يا طلاب كندا ألحقوا على انفسكم (بالنسبه للقبول)

السلام عليكم

من خلال اطلاعي على الموضوع أحب أؤكد ان الملحقية ستقوم بكل شيء بالتفاهم مع الجامعات و لا علاقة للطلاب بالموعد النهائي للتسجيل. بمعنى آخر حتى لو مضى موعد تقديم الطلبات سيتم التعامل مع طلبات الملحقية على انفراد فلا أرى أنه هناك حاجة لأن تقدم بنفسك

اخوي اقول لك ان الملحقيه الى الان ما ارسلوا شئ ,يعني يالليل ما اطولك!!!

أرسلوا أم لم يرسلوا

النظام هنا مختلف تماما، و الاتفاقية مختلفة تماما

يعني الوزارة و الملحقية متكفلة بالقبول فلا تشغل نفسك

الأخوان في الملحقية يعملون على قدم و ساق للحصول على القبول و التأخير من الوزارة

أعود و أكرر لا تشغل نفسك

والله ياشباب تبون نصيحتي طلع قبووول من نفسك ياإنك تراسل الجامعه نفسها أو عن طريق مكتب ..أزين وأسرع لكم من الوزارة ،،منتم خسرانين شي .

السلام عليكم ,,

اخوي شد بلد انا اشكرك على الموضوع ,,

وعندي إضافة بسيطة وهي ان الواحد اذا يبي يدرس بره ويستغل وقته .. بدال ماتمشي الأيام والشهور والسنين .. وهو كل يوم يقول بروح الوزارة .. بدق عالملحقية .. بكلم فلان ..

نصيــــــــــــــــــــحة ..

انا طالب مقدم على ماجستير لي شهرين من تخرجت من الجامعة وإلى الان يمكن 4 الى 5 مرات اروح الوزارة وكل واحد يعطيني كلمة .. اللي يقول لي معدلك .. واللي يقول اصبر واللي واللي ..

زبــــــــــــــــــــدة الموضوع ..

اخوياي متخرجين قبلي بسمستر ومعدلاتهم 4 من 5 وانت ماشي ,,

يعني الى الان لهم 8-9 شهور وهم ..على قولتك ((يرددون ياليل ماأطولك )) مافي اي فايدة من الانتظار ..

انا بالنسبة لي الان قدمت على حسابي الخاص وبعد شهرين ان شاءالله راح اكون في ottawa

تحياتي لك ..

يا أخوان

اللي وده يغامر الله يساعده، لكن نسبة الانضمام للبعثة ضئيلة جداً لو بدأت الدراسة على حسابك

أنا أكلمكم من واقع خبرة و تجارب و معارف و علاقات مع الأخوان في الملحقية

اللهم هل بلغت، الله فا شهد

صح لسانك اخوي محمد ..

هذا الواقع ولازم الواحد يتخذ قرار صائب قبل لايبدأ تخطيط ويتفاجأ انه لقى صعوبات ومغامرات مامنها فايدة ابد ,,

في النهاية الله يسهل لنا ولكم ..

ويوفق الجميع يارب ..

الله يسهل علينا بس ..

بالنسبة لي أنا ماني مسعجل .. واتمنى اني ما اسافر إلى في الصيف

اخوي محمد انا سألت موظف الملحقيه وقال لي يبغلنا اقل شئ ثلاث شهور