طالب سعودي يغتصب امريكي ويواجه حكما بالسجن

إذا كانت أمريكا تكره السعوديين ,, فتراها تكره المسلمين بشكل عام

اما يا اخوان انكم تقولون ان هالرجال الله يفك اسره ومادري شنو ( الرجال سوا غلط وجالسين نقوله ماعليك كل شي تمام ) !!

الرجال سارق + مغتصب ,, وماتوقع بالعقل يعني ان الشرطة بتروح تمسك واحد عاد سعودي او غيره وتتهمه بمشكله ماله علاقة فيها !!

وإذا كانت اللحكومة الامريكية تكره السعوديين ,, وش دخل المنظمات الداخلية ( الشرطة او الأف بي آي ) انها تسوي هالمشاكل ؟!!

انا الي أشوفه ان هالرجال مذنب ,, ويستاهل العقاب الي يجيه

زملاء له في امريكا درسوا وتخرجوا ورجعوا السعودية ماصار لهم موقف شي !! وهذا مسوي الغلط ونقول عنه الله يفك اسره !

يعني تركي الحميدان مغتصب الخدامة؟ ولا هم متبلينه؟ للمعلومية في القانون الأمريكي لما يتم اتهامك بشيء فأنت مدان حتى تثبت برائتك. معناته احتمال كبير انه بريء بحكم سوابق امريكا مع هالنوع من القضايا. لا تنسى ان بعد قضية مايكل جاكسون الأولى جت أكثر من عائلة ورفعت قضية عليه عشان الفلوس وطبعاً في النهاية طلع بريء
احسن الظن بأخوك المسلم.

يااخي انت حكمت على الناااس وعلى كلاام الجرائد على طووول
ايه الله يفك اسررره كلن يغلط مااهوو بس هوو اذا كااان الكلاااام حصل اصلا
وبعد تدري انهم يقوولون ان اللي مغتصبه عمرررررررررررررررررره 68 تدررري
حب لناااس مااا تحب لنفسك ,,, لاا يبلااك الله في نفسك اووو من حوولك

يا جماعة الخير...
إذا كان أخونا لم يذنب أو أذنب، فما له الا الدعاء وان الله يفكه من أيدي الأمريكان.
ممكن أي واحد يصير في نفس الوضع اللي أخونا فيه الآن.

تعليقي على الموضوع كان عن الأسباب اللي تخلي الواحد يرتكب جريمة في البلدان الغربية اللي تطبق القوانين بحذافيرها
وما فيها شفاعة وجاهة وهو يعلم بذلك، وبالأخص الطالب المبتعث (أنا هنا لا أتكلم عن أخونا نايف بل أتكلم بصفة عامة)؟

هل هي ضغوط نفسية من ألأهل، أو ألأصدقاء، أو الجامعة، او الملحقية (كحالة توقيف المكافأة)؟
أم الادمان وفقدان السيطرة عن النفس؟!!!

رجاءاً نحن لا نتكلم عن نايف ولكن نتكلم بصفة عامة، لأن كل واحد منا يعرف زميل له أو يسمع عن شخص مدمن على الخمر أو الحشيش وغيره، سواءا هنا او في السعودية.
فنحن هنا نريد ان نتحاور بحيث ان كلمة قد تغير سلوك اي شخص منا للأفضل.

ونرفع أيدينا تضرعا بأن الله يرفع عن كل مسلم ومسلمة ويفك أسرهم حتى ولو أذنبوا، لأن الله غفور رحيم بعباده،
وما قد سمعنا عن نبينا عليه أفضل الصلاة والسلام انه دعى على أحد سواء من المسلمين أو الكفار والمشركين أو تشفى فيهم.

وانت الصادق ماذبحنا الا تقديس الذكر في مجتمعنا السعودي ..لوبنت سعوديه غلطت

كان قوموا الدنيا ولاقعدوها وكان سبوا فيها وسبوا في اهلها

بس الولد لا .. وهذا الشي اللي يرفع ضغطي ..نبرر للولد غلطاته ونعتبره وكأنه معصوم عن الخطأ

طبعا أكرر اذا الخبر ملفق وغير صحيح فأدعوا الله أن ينصر أخونا المسلم ويفك أسره

بس اذا كان صحيح وهو الغلطان


......... فلا تعليق ):

خذ لك.. الحين بتقلب هواش بين البنات والعيال ^_^

ميس كندا

لا تعليق وسوسة بعثة خليها هناك هنا مجتمع معتدل

ملاحظ أخوي الساحر كيف ان ها البنت ما عندها غير ها السالفة



مستر

ترا كلامك قذف لاخوك

وما يحق لك ترميه بشيء

أنا ماقصدي أقذف أو اني أتهم احد

وقصة الحميدان انا ماعرف عنها شي ,, لكن من رأيي الشخصي ان مافي دخان بلا نار

ومايدخل راسي ان شخصي يتبلى على شخص ثاني بدون سبب

والله يستر على الجميع

أخي عمشز ... تتذكر موضوع عن (مبتعثه ترتكب حادث بسبب أم الكبائر)

بسألك بالله شفت كيف ردود الناس؟ وخاصة الاولاد

اللي رد وقال الشرهه على أهلها اللي مودينها ..واللي قال المفروض تلغى بعثتها نهائيا ..

واللي قال من الاساس ليش يبتعثون البنات وغيرها الكثيييييير والكثييير من التعليقات

نادرا ماتقلى رجل يقول ياناس لاتظلمونها بنت البلد ماتسوي مثل كذا .. مشكلة الخبر هذاك بدون مصدر موثوق او معتمد

علشان كذا انا جدا متحيزه للبنات لأن مجتمعنا ذكوري بمعنى الولد غلط أعتبروها زله

بينما البنت المسكينه اذا غلطت ... اعتبرها المجتمع جريمه ..