عااااجل الوزارة ترفض اصدار قرار الابتعاث.....حسبي الله ونعم الوكيل

اشكر الجميع من غير استثناء على كلماتكم التي وان لم تطفئ النار بقلبي ولكن خففت عني بعض الالم

أما بالنسبة لمن ينتقد اسلوب باني مندفعة فأقول له اللي يده بالنار مو مثل اللي يده بالمويه
ثانيا من شهر 8 وانا افكر بهالبعثة واقعد على النت مايقارب 6ساعات يوميا اقرا عن افضل الجامعات في تخصصي
وافضل المدن للمعيشة وقدمت على كذا جامعات طبعا برسوم لا تقل عن 400ريال للجامعة والفيزا وما ادراك ما الفيزا
رسوم شيك الفيزا ما يقارب 1900 ريال لاني معاي زوجي وبناتي وبعدها الكشف الطبي 2075
وجهزت شنطي من ملابس واغراضي وعزلت شقتي واستقلت من عملي
هل تلوموني اذا اندفعت باسلوبي والله مو هينه انهم يقولون بكل بساطة ما نصدر لك قرار ابتعاث
حتى لو بيطلبون مني احول تسويق برفض انا اللي بدرس مو هم وانا مو اول وحده تدرس تخصص مختلف عن البكالوريس
وعلى سبيل المثال سعادة الدكتور الفاضل الموسى الذي قام باحباط الطلاب قال اللي مو امتداد تخصصه مب لازم يبتعث يقعد هنا
وهو اصلا بكالوريس تاريخ و ماستر حاسب ودكتوراه تقنيات تعليم
هل يعني الموسى انه مستخف يقدرات العالم وان محد يقدر يحقق اللي حققه حسااااافه ان هالكلام يصدرر من شخص بمنصبه

وإن شاء الله السبت اوافيكم باخر التطورات في مهزلة الوزارة الموقرة