كلهم

وكل ماجاهم يزيدوا

والموضوع هذا كنت من يومين اناقش امي الله يحفظها فيه

كانت تقول من الي يروحوا يدرسوا على حسابهم شهر وضامينهم اما المبتعثين كلهم ناس رايحين حق دراسه ودرجاتهم حلوه

فكانت تقول ان مامفروض ينضموا الا اذا خلصوا سمستر وبدرجات حلوه

انا اختلفت معها ان في ناس حرام حلمهم بعثه خل ينضموا للبعثه بس تكون في رقابه عليهم

وعلى حتى المبتعثين

وتكون رقابه بكل شي درجاتك واخلاقك ببلد الابتعاث يعني واحد رايح بيشتغل كمان داعيه للاسلام وطول الوقت بس بالمساجد

كمان هذا مو الهدف من البعثه ومو قاعد يندفع لك عشان تشتغل كذا لا كون داعيه باخلاقك ومثل دينك

بالاجازات تطوعت حلو

وبنفس الوقت كمان العكس والاعظم مرفوض انك تروح داشر لنا ومع ذلك درجاتك بالجامعه حلوه لا هنا تتوقف

لازم نمثل المملكه صح المملكه الحضاريه الي كلنا نتمناها بالمستقبل دوله من الدوله المتقدمه وشعب راقي يحب العلم

وفي نفس الوقت متمسك بدينه واخلاقه ولا في شي يطغا على حساب الشي الثاني

وبعلق على رد لاخ كان يقول كلهم من البكالريوس ممكن معك البكالريوس في مرحله خطره من العمر

لكن كمان في رايحين دراسات عليا فلا نخص فئه معينه نبي رقابه على الكل شباب وبنات والي عليه الغلط

يتحاسب لنفسه ولعملته وماينظلم غيره معه


وسوري على الاطاله بس حبيت اوضح وجهة نظري الي يمكن ماوضحت في ردي الاول

وباختصار كل الي ابيه نكون خير سفراء وسفيرات لوطنا

والله الموفق للجميع

لاحول ولا قوة الا بالله

اللهم اهد شباب المسلمين

يحملون اسم الدين والوطن ويسيؤون التصرف ,, بل يتبجحون

مع العلم ان سلوكة مو محسوب عليه فقط ,, بل على دين ,, وطن ووشعب


أخي محمد فانكوفر ,, الاثم ما حاك في نفسك وكرهت ان يطلع عليه الناس

اثبت على الصواب ,, فواثق الخطى يمشي ملكا

اما هم فاسأل لهم الهداية

وهذا وجهي اذا جابوا شهادة

استغفر الله بالصراحه

قلبي حزن على هالكلام

محمد هيا كلمه واحده الي مايخاف الله خاف منه

صحيح كل الي سافر بره وانا منهم ويشوف السعوديين وخاصة الشباب هداهم الله لهم ميزه

اكيد فهمت علي
الواحد يقول الحمدالله على نعمة العقل وياخي الواحد يتونس ويكون صداقه لكن بحدود مو يخلي الحبل عايم لا في شيء اسمه زوواج انت ربك ساترك اليوم بكره ماراح يسترك والواحد المفروض في هاذي الاشياء لايوجد حيا بصراحه استغرب من الشباب يروح للحرام والامراض والعياذ باالله وهو في غنى عن هذا كله
تصدق مره قلت لواحد في سوريا انت متخلف عقليا تعرف وش قال لي قال عز الله انك ميته قهر
تصور متخلف
ولو شفت شكله تستفرغ استغفر الله
اتوقع الدين له دوور كبير في هاذي الاشياء

محمد عندي كلالالالام كثير عن حال الشباب لكن اشكرك على طرحك اكثر من رائع وكثر الله امثالك واتمنى ان الله يرزقني ولد بحكمتك وعقلك حفظك الله لوالديك ولي عوده

يا هوووه، ايش اخبار الروسية
ما عندكم غرفة فاضية

يا أخي اعطيها وجه علشان تعطيك وجه وتبتسم لك على الدخلة والخرجة.
قبل ما تجيك (.......) اللي ما تبتبسم لك الا لما تعطيك ورقة المقاضي او تبغى مشوار، لا تقول لي مش كلهم، كلهم مطبوعين طبعة واحدة واسأل مجرب.

وبعدين حتتندم على ابتسامة الروسية المجانية اللي حرمة نفسك منها.
اسمع الكلام يا ابوحميد لا تسوي فيها ضيق، خليك حبوب

ترى هي كم سنة وحترجع للعالم المكشرة

وانت عاد بكبفك
بس انتبه من الحرام، الا الحرام يا خويا يا محمد.
خليك على الإبتسامات، وتراها نعمة بعدين مش حتحصلها من الجنس الناعم (على قولهم) لما ترجع.

وربنا يحفظك


وتقبل تحيات

واحد يدور على الإبتسامة في أرض المنشأ

تكفى لاتوجع قلبي يوم اسمع كذا اخاف قريب سفرتي اهئ الله يستر
والله العظيم لو قبلوني هنا مااروح بمووووت خوف بس الحمدالله ربنا يسهل يااارب
وكلو بكفه واخوي بكفه هو المرافق نفسي اربطه من قلبي لايشوف احد ولايسمع احد
هو حبوب واصغر مني بس اخاف يضرونه بس ربك يسهل

وخلهم ادعي الله يهديهم ويردهم لااهلهم وانت الله معك قلوب اهليهم
بتموت من الحره عليهم وهم الله يصلحهم ويحفظهم ويكفي انت طلعت ولد حلال زين والله
وبركه الله يوفقك دنيا واخره ويحميك ويخليك لااهلك