الفيزا الكنديه رفض غريب

السلام عليكم ورحمة الله وبركاتة

اخي الفاضل (( سيف الود )) اسأل الله لك التوفيق والناجح

وتقبل الله صيامكم وقيامكم

اما بخصوص رفض الفيزا من الممكن الاطلاع على هذا الموضوع ولعلك تستفيد من خلاله


http://www.mbt3th.us/vb/forum107/thread159630.html

اما السبب الذي ذكرته بالفعل !! الكثير من الطلبة في الفترة السابقة تم رفض طلباتهم للفيزا

بهذا السبب ولا اعلم ما هو السبب اذا كنت طالب مبتعث فلا اعتقد ستواجه مشكله ولكن

الطلبة على حسابهم الخاص يطلب منهم العديد من المتطلبات والله ييسر امورك وييسر

لك استخراج الفيزا ،،،

والله ما ادري وش اقووولك ..

حتى انا مرفووض زيــك قبل اسبوع ... !! وتراااااا معاااهم امه محمد .!

يعني مو انت واخوياك ... كثيرين الي انرفضووا بنفس السبب ..

هم من يوم غيروا القنصيل الكندي الي عندنا في الرياض .. وهو معقد كل الأمور (( والعهده على الراوي يقولون اصله لبناني متجنس كندي ~~ وشاف الشعب السعودي طالع يتعلم على حاسب الدوله . الله يخليها لنا .)) شكله انقهر ... وحط حرته علينا ..

الله لا يوفقه إن شاء الله (( هذا وانا صايم الحين )) .
والوعـد في صلاه التراويح والقيام ..



تبي الصراحه مالك إلا حلين لا ثالث لهما :-

1- ترجع تقدم عليهم إلين ما يطفشووووووون من اسمك .
2- انك تغير الوجهه على أمريكا . اسهل بكثير جدا من السفاره النكديه ( الكنديه ) .


تقبل تحيات مواطن مرتفع ظغطه من السفاره النكديه ( الكنديه ) .

السلام عليكم

حاول تحصل على كشف حساب فيه مبلغ معقول

شكراً لكم اخواني على الحلول وبالنسبه لكشف الحساب ما اعتقد انه بيفيد لاني حاطلهم مبلغ
فوق المعقول بس مافيه فايده وبالنسبه لتغيير الى امريكا انا جهزت اوراقي وغيرت بالفعل
الى امريكا وبحاول اشتغل على الخطين بحيث ارسل مره ثانيه للسفاره الكنديه واكمل اجرائات
امريكا وطبعاً للمعلوميه انا طالع على حسابي واسئل الله التوفيق لي ولجميع اخواني المبتعثين
ومن يجد حل لهذه المشكله لايبخل علينا

والله اخوي هاذي السفارة نكد بكل ماتعنيه الكلمه يعني الواحد يروح امريكا او استراليا او بريطانيا او يوزلاندا افضل بمليون مرة من هاذي السفارة بس الحمدالله علي كل حال ,,,,,,,,,,,, شوف انا قدمت انا وصديقي واورقنا نفس الشي انا الحمدالله جاتني وصديقي رفضت بسبب تااافه وهوا نفس سببك ,؟؟؟؟؟ لكن قدم ثاني مرة واتوكل علي الله وصدقيني بتجيك انشالله بس حاول تزود المبلغ والحساب يكون نشيط وانشالله تظبط امورك ,,,,,,,, الله يسهلها

صارت لي نفس السالفه

وزودت المبلغ وجتني بعدها الفحص الطبي بـ 10 ايام

وبعدها بـ 15 يوم جتني الفيزا

السالفه مب مقتنعين عشان المبلغ مايكفي وبس

ترى سهلات

ببالتوفيق يارب

ربي يعينك اخي
غريبة مع انك بينتلهم مبلغ كبير!
بس يمكن فى المقابلة ما اقنعتهم ولا ما عملت المقبلة؟

السلام عليكم...
اخوي .. انا مستغرب بعد من كلاامك ..
مااظن السفارة الكندية تسوي مقابلات عشان تصدر الفيزا ؟!!
الي اذكر انو صاحبي طلع الفيزا من غير مقابلة .. ! وثاني شيء .. هو بعد طالع ع حسابه ,,

هل انت مقدم ع فيزة طالب ؟

لا مافيه مقابله وانا باذن الله بحاول مره ثانيه وانشاء الله خير
واشكركم على تعاونكم وانشاء الله تنحل المشكله باقرب وقت