July 22nd, 2010, 08:23 AM
السلام عليكم ورحمة الله وبركاته
اللهم صلي على النبي الامي الكريم الامين
تراي ما احب المقدمات ولا البهارات
انا بقولكم سالفتي وانتم احكمو بالذمه والضمير
انا ما ابغى اقطع رزق احد بس اللي حدني اكتب هالموضوع حراره بقلبي وقهر للحين ما يخليني انام
مثل ما تعرفون ان اغلب المبتعثين لكندا ويمكن اقول 80 بالميه منهم رايحين عن طريق مكتبين او ثلاث مكاتب مشهوره بالرياض هم اللي يجيبون قبولات من الجامعات
ويراسلون السفاره لاستخراج التأشيره وما الى ذلك
المهم الجماعه جابولي قبول من جامعه vancouver island university في nanaimo
وانا رايح على حسابي وقدمت على الملحقيه بعد ما قالو لي الوزراه بالرياض اثبت حضورك
بالجامعه وبعدين قدم على الملحقيه ويصير خير ان شالله
بلشت انا بالسكن راسلت العضو >> مشاكس رومانسي وربي ما قصر الذيب بيّض الله وجه
لكن انا استعجلت ورحت للمكتب وقلت لهم فيه احد تتعاملون معه في نانايمو او بفانكوفر يرتب
السكن ويحجز ؟؟
قالو لي فيه لبنانيه نتعامل معها ولا احد اشتكى منها وهذا رقمها واتصل عليها وتفاهم معها
اتصلت عليها وطلبت منها سكن لي وخويي قالت اوكي اتصل علي بكرا
اتصلت عليها بكرا وقالت لقيت لكم سكن الشخص الواحد بـ 850 دولار كندي بالشهر غير شامل
الاكل
بس الله يخليكم جيبو معكم عسل لاني محتاجه عسل قلت ابشري ولا يهمك
عطيتها معلومات رحلتنا وموعد الوصول وقالت لي الرسوم كتالي :
( وركزو معي بالمسائل الحسابيه )
وطبعا راح اشرح لكم رسوم الشخص الواحد لانها تنطبق علي انا وخويي
قالت
850 دولار للسكن بدون اكل لمدة شهر واحد
200 دولار قيمه الاتعاب حقتها + توصلينا للفيري ( باخره من فانكوفر الى نانايمو ) +
انتظارها بالمطار لمده ساعه
150 دولار قيمه الفيري << بتشحن دينصورات الظاهر موب اوادم
100 دولار تأمين للسكن
المجموع = 1300 دولار كندي
واول ما وصلنا للمطار استقبلتنا وعطتنا ظرفين وقالت كل واحد يحط فلوسه ويكتب اسمه ورا الظرف
وسوينا مثل ما طلبت
المهم انا رحت وباشرت الدراسه واكتشفت انها موقفه من الوزاره بسبب تكدس الطلاب فيها
والوزاره ما قالو لي يوم اقدم عليهم والله يعين على تغيير الجامعه
المهم جينا للزبده صحصحو شوي
المشكله ياجماعه الخير بعد اسبوعين من دراستي اكتشفت اشياء ما خلتني انام بالليل قسم بالله من القهر
قيمه السكن للشهر الواحد 475 دولار بدون اكل
الفيري قيمته 13 دولار
السكن ماله تأمين
يعني مجموع المبلغ الحقيقي بدون نصب واختلاس
= 475 السكن + 13 الفيري + 100 اتعابها = 588 دولار كندي
والمبلغ المختلس = 375 الباقي حق السكن + 137 الباقي حق الفيري + 100 التأمين +
100 زياده لانها انتظرتنا لمده ساعه = 712 دولار كندي
يعني 712 مني + 712 من خويي = 1424 دولار كندي
تعرفون كم تطلع بالريال السعودي ؟؟؟؟
لا تطلعون آله حاسبه انا احسبها لكم
5340 ريال سعودي ريال ينطح ريال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شفتو القهر
شفتو الغبنه
صح حنا انلعب علينا
والمشكله
بالجامعه سعوديين كثيرين كل من قلت اللبنانيه قالي على طول راعيه العسل هههههههههههههههه
اعرفها نفس الحركه سوت فيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليش طيب كل واحد ينلعب عليه يسكت ويقول انا مزنوق بكيفها
لا والف لا
كم واحد وواحد تسلف وباع سيارته وخسر كل شي علشان يجمع قرشين واخرتها هذي تاخذها بدون وجه حق
وش تسمونه هذا بالله مو نصب وسرقه واختلاس ولعب وكذب ؟؟؟؟؟؟؟؟؟؟؟
والمشكله يوم كلمتها راعية البيت اللي انا ساكن عندها وقالت لها ليش كذا وكذا وكذا
والله قالت لها
هذا بزننس ياحبيبتي انا عندي مصاريف ولووووو ؟؟؟؟؟؟؟؟؟
يعني هي تعرف انها لاعبه علينا
والله على ما اقول شهيد
الشباب بالمنتدى والله ما يقصرون وكل واحد يشكر على سعيه وربي يجازي كل واحد على قد نيته واكثر ان شالله
وانا مستعد للي يبي اي شي انا تحت امره
بننايمو او فانكوفر او فكتوريا سكن بس مو قبولات جامعيه
وابغى احط طريقه الاتصال بي سواء كانت ايميل او تلفون ماعندي مشكله
اذا سياسه المنتدى تسمح
واتشرف بالشي هذا
بس ما نروح ضحية كذب وخداع لانه معروف عن السعوديين ان قلوبهم طيبه ويدفعون حتى لو كانو
مزنوقين لانهم مايمديهم يفكرون
وعسى الله يوفق كل طالب او طالبه مبتعثين او دارسين على حسابهم ويرجعون رافعين روسهم وروس اهاليهم وحكومتهم
(( اتمنى يثبت الموضوع حفاظا على بعض الطلاب اللي ما يعرفون شي ويروحون على وجيههم ))
LinkBack URL
About LinkBacks
July 22nd, 2010, 08:23 AM
وانا رايح على حسابي وقدمت على الملحقيه بعد ما قالو لي الوزراه بالرياض اثبت حضورك
السكن ويحجز ؟؟
قالو لي فيه لبنانيه نتعامل معها ولا احد اشتكى منها وهذا رقمها واتصل عليها وتفاهم معها
الاكل
انتظارها بالمطار لمده ساعه
والمشكله
بالجامعه سعوديين كثيرين كل من قلت اللبنانيه قالي على طول راعيه العسل هههههههههههههههه
اعرفها نفس الحركه سوت فيني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا والف لا
كم واحد وواحد تسلف وباع سيارته وخسر كل شي علشان يجمع قرشين واخرتها هذي تاخذها بدون وجه حق
والمشكله يوم كلمتها راعية البيت اللي انا ساكن عندها وقالت لها ليش كذا وكذا وكذا
والله قالت لها
هذا بزننس ياحبيبتي انا عندي مصاريف ولووووو ؟؟؟؟؟؟؟؟؟
وانا مستعد للي يبي اي شي انا تحت امره
بننايمو او فانكوفر او فكتوريا سكن بس مو قبولات جامعيه
وابغى احط طريقه الاتصال بي سواء كانت ايميل او تلفون ماعندي مشكله
اذا سياسه المنتدى تسمح
بس ما نروح ضحية كذب وخداع لانه معروف عن السعوديين ان قلوبهم طيبه ويدفعون حتى لو كانو
مزنوقين لانهم مايمديهم يفكرون