أبشركم وصلت كندا

الله يسلمك ويوفقك ان شاء الله
طبعا وصلت على الساعة 5 ونص المغرب وأخذت تاكسي من المطار ودفعت له 29 دولار مرررررره غالي وكانت أول غلطة وأنا أنصح الي جاي سانت جون يرسل رساله للجامعه عشان يستقبلونه ومجانا ورحت للفندق ونمت
واليوم الثاني رحت المعهد وأخذت موعد الاختبار وهو يوم الأربعاء الساعة التاسعة صباحا يعني بيكون عندكم الساعة الرابعة فجر يوم الخميس
والله ييسر وتوني صارلي يومين
وبالنسبه للفندق حلو ومقبول لكن ماحصلت سرير واحد قالي فل وأضطريت أخذ سريرين وأنا الحالي ودفعت 97.55 دولار لليوم الواحد ولازلت في الفندق وجالس أبحث على العائلة كلمت المعهد وقالي رح دور الله لا يهينك وهذي مواقع وأسماء شقق والله ييسر لنا ولكم والشباب هنا مو مقصرين معاي جالسين يدورون بس والله شكل السكن ززززززحمه
أنا أنصحكم تبحثون على سكن قبل لا تجون عشان ما تتورطون مثلي وشكلي بطول في الفندق
وفيه طريقتين الاولى عن طريق الانترنت وهذه المواقع:
http://www.unbsj.ca/och/
وهذه مواقع لشقق :
www.rentsj.ca
www.rentnb.ca
www.chineseunb.com
www.kijiji.ca
www.nbrent.ca
www.newbrunswick.en.craigslist.ca
www.isaintjohn.com
www.prop2go.com
والطريقة الثانية اذا فيه أحد تعرفونه في المدينة والله يوفق الجميع

أول شي الله يسلمك انشاء الله
وتوصل بسلامه
ثاني شي اذا بتسكن مع عائله تقريبا من 400 الى 600 دولار في الشهر ما تتعدى والشقق تقريبا توصل الى 900 او 950 في الشهر على حسب الشقه كبيره أو صغيره
أما المدينة فهي عاااادية جدا ولا فيها اي شي وصغيرة بس الي مستغرب منه شفت اليوم أكثر من مره دوريات ومولعين السيفتي وطايرين
مره في الصباح ومره في العصر ومره في الليل هههههههههه شكلها تعبير على فرحة وصولي خخخخ الله يستر ما ودي أخوفك بس ممكن تكون مره في السنة وصادفت لان الناس هنا تقول المدينه امنه والمشكله رحت فانكوفر قبل فتره وجلست فيها ثلاث شهور ما شفت من الدوريات مثل اليوم حتى الدفاع المدني شغال
أما الجو مررررررررررررررررررررررررررررره ثللللللللللللللللللللللللللج اليوم درجة الحرارة -9 ولا لابس تي شيرت وجكيت صوف وفوقها جاكيت حق المطر وقبوووع حق البرد وشاااال و أنتفض من البرد وعيوني راحت فيها من الثلج أمشي وأنا مغطي أعيوني خخخخ شكلي بشتري نظارات حقت السباحه
أما الاسواق ما عندي اي خلفية ما رحت الا مجمع واحد وحلو والله وشبه كبير وعلى طاري الاسواق لاحد يجي وجايب معه جزمة جنز الصغيرة وملونه ومسوي كشخه ولا شبه رياضيه لأنها ما تنفع لاني شريت وحده من ميلانو قبل أجي ب 400 ريال وتحسفت لاني ما لبستها من الثلوج ورحت شريت بصطار من هنا لذلك أشتروا جزم كبيرة ورفيعه بالعربي بصطار ولا سيفتي شوز عشان ما تتورطون أنتم بالكرامه
بالنسبة للجامعه والله ما عندي أي خبر عنها لاني انا في جامعة نيو برونسويك وجيتها وطلعوا العالم في اجازة الى شهر 4 أو 5 ماني متأكد
أما التفتيشات محد فتشني ولا هم يحزنون بس مريت من تحد الأجهزة العادية مثل الي في مطاراتنا قبل تدخل الصاله حتى الاب توب ما شغلوه ولا طالعوا فيه وهو معي على كتفي
وأي سؤال حاضرين وبتوفيق لكم

الله يسلمك بوجودك يالغالي
الله يسلمك
أربع سنوات
والله اني مدري وشي الاشعة السينيه بس لا فتشوني عن طريق الجهاز الي تمر من تحته وتطلع اي شي معاك معدني
الله يسلمك ومشكور على المرور
الله يسمع منك ويعطيك العافية

الله يسلمك
اللهم آميييين
يسلمك ربي
الله يسلمك ان شاء الله

الله يسلمك يالذيب ومشكور على النصيحه
ومثل ما يقولون لا توصي حريص
والله يوفقك ويوفق الجميييع يارب

الف حمدلله ع سلامتك اخوي ..

والله يوفقك بدراستك وترجع بالشهاده الكبيره ان شاءالله ,



عندي استفسآر ..

بالنسبه لطيرآن الـ bmi

كم سآعه لين وصلت كندآ .. وهل فيهآ ترانزيت ولا لا


لاني محتآره بينهآ وبين الامارتيه ..

واللي مكرهني بالامارتيه الترانزيت ..

والله ال bmi خايسه نوعا ما من ناحية الطياره الاسيات و ما الى ذالك شكل طياراتهم قديمة
أنا طلعت عليها من الدمام ولا مغطونا الى الرياض عشانها فاضيه وجلسنا في الرياض ساعة وبعدها طلعنا الى لندن وأخذنا حوالي 6:59 يعني سبع ساعات وبعدين جلست في مطار لندن هيثرو ساعتين
وبعدها واصلت على كندا بالطائرة الكندية وليست ال bmi
أما الاماراتيه ما عليها كلام مرره حلوه وأنا أنصحك فيها لا خدمات ولا غيرها بعدين فيه رحلات مباشرة الى كندا من غير توقف لا في لندن ولا غيرها وتجلس حوالي 12 ساعه بالجو