وصولي إلى تورنتو .. ويوم واحد لإنهاء كل الإجراءات والمتطلبات (الأحداث بالداخل)

ربي يسلمك من كل شر .. ويوفق الجميع
بلغي الوالد .. انو ياخذ تكسي من المطار إلى عنوان سكنكم .. <<< ما عنده سيارة
وألتقي معاكم وانروح انخلص الاجراءات مع بعض ..

بالتوفيق

والله خليتــني اتفآئل بالخيــر ^ـ^

الله يووفقــك ان شاآء الله

والله موضوع ممتع
ياخي انت جدا ممتاز ومواضيع مطمنه ومريحه
وفعلا الاجراءات سهله وممتعه
لكن بغيت اسال الي في المطار تبع الهجره وش يسال يعني اذا لغتي ضعيفه تتوقع بعرف وش يقول؟

والله كانت في اشياء في بالي اسأل عنها بس لقيت الاجابه في موضوعك افادني كثير
>>>>> تحمست وانا اقرا القصه
الله يوفقك ويسهل دربك

أخي الله يوفقك ويحفظك من كل شر فعلا موضوعك جدا رائع لكن اللي لغته ضعيفة وشبه معدومة تتوقع يمشي حاله ويفهم عليهم ومايلاقي صعوبات في فتح حساب في البنك والأمور الأساسية .

تفائلي بالخير .. هي سهلة ومنظمة .. وحتى تورنتو .. سهلة .. ولا صعوبة في معرفة الأمور فيها ..
أنا لي يومين .. وبدأت أشعر بالملل لأني حفظت الأماكن .. بسرعة ..

الله يسعدك .. قراءتك أنت أريحية .. والجميل يجد كل شيء جميل .. يا جميل انت .. هع

بالنسبة لموظف الهجرة .. ما بيسأل زود .. أنا بصراحة بس سألني .. ليش جاي كندا .. يوم شافني أعرف اكلمه انجليزي .. ما سألني شي تاني ..
بس كان في عائلة جداوية جنبي .. سألوهم .. ليش جايين .. و لكم بتقعدوا ؟ ووين مكان معهدكم .. بس
أتوقع ان الموضوع ما يبغى له استعداد .. انت خليك على ما انت عليه وانسى هالاسئلة .. خليك بنفس الأريحية .. ودربك خضر

أبد عزيزي .. ترى كل شي سهل .. بس حط في بالك أنت والسادة المستمعين

أن العربة اللي تشيل بها جناطك .. .. عليها دولارين عشان تشيلها .. يعلهم ما يتهنوا بها ..
الفيزا أو الكاش راح تنفع معاهم .. والعملة الكبيرة زي المئة دولار ما راح يفكوها لك ..
أنا والله شناطي من أبو السحب .. بس وحدة اخترب تايرها .. فاضطريت آخذ هالعربة ..

ترى كل التحركات والاجراءات سهلة .. ولو اني أعتقد أن الواحد مو المفروض يشوف له أحد يستقبله إذا كان بفلوس ..
لأنك إذا عندك العنوان .. ومعك فلوسك .. تمشي واتقول ... الله الغني ..

مافي أحد لغته معدومة .. والبيسك راح اتكفي وزيادة و عموما لو جاية على تورنتو .. ممكن اتخلي محرمك يتواصل معاي .. وانا اخلص الأمور معاه

بالنسبة إلى فتح الحساب .. انتي بس جيبي معك صورة القبول .. والجواز .. والستدي بيرمت اللي بتكون مع الجواز .. وروحي أي بنك و بس قولي هالكلم
Hello, i want to open a student bank account, could you please help me with this

وبس .. ويبقى يسجلو رقم جوال لك .. وعنوان ..

عشان كذا أنا أنصح ان الواحد أول ياخذ جوال .. بعدين يفتح حساب

أي أحد عنده قلق في أي ناحية بخصوص يوم السفر يسألني ..