تجاربكم مع السفارة هنا

مشكككككككككككككووووور

ياجماعة الحقوني تكفووووون ..

انا الوالد ضابط متقاعد .. و بكرة بودي الاوراق المكتب الفيفا بالرياض عشان يوديها لان ماعندي وقت ابد ..

اوراقي جاهزة .. لكن فيه مشكلة في الخطاب حق الوالد .. انا طالع على حسابي الخاص و ابوي متقاعد و مايقدر يجيب خطاب من جهة العمل !! وش يسوي ؟؟!! وش نكتب ؟؟؟ بالعربي ولا بالانجليزي ؟؟ و هذا الشي يأثر ولا لأ ..

+ انا درست في كندا قبل كذا 3 مرات لغة في الصيف .. شرايكم .. ارفق صور الشهادات القديمة مع قبول معهد اللغة لمدة سنة .. ولا مايحتاج ؟؟

+ انا عندي 3 فيز لكندا في جوزاي تتوقعون تساعدني في تسهيل الاجراءات ( كلها كانت زيارة ) و هالمرة انا مقدم على طالب ..

شكرااااااااااا لكم .. و بالله بسرعة ردوا علي ..

احيي اخواني الا عضاء واقول اللهم يسر اموري وامور المسلمين
ه>ي اول مشاركه لي في المنتدى وحبيت استفسر وياااااااااااارب
احد يعطيني وجه المهم
اتصلوا السفارة امس الاربعاء وقالوا وش كنت تسوي من 2005 الى 2007
قلت لهم اني موظف وانا طالب بالجامعة لكن السجل الاكاديمي موش مزبوط
فكلمت المكتب وقالوا جب خطاب من اي مؤسسة تثبت انك عندهم كل المده
فهل تمشي عليهم ويا سللللللللللللللام
واسف على الاطاله
وا>ا فيه احد صار معه نفس الشي ياليت يراسلني على الايميل abunasser1379@hoymail.com

شكرا على المعلومات الرائعه

السلام عليكم ومسائوكم عسل
شباب احد صار له مثل اللي صار لي لي الحين من 6 شهور من قدمت وللحين ما حصل تطلع لي التأشيره ووالله لوهي معاملة قصاص كان امداها خلصت لا وبعد ماني منتظرها ...... وعسى الله يسهل الامور بصراحه انقرفت من كندا ... والحين محاولاتي الاخيره من زووووود الحرص (لا بذمتي ) كي لا اتحسف على شي ولا انا غاسل يدي وبأنتظر للأربعاء كان ماجاني رد سحبت جوازي والحمدلله ... وحفظ الله الجميع

السلام عليكم ..

الحمدلله طلعت فيزتي أنا وزوجتي بعد مدة قدرها شهر ونصف ..

نصيحتي للشباب اللي سجلهم الاكاديمي مش ولا بد .. ياخي جيب تعريف بالمدة الزمنية لك في الجامعة .. أنا سويت كذا وضبطت الامور والحمدلله

مساكم الله بالخير جميعا

هذي اول مشاركة واتمنى تفيدوني الله يعافيك

انا سويت كافة اجراءات السفارة المطلوبه مني واخرها كان الفحص الطبي والكلام هذا صار من عشرة ايام تقريبا
وخلال الفتره الماضية كنت انتظر الحصول على الفيزا ولكنني تفاجئت بالسفارة يتصلون علي اليوم ويقولون نبي نرسل لك اوراق عن طريق الفاكس لازم تعبيها وتعيدها لنا وللاسف ما ارسلوا اي شي وبصراحه انا خايف يكون في اشكالية معينه

وياليت احد يفيدني وش ممكن تكون هذي الاوراق مع العلم ان كافة اوراقي كامله

وبصراحه الخوف دخل قلبي وخايف تتاخر الفيزا وانا سفرتي في 4 يناير وانتم عارفين داخلين على العيد واخاف تتاخر الفيزا وتفوتني الدراسه

ابي فزعتكم تكفوووووووووووووووووون

سهل مشكور على الرد وانا فعلا ارسلت لهم استفسر عن الاوراق ومماردو علي
والمشكلة انهم مايتفاهمون معك الا عن طريق الفاكس

في طريقة ثانيه اتفاهم معم مثل التلفون

وياليت تفيدني