لقيت وظيفة حلــوه وانا مبتعث ابي انهي ابتعاثي ؟؟

انا ماعرف الاجراءات

لكن بقولك وجهة نظري ,,
البعثه انت حصلتها وبديت فيها وطاح اصعب الهم ,, ومابقى الا القليل حرام تكنسلها وترجع
هذي شهادة لك وللزمن ,, واذا خلصت ان شاء الله بترجع وتلقى بدل الوظيفه الف ورواتب افضل

حرام تقطع دراستك وترجع

الله يوفقك ويكتب لك الي فيه الخير

رأيي من رأي الأخ :

إذا البعثة كل واحد يبحث عنها
و من زمان الناس تبحث عن معيد عشان بس الإبتعاث
تجي الحين بعد ما إجتزت كل المراحل السابقة و تقول أبي أنهي إبتعاثي ؟

يا أخي بغض النظر عن الراتب و الفلوس :
أنا كانت نظرتي للإبتعاث شهادة و بس

الإبتعاث الحين مو بس شهادة :
مستقبل لك و لأبنائك أيضا ً إن شاءالله ،
رؤية ثقافات أخرى
إعتماد على النفس و تجارب لا تحصلها في وظيفة ( روتين يومي )

أنت هنا يصرف لك راتب ، و تتعلم
هل فيه أفضل من كذا ؟

في الوظيفة : مهما كانت يصرف لك راتب ، و تـُـستفند

أمنية ملكنا رؤية نطور البلد
هل تتوقع لو يدري الحين إنك راجع عشان وظيفة بـ يكون مبسوط و إلا بـ يتضايق لأنك تركت طلب علم و تركت هدفه و طموحه و راجع عشان وظيفة ؟

فكر كيف يكون مستقبلك بعد 10 سنين :
و أنت موظف و ما كملت البعثة
و أنت خلصت البعثة و راجع البلد



و في الأخير استخير

والله ييسر لنا وياك كل خير

أخوكـ

ياعزيزي ....

لنفرض انك وقعت العقد واستلمت كل شهر 9500 ..

يبيلك اربع سنين عشان يصير راتبك 13000 هذا اذا تسهلت الامور ان شالله

وهنا الحمدلله تدرس وتستلم اكثر من 9500 .. من وجهة نظري انك تجتهد وتكل وتجيب الشهادة للسعودية

وتبي تتوظف بأحسن الشركات ومنصب حلوو لانك خريج كندا ...

للمعلومية .. اعرف طلاب أستقالووو من وظايفهم ورواتبهم حوول 9000

رأي من رأي الاخوان اللي سبقوني اخوي

انا موظف بالسعوديه
وراتبي ولله الحمد حول الراتب اللي انعرض عليك
لكن ادري اني ما راح احقق المنصب والمكان اللي ابيه وانا بدون شهادة عليا
وكل يوم روتين عمل واحد وفي النفس الوقت مقيد
عندي من الافكار التطويرية الشئ الكثير ,. لكن ابقى مجرد موظف مرؤس ,
رئيسي هو اللي يقرر ويخطط ويفكر مع انه ما يملك من التطوير شئ ,
ولا اقدر ابداً اني ابدع وانا شهادتي وعلمي اللي عندي ما يساعدوني
هنا ولله الحمد راتب ودراسة وامان بعد الله وكل سنة اجازة تزور اهلك وربعك محفول مكفول
وكل اللي رجعوا ومعهم علم وشهادة توظفو وظائف مرموقة جدا
وبترجع باذن الله بتاخذ وظيفة ومكانة وراتب اعلى مما تتوقعة واعلى مما بتكون عليه لو دخلت هالوظيفة
وربي يكتب لك الخير في اللي تختاره


اسنخير قبل كل شئ

والله يكتب لك الخيرة

أنا رأي مختلف قليلاً.. طبعاً كلام الإخوان ما عليه غبار نهائياً.. وصحيح 100%..
لكن أنا راح أحط وضعي بمكانك.. وأحسبها.. فلو موقع العمل في نفس المدينه اللي فيها أهلي وأصدقائي والراتب كما تقول مجزي للعمل اللي أنا راح أشتغله. ويكون العمل في مجال تخصصي.. وفي أمان وظيفي بمعنى الكلمه.وبيئه العمل مناسبه لي. وتسلسل وظيفي وشركه كبرى يعني مو أي كلام.. ليش لا.. أرجع في بلدي وأبر والديني وأتزوج وأستقر وأبني عائله ومن يقول أن الشخص اذا بدأ وظيفته أنه يتوقف عن التطوير فهو مخطئ بشكل كامل... الوظيفه حياه ثانيه يقدر الإنسان يطور من نفسه ويتعلم أشياء كثيره ما نلقاها في الكتب..كل اللي أقدر أقلك هو استخير ربك.. وعسى الله يوفقك دنيا واخره ويوفقنا أجمعين..

أخي الكريم max6

أنا أوافقك إن الوظيفة حياة ثانية ، و فيها ما لا يوجد في الكتب لكن فكر معي قليلا ً :

أنت الآن عندك خيارين ، الوظيفة أو تكمل دراستك وتجيب الشهادة

لو كملت دراستك : بـ تلقى الوظيفة المناسبة لك بإذن الله و في يدك شهادة

لو قلت بتوظف : هل بعد فترة بـ تتيسر لك الظروف و تكمل دراستك ؟
فرضا ً تيسرت الظروف ، هل بـ يكون عندك الحماس ؟
فرضا ً كان فيه حماس ، هل سرعة استيعابك و قابليتك للتعلم أفضل الآن و أنت في أول شبابك و إلا بعد ما تمر كم سنة ؟

الحياة فرص و إذا هبت رياحك فـ إغتنمها ، فـ إن لكل عاصفة سكون

عموما ً هذا قرار الأخ
وأنا مجرد رأي ، ممكن يأخذهـ ، و ممكن ما يأخذ فيه

لكن ما نصحته إلا بما سـ أنصح به شقيقي

وفقك الله

انا عكسسسسسسسسسسسسسسسسسسسسسسهم كلهم ..

3200 مبتعث ماحصلو وظايف اذكر قريتها بجريده نسيتها بس كتبوها بقوقل تطلع مافيني حيل اجيب المصدر .. وصرح مسئول في وزارة العمل انه مو مستعدين يوظفون الكم الهائل من المبتعثين في الفترات القادمه ..




يازين اهلي والوظيفه الزينه عندهم ويازين الزواج وياشين من يجري ورى الدنيا يتعب ..


دام الراتب حلو وهو الوظيفه اللي تتمناها توكل على الله وروح لها ..

معا هذا كله يبقى رايي انا وكلن حر برايه ...

بالتوفيق اخوي لك بالبعثه او بالوظيفه

فعلاً استاذ بدر المحيا.. الحياه فرص.. واذا هبت الرياح على قولك. لازم يغتنمها.. وما قلته في ردي السابق ما كنت سأفعله أنا..
وفي النهايه موضوع توفيق من الله عز وجل..الله يوفقه ويوفقنا أجمعين..

ارجع بس لأهلك وبأسرع وقت