وصولي إلى تورنتو .. ويوم واحد لإنهاء كل الإجراءات والمتطلبات (الأحداث بالداخل)

حقيقتن .. جهازي نوكيا N59 المطور .. مش آيفون .. بس أتوقع أنها أسهل للآيفون ..

بس أنا بقول الطريقة السهلة .. وأعتقد يمكن تزبط على جميع الأجهزة ..

من جهازك .. شغل الوايرلس أول حاجة ...

ادخل هذا الموقع ..
www.ovi.com
وسجل فيه .. ولما اتصير عندك عضوية .. تقدر تدخل الموقع من الجوال .. ودايركت اتثبت أي برنامج عندهم ..
بعض البرامج بفلوس .. بس الأكثر شيوعا هي البرامج المجانية ..

التثبيت مباشرة على الجوال .. حتى برنامج التثبيت ما اتشوفه .. ضمن الرسايل ..

بس هذا للنوكيا .. للآيفون .. أعتقد الشرح موجود في منتديات الآيفون ..

موفق خيييييير يالغالي ...... وموضوعك ررائع وطرحك رااقي ....

أنت الراغي يا رويال .. :)

ماشاءالله تبارك الله
والحمدلله على السلامة
الله يوفقك ويسهل عليك دراستك
وضحت لنا كثير من الامور الصغيرة ، جزاك الله خير

بس عندي كم سؤال ، معليش اشغلك شوية
بالنسبة للسكن ، انت نسقت مع مين في هذا الموضوع؟
لأني ما رتبت لحد الآن ، ومني عارف اكلم شباب نادي تورونتو ولا اسكن بفندق وادور على سكن بنفسي ..

وعلى فكرة .. في تنقلك .. اخذت تاكسي ؟ ولا باص ؟ وكيف التكاليف ؟
واش موضوع السب واي ؟

اما عن الحساب البنكي CIBC .. فهل من الممكن فتح حساب ائتماني مع حساب طالب ؟

التأمين الطبي ، انت أمنت ؟ ولا مجرد نرسل فواتير العلاج كل مرة للملحقية ؟

معليـــــــــــــــــــــــــــــــــــش طولت عليك .. بس بصراحة موضوعك تحفة
ارجو الله لك كل التوفيق النجاح
وتسلم لتعاونك يا حبوب

يا هلا ومرحبا .. بالنسبة للسكن عندك طريقتين .. يا أما تراسل المعهد وهم يشوفوا لك ..
أو انك اتسوي مثل ما انا سويت .. انا اللي دورت على العيلة و راسلتهم .. ونسقت كل شي ..
وإذا اتهمك تفاصيل طريقة التدوير .. لي موضوع ثاني عن الهوم ستاي .. شوفه أظن عنوانه\

للمتواجدين في تورنتو أرجو التعاون في ايجاد هوم ستاي للقادمين

شرحت فيه كل شي سويته لحد ما وصلت للهوم ستاي المطلوب ..

بالنسبة إلى التنقلات .. انا ما استخدمت تاكسي للحين .. ولا أفضله ..
لأنك تقدر تاخذ بطاقة السب وي .. في الشهر ١٢٣ دولار .. و تركب الباص والمتر .. باستخدامها بعدد المرات اللي تحب ..

السب وي أسهل مما تتخيل .. وخريطته موزعة في كل مكان .. وأفضل شي انك اتحي واتشوفه ..
وكذلك في موضوع للمهندس رائد .. يشرح فيه السب وي .. ومدعوم بالصور ..

وبالنسبة إلى حساب البنك .. فالحساب الخاص بالطالب .. يعتبر حساب ائتماني ..
ما ادري وش الفرق بينهم ..
كونك تفتح حساب طالب .. يعطيك مميزات أكثر ..

وبالنسبة للتأمين الطبي .. فالمفروض انك اتكون مؤمن و عندك بطاقة .. وغالبا توصل بعد اسبوع من الدراسة

بدون هذي البطاقة .. المعهد أصلا يرفض تدريسك .. لكن بالنسبة للمبتعثين .. ارقد وآمن .. المعهد والملحقية هم ينسقوا فيما بينهم على موضوع التأمين .. وانت جاهز مجهز تاخذ البطاقة بعد اسبوع من دراستك من المعهد ..

و أي وقت عندك اسئلة .. اتفضل اطرحها ..

بالتوفيق

يسعدك ربي ما قصرت اخوي
قصدت بالحساب الائتماني .. انك طلعت فيزا او ماستركارد من CIBC ؟

أتوقع تقدر تطلع لك فيزا من البنك هنا في كندا .. بس ما ادري إذا عندهم اشتراطات او لا ..
عني أنا .. فأنا جبت الفيزا من البلد .. ومرتاح معاها ..
كتبت تفاصيل الفيزا اللي أخذتها .. وأسلوب التعامل المالي ونقله في هالموضوع ..

http://www.mbt3th.us/vb/forum107/thread167720.html

تمام تمام وضح الموضوع والحمدلله
تسلم عزيزي و مقدرين جهودك ، بارك الله فيك
وباذن الله نتواصل على خير بتورونتو

لي كل الشرف يالغالي ..

مشكور أخي نار على الإفادة
الله يبارك فيك ويوفقك في دراستك