النصيحة لمن يملكها ضروري

أظن الجامعات في كندا قليلة جدا

أما في امريكاا ... أكثر من شعر رأسك

بالتوفيق

أختي الكريمة ......القبول إنشاء الله سهل في كندا ....أهم شي إنك تدوري على الجامعات إللي تبغيها و تشوفي متطلبات التخصص إللي تبغية ....و كلو في النهاية قسمة و نصيب

و لا تقوللي ما أعرف أراسل الجامعة ....أدخلي موقع الجامعة و أجليسي أبحثي في الموقع ...و ترجمي الكلمات إللي ما تعريفيها ..أو أسألي ...و أكتبي كل النقاط المهمة.....هذة الخطوة تعتبر أول خطوة في الإبتعاث و أول خطوة على الإعتماد على النفس...


خلي أملك بالله كبير ....و أعطي الثقة لنفسك إنك راح تجيبي القبول لنفسك بنفسك.....

good luck & take care

اذا معدلك عالي فلا تتخوفي من كندا

وبالنسبه للمراسله ماحد من الي بكندا جا عالم وكان عارف هالامور الكل تعلم هنا

وهذي حلاه الغربه تتعلمي اشياء ومهارات كثيره مو بس مجرد شهاده

change to Amaricaaaaaaaaaaaaaaaaaaaaaaaaaaaaa

انا عارفة ان الواحد بيتعلم في الغربة اشياء لكن خوفي من القبول للجامعة

من حيث ان تخصصي ليس متوفر بسهولة

ثاني شيء ما ادري الجامعات الي فيه يفبلوا فيها القبول المشروط

أهلين ياختي الله يوفقك ويسرامرك هدا اول شي تاني شي اذا عندك امكانية تغير غيري أنا من الدفعه الخامسة وزي ماقلتي ماكنت اعرف كيف اقدم بس الله يسعد اللي في المنتدي ماقصرو وأخص الدكتور سلطان الجميري الله ييسرله كل عسير بس الموضوع موسهل المهم راسلت في كل الجامعات اللي فيها تخصصي دكتور واستنا أسبوعين بعدين ارجع اغير الدكتور والله فيه ناس ترد وناس تطنش وناس ترسلني علا مكتب القبول تقول من هنا التقديم وفيه ٢ حطموني واحد قلي علا فكرة حتي لو تقبلتي من الجامعه مو معناته انك أكيد تقبلتي يمكن ماتلاقي مشرف فقلتله أوكي أنا عشان كدا أراسلك فقلي سوري أنا علا شهر سبتمبر الجاي مارح أخد انترنشينال والتاني ارسلي رد علا ايميلي قلي انت منتي اول وحدة مبتعثة فيه غيرك كثير ونحنا كل سنة تجينا ابلكيشن كثيييييرة وبس نقبل واحد واحيناا ولا احد ومع الايميل ايميلات سعودين مراسلين الدكتور ورده لهم أنا بصراحه انصدمت تقريبا خمسه معايا في نفس الايميل وبنفس الرد وطبعا الاسما كلها عربيه وبالاصح سعوديه وانا يافرحتي مرسلتله اسمي كامل ههههه المهم هدا اللي سار معايا والله يسر ليا ولك الخير بس علا فكرة الحمدلله معدلي عالي وعندي خبرات ومرتبة شرف كمان الحمدلله بس البعثات كثرت علا كندا والجامعات زي ماهيا فاللي في الدفعات السابقه يمكن كان سهل عليهم الموضوع لانو موكثير بس دحيييييين مررررررررة صعب السعودين المبتعثيييين كثير وأي احد مو مصدق اللي بقوله يقولي وارسله الايميلات لأني ماحدفت شي
وبالتوفيق مرة تانيه

راح أعطيكي المفيد...
غيري الدوله من الان أحسن لك.. لو انك بكالوريوس كات قلنا معليش بس ماستر روحي أمريكا أحسن لك..وشي زي هذا مافيه مغامره وقسمه ونصيب.. اشتري راحه بالك وحولي على امريكا لأنه هناك أكيد راح تلقي..
والله يوفقك

انا عارفة ان امريكا فيها التخصص واكثر من كندا واسهل لاني ماستر

لاني سالت فيها وجمعت المعلومات لكن غيرت الدولة عشان( المحرم )

ايش اسوي يعني مافي امل في كندا مع اني معدلي 4.69وابغى ماستر تغذية علاجية

والله ما ادري ليش صعبة كل هذي الصعوبة

اختي الكريمة من واقع تجربة شخصية لآشيئ صعب مع المحاولة وخصوصاً في كندا

نسبتك عالية ماشاء الله تبقى عليكي شيئ واحد فقط وهو درجة اللغة المطلوبة في الآيلتس او التوفل لكل جامعه

توكلي على الله وتعالي كندا مع المحرم وركزي على درجة اللغه في السنة الأولى والتقديم بتعرفي طريقته صدقيني في اقرب فرصة من وصولك

بتقدري تجيبي قبول من امريكا او استراليا وانتي موجودة في كندا ولو انتهت فترة اللغه بأسوأ الاحتمالات وانتي ماعندك قبول

تقدري تحولي الدولة بكل سهولة من كندا بالإتفاق مع الملحقية لا تأخذي قرار مصيري زي هذا من تجربة أشخاص غيرك

خذي قرارك وخلي طموحك عالي وان شاء الله راح توصلي لمرادك القبووووووول ليس مستحيل كما يصوره البعض خصوصاً

اذا اتبعتي الطريقة الصحيحة وثانيا معدلك عالي والأهم درجة اللغه المطلوبة ..... ببساطة اقولها لك..

في كندا كل جامعة عندها شروط معينة استوفيتي الشروط يعني "القبول في جيبك" غير كذا ليس مستحيل ولكن صعب وانا اتكلم من تجربة شخصية

الأمر يعتمد عليكي انتي بحماسك واجتهادك وتوفيرك لكل متطلبات الجامعة تستطيعي الحصول على القبول بكل سهولة

واي خدمة او استفسار معين انا حاضر...