حوار أختبار التوفل

اخي الكريم .... كل يعتمد على قدراتك ... وعلى الجهد اللي تبذله

فيه شخص معي نفس المعهد من الصفر ولكن بعدين في المعهد الجامعة راح ليفل عالي لانه ... شد حيله واثبت نفسه وجدارته

فعليك يا أخوي تشد حيلك وان شاء الله تقدر تجتاز ....

وفي جامعات ممكن تقبلك بقبول مشروط بأنك تدخل معهد اكاديمي تابع للجامعة .... حاول تشوفها

والله يسهل امورك ..

ممكن اذا تعبت على لغتك لكن لو بمعهد تجاري وبتتعب وبتخلص بتسع شهور

فبمعهد اكاديمي بسبع شهور لان تدريسه مكثف اكثر

على حسب انت اذا بتماشي عرب ومب تتكلم انجلش الا في المدرسه والمطعم لو تضل سنتين ما جبت التوفل

وبعدين وش لك بالمعهد التجاري ووجع الراس

ادخل معهد بجامعه وانسى التوفل والاي لس ووووو

نعم اخوي المعهد التابع للجامعه كثير ماينصحون به ثانيا المعهد التابع للجامعه يعلمك شي أكاديمي وانا لغتي صفر يعني بتورط وبخرج من التابع للجامعه للخاص هاذا مقصدي وشكرا لك

ننتظر مشاركات الأخوة ولكم مني جزيل الشكر

اعرف ناس معي بمعهد جامعه بدوا من الصفر واكو الحين مستواهم عالي

وبالنسبه الكل فاضحك لاتكلم عرب ونسبه العرب

ترا الانجليزي مو كله كلام وهذا الي يركزوا عليه المعاهد التجاريه ان بس تكلم واستخدم اللغه

هذا جزء كبير في كلامك ولغتك العامه بس مايجي 30 % من اللغه

70 تتعلم لقرمر الصح والاهم تتعلم كيف تستخدمها اغلب المعاهد التجاريه نظامها انك تختار لكلاسات الي تبيها ويمكن تختار كلاس قرمر بس يعلمك قرمر واسئله عليها

لكن معهد الجامعه او على الاقل المعهد الي انا فيه عندي كلاسات قراءه كتابه وكلاس ثالث كلام واستماع

في كل كلاس منهم اخذ قرمر ويجبروني اني استخدمه فيبقا ثابت

خذ مثال مدارسنا السعوديه درسنا اغلب لقرمر الانجليزي بس اغلب السعوديين يجوا متخرجين من ثنوي ومع ذلك يبدوا من مستوى مبتدى لان ماتركزت عندهم ماستخدموه

بس لما تتعلم الشي وتستخدمه بنفس الوقت هنا الفايده

بتقول استخدمه بالكلام في قرمر مايستخدم بالكلام

مثلا اقلها شي جدا مهم باللغه عندهم علامات الترقيم الي ماهي مهمه عدنا

هذي لو تدرسها من اليوم لبكره اذا ماستخدمتها ماراح ترسخ عندك فلازم تاخذها بكلاس كتابه عشان تتعلمها وتستخدمها بنفس الوقت

طولت عليك ادري بس يعني ابي اوضح ان مو تفكر ابي اروح واتكلم وخلاص انا جيت وانا اعرف اتكلم ولغتي حلوه ليه مارحت الجامعه ليه دخلت معهد لان لسه لغتي كويسه بالكلام اولمست بيرفكت بس ماتدخلني جامعه عندي مهارات اقل من المستوى

فاشجعك على معهد جامعه يبديك صح ويعطيك الاساس صح بس اختار معهد جامعه كويس كمان

شكرااا ياأخووان وننتظر باقي المشاركات ولكم مني جزيل الشكر

الدراسة في معهد أكاديمي تعتبر وبلا شك حمل ثقيل نظرا للعمل المكثف والدراسة المعمقة (باختصار مو بالسهلة ابدا إذا ما في عندك أساس قوي ) واقول هذا لانه عشت الموقف بنفسي وهو عندما انتقلت للدراسة بمعهد تابع لجامعة كالتون ( في أوتاوا) واجهت الكثير من الصعوبات التي لم أكن أتخليها بالرغم من دراستي للغة الأنجيلزية لفترة تتجاوز الثمانية أشهر (كنت متوقع نفسي ما في أحد مثلي) لكن كما قلت إذا كان أساسك ضعيف يستحسن أن تبنيه في معهد تجاري في البدء ومن ثم تلتحق بالمعهد الأكاديمي .

أختبار التوفل ليس بالاختبار السهل أو الهين وكما قالوا الأخوان إذا كنت مجتهد فلاشي يقف في طريقك ... للعلم فقط معظم الجامعات تطلب 580 درجة في أختبار التوفل الورقي و 83 في اختبار الانترنت لطلاب البكالوريوس وليس 600 كما ذكرت (600 لطلاب الدكتوراة والماستر) .

هذا وارجو لك التوفيق والنجاح ..